ཀླུ་སྨྱོན།
—གྲོགས་པོ་གཞོན་ནུ་ཟླ་མེད་དང་ལྷན་རྩེད་མཚར་དུ་བྲིས་པ།
ཆོས་གྲོགས་ངེད་གཉིས་ལྡི་ལིར་འགྲོ་བའི་དུས། །
ཁྱེད་ཀྱིས་ཧིན་དབྱིན་ཆག་ཐོ་བརྒྱབ་པའི་དུས། །
དེ་ཡིས་ངེད་གཉིས་ལམ་ཁ་མ་ནོར་དུས། །
ང་ཡི་དཀོན་མཆོག་ཁྱེད་ཉིད་ཡིན་པའི་དུས། །
ལྡི་ལིའི་ཚ་བའི་ནང་དུ་བསླེབས་པའི་དུས། །
ཀོ་ལྷམ་རྙིང་གོག་གད་མོ་བགད་པའི་དུས། །
(འདི་ལྷ་ས་ནས་བློ་གྲོས་དཔལ་བཟང་གིས་སྤྲད་པ་ཡིན།)
ལྕགས་མཛེར་སུམ་ཅུས་གསེར་སོ་བཙུགས་པའི་དུས། །
(ཀོ་ལྷམ་གྱི་ཡ་མཆུ་མ་མཆུ་ལྷན་དུ་བཙེམས་པའི་དོན)
འུ་གཉིས་སྦག་སུའི་མགྲོན་ཁང་བསླེབས་པའི་དུས། །
ཨ་མྱེས་རྨ་ཆེན་ཚོགས་འདུར་ཞུགས་པའི་དུས། །
ང་ནི་ཁྱོད་ལས་རླུང་རྟ་བརྒྱུགས་ནི་རེད། །
རྒྱུ་མཚན་ནམ་མཁའ་རྡ་སར་ཡོད་ནི་རེད། །
ཁོ་ལ་སྡོད་ས་ཐེབས་ཆག་ཡོད་ནི་རེད། །
རྣམ་གྲོལ་ངེད་གསུམ་དེ་ནས་བསྡད་ནི་རེད། །
ཉིན་རེར་མི་དགོས་རྩོད་པ་བྱས་ནི་རེད། །
ཕྱི་དྲོ་མང་པོར་ཁ་བསྲེ་མེད་ནི་རེད། །
སྤོ་ངོ་བྱས་ནས་འཐེན་ཐུག་འཐུང་ནི་རེད། །
ཉལ་གོས་གཅིག་ནང་མཉམ་དུ་ཉལ་ནི་རེད། །
གཅིག་གི་ཤིག་སྲོ་གཅིག་ལ་འགོས་ནི་རེད། །
ལྡི་ལིར་ཨ་མདོའི་ཨ་ཅེ་ཡོད་ནི་རེད། །
མོ་ཡིས་ནམ་མཁར་གླང་ཤ་བསྐུར་ནི་རེད། །
རྒྱ་གར་ཁང་བདག་སྐྱག་ཁྲིམས་བཙན་ནི་རེད། །
གླང་ཉ་བྱ་གསུམ་ལྷ་རུ་རྩི་ནི་རེད། །
སྒོ་དང་སྒེའུ་ཁུང་ཚང་མ་བརྒྱབ་ནི་རེད། །
ད་རུང་ཉལ་གོས་སྒེའུ་ཡོལ་བྱས་ནི་རེད། །
ནང་ནས་གླང་ཤའི་འཐེན་ཐུག་འཐུང་ནི་རེད། །
རླངས་པ་ཚ་བོ་ནང་ལ་འཐིབས་ནི་རེད། །
འཐེན་ཐུག་ཞིམ་ཡང་ཚ་ནས་འབར་ནི་རེད། །
