བསེ་རུ།
འཛམ་གླིང་ཉི་མ་ཆེན་པོ།།
ཡུལ་གྲུ་གཞན་ལ་ཤར་ཡང་།།
གངས་ཅན་བོད་ཀྱི་རྒྱལ་ཁམས།།
མུན་པའི་གླིང་དུ་གྱུར་འདུག།
རྩམ་གཟན་གདོང་དམར་ཡིན་ན།།
ཕ་ཡུལ་ཕྱོགས་ལ་སོམས་དང་།།
འགྲོ་བ་མི་ཡི་ཐོབ་ཐང་།།
ལོངས་སུ་སྤྱོད་ཁོམ་འདུག་གམ།།
ཀུན་ཕན་ཐེབས་རྩ་ཚོགས་པས་རྩ་འཛུགས་བྱས་པའི་ཕྲེང་རྒྱུད་གཏམ་ཚོགས་སྐོར་གཟིགས་འདོད་ཡོད་ན་འདིར་ཕེབས་ནས་གཟིགས་རོགས། http://www.youtube.com/user/TraceFoundation
བསེ་རུ།
འཛམ་གླིང་ཉི་མ་ཆེན་པོ།།
ཡུལ་གྲུ་གཞན་ལ་ཤར་ཡང་།།
གངས་ཅན་བོད་ཀྱི་རྒྱལ་ཁམས།།
མུན་པའི་གླིང་དུ་གྱུར་འདུག།
རྩམ་གཟན་གདོང་དམར་ཡིན་ན།།
ཕ་ཡུལ་ཕྱོགས་ལ་སོམས་དང་།།
འགྲོ་བ་མི་ཡི་ཐོབ་ཐང་།།
ལོངས་སུ་སྤྱོད་ཁོམ་འདུག་གམ།།
ཀླུ་སྨྱོན།
ཤ་ཁུ་དེ་དང་ཤ་རྡོག་དེའི་རྐྱེན་གྱིས།
མདང་དགོང་གཉིད་ཡུལ་བདེ་ཞིང་རྨི་ལམ་འཕེལ།
རབ་རིབ་དང་ཟང་ཟིང་མང་པོ་ཞིག་བརྒྱུད་རྗེས།
ད་གཟོད་རྨི་ལམ་དེ་གློག་བརྙན་བཞིན་མགོ་བཙུགས་སོང་།
སུ་ཞིག་གིས་ཇུས་འགོད་བྱས་པ་མི་ཤེས་པར།
ང་རང་བྱིས་གཉོར་བ་ཞིག་ཆགས་འདུག
བྱིས་པ་དེའི་ཁ་སྣ་དང་རྐང་ལག་སྙིང་རྗེ་བོ་དེས།
ངའི་ཁྲག་རྩ་ཡོད་ཚད་དམ་དུ་བསྡམས་ཤིང་།
བྱིས་པ་དེ་དགོད་དུས་སུ་ང་ཡང་དགོད་པ་དང་།
བྱིས་པ་དེ་ངུ་དུས་སུ་ང་ཡང་ངུ་བཞིན་འདུག
ཁྱོད་སུ་ཡིན། སྤྲེའུས་ངོ་སྐྱི་གཉེར་ཙམ་དང་འཕོང་ཚོས་འཁྲུག་ཙམ་བྱེད་བཞིན། ང་ལ་རང་དབང་སྟེར་རོགས། ང་ལ་ཐོབ་ཐང་གནང་རོགས། ངའི་ལྗོན་པ་དེ་མ་གཅོད་རོགས། ལྗོན་པ་དེར་ཡལ་འདབ་དང་ལོ་མ་སྐྱེ་རུ་འཇུག་རོགས་ཟེར། ཝ་མོས་གཡོ་སྒྱུའི་གདོང་པགས་དེ་འཛུམ་ཙམ་དང་། གཏུམ་སྤྱོད་ཀྱི་གྲ་མོ་གཟེངས་ཙམ་བྱེད་བཞིན། ངོ་རྒོལ་མ་བྱེད། ཁ་ཁར་སྡོད། ཁ་ལ་ཉོན་དང་ཀ་ར་སྟེར་ཟེར། ཝ་མོས་སྤྲེའུ་ཚོ་རང་ཉིད་ཀྱི་ཚང་དུ་ཁྲིད་དེ། ངའི་ཚང་དང་ཕྲུ་གུ་ཚོ་སྐྱིད་པོ་ཅི་འདྲ་འདུག ལྟོས་དང་ཟེར།
