Archive for the ‘གསུང་བཤད།’


སྒྲ་སྒྱུར་གྱི་རྣམ་གཞག་དང་ལོ་ཙཱ་བའི་བྱུང་རིམ།

རྩོམ་རིག་ནི་འཚོ་བ་ལས་ཡ་བྲལ་དུ་མ་སོང་བ་ཞིག་དགོས།

གླིང་ལོ་མ་སེར་པོས་རང་ཡུལ་དུ་ཡིག་འགོད་བྱས།

<<ན་གཞོན་རྩོམ་པ་པོ་སྒོ་ཡོན་གྱིས་ཕ་ཡུལ་གྱི་ཡི་གེ་པ་ཞེས་པའི་འཕྲིན་ཚོམས་སུ་བཤད་པའི་གཏམ་བཤད་སྒྲ་བཤུས།>>

སྤྱིར་ཡི་གེ་པ་ཟེར་བར་སྒྲ་ཡངས་དོག་གཉིས་ཡོད་ཀྱང་། འདིར་སྒྲ་དོག་པོའི་སྒོ་ནས་བཤད་ན་རྩོམ་རིག་དང་འབྲེལ་བ་ཡོད་པ་ཞིག་རེད། རྩོམ་རིག་ཟེར་དུས་ཧ་ཅང་གི་རྒྱ་ཆེ་བར་མ་ཟད་དེར་ངོས་འཛིན་ཚུལ་ཡང་མི་འདྲ་བ་སྣ་ཚོགས་རེད། ནུབ་ཕྱོགས་པས་རྩོམ་རིག་ངོས་འཛིན་ཚུལ་དང་ཤར་ཕྱོགས་པས་རྩོམ་རིག་ངོས་འཛིན་ཚུལ་མི་འདྲ་ལ། དེ་བཞིན་ནུབ་ཕྱོགས་པ་ནང་ཁུལ་ལ་གནའ་རབས་དང་ཉེ་རབས། (more…)

མང་གཙོའི་དུས་ཆེན་ཐོག་གནང་བའི་གསུང་བཤད།

ཡོང་ཁུངས། བོད་མིའི་སྒྲིག་འཛུགས་དྲ་རྒྱ
 

བོད་མིའི་མང་གཙོ་དབུ་བརྙེས་ཏེ་མི་ལོ་ ༥༧ འཁོར་བའི་དུས་ཆེན་མཛད་སྒོའི་ཐོག་བཀའ་ཤག་གིས་གནང་བའི་གསུང་བཤད།

༄༅། །༸རྒྱལ་བསྟན་ཡོངས་རྫོགས་ཀྱི་མངའ་བདག ཁམས་གསུམ་ཆོས་ཀྱི་རྒྱལ་པོ། འཇིག་རྟེན་ཞི་བདེའི་དེད་དཔོན། བོད་ཀྱི་ལྷ་སྐལ་འཕགས་མཆོག་འཇིག་རྟེན་དབང་ཕྱུག་མིའི་རྣམ་པར་རོལ་བ། བོད་མི་ཡོངས་ཀྱི་མགོན་སྐྱབས་དང་དབུ་འཁྲིད་བླ་ན་མེད་པ། བོད་མིའི་མང་གཙོའི་ཤིང་རྟའི་སྲོལ་འབྱེད་སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་ལ་གུས་ཕྱག་སྔོན་དུ་བཏང་སྟེ། (more…)

ཨེ་ཤ་ཡའི་གསུང་ཆོས་ཉིན་གཉིས་པར་སེམས་ཁམས་འཕྲོད་བསྟེན་སྐོར་ལ་བཀའ་སློབ་སྩལ་བ།

ཡོང་ཁུངས། རྒྱལ་བ་རིན་པོ་ཆེའི་བོད་ཡིག་དྲ་བ།

༄༅། །ཕྱི་ལོ་ ༢༠༡༧ ཟླ་ ༨ ཚེས་ ༣༠ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨེ་ཤ་ཡའི་གསུང་ཆོས་གོ་སྒྲིག་ཚོགས་ཆུང་གིས་གསོལ་འདེབས་ཞུས་དོན་ལྟར་བཞུགས་སྒར་རྡ་རམ་ས་ལར་ཆེད་ཕེབས་གནང་བའི་ཨེ་ཤ་ཡའི་རྒྱལ་ཁབ་ཧིན་རྡི་ནེ་ཤི་ཡ་དང་ཀོ་རུ་ཡ། མཱ་ལེ་ཤེ་ཡ། སངྒཱ་པོར། ཐའེ་ལན་ཌི། (more…)

