སྲིད་འཛིན་ཧོ་ཅིན་ཐོ་སོགས་ཆེ་མཐོའི་མགོ་ཁྲིད་དགུ་ནས་ཕུལ།
(ཚན་པ་དང་པོ་ད་དུང་གསང་བ་ཡིན། ཚན་པ་གཉིས་པ་འདི་ཕྱིར་བསྒྲག་བྱེད་མཁན་ཀུན་གསལ་ཡིན།)
བོད་ཀྱི་སྲིད་འཛིན་ཏྰ་ལའི་བླ་མ་མཆོག་དང་སྲིད་བློན་ཟམ་གདོང་སོགས་བོད་ཀྱི་བླ་དཔོན་དང་མི་སེར་རྣམས་ལ།
ཁྱེད་ ཚོས་མང་གཙོ་དང་རང་དབང་གླེང་ནས་ང་ཚོ་ལ་ངོ་རྒོལ་བྱེད་ཀྱིན་འདི་འདུག སྐད་ཆ་འདི་དག་ནི་གྲོད་ཁོག་བརྒྱགས་ཚར་རྗེས་འབྱོར་འབྲིང་སྤྱི་ཚོགས་ལ་བསྐྱོད་ སྐབས་གླེང་རྒྱུའི་སྐད་ཆ་ཞིག་རེད། ང་ཚོ་ལ་ལྕགས་ཁྲབ་འཁོར་ལོ་༡༣༢༠༠་དང་འཐབས་འཛིང་གནམ་གྲུ་༩༢༡༨་། འཕུར་མདའ་འགོག་སྲུང་༡༨༥༠༠་། མཚོ་དམག་གྲུ་གཟིངས་༢༨༤་། ཕྱིར་བསྒྲགས་བྱེད་མི་ཉན་པའི་རྡུལ་ཕྲན་མཚོན་ཆ་འགའ་ཤས་ཡོད་པ་ནི་བདེན་པ་ཡིན་པར་མ་ཟད། ང་ཚོས་མི་དམངས་ཀྱི་སྒོར་མང་པོ་ཞིག་བདག་འཛིན་བྱས་ཡོད་པ་ཨ་རི་ལ་བོགས་མར་བཏང་ཡོད་པ་ཡང་བདེན་པ་ཡིན། དྲང་མོར་བཤད་ན་དེང་སྐབས་ང་ཚོ་ནི་གྲོད་ཁོག་འགྲང་རྒྱུའི་དོན་ལ་བསམ་བློ་གཏོང་བཞིན་པའི་སྐབས་ཡིན། ཡང་ཨ་རི་ལ་དཔེ་བླངས་ནས་བཤད་ན་ང་ཚོ་ཨ་རིའི་མི་རིགས་དཀར་ནག་གཉིས་ལ་ཁྲིམས་ཐོག་ནས་འདྲ་མཉམ་བྱུང་དུས་ཕར་ཞོག ད་དུང་ལོ་བརྒྱ་དང་བཞི་བཅུའི་སྔོན་གྱི་ཨ་རིའི་ཚེ་གཡོག་མཇུག་སྒྲིལ་བའི་དུས་སྐབས་ལའང་སླེབས་མེད།