ལོག་སྨྲ་ཚར་གཅོད།
གང་གི་སྐུ་ལ་ལྷམ་མེ་ལྷན་ནེ་ལྷང་ངེར་གསོལ་བའི་ཆོས་གོས་གསུམ།།
ལྷབ་ལྷུབ་འཆང་སྟེ་མུ་མེད་འགྲོ་ལ་དྲང་སྲོང་ཆེན་པོའི་སྣང་བ་སྦྱིན།།
དམར་སེར་ངུར་སྨྲིག་གོས་ཀྱིས་བགོས་པའི་གྲངས་མེད་འབུམ་ཕྲག་ཚོགས་ཀྱིས་བསྐོར།།
ཐུབ་པའི་གཙོ་འཁོར་གངས་རིའི་ལྗོངས་སུ་ལན་གཅིག་སླར་ཡང་བྱོན་དང་མཚུངས།།
རྩེ་མོ་ཕྲ་ལ་ཁོག་ཡངས་ཆེ་བའི་པཎ་ཞྭ་སེར་པོ་དབུ་ལ་མཛེས།།
ཞྭ་སེར་འཆང་བའི་བསྟན་འཛིན་ཀུན་ནས་གསེར་རིའི་དབུས་ན་ལྷུན་པོ་བཞིན།།
བཅུ་ཕྲག་བཅུ་པའི་འཇམ་མགོན་བླ་མའི་གསེར་ཁྲི་སྟེང་གི་ཉི་མ་ཁྱེད།།
རྒྱ་མཚོའི་གོས་ཅན་གང་དུ་གཤེགས་ན་ཞབས་རྡུལ་རེ་ཡང་འགྲོ་བའི་རྟེན།།
ཁྱེད་ཀྱི་ཞལ་ནས་རྟེན་འབྱུང་སྟོང་དང་ཟབ་གསལ་གཉིས་མེད་ལྷང་ལྷང་སྒྲོགས།།
གྲངས་མེད་འགྲོ་ལ་ཚངས་པའི་དབྱངས་ཀྱིས་བདེན་བཞི་རང་དབང་འདོམ་པར་མཛད།།
རྒྱན་དྲུག་མཆོག་གཉིས་གཞུང་དོན་འབྱེད་ལ་ཡབ་རྗེ་ཉིད་དང་གཉིས་མེད་ཁྱེད།།
གང་ཐུགས་མཁའ་དབྱིངས་དག་པའི་ངོས་ན་ཇི་ལྟ་ཇི་སྙེད་ཉི་ཟླ་གསལ།།
རྟོག་གེ་བ་ཡི་རྒོལ་བ་དག་གིས་ལན་བརྒྱར་བརྒལ་ཡང་ཁྱེད་ཀྱི་དམ་བཅའ་རྡོ་རྗེ་བྲག།།
བྱང་ཆུབ་ཕྱོགས་ཀྱི་སོ་བདུན་ནས་བཟུང་མ་འདྲེས་ཆོས་ནི་བཅོ་བརྒྱད་བར།།
ཐུགས་ལ་མངའ་ཞིང་རྒྱུད་སྡེ་རྒྱ་མཚོའི་ཕ་མཐར་སོན་ཏེ་རིམ་གཉིས་ཀྱི།།
རྣལ་འབྱོར་ལ་ནི་འོད་གསལ་སྒྱུར་ལུས་ཟུང་འཇུག་ཁ་སྦྱོར་བདུན་ལ་རེག།།
གངས་ཅན་མགོན་པོའི་གསུང་གི་བདུད་རྩི་ངོམ་མེད་ཡིད་ཀྱི་བུམ་པར་བསྟིམས།།
དམ་སྲི་དོལ་རྒྱལ་དད་རྟེན་བྱེད་པའི་དམ་ལོག་པ་རྣམས་ཐལ་བར་བརླགས།།
