ཁ་བརྡ།

གཅན་བཟོད་རྒྱམ།
——
ང་༡༩༩༧ ལོའི་དགུན་ཁར་རྒྱ་གར་དུ་ཐོག་མར་སྐྱབས་བཅོལ་དུ་འབྱོར་བ་ཡིན་ལ། ༡༩༩༨ ལོ་ནི་བཙན་བྱོལ་བོད་ཀྱི་ལོ་རྒྱུས་ཐོག་གི་གསུམ་བཅུའི་དུས་དྲན་ཛ་དྲག་ཤོས་དང་སྐད་གྲགས་ཆེ་ཤོས་དེ་ཡིན་ལ།
དཔའ་བོ་ཐུབ་བསྟན་དངོས་གྲུབ་ལགས་ཀྱིས་རང་ལུས་མེར་བསྲེགས་བཏང་བའི་ལོ་དེ་ཡང་རེད། སྐབས་དེར་ནི་དྷ་སའི་གསུམ་དུས་སྐབས་སྐད་འབོད་བྱས་དྲག་ནས་དྲན་པ་ཐོར་བས་སྨན་ཁང་དུ་བསྐྱལ་བ་དང་མགོ་ཐོག་ཏུ་ཆུ་ལྡུག་པ་སོགས་གསུམ་བཅུའི་དུས་དྲན་ནི་ཧ་ཅང་ཟང་ཟིང་ལང་ལོང་དང་། མི་ཚོའང་ཧ་ཅང་ངར་ཤུགས་ལྡན་པ། མི་འདི་ནི་ཁ་སང་གི་མི་དེ་ཨེ་ཡིན་ནམ་སྙམ་པའི་ངར་ཤིགས་ཤིག་ཀུན་པོར་འདུག
རྩོམ་ཡིག་འདིའི་འཕྲོ་ཀློག »

བོད་ནས་ར་ཛི་ནྰ་མ།
འཕྲེང་ བ་འཛིན་མཁན་ནི་དོན་ངོ་མས་རང་དོན་སྒེར་གཤིས་སུ་འཁྱོག་གཟུགས་ཀྱིས་འཛིན་པ་ལས་ གྱེས་མཁན་དག་ཡིན་ཞིང་། ཁོ་ཚོའི་མིག་གི་ལམ་དུ་བཤམས་པའི་གཞུང་ལུགས་དང་རྣ་བའི་ཡུལ་དུ་གྱུར་བའི་སློབ་ གསོ་དག་ཀྱང་རང་གཅེས་འཛིན་གྱི་ཐབས་ཁོ་ན་ལས་ལྡོག་པར་བྱ་བ་དེ་ཡིན་མོད། རང་ལུས་གྱི་ནར་བོར་བ་དང་མི་ཚེ་དོན་མེད་དུ་བྲན་བཀོལ་བྱེད་པ་ལས་འདའ་འགོངས་ བྱས་ཏེ། ཤེས་རབ་ཀྱི་སྒོ་ནས་གནས་ལུགས་འཚོལ་བ་ནི་རང་ལ་བལྟས་ཏེ་ཡང་དོན་ཆེ་ལ་གཞན་ལ་ བལྟས་ཏེ་ཡང་དོན་ཆེ་བ་ཞིག་ཏུ་མཐོང་གིན་ཡོད། ཁོ་ཚོའི་ངག་རྒྱུན་ལ་ཡང་བསྟན་པའི་དོན་དུ་ཉན་ཐོས་ཀྱི་གོ་ཆ་གྱོན་དགོས་པར་ གསུངས་འདུག་པ་འདི་ལས་གོ་འོང་བ་ཞིག་ཀྱང་རེད། འོན་ཀྱང་རྣམ་པའི་ཆ་ནས་ཀྱང་ཞི་བ་དང་དྲག་པོ་བར་མ་གང་བསྟན་དུ་རུང་བ་ཞིག་ཡིན་ མོད། ཀུན་སློང་གི་ཆ་ནས་གཞན་དོན་གཙོ་བོར་འཛིན་པ་ཞིག་ཡིན་པས་དེ་ལ་བདག་གཅེས་བྱེད་ དགོས་པ་རེད། དུས་ཀྱི་བབ་དང་བསྟུན་ནས་མིའི་རིགས་ལ་ཞབས་འདེགས་ཅི་ལྟར་བྱ་ནུས་པ་ཡིན་ན་དེ་ ལྟར་བསྒྲུབ་ཆོག་པའི་འོས་འགན་ཡོད་འདུག དཔེར་ན་པཎ་ཆེན་རིན་པོ་ཆེས། ངས་བོད་མི་མང་ལ་དམག་དཔོན་བྱས་ནས་ཕན་ཐོག་ན་དམག་དཔོན་བཅའ་གི་ཡིན། དེ་ལས་གཞན་ལས་སྣེ་གང་གི་སྒོ་ནས་ཕན་ཐོག་ན་ལས་སྣེ་དེ་ཡི་མི་བཅའ་གི་ཡིན་གསུངས་ པའི་གཏམ་ཞིག་འདུག་པ་དེ་ཡང་གཞན་ཕན་གྱི་སྒོ་དང་མཐུན་པའི་གསུང་བཤད་ཅིག་ཡིན་པས། ངེད་ཅག་འཕྲེང་བ་འཛིན་པའི་རིགས་ཀྱང་དེ་ལས་མ་འདས་སོ། ། རྩོམ་ཡིག་འདིའི་འཕྲོ་ཀློག »

