ཁ་བརྡ།

ཁ་བརྡ།

Archive for February 7th, 2012


བོད་ནང་གི་མེ་ལྕེ་དེ་དག་མུ་མཐུད་ནས་འབར་དགོས།

༼ བོད་ནང་གི་བོད་པ་ཚོ་ངེས་པར་ཡར་ལངས་དགོས་པ་རེད། སྡེབ་ལངས་བྱེད་དགོས་པ་རེད། མེ་ལྕེ་དེ་དག་ཀྱང་འབར་དགོས་པ་རེད། མུ་མཐུད་ནས་རྣམ་གྲངས་མང་བ་དང་ངར་ཤུགས་ལྡན་པའི་སྒོ་ནས་འབར་དགོས་པ་རེད། ད་མཚམས་ཤིག་བཞག་ན་ད་ལྟ་འགྲོ་བཞིན་པའི་མེ་ལྕེ་ལས་འགུལ་འདི་ལོ་རྒྱུས་ལ་འགྱུར་འགྲོ་གི་རེད། ༽

______བོན་རྒྱ་བསྟན་འཛིན་རབ་རྒྱས།

༡ ༽ བོད་ནང་གི་མེ་ལྕེ་ད་དུང་འབར་དགོས་ནི་རེད།

དེང་སང་ཡ་མཚན་པ་ཞིག་ལ། སྨྱུག་ཐོགས་པ་ཕལ་ཆེ་ཞིག་ཆོས་པ་ཡ་མཚན་ཅན་རེ་ལ་གྱུར་འདུག་པ་མ་ཟད། རྒྱ་གཞུང་གིས་གླེང་འགེལ་མ་བྱས་སྔོན་ལ་བོད་ནང་གི་ཞི་བའི་གྱེན་ལངས་ཀྱི་འབྱུང་རྩ། འདི་ནས་བཀའ་སྤྱི་གཉིས་ཀྱིས་མཆོད་འབུལ་རྒྱ་ཆེན་རེ་བྱས་པ་དེ་ལ་འཁེལ་འདུག་རབས་ཀྱི་མཆུ་ཏོ་བསྲིངས་ནས་ཡོང་གི་འདུག ངས་ཁྱོད་ཚོར་འདྲི། བོད་ནང་གི་སྤུན་ཟླ་ཚོའི་ཚེ་སྲོག་སོང་ནའང་འུ་ཚོས་མ་ཎི་བཏོན་མི་ཆོག་པ་ཨེ་རེད། ཡང་ན་འུ་ཚོས་མུན་ནག་ནང་ནས་ཆོས་བཅའ་དགོས་པ་ཨེ་རེད། ཡང་ན་འུ་ཚོས་ཀྱང་བོད་ནང་གི་མེ་ལྕེ་གསོད་ཐབས་ལ་འབད་དགོས་པ་ཨེ་རེད། Read the rest of this entry »

དགོན་སྟེང་གི་སྐར་ལྔའི་དར་དམར།

ནམ་མཁའ་ནས་བྲིས།

འོད་ཟེར་གྱི་ངོ་དེབ་སྟེང་ལྷ་སར་དགོན་པ་གང་ཡིན་གསལ་བོ་མ་ཤེས་ཀྱང་།དགོན་ཐོག་ཏུ་རྒྱ་གཞུང་གི་དར་དམར་བསྒྲེངས་འདུག་པ་ཞིག་མཐོང་སོང་།བོད་མི་མང་པོ་ཞིག་སེམས་སྐྱོ་བཞིན་མགོ་བོ་སྨད་འདུག ངས་པར་འདི་མཐོང་མ་ཐག་སེམས་སུ་དྲི་བ་འགའ་དབང་མེད་དུ་འཆར། རྒྱ་གཞུང་གིས་གསལ་བོ་ཤེས་བ་ཞིག་ནི།བོད་མི་ས་ཡ་དྲུག་གི་མཐོང་ན་མི་འདོད་པ་དང་མཐོང་ན་ཁོང་ཁྲོ་ལངས་ཡོང་བའི་དར་དམར་འདི།ད་ལོ་བསམ་བཞིན་དགོན་པའི་སྟེང་བསྒྲེངས་དོན་ཅི་ཡིན་ནམ། བོད་ཀྱི་མི་རབས་གཉིས་པ་ཚོར་བསམ་བཞིན་ཁོང་ཁྲོ་བསླངས་སྟེ་མེ་མདའི་འོག་ནས་དོན་དག་ཞིག་བཤད་འདོད་ཡོད་པའི་རྣམ་པ་གསལ་བོར་རེད།
དྲི་བ་དང་པོ། བོད་མི་ས་ཡ་དྲུག་གི་བདེ་སྡུག་རྩོད་ལེན་བྱེད་འདོད་ཡོད་ན་དགོན་སྟེང་གི་དར་དམར་འདི་མར་ཕབ་ཏུ་ཤོག་དང་བོད་རྒྱ་གཉིས་ཀྱི་རྙོག་དྲ་འདི་མེ་མདའི་ཁ་ནས་ཐག་གཅོད་བྱེད་ཆོག་ཟེར་བའི་རྣམ་པ་དང་དེ་མིན་དར་དམར་འདིའི་འོག་ནས་མགོ་བོ་སྒུར་ནས་སྡོད་དགོས་བའི་བརྡ་རྟགས་ཞིག་མིན་ནམ་སྙམ་པའི་དྲི་བ་དང་། Read the rest of this entry »

