གཡང་སྐྱབས་རྒྱལ།
———
“ང་ནི་བོད་ཡིན་”ཞེས་པའི་གླུ་ཞིག་འདུག
“བོད་ནི་ང་ཡིན་”ཞེས་པའི་གླུ་ཞིག་འདུག
ཆོལ་ཁ་གསུམ་གྱིས་རུས་པའི་ཚོད་དུ་བྱས།།
ས་དགེ་བཀའ་རྙིང་བོན་གྱིས་ཡན་ལག་གྲུབ།།
མི་རབས་གསར་རྙིང་ཁྲག་དང་ཤ་ཡི་དོད།།
མི་འཆི་ནད་ཀྱིས་ཐེབས་པའི་བོད་འདི་སྐྱོ།།
ཧ་ཧ།
བོད་འདིའི་མགོ་བོར་ཟུག་གཟེར་འཕར་ནས་འདུག
བོད་འདིའི་སྐེ་ལ་གཉན་ནད་བྱུང་ནས་འདུག
ལག་པ་གཡས་པས་ལག་པ་གཡོན་ལ་བསྣུན།།
ན་ཟུག་ལངས་པ་བཟོད་ཐབས་ག་ལ་ཡོད།
འཆར་སྣང༌།
བདེ་ཆེན་སྒྲོལ་མ།
བོད་མིའི་བྱུང་རབས་སྤྲེའུ་གཏམ་རྒྱུད་ལ།།
མཁས་དང་བླུན་པོའི་ས་མཚམས་མི་ཆོད་པར།།
གང་དྲན་བྱུང་རྒྱལ་སྨྲ་བ་མང་མོད་ཀྱང༌།།
དོན་གྱི་གནད་ལ་ཕོག་པ་རེ་གཉིས་ཙམ།།