བོད ལྷ་ཀླུ་གཉན་གསུམ།

ངའི་བསམ་བློ་མང་བོ་མང་བོ་ཞིག་བཏང་བ་ཡིན། འོན་ཀྱང་། ངའི་རྟག་པར་རང་ཉིད་ལྟ་བུའི་བོད་པ་མི་ཉུང་བ་ཞིག་གིས་ལམ་ཁ་འདི་ནི་མི་རིགས་ཤིག་ཆགས་པའི་ཉེན་ཁ་ཡིན་པ་མཐོང་བ་ལས། མི་རིགས་ཤིག་སྐྱོབས་པའི་ལམ་ཁ་ཞིག་མིན་པའི་ངེས་ཤེས་ཡང་ཡང་སྐྱེ་ཡི་འདུག ང་རང་ལ་མཚོན་ན་རང་ཡུལ་དང་བྲལ་ནས་མི་ལོ་བཅོ་ལྔ་ལྷག་འགྲོ་བཞིན་ཡོད། དང་བོ་བོད་ཡུལ་ནས་ཡོང་དུས་དམིགས་ཡུལ་ཞིག་ཡོད་པ་དེ་ནི་༧གོང་ས་མཆོག་དང་མཇལ་རྒྱུ་བྱུང་ན་ཤི་སོང་རང་འགྱོད་པ་མེད་པ་དེ་ཡིན། དེ་ནས་སེམས་ཐག་གཙང་བཅད་ཀྱིས་ནང་མི་ལ་ཞུ་བ་ཞུས་སྟབས། ནང་མིས་ཀྱང་རང་གི་བསམ་ཚུལ་རྒྱབ་སྐྱོར་བྱས་སོང་བ་མ་ཟད། དྲིན་ཆེན་མ་ལོས་ཀྱང་ཁྱེད་རང་རྒྱ་གར་དུ་འབྱོར་ནས་༧རྒྱལ་བ་རིན་པོ་ཆེ་ཚང་གི་ཞབས་ཞུ་ཞིག་བྱེད་ཐུབ་སོང་བ་ཡིན་ན་མ་རྒན་ང་ཤི་རུང་བློ་བདེ་བག་ཕེབས་ཡོང་ཁོ་ཐག་ཡིན། ༧རྒྱལ་བ་རིན་པོ་ཚང་གི་ཐུགས་དགོང་དང་འགལ་བའི་ལས་གཏན་ནས་མ་བྱེད་ཅེས་ཁ་བརྡ་སློབ་གསོ་གནང་སོང་། ངས་ཀྱང་དེ་ལྟར་དུ་ཁས་ལེན་བྱས་པ་ཡིན།
ང་རང་གིས་དཀའ་ཚེགས་མི་ཉུང་བ་ཞིག་བརྒྱུད་དེ་རྒྱ་གར་དུ་འབྱོར། ང་རང་གྲྭ་བ་ཡིན་སྟབས། རྣམ་རྒྱལ་གྲྭ་ཚང་དུ་འགྲོ་རྒྱུའི་ཐོ་འགོད་བྱས་པ་ཡིན། འོན་ཀྱང་། དེ་ནི་གྲྭ་བ་ཡིན་ཚད་ཅིག་འགྲོ་ཐུབ་སའི་གྲྭ་ཚང་ཞིག་མིན་པ་གསལ་བཤད་བྱས་པ་ལྟར། རང་ཉིད་ཀྱང་གྲྭ་སར་ཐོ་འགོད་བྱས་པ་ཡིན། གྲྭ་སར་ཐད་ཀར་བཏང་ནས་༧རྒྱལ་བ་རིན་པོ་ཆེ་ཚང་ལ་མཇལ་རྒྱུའི་གོ་སྐབས་ཀྱང་བྱུང་མ་སོང་བར་ཟླ་ངོ་ཁ་ཤས་ཤིག་བུད་སོང་བ་མ་ཟད། གྲྭ་སར་འབྱོར་དུས་གཞི་ནས་སྒེར་ནས་འགྲོ་སོང་བཏང་ནས་འགྲོ་བ་ལས་གཞུང་གིས་འགྲོ་སོང་གཏོང་གི་མི་འདུག་པ་ཤེས་སོང་། ཟླ་ངོ་རེ་ཟུང་གི་རིང་དུ་༧རྒྱལ་བ་རིན་པོ་ཆེ་ལ་མཇལ་འདོད་ཀྱི་མདུན་པ་ནི་དངོས་ནས་ཧ་ཅང་ཤུགས་ཆེན་པོ་འདུག་སྟབས། ཐུགས་སྤྲོ་ཞིག་གི་སྟེང་ནས་ཁ་ཤགས་ཤིག་བཤད་སྐབས་མིག་ཆུ་ཡང་རང་དབང་མེད་པར་ཤོར་དུ་བཅུགས་སོང་། རྩོམ་ཡིག་འདིའི་འཕྲོ་ཀློག »

བོད ལྷ་ཀླུ་གཉན་གསུམ།

མཚན་མོ་རེ་རེ
ངོ་གདོང་གཞན་ཞིག་གི་འོག་དུ་སྐོང་ནས
དུས་གསུམ་ལ་ངོ་ལོག་བྱེད་དུས་སུ
བརྩིགས་ངོས་ཀྱི་སྐུ་དཔར་དེ་ཡིས་ཁ་གྲགས་ན
ང་ནི་བཅོས་མའི་བུ་ལོ་ཞིག་ཡིན་པ་གསལ་བོ་ཤེས་སྲིད
རྩོམ་ཡིག་འདིའི་འཕྲོ་ཀློག »

སྟོང་ཕྱུག་འོ་མའི་མར་ལོ།

ཐོད་སྐོགས་འདྲ་བའི་བྲག་གསེང་གི་ཕུག་པ་དེར
པགས་པས་པགས་པ་གཙབས
གཤེར་ཁུས་གཤེར་ཁུ་བསྲུབས
མེ་སྟག གློག་ཞགས ཀི་བསོ བྲག་ཆ ཐིག་ལེ་དང་ཁམས་དམར
དམར་ཟས་ལ་དུང་བའི་ཤ་ཁྲག་གི་ཕུང་པོ་དང་འདུ་ཤེས་ཀྱི་ཁྱུ

བྲག་ཕུག་དེར
གཅན་གཟན་གཉིས་ཀྱིས
ཤེས་རིག་ཅིག་གི་དར་རྒུད་བསྐྲུན
མགོ་ནག་བོད་ཅེས་སྒྲུང་ཞིག་བརྩམས
ཁ་བ་ཅན་ཞེས་མགུར་ཞིག་བཞེངས

རང་སེམས་དང་དྲན་པ་གསོ་ཞོར
མངོན་སུམ་མམ་བློས་བསླངས་ཀྱི་ཆོས་འདིའི་རྐྱེན་གྱིས
ཁོ་བོ་རི་སུལ་དུ་གཅེར་བུར་ཞབས་བྲོ་འཁྲབ་ལ་དགའ
སྨག་རུམ་གྱི་དུས་འདིར་ཁྱེད་གཉིས་ཀའི་ཟློས་གར་ཟློ་བར་དགའ
ཚེ་སྲོག་ལུད་པའི་གདོད་མའི་འཐམ་འཁྱུད་འདི
བྲག་ངོས་དེར་མགལ་མེས་རི་མོར་བཀོད་ཡོད་དམ

རྩོམ་ཡིག་འདིའི་འཕྲོ་ཀློག »

<<གྲོས་ཚོགས་འོས་འདེམས་དེ་ཆོལ་ཁ་དང་ཆོས་བརྒྱུད་ཁོངས་ནས་འདམ་རྒྱུ་མཚམས་འཇོག་རན་ལ་ཐོན་ཡོད།>>

འདྲེ་རིག་ལྡན།

དེང་སང་མི་མང་པོ་ཞིག་གིས་ཆོས་བརྒྱུད་སྤྱི་འཐུས་དགོས་མིན་གྱི་སྐད་ཆ་མང་པོ་ཞིག་བཤད་ཀྱིན་འདུག དེ་ཡང་ང་ཚོའི་མང་གཙོའི་འཕེལ་རིམ་ཞིག་ཏུ་མཐོང་བས་དགེ་བའི་གཏམ་དུ་མཆིས་མོད། བདེན་པས་བསླུ་མི་སྲིད་ཀྱང་བདེན་པ་བཤད་སྟངས་ཀྱིས་བསླུ་སྲིད་པ་ལྟར། མི་རེ་ཟུང་གི་བཀའ་མོལ་གསུངས་སྟངས་དེས་ཉན་མཁན་དང་ཀློག་མཁན་མང་པོ་ཞིག་ལ་དོགས་པ་སློང་གིན་འདུག དྲང་མོར་བཤད་ན། ད་ལྟ་ང་ཚོའི་སྤྱི་ཚོགས་འདི་ཆབ་སྲིད་ཀྱི་སྦྱོང་བརྡར་ཁྲོད་དངོས་སུ་ཞུགས་མ་ཐག་
པ་ཞིག་ཡིན་པས་ན། བཤད་མཁན་དང་ཉན་མཁན་གཉིས་ཀར་མི་ལྡང་བའི་ཆ་ནི་ཡོད་ཡོད་པ་ལྟ་བུ་རེད། འདི་ཡང་མང་གཙོའི་འཕེལ་རིམ་ཞིག་རེད། རྩོམ་ཡིག་འདིའི་འཕྲོ་ཀློག »

