བློ་བཟང་དབང་རྒྱལ་གྱིས་གཞུང་དང་བོད་མིའི་སྤྱི་ཚོགས་ལ་མ་ཉེས་ཁ་གཡོག་བྱེད་ཀྱི་འདུག
སྟག་སྨྱོན་གྱིས། ——– བོད་ཀྱི་མཛངས་མ་འགྲན་སྡུར་གྱི་ལས་འགུལ་འདི་ཚད་ལྡན་ཡོང་ཆེད། ད་ལྟའི་གོ་སྒྲིག་བྱེད་མཁན་བློ་བཟང་དབང་རྒྱལ་ཟེར་བ་འདི་བོད་པའི་སྤྱི་ཚོགས་ནང་བག་ཆགས་དང་བྱ་སྤྱོད་ཆེས་མི་ལེགས་པའི་མི་ཐ་ཤལ་ཞིག་ཡིན་སྟབས། ཡིད་དུ་འོང་ཞིང་མཛེས་སྡུག་ལྡན་པའི་ལས་འགུལ་འདི་བཞིན་ལོ་རེ་བཞིན་ཆེས་ཉམས་ཐག་གི་རྣམ་པ་ཞིག་གི་འོག་ནས་ཚོགས་ཀྱི་འདུག་པས་གོ་སྒྲིག་བྱེད་མཁན་བརྗེ་དགོས། གོ་སྒྲིག་བྱེད་མཁན་ཚད་ལྡན་མེད་པའི་དབང་གིས་ལས་འགུལ་ཡག་པོ་ཡོང་གི་མེད་པ་ཕར་བཞག་ནས། ཕྱི་ནང་གི་མི་རིགས་ཚང་མར་བོད་ཀྱི་མཛངས་མ་འགྲན་བསྡུར་གྱི་ལས་འགུལ་འདི་བཞིན་ལམ་ལྷོངས་ཡོང་གི་མེད་པ་བོད་གཞུང་དང་བོད་མིའི་ཚོའི་སྤྱི་ཚོགས་གུ་དོག་དྲག་པས། བུ་མོ་ཚོའི་ཐོག་གནོན་ཤུགས་ཆེ་བ་དང་བུ་མོ་ཚོའི་བསམ་བློ་དམའ་དྲགས་པ་སོགས་ཀྱིས་འགྲན་བསྡུར་ནང་ཞུགས་མཁན་མེད་ལུགས་དང་། ཞུགས་ཁ་ཤས་ཡོད་པ་ཚོ་ཕ་མ་འགྲམ་ན་མེད་མཁན་དང་ཡང་ན་བུ་མོ་འཁྲེབ་ཏོ་ཚོ་ལས་བུ་མོ་ཚད་ལྡན་ཞིག་འགྲན་སྡུར་དེའི་ནང་ཞུགས་ཀྱི་མེད་སྐོར་གང་སར་ཁྱབ་འདུག་པས་། བློ་བཟང་དབང་རྒྱལ་གྱིས་ལས་དོན་ཡག་པོ་ཡོང་གི་མེད་པ་བོད་མིའི་སྤྱི་ཚོགས་ལ་འགེལ་བཞིན་པའི་ནག་ཉེས་འདི་སྣང་མེད་དུ་འཇོག་མི་འོས་པ་མཐོང་། ལྷག་པར་བུད་མེད་ཚོའི་མཛེས་སྡུག་དང་མཁས་རྩལ་འགྲན་སའི་ལྡིང་ཆ་འདི་བཞིན་བློ་བཟང་དབང་རྒྱལ་གྱི་ལག་ནས་རྩེད་སྤྱད་བྱེད་དུ་བཅུག་ནས་འཇོག་མི་འོས། དེའི་ཕྱིར་ལས་དོན་འདི་ངེས་པར་བོད་མིའི་ཚད་ལྡན་གྱི་ཚོགས་སྡེའམ་གང་ལྟར་འགྲན་སྡུར་འདི་བཞིན་བཟི་བརྗིད་དང་སྤོབས་པ་ལྡན་པའི་སྒོ་ནས་གོ་སྒྲིག་བྱེད་ཐུབ་མཁན་ཞིག་ལ་རྩིས་སྤྲོད་དགོས་ཀྱི་འདུག ད་ལྟ་གོ་སྒྲིག་བྱེད་མི་ཆེས་ཐ་ཤལ་དང་སྤྱི་ཚོགས་ནང་བག་ཆགས་ཡག་པོ་མེད་སྟབས། བུ་མོ་ཚད་ལྡན་ཞིག་དེའི་ནང་ཞུགས་རྒྱུར་ངོ་ཚ་དང་ཞེད་སྣང་བྱེད་ཀྱི་ཡོད་པ་རེད། བོད་མིའི་སྤྱི་ཚོགས་ཀྱི་དགའ་བསུ་ལས་འགོག་རྐྱེན་བྱེད་མི་སྲིད། བོད་མིའི་སྤྱི་ཚོགས་ཀྱིས་གོ་སྒྲིག་བྱེད་མཁན་བློ་བཟང་དབང་ལ་ལྟ་སྟངས་ཡག་པོ་མེད་པ་དང་ཡིད་མ་ཚིམ་པ་ལས། མཛེས་མའི་འགྲན་བསྡུར་ལ་མ་དགའ་བ་མ་ཡིན་པ་བདེན་དཔང་བྱེད་ཆེད་དང་། གོ་སྐབས་འདི་བཞིན་བོད་ཀྱི་བུ་མེད་ཚོའི་ཆེད་དུ་ཚད་ལྡན་ཡོང་ཆེད་གོ་སྒྲིག་བྱེད་མཁན་བརྗེ་དགོས་ཀྱི་འདུག དེ་ནི་བོད་ཀྱི་བུད་མེད་ཚོའི་ཐོབ་ཐང་ཨང་དང་པོ་ཞིག་རེད་འདོད། འདིར་ཕྱོགས་ཙམ་ལས་རྒྱས་པ་མཆན་བུ་ནང་ག་ལེར་གླེང་ཆོག གང་ཡིན་ཟེར་ན་དེ་རིང་ངས་ཡོས་ཏྲུབ་ནང་བོད་མིའི་སྤྱི་ཚོགས་དང་བོད་གཞུང་གི་གནོན་ཤུགས་འོག་ལས་འགུལ་འདི་ལམ་འགྲོ་ཡོང་གི་མེད་པའི་སྐྱོན་བརྗོད་བྱེད་བཞིན་གོ་ནས་འདི་བྲིས་ཡིན། དེ་ནི་རྦད་དེ་དཀར་ནག་གོ་ལྡོག་གི་སྐད་ཆ་ཞིག་རེད།