བདག་གི་ལམ།

འབའ་སྲས།

རྐང་རྗེས་ཆེན་པོ་བདག་ལ་མེད་གྱུར་ཀྱང་།།
ལམ་ཁ་ཆུང་ཆུང་ནམ་ཡང་མི་གཏོང་བར།།
ལུས་དང་གྲིབ་མ་འགྲོགས་པའི་ལམ་ཁ་འདི།།
མ་ཤི་བར་དུ་རང་ཉིད་བགྲོད་པའི་ལམ།།

ཨ་མས་མདུན་ལ་བགྲོད་པའི་ལམ་ཞིག་བསྟན།།
ཕ་ལོས་ལམ་འདི་བཟང་བའི་གཏམ་ཞིག་བཤད།།
ཕ་མ་གཉིས་ཀྱིས་བསྟན་པའི་ལམ་ཁ་འདི།།
དཀའ་སྡུག་ཅི་ཙམ་ཆེ་ཡང་བདག་གི་ལམ།། Read the rest of this entry »

མེ་ལྕེ་དང་རྨི་ལམ།

སེར་ཤུལ་རིན་ཆེན་དོན་གྲུབ།

ཚག་་་ཚག་་་ཚག་་་མེ་ལྕེས་བཞུར་བའི་དཔའ་རྒོད་ཚོ་དེ་འདྲའི་སྙིང་སྟོབས་ལ།
ཀྱེ་མ་་་ཀྱེ་མ་་་་་ངའི་སྤུན་ཟླ་ཚོ་འདི་ལྟར་བསྲེགས་སོང་།
འབོད་དོ་་་འབོད་དོ་་་། དྲང་བདེན་ལ་དགའ་བའི་འཛམ་གླིང་མི་རིགས།
མེ་རླབས་འོག་གི་འབོད་སྒྲ་འདི་གསན་རོགས།

ཁྲི་ལོ་་་ཁྲི་ལོ་་་ཁྲི་ལོ་་་། ༸གོང་ས་མཆོག་སྐུ་ཚེ་ཁྲི་ལོར་ཤོག
བོད་ལ་་་་བོད་ལ་་་་་་། བོད་ལ་འགྲོ་བ་མིའི་ཐོབ་ཐང་དགོས།
ཕེབས་རོགས་་་་ཕེབས་རོགས་་་་་་་། ༸གོང་ས་མཆོག་བོད་དུ་ཕེབས་རོགས། མེ་ལྕེའི་ཀློང་གི་འབོད་ཚིག་འདི། དཔའ་རྒོད་ཚོའི་ཕུགས་རེ་ཁོ་ན། གངས་ཅན་པའི་བསམ་འདུན་ཁོ་ན། Read the rest of this entry »

