མིག་ཟུང་ལས་ལུད་པའི་ཚོར་བ་སྐམ་པོ།
དོན་འགྲུབ་བཀྲ་ཤིས།
ལྷོ་རོང་ཡུལ་དུ་འཆར་བའི་གཙང་བོའི་འབོད་སྒྲ དུས་ཚོད་ཀྱི་སྦུགས་སུ་འཚང་བའི་འབྲི་དེབ་སྲབ་པོ་ཞིག་གི་བར་གསེང་དུ་བརྡོལ་བའི་ཆུ་མིག་ཅིག་གི་ན་ཟུག་རུམ་གྱིན། སྨྱུག་གུ་ནག་ཆུང་གི་ཉི་གཞོན་གྱི་བྲང་གཞུང་དུ་རྩྭ་ཆུའི་ལོངས་སྤྱོད་ལ་དྲན་པ་གླན། ལམ་འགྲམ་གྱི་ཁྱི་གུ་དེས་མི་སྐད་རྒྱག་པའི་ཡིད་ཆེས་མཐུག་པོ་སྤྲིན་པ་སྤར་མོ་གང་གི་མཁའ་ན་གར་གྱིས་རྩེན། ཁ་བའི་རྡུལ་རྩེག་གི་མིག་ཟུང་འོག་ཏུ་དམར་རྗེན་གྱིས་འཚོ་བའི་དྲན་པའི་རུས་རྐང་གི་ལོ་ཟླ། ཁ་སང་དང་དེ་རིང་གི་བར་ན་ཉམས་ཆུང་ངང་ངང་ཆུང་གིས་འཚོ།
གཅུང་པོའི་ལམ་སྟོན།
སྐྱོ་བྲག་དགའ་དབང་།
གྲོགས་པོ། ཆོས་ཐམས་ཅད་རྒྱུ་རྐྱེན་རྟེན་འབྲེལ་གྱི་ཚོགས་པ་ལས་བྱུང་བ་མ་གཏོགས་གང་འདོད་ཀྱི་རང་དབང་ཅན་ཞིག་མིན་པས་ན། སྤྱོད་འཇུག་ལས། ཉེས་པ་ཇི་སྙེད་ཐམས་ཅད་དང་། །སྡིག་པ་རྣམ་པ་སྣ་ཚོགས་པ། །དེ་ཀུན་རྐྱེན་གྱི་སྟོབས་ལས་བྱུང་། །རང་དབང་ཡོད་པ་མ་ཡིན་ནོ། །ཞེས་གསུངས་ཡོད།
འགྲོ་བ་མི་རྣམས་ཀྱི་འདུན་ལམ་ཡང་སྔོན་ལས་འཕྲལ་རྐྱེན་གྱིས་ཁ་ཕྱོགས་སྒྱུར་བ་མངོན་གསལ་ཡིན་པས་ན། ལས་ལ་གང་བསྐོས་མ་གཏོགས། སྣང་བར་གང་དྲན་མི་འདུག །ཅེས་ཡོངས་སུ་གྲགས་པ་རེད།
ཨ་མའི་བུ།
ཐང . བདེ་མོ།
—–བཅར་འདྲི་དེ་བཀླགས་རྗེས། བཀུར་འོས་རྩོམ་པ་པོ་ཧོར་གཙང་འཇིགས་མེད་ལ་ཕུལ་བ།
ཁྱེད་ཀྱི་སེམས་ལ་ནག་ཐིགས་ཤིག་ཕོག
ནག་ཐིགས་འདི ལག་པ་འཆང་མ་ཕོད་པར་ཡུན་རིང་འཇོག་དགོས་བྱུང་སྟབས
ད་ལྟ་ཁྲག་དང་རྣག་གིས་ཟིན་ནས་སྐྲངས་འབུར་ཉེན་ཁ་ཅན་ཞིག་ཏུ་གྱུར་ཡོད
ནག་ཐིགས་དེས་ལུས་སེམས་གཉིས་ཀྱི་འཕྲོད་བསྟེན་ལ་ཕོག་ཐུག་ཅི་ཙམ་བཏང་སོང་ཨང
ཆེས་ཐོག་མར ཁྱེད་ཀྱིས་འཛམ་གླིང་ཉི་མའི་གསེར་ཞལ་སྙིང་ལ་བཅངས་ནས
ཁ་བ་རི་བའི་བདེ་སྡུག་རྒྱབ་ཏུ་ཁུར་ནས