ཁ་བརྡ།

པདྨ་ཚེ་དབང་ཤཱསྟྲིས།

བར་ལམ་ཞིག་ནས་བཙན་བྱོལ་སྤྱི་ཚོགས་ཀྱི་ནང་དུ། གསར་ཤོག་དང་། དྲ་གནས། ཟིན་ཐོ། བརྙན་འཕྲིན། རླུང་འཕྲིན་སོགས་བརྒྱུད་ལམ་དུ་མའི་ནང་དུ་ཡོང་ལ་ཉེ་བའི་བཀའ་བློན་ཁྲི་པ་དང་། སྤྱི་འཐུས་ཀྱི་འོས་བསྡུའི་ཐད་ལ་ཚ་ཚ་འུར་འུར་གྱིས་གླེང་པ་མ་ཟད། ཚོགས་པ་དང་སྒྲིག་འཛུགས་འགའ་རེས་་བཀའ་ཁྲིའི་འོས་གཞིར་བཞེངས་མཁན་འགའ་ཞིག་གི་དབར་ལ་བགྲོ་གླེང་ཁ་ཤས་ཀྱང་གོ་སྒྲིག་གནང་ཡོད། འོན་ཀྱང་ད་ལྟ་བར་དུ་མང་ཆེ་བས་རང་རང་གི་ཁམས་དང་མོས་པར་བསྟུན་ཏེ། བཀའ་ཁྲི་སུར་འོས་མིན་དང་། དེ་དག་གི་འོས་པའི་ཁྱད་ཆོས་དང་། མི་འོས་པའི་སྐྱོན་ཆ། དེ་བཞིན་སྤྱི་འཐུས་ཀྱི་འོས་གཞིའི་སྐོར་ལ་སྐབས་བཅུ་བཞི་པའི་གྲོས་ཚོགས་ཚོགས་དུས་བརྒྱད་པ་མཇུག་བསྒྲིལ་མ་ཐུབ་པའི་དབང་གིས་ད་ཡོད་སྤྱི་འཐུས་འགའ་ཞིག་ལ་སྐྱར་དུ་འོས་བླུགས་མི་འོས་པའི་སྐོར་ཙམ་གླེང་བ་ལས། དེ་མིན་ཡོང་རྒྱུའི་སྤྱི་འཐུས་ཀྱི་འོས་གཞི་དང་། འོས་འཕེན་པའི་སྐོར་ལ་དེ་ཙམ་གྱི་ཐུགས་སྣང་མ་བྱུང་བ་ལྟ་བུར་སྣང་།
སྤྱིར་མང་གཙོའི་ལམ་ལུགས་ལྡན་པའི་རྒྱལ་ཁབ་ཕལ་ཆེ་བའི་ནང་དུ་སྲིད་ཇུས་འདྲ་མིན་འཛིན་པའི་སྲིད་དོན་ཚོགས་པ་གཉིས་གསུམ་མམ། དུ་མ་ཡོད་པར་བརྟེན། རྩོམ་ཡིག་འདིའི་འཕྲོ་ཀློག »

བོད། ལྷ་ཀླུ་གཉན་གསུམ།

ང་ཚོས་དེང་སང་དྲ་ངོས་མི་ཉུང་བ་ཞིག་ན། སྐད་ཤུགས་ཆེན་པོའི་སྒོ་ནས་དང་སྤྱར་ཡིག་འདྲ་མིན། གཏམ་བཤད་འདྲ་མིན། བརྙན་འཕྲིན་འདྲ་མིན། གསུང་བཤད་འདྲ་མིན། གླེང་ཕྱོགས་འདྲ་མིན། འདོད་མོས་ཡོད་མེད་ལ་མ་བལྟས་པར། ཉིས་སྟོང་བཅུ་གཅིག་ནི་སླེབས་དེ་འོང་བཞིན་པའི་སྐབས་ཏག་ཏག་འདི་ལ་དགའ་འོས་པའི་དོན་དག་ཆེན་པོ་ཞིག་ཡོད་པ་དེ་ནི་བོད་མི་བྱེས་པ་ཚང་ལ་བཀའ་བློན་ཁྲི་བ་བླངས་མཁན་མེད་པའི་དཀའ་ངལ་དེ་ལས་བརྒལ་ནས། ཉིན་རེ་ཡི་རྗེས་སུ་མི་རེ་འབྱོར་ནས་ང་བཀའ་བློན་ཁྲི་བར་བླང་གི་ཡིན། འདི་ངའི་དམ་བཅའ་ཡིན། འདི་ངའི་དམིགས་ཡུལ་ཡིན། འདི་ངའི་བྱེད་འདོད་ཀྱི་འཆར་གཞི་ཡིན། རྩོམ་ཡིག་འདིའི་འཕྲོ་ཀློག »

(བོད་ཀྱི་སྲིད་དོན་སྐྱར་ཞིབ་རྩོམ་སྒྲིགས་ཚོགས་ཆུང་གིས།)