རྒལ་འགོང་རྡོ་རྗེ་ཤུགས་ལྡན་འགོག་ལ་ཁྲི་ཆེན་ངག་དབང་མཆོག་ལྡན་བཞིན།།
རྣམ་དཔྱོད་ལེགས་ཉེས་ཤེས་རབ་ལྡན་པའི་དགེ་ལྡན་པ་ཚོར་ལམ་འཕྲང་བསངས།།
གང་གི་སྐུ་ལུས་རྟག་འཛིན་ཅན་ངོར་ཆོས་ཀྱི་དབྱིངས་སུ་བསྡུས་སྐབས་སུའང།།
བཅུ་ཕྲག་གཉིས་རིང་ཆོས་སྐུ་རྡོར་རྗེ་འོད་གསལ་དབྱིངས་སུ་ཐུགས་དམ་བཞུགས།།
ཆོས་བྱེད་པ་རྣམས་ཡིད་ཆེས་རྙེད་དེ་འགོག་མེད་མིག་ཆུ་ལྷུང་ལྷུང་འབེབས།།
ནང་པའི་ཆོས་ཀྱི་མཐོང་ཆོས་འབྲས་བུ་གོ་ལའི་ཁྱོན་འདིར་ལྷང་ལྷང་བསྒྲགས།།
དངོས་གཙོ་སྨྲ་བའི་རིག་གསར་བ་རྣམས་རེ་ཞིག་མགོ་བོ་རྨོངས་སུ་འཇུག།།
གངས་ཅན་མགོན་པོས་གསུང་གིས་བསྐུལ་ཏེ་སྐུ་གདུང་འགྲོ་བའི་མཆོད་རྟེན་གྱུར།།
དོན་གྱི་སླད་དུ་མཚན་ནས་རྨོས་ན་རྗེ་བཙུན་བློ་བཟང་ཉི་མ་ལགས།
དམ་པ་དེ་ལ་རྟོགས་བརྗོད་མེད་ན་གངས་ལྗོངས་སྨྱུག་འཛིན་མང་ནའང་ཅི།།
མགོན་པོ་གང་ཉིད་ཝཱ་རཱ་ཎ་སཱིར་སློབ་གཉེར་ཚུལ་བཞེས་དུས།
རྟག་ཏུ་ཞི་འདུལ་ཚུལ་དུ་བཞུགས་པའི་དགེ་སློང་ཞིག་ཏུ་མཇལ།
རྒྱ་གར་མཁན་པོ་འཇིག་རྟེན་མགོན་པོས་གཞུང་ཆེན་ངག་རྒྱུགས་བཞེས།
དགའ་ལྡན་ཁྲི་ཐོག་བརྒྱ་པའི་གསུང་སྐད་སྒྱུར་བར་སྐལ་བ་བཟང་།།
་
ལོག་སྨྲ་ཚར་གཅོད་ལེགས་ཀྱིས་སྙན་ཅིང་འཇེབས་པའི་རྩོམ་ཡིག་ལ་རྗེས་ཡི་རང་། གསར་བ་ རྟོག་གེ་བ། གཞུང་དཔེ་ཕལ་ཆེ་བ་དག་པ་རྣམས་ན། གསར་པ། རྟོག་གེ་པ། ཞེས་པ་མཐོང་ངོ་། ། རྡོར་རྗེ་
དགའ་ལྡན་ཁྲི་ཐོག་བརྒྱ་པ་རྗེ་བཙུན་བློ་བཟང་ཉི་མ་མཆོག་དྷ་སར་རྣམ་རྒྱལ་གྲྭ་ཚང་དུ་ཕེབས་དུས་ང་མཚན་ཉིད་སློབ་གྲྭར་མངོན་རྒྱན་ལོ་རིམ་གསུམ་པ་མིན་ནའང་གཉིས་པ་ཙམ་ཡིན་སྙམ་ཡང་གསལ་པོ་ཏང་མི་དྲན། དཔེ་ཆ་ཐང་མ་ཁ་ཤས་ཙམ་འཁྲིད་ཐོབ་བྱུང་བ་དང་། ལྷག་པར་དུ་ཐོག་མར་གསོ་སྦྱོངས་ཀྱི་མདོ་འདོན་དུས་མཇལ་བྱུང་བ་དེ་དུས་ད་ལྟ་ཡང་མིག་ལམ་དུ་གསལ་བོར་མཇལ་ཞིང་མཆིས་ལགས། དགེ་བསྟན་ཡུན་རིང་གནས་འགྱུར་ཅིག །
བལ་ཡུལ་དགེ་ལྡན་སྨོན་ལམ་ཆེན་མོའི་ཚོགས་མགོན་དུ་ཕེབས་ནས་ཀོ་པན་དགོན་དུ་སྐྱེས་རབས་སོགས་ཀྱི་ཆོས་ཆར་བསྙིལ་དུས་བདག་ཀྱང་འཁོར་གྱི་གྲལ་མཐར་འཁོད་དོ།། ཆིབ་སྒྱུར་སྐབས་བདག་གིས་བླངས་པའི་འདྲ་པར་ཞིག་ཀྱང་ད་དུང་དད་རྟེན་དུ་ཉར་ཡོད་དོ།།
གསལ་པོ་ཏང་མི་དྲན། གསལ་པོ་རང་མི་དྲན།
གསོ་སྦྱོངས་ཀྱི་མདོ་འདོན་དུས་ གསོ་སྦྱོང་གི་མདོ་འདོན་དུས་
འདི་ཚོ་དག་ཆ་ནོར་བ་འདྲ་དགོངས་དག་ཞུའོ། །
བོད་ཀྱི་བླ་སྤྲུལ་ཚང་མ་ཁོང་འདྲ་བོ་རྐྱང་རྐྱང་ཡིན་ན་དད་པ་དང་ཡིད་ཆེས་མེད་མཁན་སུ་ཡོད་
མཁྱེན་རབ་མཚུངས་མེད་ཀླུའི་དགོངས་པ་བརྙེས།།
བརྩེ་བ་ཕུལ་བྱུང་བྱམས་པའི་དམ་བཅའ་འཛིན།།
ནུས་མཐུ་སྟོབས་ལྡན་གསང་བདག་འཕྲིན་ལས་མངའ།།
འཇམ་མགོན་སྨྲ་བའི་ཉི་མ་རྒྱལ་གྱུར་ཅིག།
ངས་གསང་དབང་ཞིག་བཤད་ཆོག ད་བཤད་ནའང་ཚང་མས་ཤེས་ཀྱི་ཡོད་ཤག དགེ་ལྡན་ཁྲི་རིན་པོ་ཆེ་མ་གཤེགས་གོང་ལ་སྨན་ཁང་ནས་གོང་ས་མཆོག་ལ་སྐྱབས་ཞུ་ཕུལ་འདུག དེའི་ནང་ལ་ཁོང་སྨན་ཁང་རང་ལ་སྐུ་བསྡུ་རྩིས་ཡོད་པ་ཁོད་ཡོད་སྐད། གོང་ས་མཆོག་ནས་དེ་འགྲིག་གི་མ་རེད། ངེས་པར་དུ་ཐུགས་དམ་ལ་ཞུགས་དགོས་ཚུལ་དང་། དེ་ཡང་དགོན་པར་ལོག་ཕེབས་ནས་གཤེགས་ན་ཚང་མར་ཕན་པ་ཡོད་ཚུལ་བཀའ་ཕེབས་འདུག ཞབས་ཕྱི་ཚོས་ཁོང་སྨན་ཁང་ནས་དགོན་པར་གདན་འདྲེན་ཞུས་འདུག