འུ་ཚང་གི་སེམས་ངལ།
བོང་སྟག་རི་ལུ།
ཨ་མས་འུ་ཚང་དབུལ་པོ་ཡིན་ཞེས་ཁ་ནས་སྡུག་སྨེ་ཡང་ཡང་འདོན།།
སྲིང་མོས་འུ་ཚང་དབུལ་པོ་ཡིན་ཞེས་སེར་ག་གས་པའི་མཛུབ་མོ་སྟོན།།
ཚ་མོས་འུ་ཚང་དབུལ་པོ་ཡིན་ཞེས་དབུལ་སྐྱོར་སློབ་མའི་གྲལ་ལ་འཚང༌།།
ང་ཡིས་འུ་ཚང་ཕྱུག་པོ་ཡིན་ཞེས་ཀ་མད་སུམ་ཅུའི་རྩོམ་ཞིག་བྲིས།།
གཡབ་ཁང་ནང་གི་གཏམ་རྒྱུད།
རྨེ་སྲིབ་ནོར་བུ།
ལོ་གསུམ་འཚོ་བ་དྷ་སའི་ཤིང་ལོའི་འོག།
གྲིབ་བསིལ་ལྷན་དུ་བདེ་བར་གནས་ན་ཡང༌།།
མིག་ཡངས་མ་ཡི་རེག་བྱ་འཇམ་པོའི་ཟས།།
ལོངས་སུ་མ་སྤྱད་སྐོམ་པས་གདུང་ཤུགས་ཀྱིས།།
ཨ་ཅག་བལ་བཟའི་ཁྱིམ་ལ་དེད་ཡོང་ཐལ།།