པདྨ་ཚེ་དབང་ཤཱསྟྲིས་བསྒྱུར།

བཀའ་བློན་ཁྲི་པ་དང་། སྤྱི་འཐུས་ཀྱི་འོས་དམིགས་སུ་སླེབས་པའི་རེ་བ་ཡོད་མཁན་ཚང་མའི་ཐད་ལ། ཁོང་ཚོའི་འདོད་ཚུལ་ངོ་མ་གང་ཡིན་གྱི་སྐོར་ལ་ད་བར་ཉུང་ངུ་ཞིག་ལས་རྟོག་ཐུབ་མེད། དེ་གང་གིས་ཞེས་ན། ད་ལྟ་བར་དུ་འོས་གཞི་རྣམས་ཀྱིས་རང་རང་གིས་སྤེལ་བའམ། ཡང་ན་ཁོང་ཚོའི་སྐོར་ལ་གཞན་གྱིས་སྤེལ་བའི་གཏམ་བཤད་མང་ཆེ་བ་འོས་གཞི་སོ་སོའི་སྐོར་ལ་ཡིན་པ་ལས། འདེམས་ཐོན་བྱུང་ན་ཁོང་ཚོས་སྲིད་ཇུས་གང་ཞིག་ལག་བསྟར་བྱེད་རྒྱུའི་སྐོར་ལ་མིན། གལ་ཏེ་བོད་ཀྱི་མང་གཙོའི་ལམ་ལུགས་དེ་ཡོངས་སུ་སྨིན་དགོས་ན། འདི་ནི་ངེས་པར་དུ་སེལ་དགོས་པའི་དཀའ་ངལ་ཞིག་རེད།
གནས་སྟངས་འདི་དོན་མཐུན་འདྲོགས་འགོ་སློང་བའི་མཚུངས་དཔེ་ཞིག་ལ་སྦྱར་ན། ཡོངས་སུ་སྨིན་ལ་མདུན་བསྐྱོད་ཀྱི་བསམ་བློ་ལྡན་པའི་སྤྱི་ཚོགས་ཞིག་གིས་རང་ཉིད་ཀྱི་མ་འོངས་པའི་ཁ་ཕྱོགས་བགྲོ་གླེང་བྱེད་པ་དང་། དམའ་རིམ་གྱི་སློབ་ཕྲུག་ཚོས་ཁོང་ཚོའི་ནང་ནང་སློབ་ཕྲུག་སྐད་གྲགས་ཆེ་ཤོས་དེ་འཛིན་གྲའི་རྒན་བདག་ཏུ་འོས་འདེམས་བྱེད་པ་དེ་གཉིས་དབར་གྱི་ཁྱད་པར་དེ་ཡིན།
བཙན་བྱོལ་བོད་ཀྱི་སྒྲིག་འཛུགས་དེ་དེ་ལྟའི་སྐྱེད་འཕེལ་འགྲོ་བཞིན་པའི་དཀའ་ངལ་གདོང་ལེན་བྱེད་མཁན་གྱི་སྤྱི་ཚོགས་དང་པོ་དེ་མིན་ལ། རྒྱལ་ཁབ་གཞན་ནས་བསླབ་བྱ་མང་དག་ལེན་རྒྱུ་ཡོད། ཉེ་བའི་ཆར་བོད་ཀྱི་སྲིད་དོན་སྐྱར་ཞིབ་རྩོམ་སྒྲིག་པའི་ནང་ནས་གཅིག་གིས། བོད་མི་ཚོས་མིག་ལྟོས་བྱེད་འོས་པའི་ལྟ་གྲུབ་སྨྲ་བ་གཅིག་ནི་འཇར་མན་གྱི་སྤྱི་ཚོགས་རིག་པ་བ་ཆེན་པོ་མེཀས་ཝེབྷར་ཡིན་ཞེས་བྲིས་ཡོད། རྩོམ་ཡིག་འདིའི་འཕྲོ་ཀློག »

དཔལ་ལྡན་རྒྱལ།

ཕྲན་གྱི་ཟིན་བྲིས་ཀློག་མཁན་རྣམ་པ། ཁྱེད་རྣམ་པའི་སྐུ་བདེ། ཁམས་བཟང་། ཐུགས་རྒྱས་པའི་ངང་། ད་ལོའི་ཚ་གདུང་ཆེ་བའི་དབྱར་ཁའི་དུས་ཡུན་ལེགས་པོ་ཞིག་བསྐྱལ་ཡོད་པ་རེ་བ་ཡོད། དེ་རིང་ངས་ཁྱེད་རྣམ་པར་འཛམ་གླིང་སྟེང་དམངས་གཙོའི་ལམ་ལུགས་ཀྱི་མིག་དཔེ་ལྟ་བུར་ཆགས་ཡོད་པའི་ཨ་རིའི་རྒྱལ་ས་སྟེ། ཝ་ཞིན་ཏུང་གྲོང་ཁྱེར་ནང་གནས་སྡོད་བྱས་ཡོད་པའི་མི་སེར་རྣམས་ལ་དམངས་གཙོའི་ཁེ་དབང་ལོངས་སུ་སྤྱོད་པའི་ཐོབ་ཐང་མེད་པའི་གནས་ཚུལ་ཞིག་བཤད་འདོད་བྱུང་། ཨ་རིའི་ནང་མངའ་སྡེ་ལྔ་བཅུ་ཡོད་པ་དེ་དག་གིས་ས་གནས་རླངས་འཁོར་གྱི་ཨང་རྟགས་ཡོད་པའི་ལྕགས་ལེབ་སྟེང་མངའ་སྡེ་སོ་སོའི་ཁྱད་ཆོས་མཚོན་པའི་མིང་ཚིག་རེར་བཀོད་ཡོད། དཔེར་ན། ཧྥུ་ལོ་རེད་རྡ་མངའ་སྡེ་ལ། ཉི་འོད་ཀྱི་མངའ་སྡེ་ཟེར་བ་ལྟ་བུ་རེད། རྒྱལ་ས་ཝ་ཤིན་ཏུང་གི་རླངས་འཁོར་གྱི་ཨང་རྟགས་ཡོད་པའི་ལྕགས་ལེབ་སྟེང་འཐུས་ཚབ་མེད་པར་དཕྱ་ཁྲལ་མཇལ་བ། ཞེས་ཝ་ཞིན་ཏུང་གྲོང་ཁྱེར་གྱི་དམིགས་བསལ་ཁྱད་ཆོས་དེ་བཀོད་ཡོད། དེ་ནི་ཝ་ཞིན་ཏུང་གྲོང་ཁྱེར་ནང་གནས་སྡོད་བྱས་ཡོད་པའི་མི་སེར་རྣམས་ལ་དམངས་གཙོའི་ཁེ་དབང་གི་ཐོབ་ཐང་མེད་པ་གསལ་སྟོན་དང་། ཐོབ་ཐང་རྩོད་ལེན་གྱི་ལས་འགུལ་ཞིག་ཀྱང་ཡིན། རྩོམ་ཡིག་འདིའི་འཕྲོ་ཀློག »

