བོད་སྒྱུར་ ཚེ་རིང་དོན་གྲུབ
China Digital Times [April 07, 2008]
གཤམ་གྱི་རྩོམ་ཡིག་འདི་ཀྲུང་དབྱང་མི་རིགས་སློབ་གྲྭ་ཆེན་མོའི་སློབ་མ་ཞིག་ནས་བྲིས་ཞེས་མཚན་རྟགས་བཀོད་འདུག CDT ནས་བསྒྱུར་།
བོད་ཀྱི་ས་ཁུལ་དུ་ཡར་རྒྱས་ཆེན་པོ་འགྲོ་བའི་སྐབས་འདིར་ངས་རྩོམ་ཡིག་ཅིག་འབྲི་འདོད་བྱུང་། ཡིན་ནའང་། རྒྱལ་ཁབ་ཕྱི་ནང་གཉིས་སུ་གསར་འགྱུར་བརྒྱུད་ལམ་དུ་གནས་ཚུལ་གཏོང་སྤེལ་གནང་བ་དེ་མཐོང་རྗེས། ངས་གང་ཞིག་ལ་ཡིད་ཆེས་བྱེད་དཀའ་བ་བྱུང་། ངས་རྣམ་དཔྱོད་ཀྱང་བོར་སོང་། རྩོམ་ཡིག་འབྲི་བའི་འགོ་འཛུགས་ཐབས་ཤེས་བྱས་ཡང་། ངས་མུ་མཐུད་ནས་འབྲི་མ་ཐུབ། རྒྱུ་མཚན་ནི་ངའི་ཚོར་ཤེས་དེ་ཧ་ཅང་རྙོག་དྲ་ཞིག་གི་ནང་དུ་འཚུད་། དེ་རིང་ཕྱི་དྲོ་། ངས་ལས་གྲོགས་ཞིག་ལ་གནད་དོན་དེའི་སྐོར་ཡང་བསྐྱར་གླེང་མོལ་བྱས་བ་དང་ཁ་བརྡ་དེ་འཁྲུག་རྩོད་ནང་ཛ་དྲག་ཏུ་གྱུར་། མཐར་མར་ལས་གྲོགས་ཀྱིས་ “རྒྱ་ནག་དམར་ཕྱོགས་པའི་”་རྣམ་པ་སྤྱད་ནས་སྨྱོ་བ་ལྟ་བའི་གདོང་བསྟན་ཏེ་་“ཁོང་ཁྲོས་ཚིག་ངན་དུ་ནག་འཕྱུར་འཕྱུར”ངང་ནས་ང་ལ་མཚམས་བཞག དེ་ནི་དོན་མེད་ཅིག་ཏུ་བསམ་ནས་ངས་རང་ཉིད་ཀྱི་ཁ་བཙུམ་པ་ཡིན། ངས་མི་སྣ་མང་པོ་མཉམ་དུ་ལས་ཀ་བྱས་ཡོད་། ཡིན་ནའང་། མི་མང་པོ་ཞིག་འདི་ལྟར་ཀླད་པ་སྒྱུར་བཀོད་བྱས་ཡོད་པ་ངས་ཡིད་ལ་འཆར་མ་སོང་།