འདི་མོའི་གཏམ་རྒྱུད་ད་དུང་དྲན་ནི་རེད། །
ཀླུ་སྨྱོན་མེད་ན་ཁ་བརྡ་མི་སྙན་གིས།།
ཀླུ་སྨྱོན་མེད་ན་ཁ་བཙོག་ཀློག་རྒྱུ་མེད།།
ཀླུ་སྨྱོན་མེད་ན་རྩོད་གཞི་མང་པོ་མེད།།
ཀླུ་སྨྱོན་མེད་ན་ཕྱི་གསལ་ནང་གསལ་མེད།།
ཀླུ་སྨྱོན་མེད་ན་གནམ་གྱི་གྲང་དྲོད་མི་ཤིས།།
ལྐུ་སྨྱོན་མེད་ན་རྗེ་དེ་ཤི་ཉལ་མི་ཤིས།།
ཀླུ་སྨྱོན་མེད་ན་ཀླད་པ་དྭངས་གསལ་མེད།།
ཀླུ་སྨྱོན་མེད་ན་བློ་གྲོས་འཕེལ་ཁ་མེད།།
ཀླུ་སྨྱོན་མེད་ན་སེམས་ཀྱི་གདུང་དབྱངས་མེད།།
ཀླུ་སྨྱོན་མེད་ན་མཛེས་མའི་གཏམ་རྒྱུད་མེད།།
ཀླུ་སྨྱོན་ཡོད་ན་ཁ་མཚར་ཡོད་ནི་རེད། །ཀླྱུ་སྨྱོན་ཡོད་ན་དྲངས་བདེན་ཡོད་ནི་རེད། །ཀླུ་སྨྱོན་ཡོད་ན་མཇེ་གཏམ་ཡོད་ནི་རེད། །ཀླུ་སྨྱོན་ཡོད་ན་རྫུན་རྐུབ་རྡོལ་ནི་རེད། །
ཀླུ་སྨྱོན་ཡོད་ན་ཁ་བརྡ་བག་དང་ལྡན།།
ཀླུ་སྨྱོན་ཡོད་ན་རྩོད་པ་རྒྱག་རིན་མཆིས།།
ཀླུ་སྨྱོན་ཡོད་ན་གཏམ་ལན་གསན་འཇོག་གདའ།།
ཀླུ་སྨྱོན་ཡོད་ན་བློ་སྐྱེད་ནོར་བུ་རྙེད།།
འདོད་གཏམ་ཡོད་ན་ཀླུ་སྨྱོན་ཡོད་པས་ཁྱབ།།
གཅེར་བུ་ཡིན་ན་ཀླུ་སྨྱོན་མགུར་གྱིས་ཁྱབ།།
མཁའ་འགྲོ་ཡིན་ན་ཀླུ་སྨྱོན་བརྗོད་བྱར་ངེས།།
ངོམས་ཟོ་ཡོད་ན་ཀླུ་སྨྱོན་ངག་གིས་ཁྱབ།།།
གླང་ཉ་བྱ་གསུམ་ལྷ་རུ་རྩི་ནི་རེད། །
འདི།
གླང་ཉ་བྱ་གསུམ་ལྷ་རུ་རྩི་བགྱིད་རེད། །
བྲིས་ན་སྐྱོན་་ཐལ་ཅི་ཡོད་དམ།
ཀ་རྡོ་བ། ཁྱད་པར་གང་ཡང་མེད་རེད། གཉིས་ཀ་རང་གི་གྲོང་པའི་སྐད་རེད། བརྡ་དག་དང་ནི་གཉིས་ཀ་མི་མཐུན།
བརྡ་དག་དང་མཐུན་པ་དེ་གང་ཡིན་ནམ།
རྩི་གི་རེད། འདི་རེད། ཤེས་སོང་།།
སྨྱོན་པ་མང་བའི་རྡ་རམ་ས་ལ་རུ།