དཔལ་ལྡན་རྒྱལ།

རྒྱ་ནག་གཞུང་གིས་འཛིན་བཟུང་བཀག་ཉར་བྱས་ཡོད་པའི་རྩོམ་པ་པོ་ཞོགས་དུང་ངམ། བཀྲ་རྒྱའི་གྱོད་དོན་ཐད་ཁོང་གི་ནང་མིས་བཙལ་བའི་ཁྲིམས་རྩོད་པ་དང་ལེན་བྱས་མི འདུག
༢༠༠༨ལོའི་བོད་མིའི་ཞི་རྒོལ་ཆེན་མོའི་སྐོར་དང། འཚེ་མེད་བའི་ལམ་ནས་རྒྱ་ནག་གི་དབང་བསྒྱུར་ལ་གདོང་ལེན་བྱེད་དགོས་སྐོར་བཀོད་ཡོད་པའི་གནམ་ས་གོ་འབྱེད་ཅེས་པའི་དཔེ་དེབ་རྩོམ་པ་པོ་ཞོགས་དུང་ངམ། བཀྲ་རྒྱ་རྒྱ་ནག་གཞུང་གིས་འཛིན་བཟུང་བྱས་ནས་ཟླ་བ་བཞི་ལྷག་འགོར་ཡོད་པ་རེད། ཚེས༢༠ཉིན་ཁོང་གི་ཁྲིམས་རྩོད་པས་ཨེ་ཕི་གསར་སྤེལ་ཁང་ལ། རྩོམ་ཡིག་འདིའི་འཕྲོ་ཀློག »

བོད། ལྷ་ཀླུ་གཉན་གསུམ།

དེང་སང་མཐོ་ས་བཀའ་བློན་ཁྲི་བ་ནས་དམའ་བ་ང་དང་བཅས་པའི་དྲ་ཐོག་གི་སྤུན་ཟླ་ཡོངས་ཀྱིས་བོད་ལ་འདི་མེད་ཀི གན་མི་འདུག འདིས་མི་འཇོན། དེ་ཡི་ཅི་ཡོང་། དེ་ལ་རེ་བ་མེད་སོགས་ཀྱི་སྡུག་གཏམ་ཁོ་ན་ཞིག་གནམ་ས་གཉིས་ནས་གྲགས་དེ་འོང་བ་དང་འབྲེལ། གོ་ན་སྙིང་དགའ་བའི་རྒྱ་ནག་པོ་དང་གོ་ན་སེམས་སྡུག་པའི་བོད་གཞིས་ལུས་མི་དམངས་བཅས་ནས་སྐད་ཆ་འདི་གོ་བཞིན་ཡོད་པ་རེད། རྩོམ་ཡིག་འདིའི་འཕྲོ་ཀློག »

གྲགས་པ་རྒྱ་མཚོས།

དེ་ཡང་ཕྱི་ལོ་༢༠༡༡ལོའི་སྐབས་གསུམ་པའི་བཀའ་བློན་ཁྲི་བ་དང་།སྐབས་བཅོ་ལྔ་བའི་བོད་མི་མང་སྤྱི་འཐུས་ཀྱི་འོས་གཞིར་དམིགས་ནས་ཚོགས་པ་སྤྱི་སྡུག་ཁག་དང་།གསར་འགྱུར་བརྒྱུད་ལམ་སོགས་གང་སར་བགྲོ་གླེང་དང་།འོས་གཞི་འདོན་པ།བསམ་ཚུལ་བརྗེས་རེས་སོགས་བྱུང་དང་འབྱུང་བཞིན་པ་དེ་ཚོ་མང་ཚོགས་ཀྱི་གོ་རྟོགས་འཐོར་འདེགས་ཡོང་ཆེད་དང་བསམ་བློའི་བློ་སྒོ་འགྱེད་བྱེད་ལྟ་
བུར་ངེས་པར་དུ་ཕན་ཐོག་ཡོད་པར་སྣང་ཡང་།ཞོར་ལ་སྐྱོན་གྱི་རིགས་མང་པོ་ཞིག་ཀྱང་ངང་ངམ་ཤུགས་ཀྱིས་འབྱུང་བཞིན་པ་འདི་ཚོ་ནི་འབུར་འཇོམས་མ་བྱས་ན་ཧ་ཅང་གི་ཉེན་ཁའི་རང་བཞིན་ཅན་དུ་མཐོང་ནས་བསམ་ཚུལ་ཕྲན་བུ་ཞིིིིག་བརྗོད་པ་ལ།
རྩོམ་ཡིག་འདིའི་འཕྲོ་ཀློག »