རིག་འབྱུང་དོན་གྲུབ་བཀྲ་ཤིས། ཨ་རི།

ཨ་ཀྱཱ་རིན་པོ་ཆེ་ལགས་བཙན་བྱོལ་དུ་ཕེབས་རྗེས། རང་གི་མི་ཚེའི་བྱུང་བ་བརྗོད་པའི་དངོས་བྲིས་མཛད་རྣམ་དེ་འབྲི་འགོ་ཚུགས།
ཁོང་གི་དངོས་བྲིས་མཛད་རྣམ་( Surviving the Dragon) ཟེར་བ་དེ་སོག་ཡིག་ཏུ་ཕྱི་ལོ་༢༠༠༩ལོར་དཔར་བསྐྲུན་བཏབས། དབྱིན་ཡིག་ཏུ་སྤྱི་ལོ་༢༠༡༠ལོར་དཔར་བསྐྲུན་ཟིན། བོད་ཡིག་ཏུ་ཡང་དེབ་ཀྱི་ལེའུ་དང་པོ་དེ་བསྒྱུར་ཚར་ནས་འདུག་ལ་། ལོ་རྗེས་མར་དེབ་ཀྱི་ངོ་བོར་དཔར་བསྐྲུན་བྱེད་ཀྱི་རེད་ཟེར། དེབ་དེའི་ལེའུ་དང་པོ། བྱིས་དུས་ཀྱི་ལོ་ཟླའི་ས་བཅད་དང་པོ་སྟེ་”སྤྲུལ་སྐུ་འཚོལ་བའི་སྐོར་”གྱི་ནང་དུ། ཁོང་གིས་འདི་ལྟར་་གསུངས་འདུག “ལོ་རབས་བཞི་བཅུ་བའི་མཇུག་མཐའ་དེར་སྐུ་འབུམ་དགོན་པའི་དགོན་བདག་ཨ་ཀྱཱ་བསྟན་པའི་རྒྱལ་མཚན་མཆོག་རེ་ཞིག་དགོངས་པ་གཞན་དོན་དུ་རྗོགས་ཤིང་། ང་རང་ནི་ཁོང་གི་ཡང་སྲིད་སྐུ་ཕྲེང་བརྒྱད་པར་ངོས་འཛིན་བྱས་བ་རེད། དེ་ཡང་། སྤྲུལ་སྐུའི་ཡང་སྲིད་ཅིག་འཚོལ་བར་ཕྱག་ལས་ཞེ་དྲགས་མང་པོ་ཡོད་ལ་ཐོག་མར་སྤྲུལ་སྐུའི་མིང་ཐོ་བསྡུ་བར་ས་ཆའང་མང་པོར་འགྲོ་དགོས་བ་རེད། དེར་བརྟེན། ང་ཚོའི་ལུང་བ་ཆུང་ཆུང་འདིའི་ནང་དུའང་འོས་ཐོ་ཁ་ཤས་ཤིག་བསྡུས་ཡོད་པར་བཤད་ལ། ངའི་སྡེ་བར་མཚོན་ན་འོས་ཐོ་གཉིས་བསྡུས་འདུག དེས་རྒྱུ་མཚན་གྱིས་། འོས་བསྡུ་ཕུལ་ཟིན་པའི་ཁྱིམ་ཚང་དེ་གཉིས་ཀྱིས་ཀྱང་སོ་སོའི་སེམས་ཁོངས་སུ་རེ་བ་ཡོད་སྟབས་། མངོན་གསལ་དོད་པོ་མེད་པའི་སྒོ་ནས་གྲ་སྒྲིག་གང་འཚམས་ཤིག་བྱས་ཡོད་ཚོད་འདུག་མོད། དེ་གསང་བ་ལྟ་བུ་བྱས་འདུག གང་ཡིན་ཟེར་ན། གལ་ཏེ་འོས་ཐོ་དེ་སོ་སོའི་བུ་ལ་མ་འཐོབ་པ་ཞིག་ཡིན་ན། དེ་བས་ཀྱང་ངོ་ཚ་བོ་དང་ང་སྐྱེངས་པོརའདུག་དགོས་པའི་ཉེན་ཁ་ཡོད་པས་གསང་བའི་སྒོ་ནས་གྲ་སྒྲིག་རེ་བྱས་ནས་སུ་ཚང་ལ་ཡོང་གི་ཡོད་པ་ཡིན་ནམ་སྙམ་ནས་སྒུག་བསྡད་ཡོད་པ་འདྲ། རྗེས་སུ་ངའི་ཕ་མ་གཉིས་ཀྱིས་དེའི་སྐོར་གྱི་སྐད་ཆ་རྣམས་ཀུ་རེའི་ཚུལ་གྱིས་གསུངས་པར་གཞིགས་ན་། གུར་གྱི་ནང་ནས་ཕར་བལྟ་དུས་གྲ་ཆོས་གྱོན་པའི་རྟ་བ་དེ་ཚོ་ང་ཚོའི་ཕྱོགས་སུ་འོང་གི་ཡོད་པ་མཐོང་འདུག སྤྱིར་བཏང་ཡིན་ན་། དབྱར་ཁའི་རྩ་ཐང་ཐོག་ཞབས་བརྟན་རིམ་གྲོ་སོགས་སྒྲུབ་མཁན་གྱི་ཨ་མཆོད་སོགས་ཡོང་མཁན་ཡོད་ཀྱང་། མིའི་མང་ཉུང་དང་ཕྱི་ཚུལ་གྱི་རྣམ་པའི་ཐོག་ནས་བལྟ་དུས་། དེ་ནི་ཐུན་མོང་མ་ཡིན་པའི་འགན་ཁུར་ཆེན་པོ་ཞིག་གི་ཆེད་དུ་ཡིན་པ་གསལ་ཡང་ལམ་སང་སྒོའི་ཕྱི་ལོགས་སུ་འབུད་མ་ནུས་པར་ནང་དུ་ཁ་ཟས་རིགས་གྲ་སྒྲིག་བྱས་ནས་སྒུག་བསྡད་པ་ཡིན་ཟེར་གྱི་འདུག ”
“འབྲུག་སྐད་ཞི་བའི་ཁ་བ་”ཟེར་བའི་ཁོང་གི་དངོས་བྲིས་མཛད་རྣམ་འདིར། ཁྱོན་བསྡོམས་ལེའུ་ལྔ་འདུག་ཅིང་། དེ་ཡང་། རྩོམ་ཡིག་འདིའི་འཕྲོ་ཀློག »