དབུས་ཕྲུག་ཚེ་རིང་།
༡༽
བྱ་དངོས་གང་ཞིག་ཀྱང་འཕེལ་རྒྱས་ཀྱི་ཡང་རྩེ་ནས་གུད་པ་དང་གུད་པའི་མཐར་རྒྱས་པ་ནི་དངོས་པོའི་གཤིས་ལུགས་ཡིན།
ང་ཚོ་གངས་ཅན་པ་ཚོ་ཡང་འདས་པའི་ལོ་རྒྱུས་ནང་ཆབ་དཔལ་རིག་གསུམ་གྱི་མངའ་ཐང་དགུང་དུ་སྙེག་མྱོང་ལ།
ད་ཆ་གུད་པའི་མཐར་ལྷུང་སོང་བ་རེད།
འཛམ་གླིང་གི་མི་རིགས་དང་རྒྱལ་ཁབ་སུ་འདྲ་ཞིག་ཀྱང་ལོ་རྒྱུས་ཀྱི་ཐེམ་སྐས་འདི་འགྲིམས་མ་མྱོང་བ་མེད་ཚོད་རེད།
མི་ལོ་ལྔ་བཅུ་ལྷག་ཙམ་ང་ཚོ་འདི་ལྟར་གྱར་དགོས་དོན་ཡང༌།
ང་ཚོའི་སྤྱི་ཚོགས་ཁྱོན་ཡོངས་ཀྱི་སློབ་གསོའི་རྨང་གཞི་ཞན་པ་དང༌།
བཟོ་ལས་ཚན་རིག་གི་ཤེས་བྱ་དང་གསར་གཏོད་ཀྱི་ལམ་བུར་དོགས་འདྲོགས་ཀྱིས་བཀག་རྡོ་མང་བ།
འདི་ལྟར་ཕྱོགས་ལྷུང་གི་བསམ་བློའི་འདུ་ཤེས་གཏིང་ཟབ་པས་ང་ཚོ་འདི་ལྟར་དྲུད་འོང་བ་རེད།
འོན་ཀྱང་སྙིགས་དོར་བཅུད་ལེན་གྱིས་དེང་རབས་ཀྱི་འོད་སྣང་ལ་ཁ་ཕྱོགས་ཏེ་དཀའ་ཚེགས་ཆེ་བའི་ང་ཚོའི་མདུན་ཕྱོགས་ཀྱི་ལམ་བུར་དུས་རབས་ཀྱི་དཔལ་ཡོན་མངོན་འགྱུར་ཡོང་བར།
ང་ཚོ་རང་ཉིད་ནས་འགོ་འཛུགས་བྱེད་ཐུབ་ན།
རྟ་མཆོག་ལས་ཀྱང་འགྲོས་མྱུར་བའི་དུས་རབས་ཀྱི་འཕོ་འགྱུར་ཞིག་གིས་ང་ཚོ་ཡང་འདི་ལྟར་ལུས་མི་སྲིད།
བོད། ལྷ་ཀླུ་གཉན་གསུམ་ནས།
ག་ལེར་འགྲོ་དུས་སུ ཕྱི་རོལ་རླུང་བུ་འཚུབ་མོ་ཞིག་གིས
སེམས་ཁ་རལ་བར་གཏོང་དུས
མི་རིགས་ཤིག་གི་གནའ་བོའི་དབྱངས་རྟ་ཞིག
ག་ལེར་ཁུར་ནས་འགྲོ་བ་མཐོང་ཐེངས་རེར
ལྷོད་ལྷོད་ཀྱི་སེམས་གཤིས་ཤིག ནམ་ཡང་རྒྱུད་ལ་འཇག་ཐབས་མེད་པར
རླུང་བུ་གྲང་མོ་ཞིག་སྒུམ་ནས འཇིག་རྟེན་གཞན་ཞིག་གི་རྨི་ལམ་རྨིས་པའི་ང་ཚོ
འགྱུར་བག་གི་ལྷག་རླུང་གི་ཁྲོད་དུ ར་བཟི་ཁྱུ་ཞིག་དང་འདྲ་བར
ག་ལེར་ག་ལེར ཕལ་ཆེ་བ་རྫོགས་འགྲོ་ངེས་ཡིན་ནམ་ཅི