སྐད་ཡིག་རིག་གཞུང་སོགས་སྲུང་བཞིན་འཚོ་ཆོག་ན་མེར་བསྲེགས་གཏོང་གི་མ་རེད།


ཁ་སང་རེས་གཟའ་ཟླ་བར་དཔལ་རྒྱལ་བ་ཀརྨ་པ་མཆོག་གིས་གནས་མཆོག་རྡོ་རྗེ་གདན་ནས་གསུང་འཕྲིན་ཞིག་ཕེབས་པའི་ནང་བཀོད་དོན། “ ཉེ་དུས་ཐོན་པའི་ཛ་དྲག་གི་གནས་ཚུལ་ཞིག་ལ། བོད་ཤར་ཕྱོགས་སུ་ཉི་མ་གཅིག་གི་ནང་དུའང་བོད་མི་གསུམ་གྱིས་རང་ལུས་མེར་སྲེག་བྱས་ཡོད་འདུག་ཅིང། དེ་ནི་སྤྱི་ཟླ་དང་པོའི་ནང་དུ་བོད་མི་བཞིས་རང་ལུས་མེར་སྲེག་བྱས་པ་དང་། གཞན་རྣམས་སྐད་འབོད་ཁྲོམ་སྐོར་གྱི་ནང་དུ་འདས་གྲོངས་ཕྱིན་པའི་རྗེས་སུ་བྱུང་བའི་གནས་ཚུལ་ཞིག་རེད། གནས་སྟངས་ཉེན་ཁ་ཆེ་རུ་འགྲོ་བཞིན་ཡོད་ནའང་། རྒྱ་ནག་གཞུང་གི་ངོས་ནས་བསམ་གཞིག་དང་། འབྱུང་རྐྱེན་གང་ཡིན་རྟོགས་ཐབས་མ་བྱས་པར་དྲག་གནོན་ཇི་ཆེས་གདོང་ལེན་བྱེད་བཞིན་ཡོད། བོད་མི་རེ་གྲོངས་པའི་གནས་ཚུལ་གསར་པ་རེ་འབྱོར་དུས་ངའི་སེམས་ལ་ཚད་མེད་པའི་ན་ཟུག་དང་སྐྱོ་སྣང་སྐྱེ་ཡི་ཡོད་པས་ཉི་མ་གཅིག་གི་ནང་དུའང་མི་གསུམ་གྲོངས་པའི་གནས་ཚུལ་དེ་ནི་བཟོད་ཐབས་ཡོངས་སུ་བྲལ་བ་ཞིག་རེད། དེས་ན་ཁོང་རྣམ་པས་རང་སྲོག་བློས་གཏོང་གནང་བ་ཆུད་ཟོས་སུ་མ་སོང་བར་ད་ལྟའི་སྲིད་བྱུས་ལ་འགྱུར་བ་ཐེབས་ཏེ་བོད་རིགས་སྤུན་ཟླ་རྣམས་ཀྱིས་ཞི་བདེ་འཐོབ་པའི་རེ་སྨོན་བྱེད་ཀྱི་ཡོད། Read the rest of this entry »

སྤྱི་ལྷན་གྱིས་གསར་འགོད་བསྒྲགས་གཏམ་སྤེལ་བ།

ཕྱི་ལོ་ ༢༠༡༢ ཟླ་ ༢ ཚེས་ ༣ རེས་གཟའ་པ་སངས་ཉིན། གསེར་རྟ་རྫོང་ཕུ་འུ་ཤང་དུ་བོད་མི་གསུམ་གྱིས་བོད་རང་དབང་གི་དོན་དུ་རྒྱ་དམར་གཞུང་ལ་ངོ་རྒོལ་གནང་སྟེ་རང་ལུས་ཞུགས་མེར་བསྒྲོན་འདུག་པ་དང་། དེའི་ཁྲོད་ནས་འདས་གྲོངས་སུ་ཕྱིན་པའི་བོད་མི་དེའི་མིང་དང་ས་གནས་ཞིབ་གསལ་མེད་པ་དང་། གཞན་གཉིས་ནི་ཕུ་འུ་ཤང་ཞོ་སང་སྡེ་པའི་རང་ལོ་ ༦༠ ཡས་མས་ཡིན་པའི་ཚབ་ཚའི་ཚེ་རིང་ལགས་དང་། འབུམ་ཤུལ་སྡེ་པའི་རང་ལོ་ ༣༠ ཡས་མས་ཡིན་པའི་སྐྱ་རིས་ལགས་རེད་འདུག གསེར་རྟ་རྫོང་དུ་རྒྱ་ལོའི་ལོ་གསར་སྐབས་བོད་རིགས་ཞི་རྒོལ་བར་མདེལ་ཆར་ཕབ་སྟེ་བསད་རྨས་ཚབས་ཆེན་བཏང་བའི་ཛ་དྲག་གནས་སྟངས་ད་དུང་མུ་མཐུད་ཡོད་པ་དང་། རྒྱ་དམག་ཕོན་ཆེ་འགྲེམས་འཇོག་གིས་བོད་མི་ཚོའི་འགྲུལ་བཞུད་དང་བརྒྱུད་ལམ་སོགས་ཀྱང་བཀག་སྡོམ་བྱས་ཡོད་སྟབས། ས་གནས་ཀྱི་ཞིབ་ཕྲའི་གནས་ཚུལ་རྒྱུས་ལོན་བྱེད་དཀའ་བ་ཆགས་ཡོད། Read the rest of this entry »

