(ཉིས་སྟོང་བཅུ་གཉིས་ལོའི་གསུམ་བཅུའི་དུས་དྲན་ཉིན།)
གཡུ་དྲུག་དཀར། རྡ་ས།
ལོ་རྒན་ལྔ་བཅུ་ང་གསུམ་གོང་གི་ཉིན་ཞིག་གི་ཉི་ཤར་གྱི་འགོ་མར། ནོར་བུ་གླིང་ཀའི་སྒོ་ལམ་དང་རྩེ་པོ་ཏ་ལ་ཡི་མདུན་ཐང་ནས་རང་གི་བྲང་ཁོག་གི་ང་རོ་ཕྱི་ལ་འདོན་པའི་ཁུ་ཚུར་དང་། འབོད་སྒྲའི་ལྷན་དུ་ཡར་ལ་ལངས་ཤིང་མེ་སྒྱོགས་ཀྱི་མདའ་ཁ་ནས་མར་ལ་འགྱེལ་བཞིན་ལམ་ལ་ཆས།་དུས་དེ་ནས་བཟུང་སྟེ། གཞིས་ཀྱི་རྒན་གཞོན་བར་གསུམ་རང་གི་ཡན་ལག་ལྔ་བོའི་ཤུགས་ཀྱིས་དམ་དུ་བཅིངས་པའི་ཁུ་ཚུར་དེ་དང་། རང་གི་མགྲིན་ངག་ལས་ཐོན་པའི་འབོད་སྒྲ་དེ་ཡི་ལྷན་དུ། ལྷ་སའི་བར་བསྐོར་གཙོས་པའི་སྲང་ལམ་དང་གཞུང་ལམ་སོགས། ལམ་ཡོད་ཚད་དུ་ཐོན་ཏེ་སྦྱར་ཡིག་སྦྱར་འགྲེམས་དང་སྐད་འབོད་བྱས་པས། གཅར་རྡུང་འཕྲོག་གསུམ་གྱི་ཁྲག་དམར་ཁྲོད་ས་དོང་མུན་དོང་གི་བཙོན་དུ་འཚུད་མོད། ལུས་དང་སྲོག་གིས་འཕྲལ་དང་ཡུན་གྱིས་འཐབ་རྩོད་བྱེད་ལ།