དགེ་འདུན་རབ་གསལ།

ཞོགས་པའི་ཆུ་ཚོད་ ༦ དང་ཕྱེད་ཀའི་སྟེང་ཕྲན་གཉིད་སད། ནམ་རྒྱུན་ཞོགས་གཉིད་མཐུག་པོ་རྒྱག་མཁན་ཞིག་དང་གཏན་ནས་མི་འདྲ། མིག་བཙུམས་ཀྱང་གཉིད་མི་ཡོང་། ག་ལེར་ལངས་ནས་གཟུགས་པོ་བཀྲུས། དྲ་རྒྱ་བསྔོགས། རྒྱ་གར་ནས་གསུམ་བཅུའི་དུས་དྲན་བྱས་ཟིན་པའི་གསར་འགྱུར་རེ་བཀླགས། དེ་ནས་༧སྐྱབས་མགོན་རིན་པོ་ཆེའི་གསུང་འཕྲིན་དབྱིན་ཡིག་མ་ཞིག་པར་བཏབ། བྱིས་པ་གཉིད་སད་དུ་བཅུག་ནས་སློབ་གྲྭའི་གྲ་སྒྲིག་བྱས། ངེད་ཀྱི་ཉིན་འདི་དེ་ལྟར་མགོ་བཙུགས།
རྒྱུན་ལྡན་བྱིས་པའི་སློབ་གྲྭ་དེ་ཆུ་ཚོད་ ༨ དང་ཕྱེད་ཀའི་ཐོག་མགོ་འཛུགས་ཀྱི་ཡོད། དེ་རིང་བྱིས་པ་ཆུ་ཚོད་ཕྱེད་ཀའི་སྔོན་ལ་སློབ་གྲྭར་བསྐྱལ་ཐུབ་ཚེ། ང་ནི་དུས་བཅད་ལྟར་ ཆུ་ཚོད་ ༩ པའི་ཐོག་མགོ་འཛུགས་རྒྱུའི་གོམ་བགྲོད་ཀྱི་རྗེས་ཟིན་པ་འདུག དེ་ནས་ངེད་ཀྱི་དེ་རིང་གི་ལས་ཀའི་ཐད་སྔ་ས་ནས་དགོངས་ཞུ་བྱས་ཟིན་ཡོད་ཅིང་། སློབ་མ་ཚོ་ལའང་དེ་ལྟར་བརྡ་སྤྲད་ཟིན་ཡོད། ད་ནི་འཆར་གཞི་འདི་ཡག་པོ་འདུག དངོས་གནས་ཡག་པོ་འདུག རྩོམ་ཡིག་འདིའི་འཕྲོ་ཀློག »

ཚེ་རིང་སྐྱིད

ཨ་མས་བརྗོད་ན་ང་སྐྱེས་དུས་ནས་ང་ལ་ཨ་མྱེས་མེད་ཟེར།
ངས་བྱིས་དུས་སུ་ཨ་མྱེས་ནི་ང་ལ་དགའ་བོ་མེད་པས་གང་ཞིག་ལ་བུད་སོང་བར་བསམ།
ངས་བྱིས་དུས་སུ་ཨ་མྱེས་ཀྱིས་བཤད་པའི་གཏམ་རྒྱུད་གཅིག་ཀྱང་གོ་མ་མྱོང་བས།
ཨ་མྱེས་ནི་གཏམ་རྒྱུད་མེད་པའི་གནའ་མི་ཞིག་ཏུ་འདོད་མྱོང༌།

མཚར་ལོངས་ཀྱི་གོ་རིམ་ཁྲོད་དུ
ང་དང་འདྲ་བའི་ན་མཉམ་མང་པོ་ཞིག་ལ་ཡང་ཨ་མྱེས་མི་འདུག
ཁོང་ཚོས་བཤད་ན་ཁོང་ཚོའི་ཨ་མྱེས་རྒྱང་རིང་ནས་ལམ་ལ་ཆས་ཏེ་ཡོང་གི་ཡོད་ཟེར།
ང་ཚོས་ཨ་མྱེས་མང་པོ་ཞིག་རི་འདབས་ནས་མངོན་པར་ལོ་ཟླ་རེ་རེ་ལ་སྒུག རྩོམ་ཡིག་འདིའི་འཕྲོ་ཀློག »

རང་བཙན། བོད་ཀྱི་གནད་དོན།

འཇམ་དབྱངས་ནོར་བུ།
མི་ནག་ཚང་ལུང་རིགས་རྒྱལ་གྱིས་བསྒྱུར།

བོད་རང་བཙན་སློབ་ཕྲུག་ཚོགས་པས་དཔར་སྐྲུན་དང་འགྲེམས་སྤེལ་བྱས།
དཀར་ཆག

བོད་མི་རིགས་ཀྱི་གདོད་མའི་ངོ་རྟགས།
རང་བཙན་གྱི་ཁྲིམས་མཐུན་ངོ་བོ།
ད་ལྟའི་བོད་ནང་།
རང་བཙན་ཅིའི་ཕྱིར་གནད་འགག་ཏུ་གྱུར།
ད་ལྟ་ག་རེ་བྱས་ནས་བློས་གཏོང་དགོས་པ་རེད།
རང་བཙན་གྱི་རྒྱལ་སྤྱིའི་ཁྱབ་རྒྱ།
དམངས་གཙོ་དང་རང་བཙན།
རང་བཙན་གྱི་རེ་བ་ཙམ་ཡང་གལ་ཆེན་ཆགས་ཡོད།

བོད་མི་རིགས་ཀྱི་གདོད་མའི་ངོ་རྟགས།

འཛམ་གླིང་སྟེང་ན་བོད་པ་ནང་བཞིན་རང་གི་གནས་ཡུལ་གྱི་ཆ་ནས་ཐུན་མོང་མ་ཡིན་པར་དགར་ཐུབ་པའི་མི་རིགས་ཤིག་མི་འདུག བོད་མི་རིགས་ཀྱི་ངོ་རྟགས་ནི་ལོ་རྒྱུས་ཀྱིས་བསྐྲུན་པ་མིན་ལ། ཆོས་ལུགས་ཀྱི་ཐོག་ནས་ཀྱང་མིན། འདིའི་རྩ་བ་ནི་བོད་མི་རིགས་ཀྱི་ཕ་ས་དང་མ་སའི་གཏིང་དུ་ཟུག་ཡོད། བོད་མི་རིགས་ནི་གནའ་ནས་ད་བར་དུ་མདོ་དབུས་མཐོ་སྒང་སྟེ། འཛམ་གླིང་གི་ཡུལ་གྲུ་གཞན་ལས་མཐོ་ཞིང་ཡན་གར་དུ་ཆགས་པའི་ཡུལ་འདིར་འཚོ་ཞིང་གཞིས་པའི་མི་རིགས་ཤིག་ཡིན། བལ་ཡུལ་དང་རྒྱ་གར། རྒྱ་ནག་བཅས་མཐའ་འཁོར་གྱི་ས་བབ་དམའ་སའི་ལུང་པ་ནས་བོད་མི་གནས་སྡོད་ཀྱི་ས་ཁུལ་དག་ལ་འཛུལ་སའི་ལམ་ཁ་དག་ནི་ཁྱད་ཆོས་ལྡན་པ་དང་ཡ་མཚན་ཡིན་པ་ཙམ་ཁོ་ན་མིན་པར། ཐུན་མོང་མ་ཡིན་པའི་འཇིག་རྟེན་གཞན་ཞིག་ལ་འཕོ་སའི་འགྱུར་རིམ་གསལ་བོ་ཞིག་ཡིན། རྩོམ་ཡིག་འདིའི་འཕྲོ་ཀློག »