གྲགས་པ་རྒྱ་མཚོས།

རང་ཅག་ཁ་བ་རི་བའི་རང་ཡུལ་དགྲ་ལག་ཏུ་ཤོར་བའི་ཉིན་མོ་དེ་ནས།
རྒྱ་ནག་གཞུང་གིས་བོད་ས་སྟོད་སྨད་བར་གསུམ་དུ་ཤིང་ནག་གཅོད་འབྲེག་དང་།
གཏེར་ཁ་བསྔོགས་འདོན་ཚད་ལས་བརྒལ་བ་བྱས་པའི་རྐྱེན་གྱིས་བོད་མི་རིགས་ཀྱི་རང་བྱུང་ཁོར་ཡུག་ལ་གནོད་སྐྱོན་ཚབས་ཆེན་བཟོས་པས།
བོད་ཡུལ་ལ་བཀྲ་མི་ཤིས་པའི་བལྟས་ངན་སྣ་ཚོགས་བྱུང་དང་འབྱུང་འཞིན་པ་རེད།
གནས་ཚུལ་དེའི་རྐྱེན་གྱིས་འཛམ་གླིང་སའི་གོ་ལའི་ཚ་དྲོད་ཆེ་རུ་འགྲོ་བ་སོགས་ཡོང་གི་ཡོད་པ་དེང་སང་གི་ཁོར་ཡུག་ཉམས་ཞིབ་པ་དེ་ཚོས་ཀྱང་བརྗོད་བཞིན་པ་རེད། རྩོམ་ཡིག་འདིའི་འཕྲོ་ཀློག »

གཡུ་མཚོ།

དཀར་མཛེས་བོད་རིགས་རང་སྐྱོང་ཁུལ་གྱི་སྤྱི་ཡི་རྒྱ་ཁྱོན་ལ་སྤྱི་ལེ་གྲུ་བཞི་མ་འབུམ་གཅིག་དང་ཁྲི་ལྔ་སྟོང་གསུམ་ལྷག་ཡོད་ལ། མི་འབོར་ཧ་ལམ་ས་ཡ་གཅིག་ལ་ཉེ། དེ་ལས་བརྒྱ་ཆ་དགུ་བཅུ་ཙམ་ནི་བོད་རིགས་ཡིན། དེ་ཡང་གཞུང་ས་དར་རྩེ་མདོ་གཙོ་བྱས་པའི་རྫོང་ཁག་བཅོ་བརྒྱད་ཡོད་དེ། དར་རྩེ་མདོ། རྟའུ། བྲག་མགོ། དཀར་མཛེས། དཔལ་ཡུལ། ཉག་རོང་། སྡེ་དགེ། གསེར་རྟ། སེར་ཤུལ། རོང་བྲག འབའ་ཐང་། ལི་ཐང་། འདབ་པ། ཕྱག་ཕྲེང་། ཉག་ཆུ་ཁ། ལྕགས་ཟམ་ཁ། བརྒྱད་ཟུར། སྡེ་རོང་བཅས་ཡིན། འདི་འདྲ་བའི་བོད་རིགས་མི་དམངས་འདུས་ཁུལ་གཙོ་བོ་ཞིག་ལ་སྤྱི་ཡིན་ན་བོད་ཡིག་ཧ་ཅང་དར་བ་ཞིག་ཡིན་པ་ནི་སྨོས་མ་དགོས་པ་ཞིག་རེད། ཡིན་ཡང་ཆེས་སྐྱོ་དགོས་པ་ཞིག་ནི་དཀར་མཛེས་བོད་རིགས་རང་སྐྱོང་ཁུལ་ཞེས་པའི་མིང་བཟུང་ནས་ཡོད་པའི་ས་ཆ་འདི་ལ་བོད་ཡིག་མཐོ་འབྲིང་གསུམ་མ་གཏོགས་མེད། སྤྱི་དཀར་མཛེས་རྫོང་ལ་བོད་ཡིག་མཐོ་འབྲིང་གཉིས་ཡོད་ཀྱང་། རྩོམ་ཡིག་འདིའི་འཕྲོ་ཀློག »

བཞག་ལྡོམ་དར་རྒྱས་།

ཚན་རིག་པས་རང་གི་རྣམ་དཔྱོད་ཀྱི་རྟོགས་ཐབས་ལྔར་བརྟེན་ནས་ཕྱིའི་འཇིག་རྟེན་གྱི་དངོས་པའི་གྱེས་འགྱུར་དང་ཆོས་ཉིད་ཀྱི་བདེན་པ་རྟོགས་་ཐབས་བྱ་ཞིང་། ཚན་རིག་པས་ཕྱིའི་འཇིག་རྟེན་གྱི་དངོས་པའི་ཆོས་ཉིད་དམ་བདེན་པ་རྙེད་པར་བརྟེན་ནས་འུ་ཚོའི་མི་སྡེ་སྤྱི་ཚོགས་ཆེན་པོ་འདི་ཚན་རྩལ་ལམ་བརྡ་འཕྲིན་སྤྱི་ཚོགས་ཤིག་དུ་ཁྲིད་ཡོང་བ་ཀུན་ཀྱིས་མཐོང་ཆོས་སུ་གྱུར་། ཚན་རིག་པ་སུ་ཞིག་ཡིན་ཡང་ཕྱིའི་དངོས་པོར་གང་ཞིག་ལ་ཞིབ་འཇུག་བྱེད་པའི་རྒྱིད་རིམ་ཁྲོད་རྟོགས་ཐབས་ལྔར་བརྟེན་ནས་ཞིབ་འཇུག་མི་བྱེད་མཁན་སུ་ཡང་མེད་ལ་རྟོགས་ཐབས་ལྔ་ནི་ཚན་རིག་པར་མཚོན་ན་མེད་དུ་མི་རུང་པའི་ལག་ཆ་ལྟ་བུ་ཞིག་རེད་།

