ཡོང་ཁུངས། བོད་མིའི་སྒྲིག་འཛུགས་ཀྱི་དྲ་རྒྱ
སྲིད་སྐྱོང་མཆོག་གིས་ལས་ཁུར་གནང་སྟེ་ལོ་གསུམ་འཁོར་བའི་དུས་ཚེས་དང་སྟབས་བསྟུན་མཆོད་འབུལ་སྨོན་ལམ་རྒྱས་པ་ཞིག་ཚོགས་པ།
༄༅།།ཕྱི་ལོ་༢༠༡༤ ཟླ་༨ ཚེས་༨ ཉིན་དཔལ་ལྡན་སྲིད་སྐྱོང་བློ་བཟང་སེང་གེ་མཆོག་གིས་དབུས་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པའི་ལས་འཁུར་དམ་འབུལ་གནང་སྟེ་ལོ་གསུམ་ཧྲིལ་པོ་འཁོར་བ་དང་། ལས་ཡུན་ལོ་གསུམ་རིང་གཙོ་བོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེའི་བྱིན་མཐུ་དང་། གཞུང་བསྟེན་ཆོས་སྲུང་རྣམས་ཀྱི་འཕྲིན་ལས་གདོང་གྲོགས། ཁྱད་པར་གཞིས་བྱེས་བོད་མི་ཡོངས་ཀྱི་ཡིད་ཆེས་དང་མཐུན་འགྱུར་བཅས་ལ་བརྟེན་ནས་ཕྱི་ནང་གི་ལས་དོན་ཆེ་ཕྲ་གང་ཅི་གེགས་མེད་ལམ་ལྷོང་བྱུང་བའི་བཀའ་དྲིན་བཏང་རག་མཚོན་ཕྱིར།