སང་ཉིན་ཕྱི་ཚེས ༨ ཀྱི་ལས་འགུལ་སྤེལ་ཕྱོགས།

བོད་ཀྱི་ས་ཁུལ་བྲག་མགོ་དང། རྔ་པ། གསེར་རྟ། རྒྱལ་རོང་། དཀར་མཛེས་སོགས་ཀྱིས་གཙོས་བོད་ནང་བོད་མི་བརྒྱ་ཕྲག་མང་པོས་ཞི་རྒོལ་བྱེད་སྐབས་རྒྱ་གཞུང་གི་ཉེན་རྟོག་པ་དང་དམག་མིས་གང་བྱུང་མེ་མདའ་བརྒྱབ་སྟེ་བོད་མི་རྐྱེན་འདས་སུ་བཏང་བ་དང་། བོད་མི་མང་པོ་ཞིག་ལ་རྨས་སྐྱོན་ཚབས་ཆེ་ཕོག་སྟེ་ད་ཆ་ཡང་ས་ཁུལ་དེ་དག་ཛ་དྲག་གི་གནས་སྟངས་འོག་ལྷུང་ཡོད་པར་བརྟེན། དབུས་བོད་མིའི་སྒྲིག་འཛུགས་བཀའ་ཤག་གིས་ཕྱི་ལོོ་ ༢༠༡༢ ཟླ་ ༢ ཚེས་ ༨ ལྷག་དཀར་ཉིན་དང་སྟབས་བསྟུན། གཞིས་ལུས་བོད་མི་རྣམས་ལ་སྐྱིད་སྡུག་མཉམ་མྱོང་དང་རྒྱའི་བཙན་གནོན་འོག་དཀའ་སྡུག་མྱངས་དང་མྱོང་བཞིན་པའི་བོད་མི་རྣམས་ལ་གདུང་སེམས་མཉམ་སྐྱེ་མཚོན་ཆེད་གོང་ཚེས་ཉིན་བོད་མི་དང་བོད་དོན་རྒྱབ་སྐྱོར་བ་ཡོངས་ནས་ཉིན་བརྒྱ་དུས་གཅིག་ལ་ལས་འགུལ་ཆེད་མཆོད་འབུལ་སྨོན་ལམ་གནང་དགོས་ལུགས་བཀོད་ཁྱབ་ཕེབས་དོན་ལྟར། བཞུགས་སྒར་ཁུལ་དུ་གནས་སྡོད་བོད་མི་སེར་སྐྱ་མི་མང་རྣམས་རང་ལུགས་ན་བཟའ་དང་ཁ་རས་ནག་པོ་གྱོན་ཏེ་ཕྱེད་ཡོལ་ཆུ་ཚོད་ ༣ ནས་ ༥ བར་ཆུ་ཚོད་གཉིས་རིང་ཐེག་ཆེན་ཆོས་གླིང་གཙུག་ལག་ཁང་གི་རྟེན་མཆོག་སྤྱན་སྔར་མཆོད་འབུལ་སྨོན་ལམ་འཚོགས་རྒྱུ་དང། དེ་རྗེས་ཆུ་ཚོད་ ༥།༣༠ ཐོག་གཙུག་ལག་ཁང་ནས་མེག་གྷན་དང་དཔའ་བོའི་རྡོ་རིང་བར་གཞི་རྒྱ་ཆེ་བའི་མར་མེ་ཁྲོམ་སྐོར་གྱི་ལས་འགུལ་སྤེལ་རྒྱུ་ཡིན་འདུག་པ་བཅས།།