ལྷ་ཀླུ་གཙན་གསུམ་སྨྱོན་པ་མང་ལེ་རེད།
གནས་ཚང་བུ་མོའི་སྟེང་དུ་འཛེགས་པའི་དུས།
ཀླུ་ཡི་མིང་ཅན་སྨྱོན་པ་བཟང་ལེ་རེད།
གླང་ཉ་བྱ་གསུམ་ལྷ་རུ་རྩི་གི་རེད། །
ཅེས་པའི་ག་གི་གུ་གི་འདི་ཡིས་དུས་ད་ལྟ་བ་སྟོན་ཐུབ་བམ། མེ་དཀར་ལགས།
ཀླུ་སྨྱོན་ལགས་ཀྱི།
གླང་ཉ་བྱ་གསུམ་ལྷ་རུ་རྩི་ནི་རེད། །
འདི་ནི་ཨམ་སྐད་ཤེད་ཆེ་བ་དང་།
མེ་དཀར་ལགས་ཀྱི།
གླང་ཉ་བྱ་གསུམ་ལྷ་རུ་རྩི་གི་རེད། །
འདི་ནི་མ་དག་རྒྱུན་འཇགས་རེད།
ངའི།
གླང་ཉ་བྱ་གསུམ་ལྷ་རུ་རྩི་བགྱིད་རེད། །
འདི་ནི། ཡར་ཐོན་གསར་སྐྱེས་ཟེར་ན་མི་འགྲིགས་པ་མེད་སྙམ་ལགས།
བྱ་རྒོད་པོ་རྒས་ན་ཚང་དྲན་གི།
མྱི་དཔའ་བོ་རྒས་ན་ཡུལ་དྲན་གི།
གྲྭ་སྨྱོན་པ་རྒས་ན་གྲགས་དྲན་གི།
མ་བཟང་མོ་རྒས་ན་མྱི་དྲན་གི།
བུ་ང་རང་རྒས་ན་ཞོ་དྲན་གི།
དེ་འདྲ་མ་རེད་གྲོགས་པོ་ཚོ།
གླང་ཉ་བྱ་གསུམ་རྩི་འི་རེད། ཟེར་ནི་རེད། འདི་ཨ་མདོའི་འབྲོག་སྐད་རེད། དེ་ལ་རྩོད་པ་ཡོད་པ་མ་རེད། འབྲོག་སྐད་འབྲི་ན་འདོད་ན་འདི་ལྟར་ཕྲིས། གོ་སོང་ངམ། གང་དྲན་དྲན་མ་བྱས་ན་བཟང་།
ཀླུ་སྨྱོན་ཡོད་ན། དགའ་བ་ཡོད། སྐྱོ་བ་ཡོད། བདེན་པ་ཡོད། དྲང་གཏམ་ཡོད། ཁོང་ཁྲོ་ཡོད། ཁ་བརྡ་ཡོད། ཚེ་རིང་སྐྱིད་ཡོད། དེ་བས། སྙན་ངག་ཡོད་ལ། མིའི་ཡོད་ཚད་ཀྱི་ཡོད་ཚད་དེ། བརྩེ་བ་དང་། ལྷན་སྦྱོར། དེ་བཞིན། ཕོ་མཚན་མོ་མཚན་གྱི་རྟོག་བརྗོད་ཡོད།
ཀླུ་སྨྱོན་ཁ་བརྡ་ལ་མེད་ན། ཆོལ་ཁའི་སྡང་ཟུག་ཡོད་ལ། ཆོས་ལུགས་ཀྱི་ཐེན་ཁྱེར་ཡོད། ད་དུང་བོད་སྤྱི་གནོན་པའི་དུག་རྩོམ་མང་པོ་ཡོད་ལ། ཀླུ་སྨྱོན་ལ་སྡང་བའི་རྩོམ་ཡང་ཡོད་དོ།