གཤེགས་མ་ཐག་སྙན་གསོལ་ཞུ་སྐབས། གོང་ས་མཆོག་ནས་ཚན་རིག་པ་ཚོར་ལན་བཏང་ནས། ལྷོ་ཕྱོགས་ལ་ཁྲི་རིན་པོ་ཆེ་ཐུགས་དམ་ལ་ཞུགས་ཡོད། ཁྱོད་ཚོ་བརྟག་དཔྱད་བྱེད་དགོས་ན་ད་གོ་སྐབས་ཐོན་སོང་གསུངས་འདུག སྐབས་དེ་དུས་ཚན་རིག་པ་ཚོས་འཕྲུལ་ཆས་མང་པོ་ཞིག་བདེ་ལེགས་སྨན་ཁང་ལ་བཞག་ཡོད་པ་དེ་མགྱོགས་མྱུར་དབོར་ནས་ཁོང་གི་ཐུགས་དམ་ཞུགས་ཡུན་རིང་གི་ཕུང་པོར་གློག་གི་ཐོག་ནས་བརྟག་པ་མང་པོ་བྱས་ཡོད་པ་དང་། དེའི་སྐོར་ལ་ཕ་རན་སིའི་ཀླད་རྩའི་ཚན་རིག་པ་ཚོས་སྙན་སྡོམ་ཞིག་འབྲི་བཞིན་ཡོད་ཚོད་ཟེར། སྐབས་དེ་དུས་སྤྱི་ཟླ་དང་པོའི་ནང་ལ་ཡིན་ཞིང་། རྒྱ་གར་ལྷོ་ཕྱོགས་ལ་ཚ་བ་ཆེན་པོ་ཡོད་སྟབས། ཞབས་ཕྱི་ཚོ་སྐུ་ཕུང་ནས་དྲི་མ་ཐོན་མ་ཡོང་སྙམས་ནས་སེམས་ཁྲལ་བྱུང་ཟེར་བ་གོ་མྱོང་། གནས་ཚུལ་བདེན་མིན་གཞན་གྱི་དཔྱད་པ་གནང་རོགས། གུས་པར་འདིའི་སྐོར་ལ་ཕྱི་རྒྱལ་གྱི་གནས་སྐོར་བ་ཞིག་ནས་གསུངས་བྱུང་།
ངས་དངོས་སུ་བླ་མ་ཐུགས་དམ་བཞུགས་པ་མཇལ་བ་གཅིག་པུ་དེ་ནི། ཁུ་ནུ་བླ་མ་རྒན་རིག་འཛིན་བརྟན་པ་ཁོང་དྷ་སར་སྨྱུང་གནས་ལྷ་ཁང་གི་གཟིམ་ཤག་ཏུ་ཉིན་གསུམ་ཙམ་བཞུགས་ར་པགྲགས་པའི་སྐབས་སུ་མཇལ་མྱོང་བ་དེ་ཙམ་མོ། །
གསེར་ཁྲི་དངུལ་ཁྲི་ལ་འགྱིང་ཞིང་།། ཐེར་གཟན་ཐེར་ཤམ་གྱིས་གཏུམ་པའི།། སྐྱེ་འགྲོའི་སྐྱབས་གནས་སུ་འབོད་པའི།།
བླ་ཆེན་མཁན་ཆེན་ལ་གྲངས་མེད།། ལྟོ་སྐྱ་གོས་ཧྲུལ་ལ་མོས་ཤིང་།། ཉམས་ཐག་སེམས་ཅན་ལ་དུང་བ།། རླབས་ཆེན་གཞུང་ཆེན་གྱི་བདག་པོ།། ཁྲི་ཆེན་ཁྱེད་ཉིད་ཙམ་ཡིན་ནོ།། ཞིང་ཁམས་བདེ་དྲོད་དེ་ཆེ་ཞིང་།། དཀྱིལ་འཁོར་གུ་ཡངས་ཞིག་ཡོད་ཀྱང་།། ལྷག་ལུས་གདུལ་བྱ་དག་ཆེད་དུ།། སྤྱན་ཟུང་གཡོ་ཙམ་ཞིག་མཛད་རོགས།།
