ཁ་བརྡ།

ཁ་བརྡ།

Archive for November 2nd, 2011


བལ་ཡུལ་གྱི་བོད་རིགས་བུད་མེད་ཞིག་གིས་རང་ལུས་མེར་བསྲེགས་གཏོང་རྩིས་བྱས་འདུག

གནས་ཚུལ་གྱི་ཁུངས།

1
རེས་གཟའ་མིག་དམར་ཉིན། བོད་ནང་གི་རང་ལུས་མེར་བསྲེགས་གཏོང་མཁན་ཚོའི་ཆེད་དུ། བལ་ཡུལ་དུ་བོད་མི་ཚོས་གདུང་སེམས་མཉམ་བསྐྱེད་ཀྱི་ཞལ་འདོན་འཚོགས་ཤིང་། ཞལ་འདོན་རྗེས་སུ་ བོད་མི་བརྒྱ་ལྷག་བལ་ཡུལ་ཉེན་རྟོག་པས་འཛིན་བཟུང་བྱས་འདུག དོན་རྐྱེན་དེའི་རྗེས་སུ། བལ་ཡུལ་དུ་གནས་སྡོད་བོད་རིགས་བུད་མེད་ཞིག་གིས་རང་ལུས་མེར་བསྲེགས་གཏོང་རྩིས་བྱས་བའི་གནས་ཚུལ་ཐོན་འདུག Read the rest of this entry »

གདུང་སེམས་མཉམ་བསྐྱེད་ཀྱི་ལས་འགུལ

གྲགས་པ་ནས།
སྤྱི་ཟླ་༡༡ཚེས་༡ཉིན་བོད་ནང་གི་རྒྱལ་གཅེས་དཔའ་བོ་ཕོ་མོ་སྐུ་ལུས་མེ་སྲེག་གཏོང་མཁན་རྣམས་ལ་གདུང་སེམས་མཉམ་བསྐྱེད་ཆེད། ཀ་ཐ་མན་ཀྲུའི་ས་གནས་གཞོན་ནུ་དང་སྤོག་ར་ས་ཁུལ་གྱི་ས་གཞོན་གཉིས་ཀྱིས་གོ་སྒྲིག་བྱས་ཏེ་འཇོ་ལ་ཁེལ་དུ་བལ་ཡུལ་བོིད་མིའི་གཞིས་ཆགས་ཀྱི་ཉེ་ཁྲིས་སུ་རྩེད་ཐང་ཆེན་པོ་ཞིག་ཡོད་སར་བལ་ཡུལ་ནང་གི་ སེར་སྐྱ་མང་ཚོགས་འདུ་འཛོམས་ཀྱིས་མཆོད་འབུལ་གཞི་རྒྱ་ཆེ་ཞིག་གནང་འཆར་ཡོད་ཀྱང་། བལ་ཡུལ་ཉེན་རྟོག་པས་འཇོ་ལ་ཁེལ་གཞིས་ཆགས་སུ་འགྲོ་སའི་སྲང་ལམ་ཡོངས་རྫོགས་ལ་ཉེན་རྟོག་པ་འགྲེམ་འཇོག་བྱས་ཏེ་བཀག་འགོག་ཤུགས་ཆེ་བྱས་པས། Read the rest of this entry »

སེང་གེའི་བཀའ་ཤག་གི་མདུན་ལམ།

ཤར་ཕྱོགས་ཁུག་རྟ།

༡ སེང་གེའི་བཀའ་ཤག་ངོ་སྤྲོད་སྔོན་མེད་མ།
སྐབས་ ༡༥ པའི་ཚོགས་དུས་གཉིས་པ་མཇུག་སྒྲིལ་བ་དང་། བཀའ་ཤག་གསར་བས་གྲོས་ཚོགས་ལ་འགན་ཁུར་སྟངས་ཐད་སྲིད་དོན་པ་དག་གིས་དཔྱད་བརྗོད་སྤེལ་བཞིན་པའི་སྐབས་འདིར། ཨ་རི་དང་ཡུ་རོབ། ཐའེ་ཝན་ན་ཡོད་པའི་གྲོགས་པོ་སྐོར་ཞིག་གི་མཉམ་དུ་གླེང་མོལ་གྱིས་སེང་གེའི་བཀའ་ཤག་གི་མདུན་ལམ་ལ་རོབ་ཙམ་བལྟས་པ་ཡིན། ངའི་གྲོགས་པོ་ཚོས་སོ་སོའི་གནས་ཡུལ་གྱི་སྲིད་དོན་གནམ་ངོ་དང་འབྲེལ་ནས་སེང་གེའི་བཀའ་ཤག་གི་མདུན་ལམ་ལ་བསམ་ཚུལ་རེ་རེ་གསུང་གི་འདུག ང་ཚོས་སེང་གེའི་བཀའ་ཤག་གི་མདུན་ལམ་ལ་ལྟ་དགོས་ན། གཙོ་བོ་བཀའ་ཁྲི་དང་བཀའ་བློན་གཞན་གྱི་ནུས་པ་དང་རྣམ་དཔྱོད་ལའང་ལྟ་དགོས། Read the rest of this entry »