ལྷམ་ཀོག་གིས་
གནམ་ས་རལ་བའི་དྲག་རླུང་གི་གདུག་རྩུབ་ནི་གཟེངས་རིང་བའི་སྒྱོགས་རྡེལ་བཞིན་གང་ས་ནས་ཕབ་འོང་དུས། གཅེས་པའི་ལུས་ལ་འཇམ་མཉེན་གྱི་རེག་བྱ་ཡར་ལྡན་དུ་རྫོགས་པའི་སྣང་སྲིད་ཞབས་ཀྱིས་བཅགས་པའི་མགར་ཁྲི་འབྲིང་གི་རིགས་ཀྱི་སྲས་པོ་དང་སྲས་མོ་དག་ཉི་མ་ནུབ་ལ་བཞུད་པ་ལྟར་དུ་གྱུར་མོད།འོན་ཀྱང་ཁོ་ཚོ་ནི་བྱ་ལམ་རྗེས་མེད་ཀྱི་ཚུལ་ལས་རིང་དུ་འགོངས་ཤིང༌། མཐོན་པོའི་གནམ་དང་ཡངས་པའི་ས་གཞི་ཆེན་མོ་འདིས་ཐེག་པར་དཀའ་བའི་གསེར་གྱི་རི་རྒྱལ་ལྷུན་པོ་རེ་རེ་ཡིན་པ་སྨྲ་བསམ་བརྗོད་མེད་ཀྱི་ཕུག་ན་ཉི་ལྟར་འཚེར་ཞིང་ཟླ་ལྟར་གསལ་བ་དེ་ཀོ་ལགས། རྩོམ་ཡིག་འདིའི་འཕྲོ་ཀློག »

ཨ་ཚོགས་ཀླུ་མཁར་བྱམས།

ལོ་རྟག་པར་གསུམ་བཅུའི་དུས་དྲན་སྐབས་སུ་བོད་དང་འབྲེལ་བའི་བྱེད་སྒོ་སྣ་ཚོགས་ཤིག་འཛམ་གླིང་གང་སར་སྤེལ་བཞིན་ཡོད་ལ། ད་ལོ་ཡང་དེ་བཞིན་བྱེད་སྒོ་སྣ་ཚོགས་ཤིག་འཛམ་གླིང་གང་སར་སྤེལ་ཡོད་པའི་ནང་ནས། གལ་ཆེ་ཤོས་ནི་བཞུགས་སྒར་ངྷ་སར་གསུམ་བཅུའི་དུས་དྲན་དང་འབྲེལ་ནས་བོད་རང་བཙན་སློབ་ཕྲུག་ཚོགས་པས་སྐུ་ཞབས་འཇམ་དབྱངས་ནོར་བུས་བརྩམས་པའི་ ༼ རང་བཙན་་་་བོད་ཀྱི་གནད་དོན། ༽ ཞེས་པའི་དེབ་ཆུང་ཞིག་དཔར་སྐྲུན་འགྲེམ་སྤེལ་བྱས་འདུག དེབ་ཆུང་དེ་བོད་ཀྱི་དུས་བབ་རྩོམ་སྒྲིག་པ་སྐུ་ཞབས་ལུང་རིགས་རྒྱལ་ལགས་ཀྱིས་རྩོམ་སྒྱུར་གནང་ཞིང་། བོད་རང་བཙན་སློབ་ཕྲུག་ཚོགས་པས་དཔར་སྐྲུན་ཆེད་བརྗོད་ནང་། རྩོམ་སྒྱུར་ནི་གསར་གཏོད་ཀྱི་གོ་རིམ་གཉིས་པར་སོང་གྲགས་རྩོམ་འདི་ལྟ་བུའི་འགྱུར་ལ་དོ་དོ་ཏན་ཏན་ཡོང་མིན་སེམས་ཁྲལ་བྱུང་། བོད་ཀྱི་དུས་བབ་རྩོམ་སྒྲིག་པ་སྐུ་ཞབས་ལུང་རིགས་རྒྱལ་ལགས་ཀྱིས་ཡིག་སྒྱུར་གྱི་ཞལ་བཞེས་གནང་བ་ནས་སེམས་པ་ལྷོད་ལ་བབས་སོང་། ད་ཆ་ང་ཚོས་ཁ་བརྒྱ་མིག་སྟོང་གི་དོ་རར་ཟབ་ཅིང་གསོན་ཤུགས་ལྡན་པའི་རྩོམ་ཡིག་འདི་སྙན་ཞིང་བྱང་རྩལ་ལྡན་པའི་འགྱུར་གྱིས་བཏེགས་ཏེ་འབུལ་རྒྱུར་སྤོབས་པ་ཡོད། ཅེས་འཁོད་འདུག

དཔེ་དེབ་འདི་ནི་སྐུ་ཞབས་འཇམ་དབྱངས་ནོར་བུར་བརྩམས་ཆོས་སྣ་ཚོགས་ཡོད་པའི་ནང་གི་གཅིག་སྟེ། ཧ་ལམ་བོད་རང་བཙན་གྱི་བསྒྲགས་གཏམ་ཞིག་རེད་ཟེར་ནའང་མ་ཆོག་པ་མེད་པར་སྣང་། དེ་བས་ན་དེབ་དེ་རྒྱས་བསྡུས་འཚམས་ཞིང་ཁ་གསལ་གོ་བདེ་ཞིག་བྲིས་འདུག་ལ། ཤོག་གྲངས་༢༧ དང་།ས་བཅད་བརྒྱད་ཡོད་པ་ནི༌༌བོད་ཀྱི་གདོད་མའི་ངོ་བོ་དང་། རང་བཙན་གྱི་ཁྲིམས་མཐུན་ངོ་བོ། ད་ལྟའི་བོད་ནང་། རང་བཙན་ཅིའི་ཕྱིར་གནད་འགག་དུ་གྱུར་བ། ད་ལྟ་ག་རེ་བྱས་ནས་བློས་གཏོང་དགོས་པ་རེད། རང་བཙན་གྱི་རེ་བ་ཙམ་ཡང་གལ་ཆེན་རེད༌༌༌ཅེས་སོགས་དང་། ད་དུང་བོད་རང་བཙན་སློབ་ཕྲུག་ཚོགས་པས་དཔར་སྐྲུན་ཆེད་བརྗོད་ཀྱང་སྤེལ་འདུག

མི་སྡེའི་སྤྱི་ཚོགས་ཀྱི་བྱ་བཞག་སྤྱི་དང་ཡང་སྒོས་ང་ཚོ་བོད་མི་རིགས་ནང་བཞིན་དཀའ་ངལ་འོག་ཡོད་པའི་མི་རིགས་ཤིག་ལ་རྩོམ་པ་བོ་དང་བརྩམས་ཆོས་ཤིག་གིས་བསྐྱར་དར་དང་སྣེ་ཁྲིད་ཀྱི་ནུས་པ་འདོན་ཐུབ་ཀྱི་ཡོད་པའི་དབང་དུ་བྱས་ན། རྩོམ་ཡིག་འདི་ལ་དེ་ལྟ་བུའི་བྱེད་ནུས་ཡན་གར་བ་ཞིག་ཡོད་པ་གོར་མ་ཆགས། དེབ་ཆུང་འདིའི་ནང་བོད་མི་རིགས་ཀྱིས་བརླགས་ཟིན་པའི་རང་གི་སྣོད་བཅུད་གཉིས་ཀྱི་ངོ་རྟགས་གང་ཡིན་པ་དང་། དེ་ཉིད་འཚོལ་སྒྲུབ་བྱེད་པ་ལ་དུས་རབས་ཀྱི་འགྲོས་དང་མཐུན་པའི་བྱེད་ཐབས་གང་དང་ཅི་འཚོལ་དགོས་པ་དང་། མིག་དཔེར་སུ་དང་གང་ཡོད་པ་གསལ་འདོན་བྱས་འདུག་ཁར། ད་དུང་མི་སེར་སྤེལ་བའི་རིང་ལུགས་འོག་ལྷག་པའི་ང་ཚོ་བོད་མི་རིགས་ལ་མཚོན་ན། མི་རིགས་ཀྱི་ལ་རྒྱ་དང་བླ་སྲོག་མ་དོར་བ་ཡིན་ན་དུས་ནམ་ཞིག་རླབས་ཆེན་གྱི་བྱ་བཞག་གང་ཡང་འགྲུབ་ཐུབ་པའི་གདེང་སྤོབས་ཡོད་ངེས་པས་མཐའ་རྒྱན་ཏེ་བྲིས་འདུག