༄༅།་ཁ་རྡ་ལས་བྱེད་ཡོངས་ལ་ཙམས་དྲི་བཀྲ་ཤིས་བདེ་ལེགས་ཞུ་རྒྱུ་དང་བཅས།
བླ་མ་ཞིག་ཡིན་ཚུན་སྐྱོན་ཡོན་ལ་མ་བརྟག་པར་དད་དགོས་པ་གལ་ཆེ།
དགེ་སྦྱོང་སྐུ་བགྲེས་ཁོང་ལ་གུས་ཞབས་ཞུ།།
ཐུགས་དམ་ཟེར་བའདི་དིང་སང་ fashion ཆགས་འདུག ཡག་རྟགས་རེད།
ཧ་ཧ་ཧ་མེ་དཀར་གྱིས་གནད་ལ་འཁེལ་བའི་ཚིག་ཅིག་གསུངས་སོང་། །དེང་བོད་འབྲུག་མི་མང་གི་ཁྲོད་དུ་ཐུགས་དམ་བཞུགས་མཁན་ཇེ་མང་རེད་འདུག། ཕལ་ཆེར་ཐུགས་དམ་བཞུགས་པའི་དགོས་པ་འདྲ་ཤེས་ན་ཐུགས་དམ་བཞུགས་མཁན་ཇེ་ཉུང་ཆགས་སྲིད། བསོད་རྒྱལ་རིན་པོ་ཆེའི་འཆི་བ་དང་འཚོ་བ་ཞེས་པའི་དེབ་ནང་དུ་ཐུགས་དམ་བཞུགས་པ་དེ་ཚེ་འདིར་ལམ་མཐོང་མ་ནུས་པར་བརྟེན་བར་དོར་ལམ་འཚོལ་བ་རེད་ཟེར་བ་འདྲ་ཞིག་གསུངས་འདུག། མ་ཟད་ཐུགས་དམ་བཞུགས་མཁན་ཚང་མ་ལམ་ཀ་ཡར་འགྲོ་བའི་ངེས་པ་མེད་ཅིང་ལམ་ཀ་ནོར་སྲིད་པ་ཡང་རེད་ཅེས་གསུངས་འདུག། བསོད་རྒྱལ་བའི་གསུང་དེ་བདེན་ན་ཐུགས་དམ་བཞུགས་མཁན་ཚང་མ་ལ་ཡ་མཚན་དགོས་པ་ཞིག་མིན་འདུག།
ངས་སྔ་ནས་ཤེས། ད་དུང་རིང་སྲེལ་ཡང་ཡོད། ཟེར་སྲོལ་ལ། ཕག་རིང་སྲེལ་ཅན་གྱི་ཤ་ཟ་ན། ཤི་དམྱལ་བ་མི་འགྲོ་ཐེ་ཚོམ་མེད། ཅེས་པའང་ཐོས་སོ།།
དྲག་ཤོ་ཨུ་ར་ཀརྨ་ཕུན་ཚོགས་ལ་མནའ་མེ་ས་མེ་དགའ།
ལོག་འགྲེལ་མ་གྱིས། དད་གུས་དག་སྣང་སྦྱོངས།
ང་ཆུང་དུས་ཡབ་དང་ལྷན་དུ་ཡར་མར་འགྲོ་དུས་གཤིན་པོ་རེ་འགའ་ཐུགས་དམ་ལ་བཞུགས་པ་རེད་ཟེར་ནས་མི་མང་མཇལ་བ་དང་དར་ཁ་འཐེན་པ་སོགས་བྱེད་ཀྱིན་འདུག དེའི་ནང་ནས་རེ་འགའ་ད་དུང་གསལ་པོ་དྲན་གྱི་འདུག
བླ་མ་ཁོང་དང་དངོས་གནས་དད་པའི་ཡུལ་རང་རེད།།