༡ Ask questions.

ཚན་རིག་པས་རང་གི་དཔྱད་ཡུལ་དངོས་པོ་ལྐོག་གྱུར་རམ་རྟོགས་དཀའ་བ་རྣམས་དྲི་པའི་ལམ་ནས་གནས་ལུགས་དང་བདེན་པ་འཚོལ་ཐབས་བྱེད་ཅིང་། དཔེར་ན་། སྐྱེ་དངོས་མེ་ཏོག་ལྟ་བུར་མཚོན་ན་དེ་ལ་ས་བོན་དགོས་བ་ཡོངས་ཀྱིས་ཤེས་ཤིང་ས་བོན་དེ་མི་ཏོག་ཏུ་འགྱུར་པ་ཡང་ཤེས་། འོན་ཀྱང་། ས་བོན་མེ་ཏོག་ཏུ་འགྱུར་པར་རྒྱུ་རྐྱེན་གང་ཞིག་ཚང་དགོས་བ་དྲི་བ་འདྲ་མིན་ལ་བརྟེན་ནས་ལན་འཚོལ་གྱི་ཡོད་། རྩོམ་ཡིག་འདིའི་འཕྲོ་ཀློག »

དཔལ་ལྡན་རྒྱལ།

དེང་སྐབས་རྒྱ་ནག་གཞུང་གིས་བོད་ཀྱི་ཤེས་ཡོན་ཅན་དང་། རྩོམ་པ་པོ་ཚོར་དམ་དྲག་བྱེད་གྱིན་ཡོད་པ་མ་ཟད། མང་པོ་ཞིག་འཛིན་བཟུང་བྱས་ཡོད་པ་རེད། ཕྱོགས་གཞན་ཞིག་ནས་བཤད་ན།བོད་མི་རིགས་ཀྱི་ཐོབ་ཐང་སུ་ཞིག་གིས་གླེང་བ་དང་རྩོད་ལེན་བྱས་པ་ཡིན་ན། རྒྱ་ནག་གཞུང་གིས་དེར་དམ་དྲག་བྱེད་བཞིན་ཡོད་པས། རྒྱ་ནག་གཞུང་གིས་བོད་ཀྱི་ཤེས་ཡོན་ཅན་དང་། རྩོམ་པ་པོ་ཚོར་དམ་དྲག་བྱེད་ཀྱིན་ཡོད་པ་འདི་ནི། བོད་ཀྱི་ཤེས་ཡོན་ཅན་དང་རྩོམ་པ་པོ་ཚོས་བོད་མི་རིགས་ཀྱི་ཐོབ་ཐང་ཡོངས་གྲགས་ངང་གླེང་འགོ་ཚུགས་ཡོད་པའི་མངོན་རྟགས་རེད།
རྒྱ་ནག་དབང་འཛིན་པས་འཛིན་བཟུང་བཀག་ཉར་བྱས་ཡོད་པའི་གཞོན་སྐྱེས་རྩོམ་པ་པོ་ཐེའུ་རང་ངམ། བཀྲ་ཤིས་རབ་བརྟན་ལགས་ཀྱིས“ཁྲག་ཡིག”ཅེས་པའི་དེབ་དེའི་ནང་བཀོད་དོན། ༼ བླ་སྲོག་གི་ཕྱི་ནང་ཡོད་ཚད་ལ་ལྕག་ཚན་གྱིས་བྲབ་པའི་དམིགས་བསལ་བའི་ལོ་ཟླ་ཞིག་གི་ངོས་ནས་བཤད་ན། ཅིས་ཀྱང་མི་བཤད་ཐུ་མེད་དུ་གྱུར་བའི་སྐད་ཆ་འབའ་ཞིག་ཏུ་ངེས་པས་ན། ཁོ་བོ་ནས་ཀྱང་སྨྲ་སྒོ་རང་ས་ནས་བསྡམས་ཏེ་འདུག་པ་ལས་སྨྲ་བ་གྲོལ་ཏེ་སུ་ཞིག་བཅད་པ་ཡིན་ན་རིན་དོད་ཆེ་བར་འདོད་པའི་གདམ་ག་ཞིག་ལ་འཕྲེང་ཏེ། རྩོམ་ཡིག་འདིའི་འཕྲོ་ཀློག »

ོད། ལྷ་ཀླུ་གཉན་གསུམ་ནས།

དྲང་མོ་བཤད་ན། བོད་པ་ཚོ་དངོས་ནས་༧རྒྱལ་བ་རིན་པོ་ཆེ་ལ་ཡིད་ཆེས་ཡོད་པ་རེད་དམ། ཡིད་ཆེས་བྱེད་ལུགས་དེ་ཇི་འདྲ་ཡིན་ནམ། ཇི་ལྟར་འགོ་བཙུགས་པ་ཡིན་ནམ། དེ་ལས་ཀྱང་རིང་ཙམ་བཤད་ན་ཡིད་ཆེས་རྙེད་སྟངས་དེ་ཇི་འདྲ་ཡིན་ནམ། དོན་དངོས་ཐོག་༧རྒྱལ་བ་རིན་པོ་ཆེ་ལ་ཡིད་ཆེས་མེད་མཁན་གྱི་བོད་མི་ཞིག་ཡོད་སྲིད་དམ། དེ་ཡང་ཡོད་རྒྱུ་རེད་ལ། ཡོད་པ་དེ་ཡང་དོན་དངོས་ཡིན་སྲིད་པ་རེད། ཡང་ན། ཡིད་ཆེས་ཟེར་བ་དེ་ནི་ཅ་དངོས་ལྟ་བུ་ཞིག་མི་ལག་བརྒྱུད་དེ་འོང་དགོས་པ་ཡིན་ནམ། རང་ངོས་ནས་ངེས་ཤེས་རྙེད་དགོས་པ་ཞིག་རེད། རྩོམ་ཡིག་འདིའི་འཕྲོ་ཀློག »

