བསྟན་འཛིན་ཉིན་བྱེད།
ལོ་མང་པོའི་སྔོན་ཨ་རིའི་སྲིད་འཛིན་ཞིག་གིས་རྒྱལ་བ་རིན་པོ་ཆེའི་མཉམ་མཇལ་འཕྲད་གནང་སྐབས་ང་ལ་རེ་བའི་འོད་ཟེར་ཞིག་འཕྲོ་གི་ཡོད་ལ། རྗེས་སོར་རེ་བ་དེ་ཚོ་སྟོང་ཟད་དུ་གྱུར་སོང་། དངོས་ཡོད་གནས་ཚུལ་ནི་ཨ་རིས་བོད་ཀྱི་རང་བཙན་ལེན་གྱི་རེད་བསམ་པ་དེ་ནི་རྨོངས་སེམས་ཞིག་ཡིན་ལ། དེ་ནི་འཇིག་རྟེན་ཆབ་སྲིད་ཀྱི་འགྲོ་སྟངས་དང་རྦད་དེ་འགལ་འདུག མི་སྒེར་ཞིག་གི་འཐབ་རྩོད་ཡིན་ནའང་འདྲ། རྒྱལ་ཁབ་ཞིག་གི་འཐབ་རྩོད་ཡིན་ནའང་རེད། གཙོ་བོ་རང་ཉིད་ཀྱི་འགན་རང་ཉིད་ཀྱིས་འཁུར་དགོས་པ་མ་གཏོགས་ཕྱི་མིའམ་ཕྱིའི་རྒྱལ་ཁབ་སྟོབས་ཤུགས་ཅན་ཞིག་ལ་རེ་བ་བཅོལ་བ་དེ་ནི་ནམ་མཁའི་སྟེང་ཁང་པ་བརྩིག་པ་ལྟ་བུའི་དབྱིན་ཇིའི་དཔེ་ལྟར་ཡོང་མི་སྲིད་པའི་གནད་དོན་ཞིག་ཡིན་པ་རེད།