རྩོམ་པ་པོ། བསེ་རུ་
———–
གངས་དཀར་མ་ཡུམ་མངལ་ལས་སྦྲུམ་པའི་ང༌།།ཤ་དང་རྩམ་པའི་རོ་བཅུད་མྱོང་མཁན་ང༌།།
མ་བསླབས་ཡིག་དྲུག་བཟློ་བའི་ནེ་ཙོ་ང༌།།དམ་ཆོས་སྙིང་པོའི་རང་ངོ་མ་འཕྲོད་ང༌།།
མི་རིགས་ལ་རྒྱའི་ཟུངས་ཁྲག་མི་རྒྱུ་ང༌།།མགོ་བདེ་དྲན་འཕྲུལ་ངན་ཁྲག་རྒྱུ་བའི་ང༌།།
མཐོན་པོའི་ཁྲི་ལ་འགྱིངས་པའི་རྗེ་བོ་ང༌།།ཉམ་ཆུང་འབངས་ལ་སྡང་བའི་གཤེད་མ་ང༌།།
གཞིས་བྱེས་བོད་མིའི་རྩ་དོན་སྒྲུབ་མི་ང༌།།ལྷག་བསམ་སྙིང་སྟོབས་གོ་ཆ་མི་བཙན་ང༌།།
ཁ་ནས་ས་དྲུག་བདེན་དོན་སྒྲོག་མཁས་ང༌།།ཁོག་ན་རང་དོན་ས་བཀྲ་འབྲི་མཁན་ང༌།།