ཀླུ་སྨྱོན།
ནམ་གུང་གི་ཚོར་བ་མེ་སྟག་འདྲ། །
དེས་སྣང་སྲིད་ཧྲིལ་བོ་ཐལ་བར་བསྲེགས། །
་་་ཁ་བྱང་གི་འགྲེལ།
མུན་ནག་སྟུག་པོའི་ཁོང་གསེང་ནས། །
ཕྲ་ལ་རྣོ་བའི་མཆེ་སྡེར་དག །
རིང་ནས་བརྐྱངས་པ་མཐོང་བའི་མོད། །
སྙིང་གི་བུ་ཆུང་གར་ལ་རྩེན། །
ཁྲག་དང་བཅས་པའི་མིག་ཆུའི་རྒྱུན། །
ས་གཞི་ཁྱབ་པའི་འཇིགས་སྣང་གིས། །
བྲེད་ཤ་ཐོན་པའི་འཕག་ཚག་ཀྱང་། །
སྡོམ་གྱི་རྨུ་ཐག་བཞིན་དུ་གྱུར། །
ལྷ་འདྲེ་གང་ཡིན་མ་ངེས་པའི། །
སྙིང་རྩ་སྡོམ་པའི་གྲིབ་གཟུགས་ཤིག །
འཇབ་བུའི་ངང་ཚུལ་ལྷུར་བླངས་ཏེ། །
ད་ནི་ཁོ་བོའི་འཁྲིས་སུ་བསླེབས། །
༸གོང་ས་མཆོག་གི་བགྲེས་ཡོལ་ཐད་རྒྱལ་སྤྱིའི་གླེང་སློང་།
གསང་གྲོལ་གྱིས།
༸གོང་ས་མཆོག་བགྲེས་ཡོལ་གྱི་སྐོར་རྒྱལ་སྤྱིའི་གསར་ལམ་ཁག་གི་དཔྱད་བརྗོད་ཁོལ་ཕྱུངས་མ།
ཧྥ་རན་སིའི་འཛམ་གླིང་ཚགས་པར་Le Monde ཡིས་མགོ་བརྗོད་དུ་ཏཱ་ལའི་བླ་མའི་རྒྱ་ནག་ལ་མང་གཙོའི་སློབ་ཚན་ཞིག་ཁྲིད་པ་ཞེས་བཀོད་དེ། ད་ལྟའི་བཙན་བྱོལ་བོད་གཞུང་འདི་ནི་མི་མང་གིས་འོས་བདམས་བྱས་པའི་སྲིད་བློན་གྱིས་སྣེ་ཁྲིད་ཀྱིན་ཡོད་ལ། ཏཱ་ལའི་བླ་མའི་ལས་འགན་ནི་ཆེ་མཐོང་རང་བཞིན་ཙམ་རེད། ཡིན་ནའང་བོད་དེ་རྒྱ་ནག་ནང་ཁུལ་ནས་རང་སྐྱོང་ངོ་མ་ཞིག་རག་ཐབས་ཀྱི་རྩོད་ལེན་ཁྲོད་ཏཱ་ལའི་བླ་མ་ནི་དོན་སྙིང་ལྡན་པའི་འགོ་ཁྲིད་ཅིག་རེད།
དེ་ལས་མང་བ་། “༸གོང་ས་མཆོག་གི་བགྲེས་ཡོལ་ཐད་རྒྱལ་སྤྱིའི་གླེང་སློང་།” »
ཕུ་ནུ་མིང་སྲིང་ཚོར་སྤྲིངས་པའི་འཕྲིན།
ཨ་རིག་འགྱུར་མེད།
གཅེས་པར་འོས་པའི་ངའི་ཕུ་ནུ་མིང་སྲིང་ཚོ། ཁྱེད་ཚོའི་ཁམས་བཟང་། ང་ནི་ཁྱོད་ཚོ་དང་འདྲ་བར་སུ་ཇཱ་བོད་ཁྱིམ་ནས་སློབ་མཐར་ཕྱིན། སུ་ཇཱ་བོད་ཁྱིམ་ནས་བོད་ཡིག་དང་དབྱིན་ཡིག་སྦྱངས། སུ་ཇཱ་བོད་ཁྱིམ་ནས་རང་ཉིད་ངོས་ཟིན་པ་དང་མི་ཚེའི་ཕུགས་འདུན་རྙེད། སུ་ཇཱ་བོད་ཁྱིམ་གྱི་ཤེས་བྱའི་དགའ་ཚལ་ནས་རྩོམ་རིག་གི་འདབས་ལག་ཅུང་ཙམ་རྒྱས་པའི་ཕུ་བོ་ཞིག་ཡིན་ལ། དེ་རིང་ང་ཁྱོད་ཚོའི་ཕུ་བོ་ངོ་མ་ཞིག་གི་སར་ནས་བསྡད་དེ། ཁྱོད་ཚོར་མ་འོངས་པའི་མི་ཚེའི་ཕུགས་འདུན་དང་བོད་མི་རིགས་ཀྱི་འདས་མ་ད་གསུམ་གྱི་ཆེད་དུ་ཁ་བརྡ་ཐུང་ཐུང་ཞིག་བྱེད།
དཔྱིད་མགོའི་མེ་ཏོག་གི་འདབ་མ་འཐོར་དུས།
ཀླུ་སྨྱོན། སྐྱོ་གདུང་དྲག་པོའི་ཟུག་རྔུ་དང་ལྷན་དུ་དཔྱིད་མགོའི་མེ་ཏོག་གི་འདབ་མ་འཐོར་དུས། ཁྱེད་ལ་དགུན་ཟླ་རིང་མོ་ཞིག་གི་དུས་ཡུན་ལ་བསྒུགས་པའི་སྡུག་ཡུས་དང་མཉམ་དུ། སྙིང་གསེང་ནས་བརྡོལ་བའི་མཆི་མའི་བཞུར་རྒྱུན་རེ་རེ་ནི། མི་ཚེ་གཅིག་གི་ཆེས་དཀའ་སྡུག་ཅན་གྱི་ལོ་ཟླ་དང་འདྲ་ཞིང་། འདས་པའི་ཟླ་ཤས་རིང་དཔྱིད་མགོའི་མེ་ཏོག་གི་འདབ་མ་བཞད་རྒྱུར་བསྒུགས་པ་འདི་ཡང་། རྒྱང་རིང་གི་སྙིང་སྡུག་ཅིག་ལ་རེ་སྒུག་བྱེད་པ་ལས་ཀྱང་འཁྱོལ་ཐབས་མེད་པའི་དུས་ཚིགས་ཤིག་རེད་ཨང་། ཐ་ན་རྨི་ལམ་ནང་དུ་ཡང་ལན་དུ་མར་ཤིང་སྡོང་དེའི་རྩ་རུ་བརྒྱུགས་ཤིང་། རྩོམ་ཡིག་གི་འཕྲོ་ཀློགས།