རྫ་ཚེ་རིང་བཀྲ་ཤིས།
༡༽གོང་གི་དཔར་འདི་ནི་ད་ལྟ་དབྱིན་ཇིའི་སྐད་གྲགས་ཆེ་ཤོས་ཀྱི་དངོས་མང་བཤམས་སྟོན་ཁང་ཞིག་ཏུ་བཞུགས་ཤིང་། སངས་རྒྱས་དགུང་ལོ་བཞི་བཅུ་ཞེ་གཅིག་གི་སྐབས་ཁོང་གི་སློབ་མ་དགྲ་བཅོམ་པ་གང་པོས་བྲིས་པར་གྲགས་པ་ཞིག་རེད། ༢༽འོག་བསྟོད་པ་འདི་ནི་ངས་འཇིག་རྟེན་བཞུགས་པའི་སྐད་གྲགས་ཅན་གྱི་སངས་རྒྱས་ཀྱི་འདྲ་བྲིས་གྱི་སྐུ་པར་འདི་འཇལ་བའི་སེམས་ཚོར་དངོས་ཡིན། དེ་ཡང་གུས་པ་བོད་གྱི་རྫ་ཨ་རིག་བཤད་གྲྭ་ན་ཡོད་དུས་འདྲ་པར་འདི་འདྲ་ཞིག་ལག་ཏུ་བསླེབས་ཤིང་དེ་དུས་བསྟོད་པ་འདི་ཡང་བྲིས་པ་དང་། འདྲ་པར་འདི་ངའི་གྲྭ་ཁང་གི་གདུང་མའི་སྒང་ལ་དཔར་སྒྲོམ་ཆུང་ཆུང་ཞིག་བཟོས་ནས་བཀལ་ཡོད་པས་ཆོས་གྲོགས་ཚོས་ཚེ་བཀྲའི་སྟོན་པ་རལ་པ་ཅན་ཟེར་ནས་སྐུ་རྩེད་གནང་གིན་ཡོད། དེ་ནས་ངའི་ཐོག་ཏུ་རླུང་འཚུབ་གཡུག་པའི་དུས་རིམ་གཞན་པ་ཞིག་གི་ནང་སྐུ་པར་དེ་དང་ཡང་ང་ཁ་བྲལ་བ་རེད།
དེ་ལས་མང་བ་། “དགྲ་བཅོམ་པ་གང་པོས་བྲིས་པའི་སངས་རྒྱས་ཀྱི་འདྲ་རིས་དང་མཇལ་བ།” »