རང་ཉིད་གླེང་བ།

ཀླུ་སྨྱོན།
—-རང་ཉིད་ཀྱི་རྩོམ་རིག་གི་མི་ཚེར་ཕྱི་མིག་ལྟ་བ།
མི་སུ་ཞིག་ཡིན་ཡང་རང་ཉིད་ཀྱི་མི་ཚེ་དེ་དོན་སྙིང་ལྡན་ཞིང་ སྤྲོ་སྣང་འཁོལ་བ་ཞིག་ཡིན་ན་ལོས་འདོད། ཐ་ན་བྱིས་པའི་རྩེད་ར་ཆུང་ཆུང་དེ་ཚོ་ཡང་ཁོ་ཚོའི་སེམས་ཀྱི་མཛེས་སྡུག་ཏག་ཏག་ གིས་བཞེངས་ཤིང་གྲུབ་པར་བྱས་ཡོད་ཅིང་། ཁོང་ཅག་གི་རྩེད་ར་དེ་མཚོ་འགྲམ་གྱི་བྱེ་མའི་ཕུང་པོ་ཞིག་ལས་གྲུབ་ཡོད་ན་ཡང་། ཁོང་ཅག་གིས་དེའི་མ་འོངས་པའི་ཆག་འཇིག་ལ་བསམ་བློ་མི་གཏོང་བར་ཉི་མ་དེ་རིང་དང་ དུས་ཚོད་འདི་རང་ཙམ་གྱི་དུས་ཡུན་ནང་རང་ཉིད་ཀྱིས་བཞེངས་པའི་བྱེ་མའི་ཁང་པ་དང་ རི་བོ་ཆུང་ཆུང་དེ་དག་ཇི་ལྟར་མཛེས་སྡུག་གཟི་འོད་འབར་བ་ཞིག་ཏུ་བཞེང་ཅི་ཐུབ་ བྱེད་པ་རེད།
འོ་ན་ང་ཚོ་སྟེ་རྒན་རབས་པའི་ གྲས་སུ་ཚུད་ཚར་བའི་སྨྱུག་ཐོགས་པ་འདི་དག་གིས་དེ་རིང་བར་དུ་རང་ཉིད་ཀྱིས་བཞག་ པའི་རང་གི་རྐང་རྗེས་ཀྱི་གྲངས་ཀ་དང་དེ་དག་གི་ཟབ་ཚད་ལ་བསམ་བློ་རེ་གཏོང་མྱོང་ ངམ། གལ་སྲིད་ཁྱེད་ཀྱིས་ང་ལ་ལྡོན་པའི་ལན་དེ་ནི་ངས་ཚོད་དཔག་བྱས་པ་དེ་ནོར་མེད་ན་མ་ མྱོང་ཞེས་པ་དེ་རེད། དེ་ནི་ཡིན་སྲིད་པ་ཞིག་སྟེ། འདས་པའི་རྗེས་མི་གཅོད། མ་འོངས་པའི་སྔོན་མི་བསུ། ད་ལྟའི་ཤེས་པ་སོ་མ་འདི་ཀ་རང་གི་རྒྱུན་སྐྱོང་དགོས་ཞེས་སྔོན་བྱོན་དམ་པ་ཉམས་ མྱོང་ཅན་མང་པོ་ཞིག་གིས་རང་གི་སློབ་བུ་ཡང་སློབ་དག་ལ་གདམས་ཡོད་པས་སོ།།
ང་རང་ལ་མཚོན་ན་ཀ་རྩོམ་ཐན་ཐུན་རེ་འབྲི་དུས་སུ་རྩོམ་པ་པོ་ ཉི་ཚེ་བ་ཞིག་ཡིན་ལ། སྙན་ངག་མེ་ལོང་མར་དཔེར་བརྗོད་འབྲི་དུས་སུ་ཡང་གསར་སློབ་པ་ཉི་ཚེ་བ་ཞིག་དང་། དུས་དེབ་དང་ཚགས་པར་སྟེང་རྩོམ་ཡིག་འདྲ་མིན་སྤེལ་དུས་ད་དུང་རྩོམ་པ་པོ་ཉི་ཚེ་ བ་ཞིག ད་ལྟ་དྲ་ངོས་སུ་གང་འདོད་ཅི་འདོད་དུ་རྩོམ་ཡིག་སྣ་ཚོགས་བྱོ་དུས་སུ་ཡང་སྔར་ བཞིན་ཟིན་བྲིས་པ་ཉི་ཚེ་བ་ཞིག་ལས་ཅི་ཡང་མིན་པར་བསམས་ན། མི་ཞིག་གིས་ལྟ་དུས་གྲོག་མ་ཞིག་ཉིན་གང་བོར་ཡར་རྒྱུགས་མར་རྒྱུགས་བྱས་པ་དེ་ལ་ རིན་ཐང་རྩི་རིན་ཅང་མཐོང་གིན་མེད་པ་དང་འདྲ་བ་འམ། ཡང་ན་མི་རྒན་ཞིག་གིས་བྱིས་པའི་རྩེད་མོ་དག་ལ་སྣང་ཆུང་ངམ་དོ་སྣང་ཅང་མི་བྱེད་ པར་སྡོད་པ་དང་ཧ་ཅང་འདྲ་བར་སྣང་བ་འདི་ནི་ངོ་མ་འཇིགས་སུ་རུང་བ་ཞིག་རེད་ཨང་། Read the rest of this entry »

མཁས་དབང་ཐུབ་བསྟན་སྦྱིན་པའི་མཉམ་དུ་།

(མི་ལོ་ཉེར་ལྔའི་རིང་གི་སྐུའི་དབྱིན་ཡིག་གསུང་བསྒྱུར་གྱི་ཉམས་མྱོང་སྐོར་།)

In the Room with Thupten Jinpa, the Dalai Lama’s English Translator from On Being on Vimeo.