འདྲེ་རིག་ལྡན་གྱིས།

སྔོན་ཆད་དམ་དམར་ཕྱོགས་རྒྱལ་ཁབ་ཁག་ཏུ་ཐོབ་དང་གོ་ས་འཛིན་དགོས་ཚེ་དམག་འཐབ་ཀྱིས་ཕ་རོལ་བ་ཕམ་པར་གཏོང་དགོས་པ་དང་། ད་ལྟའི་སྐབས་སུའམ་མང་གཙོའི་རྒྱལ་ཁབ་ཁག་ཏུ་ཐོབ་དང་གོ་ས་འཛིན་འདོད་ཚེ་མི་མང་གི་འདོད་བློ་དང་བསྟུན་པའི་ལས་དོན་གཉེར་ནས་མི་མང་གི་འོས་ཤོག་འཐོབ་དགོས་པ་རེད། སྔོན་ཆད་མི་སུ་ཞིག་ལ་རྒྱལ་ཁ་ཐོབ་མིན་ནི་ཁོ་རང་ཉིད་ཀྱི་གྲོགས་པོ་དང་དཔའ་ངར་ཆེ་བའི་དམག་མི་རྣམས་ཀྱི་སེམས་ཤུགས་དང་བློ་གཏོང་ལ་རགས་ལས་པ་དང་། ད་ལྟའི་ཆར་ལུས་སྟོབས་ཡོད་མེད་ཀྱི་སྐྱེས་བུ་ཕོ་མོ་རྒན་གཞོན་ཀུན་གྱི་འདོད་མོས་ཀྱིས་ཐག་གཅོད་བྱེད་པ་རེད། མི་སུམ་ཅུར་བསམ་པ་སུམ་ཅུ། མཛོ་སུམ་ཅུར་རྭ་ཁ་དྲུག་ཅུ་ཟེར་བ་ལྟར། མི་གཅིག་གིས་མི་ཀུན་གྱིི་འདོད་མོས་བསྐོང་མི་ཐུབ་པས། རྩོམ་ཡིག་འདིའི་འཕྲོ་ཀློག »

བོད། ལྷ་ཀླུ་གཉན་གསུམ་ནས།

མིའི་ཡུལ་ཁམས་ཤིག་ག་དུས་ནས་ཆགས་པ་རེད། སྐབས་དེར་མི་སྐད་གང་འདྲ་ཞིག་བཤད་ཀྱི་ཡོད་པ་རེད། མི་སྐད་བཤད་ཤེས་པའི་མི་སྡེ་དང་བོ་དེ་ནི་གང་ནས་བྱུང་བ་རེད་དམ། མི་སྡེ་དེ་ཡི་ཡི་གེ་གང་ཡིན་ནམ། གང་ལྟར། དེ་ལྟར་མི་ཡུལ་ནས་མི་སྐད་བཤད་འགོ་བཙུགས་པ་རེད། རྩོམ་ཡིག་འདིའི་འཕྲོ་ཀློག »

འགར་ཚེ་རྒྱལ།

ཅི་སྟེ་ཁ་ཤས་ཀྱིས་ཡག་རབ་རྒྱན་རབ་ཀྱིས་རྒྱན་བསྟོད་མང་པོ་ཞིག་བརྒྱན་ནས་ཡོད་མཁན་དེ་ཚོ་དང་། ཡང་ཁ་ཤས་ཤིག་ནས་བཀའ་བློན་ཁྲི་པར་ཁོ་རང་གིས་འཇོན་རབ་ཀྱི་རྨི་ལམ་གཏོང་མཁན་དེ་ཚོའི་སུ་གཅིག་ཀྱང་ཁོ་བོས་ནི་བཀའ་ཁྲིར་འོས་འདེམས་བྱས་མེད། ཡིན་ཡང་ཁོ་ཚོར་སྐྱོན་ཉེས་ཀྱི་ཕྱོགས་ཆ་ལྡན་པའི་སྐད་ཆ་ཁོ་བོར་གང་ཡང་བཤད་རྒྱུ་མེད་མོད། འོན་ཏང་ཁོ་བོ་ཡང་ད་ལྟའི་བར་ཁོར་ཡུག་འདི་ལ་རྣ་བ་གཏད་ནས་ཡོང་མཁན་ཞིག་ཡིན་ལ། ལྷག་པར་ཆེ་ཆེ་གྲགས་གྲགས་ཚོའི་མི་གཤིས་ཀུན་སྤྱོད་སོགས་ལ་དུས་རྒྱུན་ཟུར་ཉན་དང་གཟབ་བལྟ་རྟོག་ཚོར་བྱེད་རྒྱུར་དགའ་མཁན་ཞིག་ཡིན་སྟབས། ཁོ་བོར་ཡང་ཁོ་བའི་ཚོད་ཀྱིས་ལྟ་སྟངས་ཤིག་ཡོད། རྩོམ་ཡིག་འདིའི་འཕྲོ་ཀློག »