༸སྐུའི་གསུང་སྒྱུར་འཇམ་དབྱངས་རིན་ཆེན་གྱིས་འགྱུར་གྱི་ཐད་སྤྱི་བཤད།

མཁན་ཆེན་མཆོག་གིས་ཨ་རིའི་བོད་པ་དག་ལ་བསྩལ་བའི་བཀའ་སློབ།

ཡིག་ཕབ་པ། གླིང་ལོ་མ་སེར་པོ།
ཨེ་མ་ཧོ་ཡིས་འོས་སྦྱོར་བྱས།

 
དེ་རིང་བོད་རིགས་མང་པོ་ཞིག་དང་ལྷན་དུ་འཛོམས་ནས་ཁ་བརྡ་བྱེད་རྒྱུ་བྱུང་བར་སེམས་ཧ་ཅང་དགའ་པོ་བྱུང་། དེ་རིང་ཁ་བརྡ་བྱ་རྒྱུ་གཅོ་བོ་འཚོ་བ་དང་ཆོས་རིག་གནས་སྐོར་གྱི་ཁ་བརྡ་བྱ་རྒྱུ་ཡིན།  (more…)

རིག་གནས་སྲུང་སྐྱོབ་བམ།

པད་མ་འབུམ།
 

གླེང་སློང་།

འདིར་བརྗོད་པའི་“རིག་གནས་སྲུང་སྐྱོབ་”ནི་སྐྱབས་བཅོལ་སྤྱི་ཚོགས་སུ་“རིག་གཞུང་སྲུང་སྐྱོབ་”ཅེས་པ་དང་དོན་མཚུངས་ཡིན། འདིར་“རིག་གནས་སྲུང་སྐྱོབ་”ཅེས་འབོད་དོན་ནི་བོད་ནང་ལ་འདི་ལྟར་གྲགས་ཆེ་བས་ཡིན། ཐ་སྙད་ཅིག་བོད་ནང་ལ་གྲགས་ཆེ་དུས་བེད་སྤྱོད་གཏོང་མཁན་གྱི་མི་འབོར་དེ་ན་མང་བ་ནི་བཤད་མ་དགོས་པ་རེད། “རིག་གཞུང་སྲུང་སྐྱོབ་”ཅེས་པའི་འབོད་སྟངས་འདི་ལ་རྒྱུ་མཚན་རེ་ཡོད་པ་སྨོས་མ་དགོས་ཤིང་། ཐ་སྙད་ལ་རྒྱུ་མཚན་གལ་ཆེ་བ་ཡང་བདེན་མོད། རྒྱུ་མཚན་ལས་ཀྱང་བེད་སྤྱོད་གལ་ཆེ། (more…)

སློབ་གཉེར་བྱེད་སྟངས་ཀྱི་གདམས་ངག

སློབ་དཔོན་ཟམ་གདོང་རིན་པོ་ཆེ།
ཡིག་འགོད་པ། གླིང་ལོ་མ་སེར་པོ།

 
རྒྱ་གར་རིག་བྱེད་ཀྱི་ལམ་སྲོལ་ནི། ལོ་ཉི་ཤུ་རྩ་ལྔའི་བར་ཤེས་ཡོན་སློབ་སྦྱོང་བྱ་རྒྱུ། དེ་ནས་ལོ་ཉི་ཤུ་རྩ་ལྔར་ཁྱིམ་སོ་འཛིན་རྒྱུ། དེ་རྗེས་ལོ་ཉི་ཤུ་རྩ་ལྔར་ཁྱིམ་སོ་འཛིན་པ་གང་ཞིག་ལ་རང་ཉིད་ཀྱི་བུ་ཕྲུག་ཚོར་ལམ་སྟོན་བྱ་རྒྱུ། མཐར་ལོ་ཉི་ཤུ་རྩ་ལྔ་དེ་ཆོས་ཉམས་ལེན་གནང་རྒྱུ་བཅས་མི་ཚེ་གཅིག་དུམ་བུ་བཞིར་བགོ་བཤའ་རྒྱག་སྲོལ་ཡོད་རེད།

