མེ་རི།
ཧི་མ་ལ་ཡ་དང་དེའི་འདབས་སྣེ་བཟུང་བའི་བོད་མི་ཚོ།
འཛམ་གླིང་གང་སར་ཐོར་ཞིང་འཚོ་བའི་བོད་མི་ཚོ།
ཅི་འདྲའི་སྤོབས་པ་དང་གཟི་བརྗིད་ངང་བསྐྱོན་པའི་གངས་སེང་གི་དར་ཆ།
འཛམ་གླིང་གི་ཡང་རྩེ་ན་འཇིགས་བྲལ་ངང་འགྱིང་དུས།
མེ་རི།
ཧི་མ་ལ་ཡ་དང་དེའི་འདབས་སྣེ་བཟུང་བའི་བོད་མི་ཚོ།
འཛམ་གླིང་གང་སར་ཐོར་ཞིང་འཚོ་བའི་བོད་མི་ཚོ།
ཅི་འདྲའི་སྤོབས་པ་དང་གཟི་བརྗིད་ངང་བསྐྱོན་པའི་གངས་སེང་གི་དར་ཆ།
འཛམ་གླིང་གི་ཡང་རྩེ་ན་འཇིགས་བྲལ་ངང་འགྱིང་དུས།
སྨྱུག་རྒོད་གངས་བུ་དཔལ། ས་གླང་མགོ་༡༤ཉིན་བྲིས།
————————-
༡སྔོན་གླེང་།
ཆུང་དུས་ནས་མི་རྒན་པ་ཚོའི་ངག་ལས་དྲེད་མོང་གི་གཏམ་རྒྱུད་མང་པོ་གོ་མྱོང་ཡང་། དྲེད་མོང་བྱ་བའི་སེམས་ཅན་དེ་གང་འདྲ་ཞིག་ཡོད་དམ་སྙམ་ནས་རྟག་པར་དོགས་པ་ཟ་གི་ཡོད། ངས་མི་རྒན་འགའ་ཞིག་ལ་དྲེད་མོང་བྱ་བ་གང་འདྲ་ཞིག་ཡོད་དམ་ཞེས་སྐད་ཆ་དྲིས་དུས། ཁ་ཤས་ཀྱིས་གདོང་བེའུ་འདྲ་པོ་ཡོད་པ་དང་། ཡང་ཁ་ཤས་ཀྱིས་མགོ་ལ་སྤུ་བཟང་པོ་ཡོད་རབས་དང་། ཁ་ཤས་ཀྱིས་རྒྱང་རིང་ནས་བལྟས་ན་མི་འདྲ་པོ་ཡོད་པ་བཤད་སོང་། ཐམས་ཅད་ཀྱི་ཁ་ཆིག་བསྒྲག་ཏུ་དྲེད་མོང་གིས་གཡག་བསད་ནས་ཟ་གི་ཡོད་པ་བརྗོད་སོང་ལ་འགའ་ཞིག་གིས་དྲེད་མོང་ནི་བུང་བུ་ཟ་རྒྱུར་ལྷག་པར་དགའ་པོ་ཡོད་པ་བཤད་བྱུང་། དྲེད་མོང་གི་རིགས་ལའང་མི་དྲེད་དང་དོམ་དྲེད་ཞེས་གཉིས་ཕྱེ་ཡི་འདུག་ཅིང་ཁ་ངག་ལ་མི་དྲེད་ཀྱིས་གཡོ་ཐབས་ཀྱིས་མི་ཟ་གི་ཡོད་པའང་བཤད་སྲོལ་འདུག ཡིན་ནའང་ཁོ་བོས་དེ་སྔ་དྲེད་མོང་དངོས་སུ་མཐོང་རྒྱུ་ཕར་བཞག་འདྲ་སྣང་གི་སྒྲ་སྤྱི་ཙམ་ཡང་ཡག་པོ་ཞིག་ཤར་མ་ཐུབ་པས་དྲེད་མོང་བྱ་གང་འདྲ་ཞིག་ཡོད་དམ་སྙམ་པའི་ཤེས་འདོད་ཆེན་པོ་བྱུང་བས། ལོ་ཤས་ནང་ངའི་དྲ་ཚིག་སོགས་ནས་དཔར་དེ་འདྲ་ཕབ་ནས་མི་རྒན་ཁ་ཤས་ལ་བསྟན་པ་ལས་ད་ཆ་དྲེད་མོང་བྱ་བ་དེ་འདི་འདྲ་ཞིག་ཏུ་མཐའ་དཔྱོད་བྱས་པ་ཡིན།
བོད། ལྷ་ཀླུ་གཉན་གསུམ་ནས།
དེ་རིང་ནི་ཉིས་སྟོང་དགུ་རྫོགས་ནས་ད་ནི་ཉིས་སྟོང་བཅུ་ཟིན་པ་རེད། ལོ་གཅིག་གི་རིང་དུ་བྱས་ཟིན་པའི་བྱ་བ་དག་ལ་ཕྱི་མིག་ཅིག་བལྟས་དུས། འདས་ཟིན་མ་ཐག་པའི་ལོ་གཅིག་དེ་ཡི་ནང་དུ་ག་རེ་བྱས་ཡོད་མེད་དེ་རེད། དེ་ནི་མི་ཡུལ་ནས་མི་ཡུལ་ལ་གྱར་ནས། མི་ཡུལ་གྱི་འཚོ་བ་རོལ་སྟངས་གཞན་ཞིག་གི་ཁྲོད་དུ་ཡོད་པ་དེ་རེད།