རྒྱལ་བ་ཚངས་དབྱངས་རྒྱ་མཚོ་དང་མགུར་གླུ། ཁྲེ་སྒོར་དང་དད་པའི་གླུ། རྒྱལ་བ་བསྟན་འཛིན་རྒྱ་མཚོ་དང་སྙིང་རྗེ། དེ་བཞིན་ཀླུ་སྨྱོན་དང་བདེན་པའི་སྙན་ངག་བྲལ་དུ་མེད་ལགས།
ཀླུ་སྨྱོན། སྨྱོན་པའི་འཇིག་རྟེན་འདི་ན། དྲང་པོར་འཚོ་བའི་སྨྱོན་པ་གཅིག་པུ་ལགས།
ཁ་སང་རིགས་པའི་དགོངས་གཏེར་རྡོལ་ནི་རེད་།
དེ་རིང་གླང་ཤའི་འཐེད་ཐུག་གླེང་ནི་རེད་།
སང་ཉིན་ཅི་ཞིག་ཐོན་རྒྱུ་ཤེས་ནི་མེད་།
རྒུག་ནས་སྡོད་པ་ཀུན་གྱི་ལས་དབང་རེད་
ཀླུ་སྨྱོན་ཀླུ་སྨྱོན་མ་རེད། ལས་མེད་ལས་མེད་ཀླུ་སྨྱོན།
སྙན་ངག་སྙན་ངག་ཡིན་མདོག གང་གང་བྱུང་བྱུང་བྲིས་ནས།
ཨམ་སྐད་མང་མང་བསྲེས་ནས། འཇོན་འཇོན་མདོག་མདོག་མ་བྱེད།
ཀླུ་སྨྱོན་སྙན་ངག་གེ་སར་སྒྲུང་རིང་འདྲ།།
བཤད་ཀྱང་བྲིས་ཀྱང་ནམ་ཡང་རྫོགས་པ་མེད།།
ཀླུ་སྨྱོན་མཇེ་ངན་ལ་ཕུག་གཉིད་པ་འདྲ།།
གཅིན་པ་གཏོང་བྱེད་ཙམ་ལས་ཕན་ཐོག་མེད།།
རྒན་རབས་སྙན་ངག་པ་ཀླུ་སྨྱོན་གིས་བྲིས་བའི་ཁ་སྐད་གི་སྙན་ངག་འབྲི་སྟངས་འདི་རིགས་ཡག་པོ་འདུག
ཁ་བརྡ་དྲ་བའི་ཁུགས་སོ་ཉུལ་བའི་དུས།།
ཨ་ཁུ་ཀླུ་སྨྱོན་མེད་ན་སྟོང་པ་རེད།།
ཀུ་རེ་མཚར་གཏམ་འདྲིས་མ་དྲང་མོའི་གཏམ།།
ང་མིན་སུ་ལའང་མཐོང་བའི་འདོད་པ་ཆེ།།
གོང་གི་མཆན་གཉིས་པ་འབྲི་མཁན་དེས་ངའི་མིང་ཐོག་ནས་འབྲི་བཞིན་འདུག་པས་རྣམ་པ་ཚོ་སུ་ཡིན་ན་རེ་སྐུལ་ཞུས་པ་ཡིན་ཕྱིན་ཆད་མི་འབྲི་རོགས་ཞུ།
ངས་ཀླུ་སྨྱོན་གྱི་མི་ཚེའི་སྐོར་ལས་བླངས་པའི་རྟོག་སྒྲུང་ཞིག་འབྲི་རྩིས་ཡོད། གཤམ་གྱི་དུམ་བུ་དེ་ཁྱབ་བསྒྲགས་ཀྱི་དོན་དུ་ཡིན།
