དཔའ་ཆེན་དོན་གྲུབ།
ང་ཚོ་ཐ་སྙད་ཅིག་ལ་རྨོངས་པའི་མགོ་ཚུགས་པ་ནས་ཐ་སྙད་དེ་ལ་འབྲེལ་བ་ཡོད་པའི་མི་དག་གི་བསམ་བློའི་ནང་དུ་མི་མངོན་པའི་འགྱུར་བ་ཞིག་ཐེབས་བཞིན་ཡོད། དེ་ཉེན་ཁ་ཅན་ཞིག་ཀྱང་ཡིན། བཀའ་ཤག་སྐབས་བཅུ་བཞི་བས་དབུ་མའི་ལམ་གྱི་སྲིད་ཇུས་ལ་ཆེ་བསྟོད་ཆེན་པོ་བྱེད་པའི་བྱ་ཐབས་སུ་དབུ་མའི་ལམ་གྱི་སྲིད་ཇུས་ནི་ཆབ་སྲིད་ཀྱི་གཞུང་ལུགས་ཤིག་ཡིན་པར་བསྒྲགས་ཡོད། དེ་ཅིས་ཀྱང་འགྲིག་པ་ཞིག་རེད། ཡིན་ཡང་། ད་དུང་གཞུང་ལུགས་ཀྱི་རྣམ་གཞག་ཆ་ཚང་བ་གྲུབ་རྒྱུར་ངང་སྒུག་བྱེད་དགོས་པ་མ་ཟད། འགྱུར་བ་ཧ་ཅང་མང་པོའི་ནང་དུ་ནར་སོན་བཞིན་ཡོད་པ་རེད།