དེབ་འདི་ནི་ལོ་འདིར་བོད་པ་ཚོས་ངེས་པར་དུ་ཀློག་དགོས་པ་དང་། བཀླགས་ནས་ངེས་དགོས་པ། ངེས་རྗེས་འདིའི་ཐད་ཁ་སེམས་ཐོ་ཐུག་པའི་ཐོག་ནས་གོམ་པ་སྤོ་དགོས་པར་འདུག

བོད ལྷ་ཀླུ་གཉན་གསུམ།

སྟེང་དུ་ལྷ་ཞིག་ཡོད་སྣང་ངར་མ་སྐྱེས།།
འོག་དུ་ཀླུ་ཞིག་ཡོད་པར་ངས་མ་རྟོགས།།
བར་ན་འཚོ་བའི་འགྲོ་བ་མི་གྲལ་ནས།།
མི་དྲན་དགུ་དྲན་ཡོད་ཚད་ང་ཡི་བྱེད།།

བོད་མི་ཡིན་པའི་མིང་ཞིག་ཡོད་ན་ཡང་།།
བོད་དོན་ཕྱོགས་སུ་ཁ་སྟོང་ཚིག་སྟོང་ལས།།
དོན་དུ་ཡོད་པའི་ལས་ཤིག་ངས་མི་འཇོན།།
ཉིན་མཚན་མེད་པར་ཆགས་སེམས་ཁོ་ནས་བཟི།། རྩོམ་ཡིག་འདིའི་འཕྲོ་ཀློག »

བལ་ཡུལ་དུ་༣༡༠སྔ་མོ་ནས་བོད་མིའི་གཞི་ཆགས་དང་སློབ་གྲ། དགོན་སྡེ་ཁག་གི་བོད་མི་ཚོ་ཉེན་རྟོག་པས་སྐོར་ནས་མཛད་སྒོ་ཚོགས་སར་འགྲོ་རུ་མ་བཅུག་པར་བཀག་ནས་དམ་དྲག་ཤུགས་ཆེན་བྱས་ཡོད་ན་ཡང་བོད་མི་མང་པོས་ཐབས་ཤེས་འདྲ་མིན་བརྒྱུད་ཏེ་མཉམ་དུ་འཛོམས་པ་དང་རྒྱ་ནག་གཞུང་ཚབ་མདུན་སོགས་སུ་རྔམ་སྟོན་སྐད་འབོད་ཀྱི་ལས་འགུལ་ཁག་ཁ་ཤས་སྤེལ་ཡོད། སྐབས་དེར་ཉེན་རྟོག་པས་བོད་མི་ལས་འགུལ་བའི་ལག་ནས་བོད་ཀྱི་རྒྱལ་དར་འཕྲོག་པ་དང་མེ་བསྲེགས་བཏང་བ་སོགས་བྱས་ཡོད་ཐོག་ཉུང་མཐར་བོད་མི་༣༠་ཙམ་ཉེན་རྟོག་པས་འཛིན་བཟུང་བྱས་བ་དང་། མི་ཉུང་བ་དྲན་པ་འཐོར་བ་དང་རྨས་སྐྱོན་ཕོག་པ་སོགས་ཡང་བྱུང་འདུག རྩོམ་ཡིག་འདིའི་འཕྲོ་ཀློག »

སྐར་ཆེན།

གསུམ་བཅུའི་དུས་དྲན། དེ་རིང་། ཁྱེད་དགུང་ལོ་ང་གཅིག་ལ་སླེབས་པའི་དེ་རིང་། ངའི་ཕ་ཡུལ་དུ། ཡུལ་མི་ཚོས་རང་དབང་གི་སྒོ་ནས་དབུགས་གཏོང་དཀའ་བར་མ་ཟད་ཁོང་ཚོའི་སྨྲ་སྒོ་ཡོངས་སུ་བསྡམས་ནས་ཡོད། ཐ་ན། ཁོང་ཚོར་ཕྱི་ལོགས་སུ་རང་དབང་སྒོས་འགྲོ་བསྐྱོད་ཀྱང་བྱེད་དབང་མེད། ཁོང་ཚོའི་སྨྲ་སྒོ་བསྡམས་བྱེད་མཁན་དེ། རྒྱ་ནག་དམར་པོའི་མེ་མདའ་ཡིན། ཁོང་ཚོའི་རྐང་ལག་བསྡམས་མཁན་དེ་རྒྱ་དམར་གྱི་ལྕགས་སྒྲོག་ཡིན། ཁོང་ཚོའི་རང་དབང་འཕྲོག་མཁན་དེ་ཡང་རྒྱ་ནག་དམར་པོ་ཡིན། དེ་རིང་། ཕྱི་ལོགས་ནས་་ཕ་ཡུལ་དུ་ཁ་པར་གཏོང་བ་ནི། ཡུལ་མི་རྣམས་བཙོན་ལ་འདེད་པ་དང་གཅིག་མཚུངས་ཡིན། གསུམ་བཅུའི་དུས་དྲན། ད་ལྟ། ཁྱེད་ཀྱི་ལས་དབང་དེ་གང་དུ་ཡོད་དམ། རྩོམ་ཡིག་འདིའི་འཕྲོ་ཀློག »