“དེ་ནས། ཀླུ་སྨྱོན་གྱིས་སྒྲུང་བྲིས། སྙན་ངག་བྲིས། མངོན་འགྱུར་དང་ལྐོག་འགྱུར་གྱི་རྣམ་པ་སྣ་ཚོགས་སྤྱད་ནས། རང་གི་སྙིང་དཀྱིལ་ན་ཡོད་པའི་ཚེ་རིང་སྐྱིད་ལ། རང་ལས་ཟབ་པའི་བརྩེ་བ་སྤྲོད་མཁན་གྱི་གི་དོ་ཟླ་མེད་པ་བཟོས། དེ་འཇིག་རྟེན་ཀུན་གྱིས་ཤེས། བོད་ལ་ལུང་ཁུག་དགོན་པ་ཆུང་ཆུང་དེ་ཚོའི་ཁྱམ་རའི་ནང་གི་གྱང་སྟེང་ལ། “ཀླུ་སྨྱོན་ཚེ་རིང་སྐྱིད་ལ་དགའ།”ཟེར་བ་མཐོང་རྒྱུ་ཡོད་ལ། འཛམ་གླིང་ཀུན་གྱི་དུས་གཅིག་ཏུ་ལྟ་ཐུབ་པ་འི་མེ་ལོང་ཁ་བརྡ་ལྟ་བུའི་དྲ་རྒྱའི་སྟེང་ལ་ཡང་། ཚེ་རིང་སྐྱིད་ཟེར་ན་ཀླུ་སྨྱོན་ཡིད་ལ་འོང་བ་དང་། ཀླུ་སྨྱོན་གླེང་ན་ཚེ་རིང་སྐྱིད་གང་འདྲས་འདུག་ཟེར་བ་ཞར་ལ་ཁ་ནས་ཤོར་འགྲོ་བ་སོགས་བྱུང་།
སྟབས་མ་ལེགས་པ་ཞིག་ལ། ལོ་དེའི་སྟོན་ཁར། ཚེ་རིང་སྐྱིད་ལ་རླངས་འཁོར་གྱི་བརྡབ་སྐྱོན་བྱུང་ནས། ཁོ་མོར་སྲོག་ལ་ཉེན་ཁ་མེད་ཀྱང་སེམས་ལ་སྡུག་བསྔལ་ཆེ་བའི་བརྡབ་ཆག་ཤིག་ཕོག་ནས། ཕྱི་ལ་འགྲོ་མ་ཐུབ་པའི་དཀའ་ངལ་ཞིག་འཕྲད་པའི་ཚེ། གཏམ་ངན་པ་འདི་ཨ་རིའི་རླུང་འཕྲིན་ཁང་དང་། བོད་ཀྱི་དུས་བབ། དེ་བཞིན་གསར་རྡོར་དྲ་རྒྱ་སོགས་ཀྱི་ནང་ལ་འུར་འུར་གྱིས་བསྒྲགས། གསར་འགྱུར་གྱིས་བཤད་ན། ཚེ་རིང་སྐྱིད་དང་ཁོ་མོའི་ཟླ་གྲོགས་དབར་ལ་དཀའ་ངལ་འཕྲད་བཞིན་པའི་སྟེང་ལ། ཉིན་ཞིག་ཁོ་མོ་སྔོན་བརྡ་མེད་པར་ཟླ་གྲོགས་ཀྱི་སར་འགྲོ་སྐབས། ཁོ་པ་བུད་མེད་གཞན་ཞིག་དང་མཉམ་དུ་རོལ་བ་མིག་གིས་མཐོང་ནས། སེམས་ལ་བཟོད་དཀའ་བའི་སྡུག་བསྔལ་བྱུང་ནས། རླངས་འཁོར་ཁ་བཅུས་ནས་ལོག་ཡོང་སྐབས། ལམ་བར་བརྡབ་སྐྱོན་ཞིག་བྱུང་བར་གྲགས།
