རིན་ཆེན་ལྷ་མོ་ལགས་ནི་དུས་རབས་བཅུ་དགུ་བའི་་དུས་མཇུག་ཏུ་བོད་ཡུལ་ཁམས་སུ་སྐྱེས་ཤིང་དེ་རུ་འཚར་ལོངས་བྱུང་། ལོ་ན་གཞོན་པའི་སྐབས་སུ་བོད་དུ་བཅའ་སྡོད་དབྱིན་ཇིའི་སྐུ་ཚབ་( LOUS KING )ཟེར་བ་དང་མཉམ་དུ་གཉེན་སྒྲིག་བྱས་ཤིང་དབྱིན་ལན་དུ་ཕྱིན་དེ་མི་ཚེའི་ལྷག་འཕྲོ་དེ་རུ་བསྐྱལ། ཁོ་མོས་བརྩམས་པའི་” We Tibetans”ང་ཚོ་བོད་མི་རྣམས་ཞེས་པ་དེ་ཕྱི་ལོ་༡༩༢༦ལོར་དབྱིན་ལན་དུ་ཐེངས་དང་པོར་དཔར་བསྐྲུན་བྱས། དེ་རྗེས་ཕྱི་ལོ་༡༩༨༥ལོར་ཨ་རིའི་ནེའུ་ཡོག་ཏུ་བསྐྱར་དུ་དཔར་བསྐྲུན་ཐེངས་གཉིས་པ་དེ་བྱས་འདུག དཔལ་འབྱོར་དཔར་བསྐྲུན་ཁང་གིས་དཔར་ཐེངས་གསུམ་པ་དེ་བཏབས་འདུག
བོད་ཀྱི་ལོ་རྒྱུས་ཐོག་ནུབ་གླིང་བ་དང་ཆང་ས་རྒྱག་མཁན་དང་པོ་དེ་བདེ་ཆེན་ཡིན་ན་ཁྲིག་ཁྲིག་མེད་གི
རྒྱ་གར་ཤར་ཕྱོགས་ཚོང་སྡེའི་གཞུང་ཞབས་མི་སྣ་ ཇོར་ཇི་བྷེ་གལ་ཟེར་བ་དེ་བྷེང་ལོར་དང་བོད་བར་ཚོང་འབྲེལ་གྱི་ཆེད་དུ་ ༡༧༧༤ ལོར་གཙང་ལ་སླེབས་ནས་པན་ཆེན་རིན་པོ་ཆེ་སྐུ་ཕྲེང་དྲུག་པ་དཔལ་ལྡན་ཡེ་ཤེས་ལ་མཇལ་ཞིང་། བཀྲ་ཤིས་ལྷན་པོར་བོད་ཡིག་སྦྱངས་ནས་བསྡད་འདུག ཕ་ཁྲི་རིག་ཧྥི་རེན་ཆི་ནས་བྲིས་པའི་བོད། བོད་ཟེར་བའི་དབྱིན་དེབ་དེའི་ནང་བྲིས་པ་ལྟར་ན། བྷེ་གལ་གྱིས་བོད་མོ་བདེ་ཆེན་ལ་ཆང་ས་རྒྱབ་འདུག་པ་དང་། ཁོང་གཉིས་ལ་ བུ་མོ་གཉིས་ཡོད་པ་དང་། བུ་མོ་དེ་གཉིས་སློབ་སྦྱོང་གི་ཆེད་དུ་ཕྱིར་སི་ཁོ་ཊི་ལན་ཊིར་བཏང་ཚུལ་བྲིས་འདུག ཡང་ཝེ་ཀི་ཧྥེ་ཌེས་ཡ་ནང་ཡིག་ཆ་ཞིག་མཐོང་བའི་ནང་། བྷོ་གལ་གྱིས་ཆང་ས་རྩ་ནས་བཀྱོན་ཡོད་པ་མ་རེད། ཡིན་ནའང་། ཁོ་ལ་བུ་ཇོར་ཇི་དང་བུ་མོ་མར་ཐ་དང་མེ་རི་གཉིས་ཡོད་པ་རེད། ཁྱིམ་མིའི་ངག་རྒྱུན་གཞིར་བཟུང་ན་བུ་མོ་རྗེས་མའི་ཨ་མ་བོད་མོ་རེད་ཅེས་བྲིས་འདུག གནས་ཚུལ་འདི་འདྲ་ཡ་ཁ་མ་ཁ་ཐོ་མི་ཐུག་པ་ཞིག་མ་གཏོགས་ལག་ཡོང་བྱུང་མ་སོང་། སུ་གང་ཞིག་ནས་གནས་ཚུལ་ཁུངས་ཐུབ་རེ་རྙེད་ན་འདིར་འགོད་རོགས་གནང་།