རང་དབང་དང་དྲང་བདེན་ལ་ཐུགས་དགྱེས་ཤིང༌། གཉའ་གནོན་དང་གཞན་དབང་ལ་མགོ་མི་སྒུར་བའི་དཔའ་རྒོད། བོད་དོན་ལས་རིགས་སྤྱིར་ལུས་ཅན་ཞིག་ཡིན་ཕྱིར་རང་གི་ལུས་ཕུང་ནི་གཅེས་ནོར་ཐམས་ཅད་ཀྱི་ནང་ནས་ཆེས་གཅེས་ནོར་དང༌། ཚེ་སྲོག་ནི་རིན་ཆེན་ཐམས་ཅད་ཀྱི་ནང་ནས་ཆེས་རིན་ཆེན་ཞིག་ཏུ་སེམས་པ། མི་མ་ཟད་དུད་འགྲོ་ཚུན་ཆད་ཀྱི་གོམས་གཤིས་སུ་འཇགས་ཡོད་པར་གདོན་མི་ཟ་ལ། འོན་ཀྱང་ཡ་མཚན་དགོས་པའི་དུས་སྐབས་འདིར་མི་འགའ་ཞིག་གིས་རང་ལུས་ལ་མེ་སྤར་ཞིང༌། ཚེ་སྲོག་བློས་བཏང་ནས། གཞན་ལ་མི་འཚེ་བར་ལག་ཟུང་སྟོང་བ་ཕྱར་ཏེ། དབུགས་ཡོད་ཚད་ཀྱིས་རེ་བའི་འབོད་སྐུལ་ཞུ་ས་ནི། འཛམ་བུ་གླིང་གི་ཞི་བདེ་ལ་དགའ་མཁན་གྱི་རྒྱལ་ཁབ་གང་ཡོད་དང༌། མི་ལ་མིའི་སྲིད་དབང་འཛིན་པའི་རང་དབང་ཡོད་ཚད་སྤྲོད་དགོས་ཞེས་སྨྲ་བར་དྲང་བདེན་སྲུང་བའི་མིའི་རིགས་སུ་གནས་པ་ཡོད་ཚད་དག་ཡིན་ལ། རྒྱུ་མཚན་དམིགས་གསལ་གྱི་དུས་བབས་འདིར་བོད་མི་རིགས་ལྟ་བུ་ལ་མཚོན་ན། ཕྱི་ལོ་ ༡༩༥༨ ནས་རྒྱ་ནག་གིས་དྲག་ཤུལ་བཙན་འཛུལ་གྱི་འོག་ཏུ་བོད་མི་རིགས་འདི་བསྡུས་པ་ནས་བཟུང༌།
དེ་ལས་མང་བ་། “སྐུ་འདས་བློ་བཟང་ཚུལ་ཁྲིམས་མཆོག་གིས་གསུངས་རྒྱུར། (བོད་འབྱོར་གནས་ཚུལ།)” »