ང་ཚོ་ནང་པས་དེ་འདྲ་བགོ་བཤའ་རྒྱག་པའི་སྲོལ་མེད་ཀྱང་། གང་ལྟར་མི་ཚེའི་ནང་ནས་སློབ་ཕྲུག་གི་དུས་སྐབས་དེ་གོ་སྐབས་ཡག་ཤོས་དེ་རེད། (more…)

འབྲོག་ལམ་ཁུལ་དུ་རྒྱ་ནག་གིས་དཔུང་འཇུག་བྱེད་བཞིན་པ་ནི་རྒྱ་སྐྱེད་རིང་ལུགས་ཀྱི་མངོན་རྟགས་ཤིག་ཡིན།

ཡོང་ཁུངས། བོད་མིའི་སྒྲིག་འཛུགས་དྲ་རྒྱ

 
༄༅། །ཉེ་ལམ་རྒྱ་གར་རྒྱལ་ས་ལྡི་ལིའི་ཧནྶ་རཱཇ་མཐོ་སློབ་དབུ་བརྙེས་ནས་མི་ལོ་ ༧༠ འཁོར་བའི་དུས་དྲན་དང་བསྟུན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་ལ་ཆེ་བསྟོད་ཀྱི་གཟེངས་རྟགས་ཕུལ་ཡོད། སྐབས་དེར་སྲིད་སྐྱོང་མཆོག་ནས་དེང་སྐབས་རྒྱ་ནག་གིས་འབྲོག་ལམ་ས་ཁུལ་དུ་དཔུང་འཇུག་བྱེད་བཞིན་པ་དེ་ནི་རྒྱ་ནག་རྒྱ་སྐྱེད་ཀྱི་མངོན་རྟགས་ཤིག་ཡིན་པ་དང་། ད་ལྟ་ཁུལ་དེར་རྒྱ་དཀར་ནག་གཉིས་མདོང་ཐུག་བྱེད་བཞིན་པའི་སྐབས་འདིར་ང་ཚོས་མཐའ་གཅིག་ཏུ་རྒྱ་གར་གྱི་གནས་སྟངས་ལ་རྒྱབ་སྐྱོར་ཞུ་བཞིན་ཡོད་ཅེས་གསུང་པ་མ་ཟད། (more…)

རྒྱ་ནག་དམར་ཤོག་འགོ་ཁྲིད་ས་ཡ་ ༨༢ ལས་མེད་ཀྱང་རྒྱ་རིགས་ནང་པ་ས་ཡ་ ༤༠༠ ཡོད།

ཡོང་ཁུངས། བོད་མིའི་སྒྲིག་འཛུགས་དྲ་རྒྱ

 
༄༅། །ཕྱི་ལོ་༢༠༡༧ ཟླ་༧ ཚེས་༡༣ ཉིན་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་ཝཱ་ཎ་བོད་ཀྱི་མཐོ་སློབ་ཨ་ཏི་ཤའི་ཚོགས་ཁང་ནང་དུ་ངེས་སྟོན་པ་ཉེ་བའི་རིག་བདག་དགེ་བཤེས་ངག་དབང་བསམ་གཏན་ལགས་ཀྱིས་གཙོས་དགེ་ལས་སློབ་ཕྲུག་རྣམས་ལ་གསུང་བཤད་གནང་དོན།
རྒྱ་ནག་དམར་པོའི་སྲིད་གཞུང་གིས་བོད་ས་བཙན་བཟུང་བྱས་ཀྱང་༸གོང་ས་མཆོག་གི་དབུ་ཁྲིད་ལམ་སྟོན་འོག་ (more…)

མི་རིགས་ཀྱི་སྐད་ཡིག་འདི་ཕྱོགས་ཐམས་ཅད་ནས་སྲུང་སྐྱོབ་བྱེད་དགོས།

སློབ་དཔོན་ཟམ་གདོང་རིན་པོ་ཆེ།
 

མི་རིགས་ཀྱི་གནས་བབ་མཚོན་ཐུབ་པ་དགོས་ན་ཤེས་ཡོན་དང་ལེགས་བྱང་ཐམས་ཅད་ཀྱི་གཞི་རྩར་གྱུར་པའི་སྐད་ཡིག་འདི་ཕྱོགས་ཐམས་ཅད་ནས་སྲུང་སྐྱོབ་བྱེད་དགོས།

