སླར་ཡང་བོད་ལ་སྐྱེ་བར་ཤོག (སྤྲོ་ཚིགས་ཆོས་གྲགས་རྗེས་སུ་དྲན་པ།)
རིག་འབྱུང་དོན་གྲུབ་བཀྲ་ཤིས། དང་པོ། ངས་ཁོང་ངོ་ཤེས་དུས་ཁོང་ལ་གཤོག་རྩལ་རྒྱས་ཚར་འདུག གཤོག་རྩལ་རྒྱས་པ་ཙམ་མ་ཡིན་པར་གནམ་འཕང་གཅོད་བཞིན་པའི་སྐབས་ཤིག་རེད་། ཁོང་ནི་རྒྱལ་སྤྱིའི་པེན་གྱི་ཡན་ལག་བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་གཞོན། སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་དྲུང་ཆེ་དང་ཚིག་མཛོད་རྩོམ་སྒྲིག་འགན་འཛིན་གཞོན་པ། “བོད་རིག་པ་ཞིབ་འཇུག་”དཔྱད་རྩོམ་དུས་དེབ་ཀྱི་རྩོམ་སྒྲིག་འགན་འཛིན། རྡ་ས་རིགས་ལམ་སློབ་གཉེར་ཁང་གི་གདན་ཞུས་རྒྱལ་རབས་དང་རིག་གནས་དགེ་རྒན་བཅས་རེད་འདུག ཁོང་སུ་རེད་དམ། ཁོང་སྤྲོ་ཚིགས་ཆོས་གྲགས་རེད་། བོད་ལ་འཁྲུངས་བའི་སྤྲོ་ཚིགས་ཆོས་གྲགས་རེད་།