ཏཱ་ལའི་བླ་མའི་ཡང་སྲིད་དང་ང་ཚོའི་འགན་འཁྲི།

དམེ་ཤུལ་འཇིགས་མེད་འོད་ལྡན།

བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་དང་བཅས་བའི་ཆོས་ཚོགས་ཐེངས་བཅུ་གཅིག་པའི་ཐོག་བོད་དང་བོད་མིར་འབྲེལ་ཆགས་ཀྱི་འཇིག་རྟེན་སྐྱེ་འགྲོ་ཡོངས་ལ་སྤྱི་ནོར་༧གོང་ས་སྐྱབས་མགོན་ཏཱ་ལའི་བླ་མའི་ཡང་སྲིད་སྐོར་གྱི་བཀའ་ཡིག་ཡོངས་ཁྱབ་ཏུ་བསྒྲགས་པའི་རྗེས་སུ་རྒྱ་ནག་དབུས་གཞུང་གིས་ཡ་ང་ངོ་ཚ་མེད་པའི་སྲིད་བྱུས་གཏན་འབེབས་ཀྱིས་རྒྱལ་སྤྱིའི་མང་ཚོགས་དང་བོད་བརྒྱུད་ནང་བསྟན་རྗེས་འཇུག་པ་རྣམས་མགོ་སྐོར་བསླུ་བྲིད་བྱ་རྒྱུའི་བྱུས་ངན་བསྒྲགས་གཏམ་རིམ་པར་སྤེལ་ཏེ་ཏཱ་ལའི་བླ་མའི་ཡང་སྲིད་ཁོ་བ་ཚོས་ཆབ་སྲིད་ལག་ཆ་རུ་བེད་སྤྱོད་གཏོང་འདོད་གྱི་ཧམ་སེམས་བཅངས་ཡོད་པ་མཐོང་ཆོས་སུ་གྲུབ་ཡོད། Read the rest of this entry »