དེང་སང་མང་པོ་ཞིག་གིས་མི་རིགས་ཞེས་བཤད་ཀྱི་ཡོད། ང་ཚོ་རྒྱ་གར་དུ་སླེབས་མཚམས་ནས་བོད་པའི་སློབ་ཕྲུག་དེ་དག་མ་འོངས་བོད་མི་རིགས་ཀྱི་སོན་རྩ་ཡིན་ཞེས་ཁ་ལ་འཇགས་ཡོད། དེས་ན་སོན་རྩ་དེ་གཙང་མ་གཞག་དགོས། སོན་དེ་རྫས་བསྒྱུར་བྱས་པ་ཡིན་ན་སྟོན་ཐོག་གསར་པ་སྐྱེ་རྒྱུ་དེའང་རྫས་བསྒྱུར་བྱས་པ་ཞིག་སྐྱེ་རྒྱུ་རེད། གང་ལྟར་བསྒྱུར་བཅོས་བཏང་བ་ཞིག་སྐྱེས་པ་མ་གཏོགས་གཙང་མ་ཞིག་སྐྱེ་ཐབས་མེད། བོད་མི་རིགས་འདི་མི་རིགས་གཞན་ལས་ཟུར་དུ་དབྱེ་བ་འབྱེད་ཐུབ་པ་དང་། (more…)

སྐད་ཡིག་སློབ་གསོ།

སློབ་དཔོན་ཟམ་གདོང་རིན་པོ་ཆེ།

 
བོད་མི་རིགས་དེ་མི་རིགས་གཞན་ལས་ཟུར་དུ་དབྱེ་བ་ཕྱེ་ཐུབ་པ་དང་། མི་རིགས་ཀྱི་གནས་བབ་མཚོན་ཐུབ་དགོས་ན་ཤེས་ཡོན་དང་ལེགས་བྱང་ཐམས་ཅད་ཀྱི་གཞི་རྩར་གྱུར་པའི་སྐད་ཡིག་དེ་ཕྱོགས་ཐམས་ཅད་ནས་སྲུང་སྐྱོབ་བྱེད་དགོས། ལྷག་པར་དུ་ང་ཚོ་བོད་མི་ཡིན་པའི་མཚོན་བྱེད་མང་པོ་ཡོད་པའི་ནང་ནས་བསྙོན་དུ་མེད་པའམ་ཤིན་ཏུ་གལ་ཆེ་བའི་མཚོན་རྟགས་ནི་སྐད་ཡིག་རེད། སྐད་ཡིག་ཅེས་པའི་སྐད་དེ་རང་བྱུང་གི་གནས་སྟངས་ཤིག་དང་། ཡི་གེ་དེ་སྐད་ལ་བརྟེན་ནས་བཟོས་པ་ཞིག་རེད། ཡི་གེ་ལ་ལྟོས་པའི་བརྡ་སྤྲོད་ཀྱི་འགྲོས་དེ་ཚོའང་རང་བྱུང་གི་སྐད་ཆ་ཤོད་སྟངས་ལ་བརྟེན་ནས་བཟོས་པ་རེད། (more…)

༸དཔལ་རྒྱལ་བ་ཀརྨ་པ་མཆོག་གི་བཀའ་སློབ།

ཕྱི་ལོ་ ༢༠༡༧ ཟླ་ ༦ ཚེས་ ༡༨ ཉིན་ཁ་ན་ཊའི་ཝན་ཁོ་ཝར་ལ་རྟེན་གཞི་བྱས་ཡོད་པའི་ཁྲ་མགུ་དགོན་དུ་སྦི་སི་མངའ་སྡེའི་ནང་གནས་སྡོད་བོད་རིགས་མི་མང་ལ་གནང་བའི་བཀའ་སློབ།

སྦི་སི་བོད་མིའི་རིག་གཞུང་ཚོགས་པས་ཕབ་བཤུ་དང་འགྲེམས་སྤེལ་ཞུས།

དེ་རིང་འདིར། སྦིར་ཊེ་ཞི་ཁཱོ་ལུམ་སྦི་ཡའི་(British Columbia)ས་གནས་ལ་ཡོད་བསྡད་པའི་བོད་རིགས་མང་ཚོགས་རྣམ་པ་ལྷན་རྒྱས་ཚང་མར། ལོ་མང་པོ་ཞིག་གི་རྗེས་ལ་ཁ་ན་ཊར་འགྲོ་བར་མི་མང་པོ་ཞིག་གིས་རེ་སྒུག་བྱས་པའི་མཐའ་མ་དེ་ལ། ད་རེས་འདིར་ཚུར་ཡོང་ཐུབ་ཡག་དང་། དམིགས་བསལ་རྣམ་པ་ལྷན་རྒྱས་ཚང་མ་ལ་ཐུག་འཕྲད་བྱེད་རྒྱུ་རག་པའི་བསྐལ་པ་བཟང་པོ་བྱུང་བ་དེར་དགའ་པོ་ཞེ་དྲག་བྱུང་ཞུ་ཡག་ཡིན། (more…)