བོད། ཤ་ཁྲག་རུས་གསུམ།

ངས་དེ་རིང་འདི་ནས་དུས་རབས་ཉེར་གཅིག་པའི་བོད་མི་ཟེར་ནས་གླེང་གཞི་འཛིན་དོན་ནི། དེང་སང་དྲ་ཐོག་དང་ཡིག་ཐོག ངག་ཐོག་སོགས་ནས། བོད་མི་འདུས་བསྡོད་ཀྱི་ས་གནས་བོད་ཕྱི་ནང་གཉིས་ཀྱི་གཙོ་བའི་བོད་རིགས་འདུས་བསྡོད་ཀྱི་ཡུལ་གྲུ་གང་ས་ནས་ང་བོད་ཡིན་ཟེར་བ་ཞིག་གླེང་འགོ་བཙུགས་དེ་ལོ་ངོ་འགའ་སོང་ཡོད་ལ། དེ་ཡང་ངག་ཐོག་ནས་བརྙན་འཕྲིན་ཐུང་ཐུང་བཟོས་པ། ཡིག་ཐོག་ནས་བསམ་ཚུལ་སྤེལ་བ། འདུས་འཛོམ་གྱི་སྒོ་ནས་བགྲོ་གླེང་སྤེལ་བ་བཅས་བྱུང་ཡོད་ལ། དེ་ཡང་བོད་ནས་མཆེད་པའི་མེ་ལྕེ་ཞིག་དང་འགྲོགས་ནས་དེང་གི་བོད་མི་འདུས་བསྡོད་ཀྱི་འཛམ་གླིང་གང་སར་མཆེད་པ་རེད། རྩོམ་ཡིག་འདིའི་འཕྲོ་ཀློག »

དོན་གྲུབ་ནས།

འཛམ་གླིང་སྟེང་ཤོག་སྒྲིལ་རིང་ཤོས་འདི་ནི་བོད་ཤོག་རྣལ་མའི་སྟེང་དུ་ཉི་ཧོང་གི་སྲོང་མི་(Sumi)་སྣག་ཚ་བེད་སྤྱོད་དེ་བལ་ཡུལ་མཆོད་རྟེན་དུ་འབྲི་འགོ་བཙུགས་ནས་ཟླ་བ་དྲུག་ཙམ་འགོར་ཡོད་པ་དང་། བླ་ཆེན་སོ་གཉིས་ཀྱི་༸གོང་ས་མཆོག་གི་ཞབས་བརྟེན་སྨོན་ཚིག་ཁག་འཁྱུག་ཡིག་དང་། ཚུགས་ན་འཁྱུག ཚུགས་རིང་། འཁྱུག་བཅས་ཀྱི་ཡིག་གཟུགས་ནང་དུ་བྲིས་ཡོད་པ་རེད། ཤོག་སྒྲིལ་གྱི་རིང་ཚད་ལ་མི་ཊར་༡༦༣་༢་ཡོད་པ་དང་འགྲེམ་སྟོན་ཐོག་མ་བསྟན་འཛིན་རྒྱ་མཚོ་སློབ་གཉེར་ཁང་དུ་གནང་ཡོད་པ་རེད། ལོ་འདིའི་ཟླ་བ་བརྒྱད་པའི་ནང་དུ་འདི་གར་ནིའུ་ཡོག་གི་Flushing Meadows Park་ ནང་དུ་བཤམས་ནས་འཛམ་གླིང་གི་ཤོག་སྒྲིལ་རིང་ཤོས་ཀྱི་ཚད་ཐོ་འགོད་ཐུབ་པ་བྱུང་བ་རེད།
ཡིག་གཟུགས་སྒྱུ་རྩལ་གྱི་ཤོག་སྒྲིལ་རིང་ཤོས་འདི་ནི་ལྕགས་རི་ཤར་འཇམ་དབྱངས་རྡོ་རྗེ་ལགས་ཀྱིས་བྲིས་གནང་བ་རེད། རྩོམ་ཡིག་འདིའི་འཕྲོ་ཀློག »

གཡུ་རྩེ།

སྐྱིད་སར་དགོན་པ་མང་།

མཐོ་སར་ལ་བཙས་མང་།

བར་ལ་དད་ལྡན་མང་།

ཀུན་ཏུ་ཨ་མཆོད་མང་།

དབུས་པ་ཁ་བདེ་མང་།

མི་འཇོན་སྤྲེད་ལད་མང་།
རྩོམ་ཡིག་འདིའི་འཕྲོ་ཀློག »

