( འདི་ནི་དེ་རིང་ང་ལ་འབྱོར་བའི་གནས་ཚུལ་ཡིན་ལ། པར་དང་གཟུགས་མཐོང་བརྙན་འཕྲིན་ཡང་ཡིག་ཆ་མཉམ་སྦྱོར་བྱས་ནས་བསྐུར་ཡོད། པར་དང་གློག་བརྙན་ཆབ་ཆའི་སློབ་མ་ཚོ་རེད། )
ཉེ་ཆར་གྲངས་ཉུང་མི་རིགས་སྐད་ཡིག་ལ་འཇབ་རྒོལ་ཛ་དྲག་ཐེབས་པའི་གནས་ཚུལ་རག་བསྡུས། ད་ལོ་ནས་བཟུང་བོད་སྐད་ཡིག་ཟུར་ཁྲིད་ཙམ་ལས་མེད་པའི་སྲིད་བྱུས་དྲིལ་སྒྲོག་བྱས་རྐྱེན། ཕྱི་ལོ་༢༠༡༠ ༡༠ ༢༠ ཉིན་མཚོ་ལྷོ་བོད་རིགས་རང་སྐྱོང་ཁུལ་གྱི་མཐོ་རིམ་སློབ་འབྲིང་དང་པོ་དང་། ཁུལ་ལས་རིགས་ལག་རྩལ་སློབ་གྲྭ་༼འཕྲོད་བསྟེན་སློབ་གྲྭ་༽གཉིས་ཀྱི་ཁྱོན་སློབ་མ་༢༠༠༠ལྷག་གིས་གཙོ་བོ་༼བོད་ཡིག་དགོས་༽༼བོད་སྐད་ཡིག་སློབ་ཁྲིད་རྒྱུན་འཁྱོང་དགོས་༽ཞེས་དང་། ཞོར་དུ་༼མི་རིགས་འདྲ་མཉམ་དང་མཐུན་སྒྲིལ་དགོས་༽ཞེས་པའི་འབོད་ཚིག་སྒྲོག་བཞིན་སྔ་དྲོ་དུས་ཚོད་༦:༠༠-༡༠:༠༠ བར་ཞི་བའི་ཁྲོམ་སྐོར་དང་ཉིན་དེའི་ནང་གོང་གཉིས་ལ་ཟས་བཅད་ངོ་རྒོལ་བྱས་པ་དང་། མ་ཟད་ཚེས་ ༡༩ ཉིན་རྨ་ལྷོ་བོད་རིགས་རང་སྐྱོང་ཁུལ་དང་། ཚེས་ ༢༠ ཉིན་ཁྲི་ཀ་རྫོང་དང་། གཅན་ཚ་རྫོང་། བྲག་དཀར་༼དར་མཚོ་༽རྫོང་སོགས་ནས་ཀྱང་དེ་བཞིན་ཁྲོམ་སྐོར་དང་ཟས་བཅད་ངོ་རྒོལ་བྱས་འདུག།