ྋསྐྱབས་རྗེ་ཀིརྟི་རིན་པོ་ཆེ་མཆོག་གིས་མདོ་སྨད་དབྱར་སྐྱིད་ཐོག་བསྩལ་པའི་གསུང་བཤད།

གསུང་བཤད་ཡིག་འབེབས་པ། རེ་མདོ་སེངྒེ་།

 

༄༅།། ྋསྐྱབས་རྗེ་ཀིརྟི་རིན་པོ་ཆེ་མཆོག་གིས་རྡ་སར་གནས་སྡོད་མདོ་སྨད་མི་མང་གི་དབྱར་སྐྱིད་ཆེན་མོའི་ཐོག་བསྩལ་པའི་གསུང་བཤད།

༄༅།། སྐུ་ངོ་བཀའ་བློན་མཆོག་དང་བཀའ་ཟུར་རྣམ་པ། སྤྱི་འཐུས་ལས་ཟུར་རྣམ་པ། དྲུང་ཆེ་ཆུང་རྣམ་པ། སྐྱབས་གནས་དགེ་འདུན་པ་རྣམ་པ། ས་གནས་མདོ་སྨད་མང་ཚོགས་བཅས་དེ་རིང་ང་ཚོ་འདིར་མང་པོ་ཞིག་ལྷན་དུ་འཛོམས་ཐུབ་པར་དགའ་པོ་བྱུང་བས་རྣམ་པ་ལྷན་རྒྱས་ལ་ཐུགས་རྗེ་ཆེ་ཞུ་རྒྱུ་ཡིན། སྤྱིར་རྡ་རམ་ས་ལའི་ཁུལ་ལ་མདོ་སྨད་པ་མང་པོ་ཡོད་ཀྱང་ང་ཚོ་མཉམ་དུ་འཛོམས་རྒྱུའི་དུས་ཚོད་དང་གོ་སྐབས་ཤིན་ཏུ་དཀོན་པོ་དང་ཉུང་ཉུང་རེད། (more…)

ཟླ་བ་སྒྲོལ་མའི་གཏམ་བཤད།

དོན་འགྲུབ་སྒྲོལ་མས་བོད་སྒྱུར་བྱས།  ཨེ་མ་ཧོས་འོས་སྦྱོར་བྱས།

 

༡༽ལོ་ངོ་བཞིའི་གོང་དུ་ང་སློབ་གྲྭ་འདིར་གསར་དུ་འབྱོར་ནས་བདུན་དང་པོའི་ཉིན་ཞིག་ལ། ང་དང་གྲོགས་མོ་འགའ་ཞིག་གི་ལྷན་དུ་སློབ་གྲྭའི་གསོལ་ཚིགས་ཁང་དུ་གུང་ཟས་ཤིག་ཟོས། སྐབས་དེའི་ང་ཚོ་ནི་ཞེད་སྣང་དང་བློ་འཚབ་ཀྱིས་སེམས་པ་ཡོངས་སུ་བསྡམས་ཡོད་པ་ནི། གལ་ཏེ་ང་ཚོས་བདམས་པའི་སློབ་གྲྭ་འདི་འོས་འཚམ་ཅན་ཞིག་ཡིན་ན་སྙམ་པའི་སེམས་ཀྱི་དྲི་རྟགས་དེ་རེད། མཚམས་དེ་ནས་ཏག་ཏག་ང་ཚོའི་ཅོག་ཙེ་ལ་ཁ་གཏད་དེ་བུད་མེད་ཅིག་སླེབས་ནས་ངོ་སྤྲོད་གནང་། (more…)