གསར་འགྱུར་གྱི་རྒྱུད་ལམ་སྟེང་ལ་མི་མང་པོས་ཚེ་རིང་སྐྱིད་ཀྱི་སྐོར་ལ་གཏམ་གླེང་སྣ་ཚོགས་བྱས། ལ་ལས་ཁོ་མོ་ཆང་ལ་མྱོས་ནས་བརྡབ་ཆག་བྱུང་ཟེར་བ་དང་། ལ་ལས་སྔོན་གྱི་ལས་རེད་ཟེར་བ། ལ་ལས་སྙིང་རྗེ། བོད་པའི་མེ་ཏོག་ལྟ་བུའི་བུ་མོ་འདི་ཟེར་། འོན་ཀྱང་མི་ཚང་མས་ཀླུ་སྨྱོན་གྱི་སྐྱོ་རྩོམ་རིང་མོ་ཞིག་སྒུག་ནས་ཡོད་པ་ནི་ཁ་བརྡ་ལས་ཤེས་ཐུབ། “ཀླུ་སྨྱོན་གང་ན་ཡོད།”ལྟ་བུ་དང་། “ཁོ་རེ་ཀླུ་སྨྱོན། ད་ཁྱོད་ལ་སྙིང་ཞིག་དང་ལས་རྒྱུ་འབྲས་ཤིག་ཡོད་ན། ཚེ་རིང་སྐྱིད་ལ་སེམས་གསོ་བའི་སྙན་ངག་ཞིག་བྲིས”ཟེར་བ་ལྟ་བུ་མང་པོ་མཐོང་རྒྱུ་ཡོད།
གློ་ཡུལ་ལས་འདས་པ་ཞིག་ལ། མ་རེད། སྔར་ནས་ཤེས་ཐུབ་པ་ཞིག་ལ། ཀླུ་སྨྱོན་ནི་སྔར་ནས་ཨ་རིའི་སེར་ཡུལ་གྲོང་ལ་མཐོང་རྒྱུ་མེད་ལ། ཁོང་ནི། ཝ་ཤིང་ཀྲོན་ལ་ཚེ་རིང་སྐྱིད་ཀྱི་ཉེ་སར་ཁང་པ་ཞིག་གཡར་ནས། ཉིན་ལྟར་ཞོགས་པ་ཁྲོམ་ནས་འོ་མ་དམ་བི་གང་དང་། བག་ལེབ་གཉིས། ཞོ་ཕོར་པ་གང་ཚེ་རིང་སྐྱིད་ཀྱི་སྒོ་འགྲམ་ལ་བཞག ཁོ་ལས་ཀར་སོང་། ཉིན་དགུང་བར་གསེང་ལ། བག་ལེབ་དཀྱིལ་ལ་ཚལ་དང་ཤ་ཡོད་པའི་ཟ་མ་ཞིག་ཚེ་རིང་སྐྱིད་ཀྱི་སྒོ་ཁར་བསྐྱལ། དགོངས་མོ་རྒྱ་མིའི་ཚོད་མ་དང་འབྲས་མཉམ་བསྲེས་སྐྱི་ཟ་མ་ཞིག་དང་རྒུན་ཆང་དམར་མོ་དམ་བི་ཆུང་ཆུང་ཞིག་སྒོ་འགྲམ་ལ་བཞག
ཚེ་རིང་སྐྱིད་ཀྱི་ཀླུ་སྨྱོན་གྱིས་བཞག་པའི་སྒྲ་དེ་ཐོས་འཕྲལ། ཡུན་ཙམ་སྒུག ཁོ་པ་ཕྱིན་པའི་རྗེས་ལ། ཟ་མ་དེ་དག་ལེན། ཁོང་གཉིས་ངོ་ཐུག་མེད་པར་འདི་ལྟར་ཟླ་བ་དྲུག་ཙམ་སོང་མོད།
ཉིན་ཞིག་ཀླུ་སྨྱོན་གྱིས་སྔར་བཞིན་ཟ་མ་དང་བོད་ཡིག་ཚགས་པར་ཞིག་སྒོ་ཁ་དེར་འཇོག་རྩིས་བྱེད་སྐབས། ནང་ནས་སྒྲ་ཤིག་འོངས། “ཨ་ཀླུ། ཟ་མ་འཇོག་དགོས་ནེ་མ་རེད། ང་ཡག་པོ་དྲག་འདུག ད་ཁྱེད་སེར་ཡུལ་གྲོང་ལ་ལོག་ཕེབས།”ཟེར།