ཨ་ནུ་ཐང་བསོད་ནམས་ཀྱིས།
———
གནས་དེ་ནི་ཐེ་བོའི་སྟོད་སྨད་བར་གསུམ་དུ་གྲགས་པའི་སྨད་ཀྱི་ཁོངས་གཏོགས་ཡིན་ཞིང་། ཁྲི་སྲོང་ལྡེ་བཙན་གྱི་བློན་ཆེན་དགའ་ཡེ་ཤེས་དར་རྒྱས་ནས་རྒྱུད་པའི་བོད་བཙན་པོའི་མཐའ་མཚམས་སྲུང་དམག་གི་ཁྱིམ་རྒྱུད་ལས་བྱུང་བའི་མི་རིགས་ཤིག་ཡིན། དགའ་ཤེས་དར་རྒྱས་ཀྱི་ཁྱིམ་གཞི་ནི་ཅོ་ནེ་དཔོན་པོ་ཡིན་ཞིང༥༠ལོར་རྒྱ་མ་ཡོང་བར་དགའ་ཡེ་ཤེས་དར་རྒྱས་ཀྱི་ཁྱིམ་རྒྱུད་ཅོ་ནེ་དང་ཐེ་བོ་གཉིས་ཀྱི་དཔོན་པོ་ཡིན། མ་གཞི་ཐེ་བོ་སྟོད་སྨད་གཉིས་ལ་ཕལ་ཆེར་གཅིག་མཐུན་གྱི་སྐད་ཡོད་ཅིང་ཕན་ཚུན་གོ་བརྡ་མི་འཕྲོད་པའི་དཀའ་ངལ་མེད་ཀྱང་། སྨད་ལ་སྐད་ལོགས་སུ་ཡོད་པས་ཐེ་བོའི་སྟོད་བར་གཉིས་ཀྱིས་སྨད་ལ་གློ་བུར་གོ་བརྡ་འཕྲོད་པའི་དཀའ་ངལ་ཡོད། ཐེ་བོ་ནི་ཨ་མདོ་ཡིན་པ་རྩོད་མེད་ཡིན་ཡང་ཐེ་སྟོད་ཀྱི་ཕྱད་དང་བར་མའི་སྐད་ནི་ཨམ་སྐད་ལས་ཁམས་སྐད་དང་ཉེ་བ་ཡོད་ཅིང་ཉམས་ཞིབ་པ་ཁ་ཤས་ཀྱིས་ཁམས་སྐད་དུ་འདོད། འབྲུག་ཆུ་སྟེ་ཐེ་བོའི་སྨད་ཀྱི་མི་མང་གི་ཚེ་སྲོག་ལ་བབ་ཀྱང་ཁོང་ཚོ་བོད་པ་མིན་ཞེས་བཤད་མྱོང་མེད་ལ། བོད་དབུས་གཙང་ནས་འོང་བའི་གཞས་དང་གཏམ་རྒྱུད་མང་པོ་དུས་ཆེན་དང་སྟུན་ནས་འཁྲབ་རྒྱུ་ཡོད། གནས་དེར་རྒྱ་མི་མང་ཞིང་རྒྱ་ཡི་གྲོང་པ་རེ་དང་བོད་ཀྱི་གྲོང་པ་ཁ་ཤས་འགྲམ་ཞིབ་ནས་ཡོད་ཀྱང་། གཉེན་སྟོན་དང་དུས་ཆེན་སོགས་ལ་ཕན་ཚུན་འབྲེལ་འདྲིས་གང་ཡང་མེད་པ་རྒྱ་ཡི་རྒྱ་སྲོལ་དང་བོད་ཀྱི་སྲོལ་བྱས་ནས་འགྲོ།
རྩོམ་ཡིག་འདིའི་འཕྲོ་ཀློག »

ཁྲི་གཡུང་དྲུང་
——
དེ་ཡང་“རྒྱལ་ཁྲིམས་གསེར་གྱི་གཉའ་ཤིང་། བོན་ཁྲིམས་དར་གྱི་མདུད་པ།” ཞེས་གསུངས་པ་ནང་བཞིན་རྒྱལ་ཁྲིམས་གསེར་གྱི་གྲོས་ཆོད་འོག བཙན་བྱོལ་ནང་གི་གདན་ས་ཁག་དང་བཤད་སྡེ་ཁག་སྒྲུབ་སྡེ་ཁག་སློབ་གྲྭ་ཆེ་ཆུང་ཁག་སོགས་རང་རིགས་ཀྱི་སློབ་གཉེར་པའི་སྡེ་ཁག་ཐམས་ཅད་ལ་དེང་རབས་ཀྱི་འཕྲུལ་ཆས་གློག་ཀླད་དང་། ལག་འཁྱེར་ཁ་པར་སོགས་བཀག་སྡོམ་གནང་དགོས་ཞེས་གཏན་འབེབས་གནང་བ་གཞིར་བཟུང་ཐོག

ཉེ་བའི་ལོ་ཤས་སྔོན་ནས་འདིར་གདན་ས་སྨན་རིའི་གླིང་དུ་དཔལ་ལྡན་བླ་སྤྱི་ནས་བཀའ་གནང་བཞིན། “དེང་དུས་ཀྱི་འཕྲུལ་ཆས་རྣམས་བེད་སྤྱད་ལོག་པར་ནམ་ཡང་གཏོང་མི་ཆོག” ཅེས་སྒྲིག་ཁྲིམས་ཤིག་གཏན་འབེབས་གནང་ཡོད་པ་ལས། དངོས་སུ་བཀག་སྡོམ་ནན་མོ་བྱས་མེད་མོད། ད་ལན་ཁ་ཤས་ཀྱི་སྤྱོད་ལམ་ཧ་ཅང་ཀུ་ཡངས་ཆེ་དྲག་པའི་རྒྱུ་རྐྱེན་ལ་བརྟེན། དངོས་སུ་བཀག་སྡོམ་གནང་བའི་སྒྲིག་ཁྲིམས་ཕྱག་བསྟར་གནང་རྒྱུར་གཏན་འབེབས་མཛད།

དེ་བརྟེན་སྨན་རིའི་གླིང་གི་སློབ་གཉེར་བའི་ཁུལ་ཙམ་འཛིན་པ་ཁོ་བོ་ཙམ་ཡང་བོན་ཁྲིམས་དར་གྱི་མདུད་པའི་ཁུགས་སོ་འདི་ལས་ཐར་ས་ཅི་ཡང་མེད་རྐྱེན། སྒེར་གཉེར་གློག་ཀླད་འདི་ཉིན་ཤས་རྗེས་ནས་རྩ་མེད་བཟོ་དགོས་བྱུང་བས། དྲ་ཁྱིམ་འདིར་ཡང་ཡོང་ཐབས་མ་ལེགས་པས། དྲ་གྲོགས་ཚོར་བདེ་མོ་མི་འཇོག་ཐབས་མེད་བྱུང་སོང་།
རྩོམ་ཡིག་འདིའི་འཕྲོ་ཀློག »