དྲང་བདེན་དང་བྱམས་བརྩེའི་སྙིང་སྟོབས།

2017-05-10-US-delegates-G11_DSC8054ཡོང་ཁུངས། རྒྱལ་བ་རིན་པོ་ཆེ་བོད་ཡིག་དྲ་བ། 

 

(ཕྱི་ལོ་ ༢༠༡༧ ཟླ་ ༥ ཚེས་ ༡༠ ཉིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཨ་རིའི་གྲོས་ཚོགས་འཐུས་མི་ནེན་སི་པེ་ལོ་སི་ Nancy Pelosi མཆོག་གིས་དབུས་ཨ་རིའི་གྲོས་ཚོགས་གོང་འོག་གི་འཐུས་མི་བརྒྱད་ཀྱིས་གཙོས་པའི་ཨ་རིའི་ཆེས་མཐོའི་སྐུ་ཚབ་ཚོགས་ཆུང་ཞིག་རྡ་ས་བཞུགས་སྒར་དུ་ཆེད་ཕེབས་གནང་བར་བོད་མིའི་སྒྲིག་འཛུགས་ཀྱིས་དགའ་བསུའི་གཞུང་འབྲེལ་མཛད་སྒོའི་དབུ་བཞུགས་ཐོག་སྩལ་པའི་བཀའ་སློབ།)

(more…)

སྙིང་གཏམ་དམར་པོ་འདི་ཚར་གཅིག་ཀློག་རོགས། (འོས་སྦྱོར།)

ཡིག་འགོད་པ། གླིང་ལོ་མ་སེར་པོ།

 
ཁ་སང་དེ་རིང་སྒོར་མོའི་ཆེད་དུ་འདྲ་མིན་མང་པོ་བྱེད་ནས་འབད་པ་བྱེད་མཁན་ཧ་ཅང་མང་པོ་འདུག ཁྱེད་རྣམ་པས་ཞིབ་ཕྲ་བྱེད་ནས་གཟིགས་དང་། དཀར་མཛེས་རྫོང་དང་བྲག་འགོ་རྫོང་གི་ས་ཆ་ཕལ་ཆེ་བ་བླ་མ་དག་གིས་ཉོས་ནས་བདག་བཟུང་བྱས་ཟིན་པ་རེད། དོན་དངོས་སྒོར་མོ་འདི་དག་ཡོང་ཁུངས་རྩད་ཞིབ་ཅིག་བྱ་ན་དྲང་བདེན་བྱས་ནས་ཐོབ་ཡོང་བ་ཞིག་མ་རེད། སྒོར་མོ་བྱེ་བ་མང་པོས་འཛུགས་སྐྲུན་བཟོ་བྱེད་དེ་དག་གང་ནས་ཡོང་བ་མི་མང་པོ་ཞིག་གིས་སེམས་ནང་ཁྲིགས་སེ་ཡོད་རེད། རླངས་འཁོར་སྒོར་མོ་ཁྲི་བརྒྱ་དང་ཉིས་བརྒྱ་མ་གཏོགས་ཁྲི་སུམ་ཅུ་བཞི་ཅུ་དག་འདྲུད་འཐེན་ཞིག་གི་ཚད་ལའང་མི་འཇོག་པར་མ་ཟད་ (more…)

བོད་རང་དབང་སྒེར་ལངས་བྱས་ནས་ལོ་ངོ་ ༥༨ འཁོར་བའི་གསུམ་བཅུའི་དུས་དྲན་ཐོག་སྲིད་སྐྱོང་གིས་ཡོངས་ཁྱབ་ཏུ་སྤེལ་བའི་གསུང་འཕྲིན།