ཀླུ་སྨྱོན་གྱིས་ཅི་ཡང་མི་སྨྲ་བར། ཟ་མ་དེ་དག་བཞག སྒོ་ཁར་ཐ་མག་ཞིག་ལ་མེ་སྒྲོན་ནས། ཅུང་ཙམ་ངལ་གསོ་བྱས། ཚེ་རིང་སྐྱིད་ཀྱི་སྒོ་ཁ་དེའི་ནང་ནས། ཐ་མག་གི་དྲི་མ་ཐུལ་བ་དང་ཁོ་ཕྱིན་མེད་པའི་སྒྲ་ཞིག་གོ། “ཁྱེད་ད་ཐ་མག་བཞེས་ཀྱིད་ཡོད་དམ།” གྲ་ཆས་གྱོན་ཡོད་དམ་ཟེར། ཀླུ་སྨྱོན་གྱིས་བསུན་སྣང་ལྟ་བུས། “གྲ་ཆས་སྔོན་མ་ནས་དོར་ཟིན།” ཟེར།
“ཅིའི་ཕྱིར”
“ལས་ཀར་སྟབས་བདེ་པོ་མིན་འདུག”
“ལས་ཀ་ཅི་བྱེད།”
“རླངས་འཁོར་གཏོང་གི་ཡོད།”
“ཁྱེད་ངའི་ཆེད་དུ་ཡིན་གྱི་མ་རེད།”
“མིན།”
“འོ་ན།”
“མི་ཤེས།”
“ཁྱེད་ད་དུང་སྙན་ངག་འབྲི་བཞིན་ཡོད་ན།”
“མེད། སྔ་ས་ནས་དོར་ཟིན།”
“ཁྱེད་ང་ཡང་སྔ་ས་ནས་དོར་ཟིན་མེད་དམ།”
“ཡིན།”
“ཁྱོད་ལས་འབྲས་མེད་མཁན།”
“ད་ཅི་ཟེར་མ་སྡོད། ཁྱོད་ངལ་གསོ་རྒྱོབ། ང་འགྲོ་གི་ཡིན།”
“ཁྱོད་སྒུག་དང་། ང་ལ་སྐད་ཆ་ཤོད་རྒྱུ་ཡོད།”
“ད་ཤོད་དགོས་མ་རེད། ཉན་འདོད་ཀྱང་མིན་འདུག བདེ་མོ།”
“འོ་ན་དེ་རིང་ནས་ང་ལ་ཟ་མ་ཁྱེར་མི་དགོས། ངའི་སྒོ་ཁར་ཡོང་མི་ཆོག ཁྱོད་མི་མ་རབས་ཅན།”
“ཡ་བདེ་མོ།”
སང་ཞོགས་ཀླུ་སྨྱོན་གྱིས་སྔར་བཞིན་ཚེ་རིང་སྐྱིད་ཀྱི་སྒོ་འགྲམ་ལ་ཞོགས་ཟས་དེ་དག་བཞག ཁོ་པ་ཁ་ཕྱིར་སྐོར་ནས་འགྲོ་རྩིས་བྱེད་སྐབས། ནང་ནས་སྒྲ་ཞིག་ཐོན་ཡོང་།
“ཨ་ཁུ།”
“ཟ་མ་དེར་ཡོད། གོན་རྒྱུ་ཁ་ཤས་ཉོས་ཡོད། ཡོད་བློ་ལ་ཐད་མིན་མི་ཤེས། མི་ཐད་ན་གཡུགག།”
“ཁྱེད་ང་ལ་སྐད་ཆ་ཤོད་ཁོམས་ཨེ་ཡོད།”
“མེད། ལས་ཀར་འགྲོ་དགོས།”
“ཁྱེད་སྒུག་དང་།”
“བདེ་མོ།”