སྟོན་གྱི་ཉིན་ཐོ། སུམ་ཅུ།

ཀླུ་སྨྱོན།
dscn4876
མདང་དགོང་ཞག་གང་བོར་རྨི་ལམ་རབ་རིབ་རྐྱང་རྐྱང་བཏང་། ལུག་མང་པོ་ཞིག་ར་བར་འཛུད་མ་ཐུབ་པར་དཀའ་ངལ་མྱོང་བཞིན་འདུག གྲོགས་པོ་སྤྲུལ་སྐུ་ཞིག་གི་ཁང་པའི་ནང་དུ་བསྡད་ཡོད་དུས་མི་འགའ་ཡོང་ནས་བསུན་པོ་ཚད་མེད་བཟོས། བྱིས་པ་ཡིན་དུས་ཀྱི་ངེད་ཚང་གི་འབྲི་ནག་པོ་ཞིག་ཡོད་པ་དེས་མི་སྐད་བཤད་ནས་རྒྱབ་ལོགས་ན་གི་འདུག་ཟེར། མོ་མོ་བཟོ་སྤྱད་ཀྱི་ཤ་དམར་པོ་དེ་འདྲ་མང་པོ་ཞིག་རྨིས་པ་དེ་ཆམ་པ་ཕོག་སྟེ་གཟུགས་པོ་ན་བའི་ངོ་ཡིན།
ཆུ་ཚོད་བདུན་པར་ཆུ་ཚོད་ཀྱི་ཅོང་སྒྲས་གཉིད་ལས་དཀྲོགས། མལ་ཁང་ཧ་ཅང་འཁྱགས་པས་ཚ་གློག་བཏང་། ཉལ་སའི་ནང་ནས་མིག་གཉིས་གདངས་མ་བཙུམས་ཀྱིས་དྲ་ངོས་ཉུལ། འཛམ་གླིང་གི་མི་འབོར་ཐེར་འབུམ་བདུན་ལ་བསླེབས་པ་དང་། རྒྱ་ནག་གི་སྒྱུ་རྩལ་པ་ཨེ་ཝེ་ཝེ་ལ་ཉེས་ཆད་རྒྱ་སྒོར་ཁྲི་༡༥༠༠བཏང་བ་མཐོང་། ཕྱི་རོལ་གྱི་ནམ་མཁའ་སྔོ་ཞིང་གྲང་ངར་ཁྲོད་ཉི་འོད་སེར་པོ་ཞིག་སྨུག་སྤྲིན་སྲབ་བུ་ཞིག་བརྟོལ་ནས་ས་སྟེང་དུ་འཕྲོས། སྨུག་པའི་སེང་རས་ཀྱི་གསེབ་ནས་ཉི་འོད་ཀྱི་ལྗོན་པའི་ལོ་འདབ་སེར་པོ་དེ་ཚོ་བརྒྱུད་ནས་གསེག་སྟེ་འཕྲོ་བའི་ངང་ཚུལ་སྙིང་རྗེ་བོ་དེར་འདྲ་པར་འགའ་བརྒྱབ་ཀྱང་ཡིད་ཚིམ་པ་ཞིག་མ་བྱུང་། Read the rest of this entry »

གཉོམ་དུང་དུང་གི་ཀ་མད་སུམ་ཅུ། བག་འཁུམ་འཁུམ་གྱི་བོད་ལྟ་བོད་ལུགས།

དོ་རྒྱ་བསོད་ནམས་རྡོ་རྗེ།
2009ལོའི་ཟླ9ཚེས13ཉིན་ནས་ཚེས30ཉིན་བར་ཁོ་བོ་དགོས་དབང་གིས་བདེ་ཁམས་རྫོང་གི་འབའ་གཙང་ཁོག་ཡུལ་ཚོར་བོད་ཡིག་སློབ་ཁྲིད་བྱེད་པར་ཕྱིན་ཅིང་། ཞོར་དུ་ས་ཆ་དེ་གའི་བོད་མི་རྣམས་ཀྱི་འཚོ་བའི་ཆ་རྐྱེན་དང་། བསམ་བློའི་འཁྱེར་ཕྱོགས། ཡུལ་སྲོལ་གཤིས་ལུགས། སློབ་གྲྭའི་་སློབ་ཁྲིད་ཀྱི་གནས་བབ་སོགས་ལ་རྒྱུས་ལོན་ཏོག་ཙམ་བྱས་པ་ཡིན།

བོད་ཡིག་བོད་སྐད་ལ་བསྲེས་སྐད་སྣ་ཚོགས་འདྲེས་ཤིང་བོད་ལྟ་བོད་ལུགས་ལ་གཞན་སྲོལ་ནག་ནོག་འགོས་པའི་མི་རིགས་ཀྱི་ཚེ་སྲོག་འཇིག་པའི་མཐའ་ལ་ཐུག་ཉེའི་སྐབས་འདི་ལྟ་བུ་ཞིག་ལ་ཁོ་བོས་རྩོམ་ཐུང་འདི་བརྒྱུད་ནས་བོད་ཀྱི་རིག་གནས་པའི་སྡེ་ལ་བརྗོད་འདོད་པ་ནི། ཐོག་མར་འཇིག་ཉེན་འདི་ཚོར་བ་དང་། ཚོར་ནས་ཀྱང་འཇིག་ཉེན་འདི་སྐྱོབ་པར་འབད་དེ་བདེ་ཁམས་རྫོང་གིས་མཚོན་པའི་བོད་ཀྱི་ས་ཆ་སོ་སོར་རང་གིས་དངོས་ཤུགས་བརྒྱུད་གསུམ་གང་རུང་ནས་ནུས་ཤུགས་གང་ཡོད་གདོན་རྒྱུ་དེ་ཡིན་ནོ། ། Read the rest of this entry »