ཡོང་ཁུངས། དབུས་བོད་མིའི་སྒྲིག་འཛུགས་དྲ་བ།

 
༄༅། །དེ་རིང་ནི་བོད་ཀྱི་རྒྱལ་ས་ལྷ་སར་ཕྱི་ལོ་ ༡༩༥༩ ལོར་བོད་ཆོལ་ཁ་གསུམ་གྱི་བོད་མི་སེར་སྐྱ་ཕོ་མོ་རྒན་གཞོན་སྟོང་ཕྲག་མང་པོས་མ་བགྲོས་བསམ་པ་གཅིག་མཐུན་གྱི་སྒོ་ནས་རྒྱ་དམར་གཞུང་གི་བཙན་བཟུང་ལ་ཞི་བའི་སྒེར་ལངས་བྱས་ནས་ལོ་ ༥༨ འཁོར་བའི་དུས་དྲན་གྱི་ཉིན་མོ་ཆགས་ཀྱི་ཡོད། དེར་བརྟེན་ང་ཚོས་བོད་བསྟན་སྲིད་མི་རིགས་ཀྱི་ཆེད་དུ་ལུས་སྲོག་ལོངས་སྤྱོད་བློས་བཏང་གནང་མཁན་འདས་གསོན་ཡོངས་ལ་རྗེས་དྲན་དང་། རྒྱ་དམར་གཞུང་གི་གདུག་རྩུབ་ཀྱི་སྲིད་བྱུས་འོག་བོད་མི་ས་ཡ་གཅིག་ལྷག་འདས་གྲོངས་སོང་བ་དང་བོད་ཀྱི་དགོན་སྡེ་བརྒྱ་ཆ་ ༩༨ ལྷག་ལ་གཏོར་བཤིག་སོགས་བཏང་བ་བཅས་ལ་དྲན་གསོ་ཞུ་རྒྱུའི་དུས་ཚིགས་ཤིག་ཡིན། (more…)

༄༅།།ང་ཡི་རེ་བ། (འོས་སྦྱོར།)

མཁན་པོ་བསོད་ནམས་དར་རྒྱས།

༡)  མི་ཚེ་སློབ་སྦྱོང་གིས་སྐྱེལ་བ།

རེ་བ་དང་པོ་ནི། ཚང་མས་མུ་མཐུད་དུ་སློབ་སྦྱོང་བྱེད་རྒྱུ་དེ་ཧ་ཅང་གལ་ཆེན་པོ་ཡིན། ཁྱེད་ཅག་གིས་བྱ་བ་རྙེད་ཡོད་མེད་གང་ཡིན་ཡང་། མི་ཚེ་འདི་སློབ་སྦྱོང་གིས་འདའ་བ་ཞིག་ངེས་པར་དུ་དགོས་ཏེ། འཇམ་མགོན་ས་པཎ་གྱིས། རིག་པ་ནངས་པར་འཆི་ཡང་བསླབ། །ཚེ་འདིར་མཁས་པར་མ་གྱུར་ཀྱང་། །སྐྱེ་བ་ཕྱི་མར་བཅོལ་བ་ཡི། །ནོར་ལ་རང་ཉིད་ལེན་དང་མཚུངས། །ཞེས་པ་ལྟར་ཚེ་འདི་དང་ཕྱི་མ་གཉིས་ཀར་རིག་པས་ཕན་པས་མུ་མཐུད་དུ་སློབ་དགོས། དེ་མིན་འཇིག་རྟེན་ཚེ་འདིའི་བྱ་བཞག་ཁོ་ནའི་དབང་དུ་བྱས་ཀྱང་དེ་ལྟར་སློབ་དགོས་ཏེ། (more…)

རེབ་གོང་རོང་བོ་དགོན་པའི་འཇིགས་མེད་བློ་གྲོས་ཀྱི་གཏམ་བཤད།

 

བསམ་ཚུལ་གསུམ་དང་རེ་ཞུ་གཅིག

ཤོག་ཁ་བཅུ་གཉིས་སྐད་འཕྲིན་ཚོགས་པས་མཁོ་འདོན་གནངས།

གཏམ་བཤད་དུས་ཚོདཿ སྤྱི་ལོ་ ༢༠༡༢ ཟླ་ ༡༢ ཚེས་ ༢༨ ཉིན།

གཏམ་བཤད་ས་གནསཿ མཚོ་སྔོན་སྤྱི་ཚོགས་རིང་ལུགས་སློབ་གླིང་།

 

དེ་ཡིན་ན། ངས་འདི་ནས་ཉོག་བཤད་ཐུང་ཐུང་ཞིག་རྒྱག་རྒྱུ་དེ། རྫོང་གི་འཐབ་ཕྱོགས་གཅིག་གྱུར་པུའུ་ཡི་འགོ་ཁྲིད་རྣམ་པའི་གོ་སྒྲིག་འོག ངས་ཆ་ལེ་ཆོལ་ལེ་ཞིག་བཤད་རྒྱུར། འདི་ན་བླ་སྤྲུལ་རྣམ་པ་བཅུ་གཅིག་བཅུ་གཉིས་དེ་འདྲ་ཞིག་བཞུགས་ཡོད་པ་དང་། (more…)