ད་རིང་གསུམ་བཅུའི་དུས་དྲན་ཐེངས་ ༥༡ པའི་དབུ་བཞུགས་སུ་ཆིབས་བསྒྱུར་བཀྲིན་བསྐྱངས་པའི་བོད་མིའི་ཆོས་སྲིད་གཉིས་ཀྱི་དབུ་ཁྲིད། འཛམ་གླིང་ཞི་བདེའི་དེད་དཔོན། སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ལ་གུས་ཕྱག་སྔོན་དུ་བཏང་བའི་ཐོག་ནས། ད་རིང་འདིར་འདུས་སྐྱབས་གནས་དགེ་འདུན་གྱི་སྡེ་དང༌། བཙན་བྱོལ་བོད་གཞུང་མང་གཙོའི་ཀ་བ་གསུམ་གྱི་མཛད་གཙོ་ལས་ཟུར་རྣམ་པ་དང༌། རང་དབང་ཅན་གྱི་སྡེ་ཚན་ཁག་གི་མཛད་གཙོ་ལས་ཟུར་རྣམ་པ། དྲུང་ཆེ་ཆུང་སོགས་སྲི་ཞུའི་ལས་བྱེད་རྣམ་པ། རྡ་ས་ས་གནས་འཐུས་ཚོགས་ཀྱི་ཚོགས་གཙོ་དང༌། ས་གནས་འགོ་འཛིན། ས་གནས་བོད་རང་དབང་བདེན་པའི་ལས་འགུལ་ཚོགས་ཆུང་གི་ཚོགས་གཙོ། གཞུང་ཁོངས་མ་ཡིན་པའི་སྒྲིག་འཛུགས་ཁག་གི་འགོ་ཁྲིད་དང་ལས་བྱེད་རྣམ་པ། དགེ་རྒན་དང་སློབ་ཕྲུག བོད་གཞིས་བྱེས་གཉིས་ཀྱི་བོད་མི་རྣམས་དང་བོད་དོན་རྒྱབ་སྐྱོར་བ། ལྷག་པར་དུ་ད་རིང་དུས་དྲན་འདི་དང་བསྟུན་ཏེ་ཆེད་ཕེབས་རྒྱ་རིགས་གྲོགས་པོ་རྣམ་པ་དང་ཕྱི་རྒྱལ་སྐུ་མགྲོན་རྣམ་པ་ཚང་མར་ངས་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཞུས་ཏེ་འཚམས་འདྲི་ཞུ་རྒྱུ་ཡིན།
༡༩༥༩ ལོར་རྒྱ་ནག་གི་ངན་བྱུས་དམར་རྗེན་དུ་ཐོན་ཏེ་བོད་རྒྱ་ཆེ་མི་མང་སྡོད་བཟོད་མ་ཐུབ་པར་ཞི་བའི་སྒེར་ལངས་ཆེན་པོ་བྱ་དགོས་བྱུང་བ་ནས་དུས་ད་ལྟའང་བོད་ནང་བོད་མིར་རང་དབང་མེད་པ་དང༌། རྒྱ་ནག་འགོ་ཁྲིད་ཚོས་ཁེངས་དྲེགས་དང་མཁྲེགས་བཟུང་གིས་བོད་མིའི་མངོན་འདོད་དང་མ་འཚམས་པའི་སྲིད་བྱུས་དང་ལས་འཆར་ནོར་བ་ཁོ་ན་ལག་བསྟར་བྱས་དང་བྱེད་བཞིན་པ་དང༌། རྒྱ་ནག་གཞུང་ཕྱོགས་ནས་དངོས་ཡོད་གནས་སྟངས་ལ་གཞི་མ་བཅོལ་བར་བརྟེན་བོད་རྒྱའི་དཀའ་རྙོག་སེལ་ཐུབ་པ་བྱུང་མེད་རུང༌། མི་ལོ་ ༥༡ སླེབས་མཚམས་སུའང་རྒྱལ་སྤྱིའི་ནང་བོད་དོན་འདི་འགྲིག་འཇགས་ཡོང་དགོས་པའི་གནད་དོན་གལ་ཆེ་ཞིག་ལ་ངོས་འཛིན་ཐོག་གནས་ཐུབ་ཡོད་པ་དང༌། རྒྱ་ནག་གིས་ཀྱང་སྣང་མེད་དུ་འཇོག་ཐབས་མེད་པའི་གནས་སྟངས་སུ་གྱུར་ཡོད་པ་དེ་འདས་པའི་མི་ལོ་བཅུ་ཕྲག་ལྔ་ལྷག་རིང་གཙོ་བོ་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་གི་ྋསྐུའི་མཛད་འཕྲིན་འཛམ་གླིང་མཐའ་དབུས་སུ་རྒྱས་པའི་ནུས་མཐུའི་བཀྲིན་དང༌། བོད་གཞིས་ལུས་མི་མང་གི་དཔའ་མཛངས་སྙིང་སྟོབས། རྒྱལ་སྤྱིའི་ནང་གཞུང་སྒེར་མང་པོས་རྒྱབ་སྐྱོར་གནང་བ་ལ་བརྟེན་ནས་ཡིན་པས་ད་རིང་གི་གོ་སྐབས་འདི་ཟིན་ནས་ྋགོང་ས་མཆོག་དང༌། བོད་གཞིས་ལུས་མི་མང༌། རྒྱལ་སྤྱིའི་རྒྱབ་སྐྱོར་བ་ཚང་མར་ཐུགས་རྗེ་ཆེ་ཞུ་རྒྱུ་ཡིན། སྔ་ལོ་སྤྱི་ལྷན་གྲོས་ཚོགས་ཐོག་གྲོས་ཆོད་སྣོལ་འཇོག་གནང་ཡོད་པ་བཞིན་ད་ལམ་བོད་གཞིས་ལུས་རྒྱལ་གཅེས་དཔའ་བོ་དཔའ་མོ་རྣམས་ཀྱི་རྗེས་དྲན་རྡོ་རིང་ཞིག་གསར་བཞེངས་གྲུབ་ཡོད། རྩོམ་ཡིག་འདིའི་འཕྲོ་ཀློག »

སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་དགུ་བར་ཕེབས་པའི་སྤྱི་འཐུས་རྣམ་པར་འཚམས་འདྲི་དང་། གྲོས་ཚོགས་ཀྱི་ལས་དོན་ཚགས་ཚུད་ཚད་ལྡན་ཡོང་བའི་སྨོན་འདུན་ཡོད། རིང་མོ་ཞིག་ནས་ཡིད་ལ་བརྣགས་པ་ལྟར་བོད་མིའི་ཆབ་སྲིད་མང་གཙོའི་ལམ་དུ་བསྒྱུར་རྒྱུ་བཙན་བྱོལ་དུ་འབྱོར་མ་ཐག་པ་ནས་འབད་བརྩོན་རྒྱུན་བསྲིངས་བྱས་འབྲས་སུ་ད་ལམ་མང་ཚོགས་ཀྱིས་འོས་འདེམས་བྱས་པའི་གྲོས་ཚོགས་ཀྱིས་ཁྲིམས་བཟོ་དང་དཔལ་འབྱོར་སྟངས་འཛིན་གྱིས་མཚོན་པའི་བྱེད་སྒོ་རྣམས་བྱ་རྒྱུའི་གོ་སྐབས་བྱུང་བར་དགའ་སྤོབས་བརྟས།
སྔོན་དུ་བརྗོད་ཟིན་ལྟར་ལྗིད་མཉམ་སྟངས་འཛིན་གྱི་སོ་མཚམས་དང་། རྟོན་བཞིའི་འཇུག་ལྡོག་མ་ནོར་བར་སྒེར་འཁོན་ཕྱོགས་འཐེན་སྤངས་ཏེ། གྲོས་ཚོགས་ཀྱི་ལས་དོན་བྱེད་ཕྱོགས་ཀྱི་གནས་ཚད་དང་སྤུས་ཀ་གོང་མཐོར་གཏོང་རྒྱུའི་ཀུན་སློང་དང་རྩོལ་བ་མི་ལྷོད་པ་དགོས་གལ་མཐོང་། འཛིན་སྐྱོང་དང་ཁྲིམས་ལུགས་དབང་འཛིན་གཉིས་ཀའི་འགན་ཁུར་ཞུ་ཡུལ་གྲོས་ཚོགས་ཡིན་སྟབས། གྲོས་ཚོགས་ཀྱང་མང་ཚོགས་ལ་འགན་ཁུར་འཕེར་ངེས་དགོས།
བོད་མིའི་ཆབ་སྲིད་ཀྱི་མགོ་ཁྲིད་བཀའ་བློན་ཁྲི་པ་མང་ཚོགས་ཀྱིས་འོས་འདེམས་བྱས་པ་ནས་བཟུང་གཞི་རྩའི་ལས་དོན་རྣམས་ངོས་རང་གིས་དོ་ཁུར་མ་དགོས་པར་ཕྱེད་རྒས་ཡོལ་ལྟ་བུ་ཡིན་རུང་། བོད་ཀྱི་རྩ་དོན་དང་བོད་རྒྱའི་འབྲེལ་ལམ་སྐོར་ཇི་སྲིད་མང་ཚོགས་ནས་ཡིད་ཆེས་རེ་འདུན་ཡོད་པ་དེ་སྲིད་དུ་ཅི་ནུས་གང་ལྕོགས་བྱེད་བཞིན་ཡོད། ཞི་བའི་དོན་ཚན་ལྔ་ནི་ཕུགས་ཀྱི་འཆར་སྣང་ཡིན་པས་འབྲེལ་མོལ་ལ་ཐད་འབྲེལ་དེ་ཙམ་མེད་རུང་། སི་ཊ་སི་སྦག་གི་གྲོས་འཆར་ལ་རྒྱ་གཞུང་གིས་བསམ་ཞིབ་གོ་བསྡུར་བྱེད་ཐབས་མེད་པའི་ཚིག་ཐག་གཙང་གཅོད་བྱུང་བར་བརྟེན་རང་བཞིན་ནུས་མེད་དུ་གྱུར།
ཕྱི་ལོ་ ༢༠༠༢ ནས་འབྲེལ་མོལ་བསྐྱར་མཐུད་བྱས་པ་ནས་བཟུང་བོད་རིགས་ཡོངས་ཀྱི་འབྱུང་འགྱུར་གྱི་གནས་བབ་ཁོ་ན་བརྗོད་གཞིར་བཟུང་སྟེ། གླེང་མོལ་བྱས་འབྲས་སུ་རྒྱ་གཞུང་གི་ལངས་ཕྱོགས་ལ་བསམ་ཞིབ་ཀྱིས་རང་ཕྱོགས་ནས་མཁྲེགས་བཟུང་མ་བྱས་པར་དངོས་དོན་དང་བསྟུན་ཏེ། གུ་བཤང་གང་ཐུབ་བྱས་ཚུལ་ལོ་དུས་སོ་སོའི་གསུམ་དུས་གསུང་འཕྲིན་སོགས་སུ་གསལ་བཤད་བྱས་ཡོད་པ་བཞིན་འབྲེལ་མོལ་ཐེངས་བརྒྱད་པའི་སྐབས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་རང་སྐྱོང་བཅའ་ཁྲིམས་ཀྱི་ཆ་རྐྱེན་འོག བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ལག་བསྟར་ཡོང་ཐབས་ཀྱི་བསམ་འཆར་ཡིག་ཆ་ཞིག་སྤྲད་ཡོད་ཅིང་། དེ་ལ་རྒྱ་ཕྱོགས་ནས་འཁྱོག་བཤད་བྱས་པ་རྣམས་གསེད་བཀྲོལ་སླད་འདི་ལོ་འབྲེལ་མོལ་དགུ་བའི་སྐབས་འགྲེལ་བརྗོད་ཅིག་སྤྲད་པ་བཅས་ཡིག་ཆ་དེ་དག་ད་ཆ་མང་ཚོགས་ཀྱི་མིག་ལམ་དུ་གྱུར་ཟིན།
གོང་སྨོས་རྣམས་གྲོས་ཚོགས་ཀྱི་སྤྱི་མོས་གྲོས་ཆོད་སྔ་རྗེས་ཀྱི་འབྲུ་དོན་ལྟར་ངོས་ནས་ལྷག་བསམ་ཟོལ་མེད་ཀྱིས་འབད་འབུང་བྱེད་ཁུལ་ཡང་། བསམ་འཆར་དང་འགྲེལ་བརྗོད་དེ་དག་གྲོས་ཚོགས་ནས་མོས་མཐུན་མ་བླངས་པའམ། གྲོས་ཚོགས་ལ་མ་བསྟན་པའི་ཡིག་ཆ་ཡིན་ཚུལ་དང་། ངོས་ཀྱི་བསམ་ཚུལ་མིན་ཚུལ་སོགས་ཀྱི་དོགས་གླེང་རིགས་ཡོང་གིན་ཡོད་ཚོད་འདུག་པས། རྩ་དོན་དང་འབྲེལ་བའི་གནད་དོན་འདི་རིགས་ཕྱི་གསལ་ནང་གསལ་མ་བྱུང་བར་མང་ཚོགས་སུ་ཐེ་ཚོམ་སྐྱེ་གཞིར་གནས་པས་ད་རེས་ཚོགས་དུས་འདིའི་རིང་བགྲོ་གླེང་མཐིལ་ཕྱིན་དང་། དེ་བཞིན་བཀའ་ཤག་དང་ངོས་ཀྱི་སྐུ་ཚབ་སྦྲེལ་པོ། གཞན་ཡང་འབྲེལ་ཡོད་ཅི་འོས་རྣམས་ལ་ཉན་ཞིབ་དོགས་འདྲི་འཁྲུན་ཆོད་བྱས་ཏེ་གསལ་བོ་བཟོ་དགོས། འབྱུང་འགྱུར་བྱེད་ཕྱོགས་གྲོས་ཚོགས་ཀྱི་བསམ་འཆར་དང་མངོན་འདོད་གསར་པ་ཡོད་ན་དེའི་སྤྱོར་དངོས་རྗེས་གསུམ་གྱི་ལས་རིམ་གསལ་སྟོན་བྱ་དགོས་པ་བཅས་ཡིད་འཇགས་བགྱིས།

(བཅར་འདྲི་ཞུ་ཡུལ། སྡོམ་པ་ཚེ་རིང་དབང་མོ། བཅར་འདྲི་ཞུ་མཁན། རིག་འབྱུང་དོན་གྲུབ་བཀྲ་ཤིས། )

༡ ཁྱེད་རང་བོད་ལ་ག་དུས་ཕྱིན་པ་ཡིན་ནམ།
ལན། ང་བོད་ལ་ཐོག་མ་དེ་ཕྱི་ལོ་༡༩༩༤ལོར་ཕྱིན་པ་ཡིན། དེ་དུས། བོད་ནས་ཟླ་ངོ་བདུན་ཙམ་བསྡད་པ་ཡིན། ངའི་ཨ་མའི་སྐྱེས་ཡུལ་ཁམས་ནང་ཆེན་ལ་ཕྱིན་པ་ཡིན།
དེ་ནས། ཕྱི་ལོ་༢༠༠༠ལོར་བོད་ལ་ཕྱིན་ནས་ཟླ་ངོ་བཞི་ཙམ་བསྡད་པ་ཡིན། ཕྱི་ལོ་༢༠༠༤ལོར་བོད་དུ་ཟླ་ངོ་ལྔ་ཙམ་བསྡད་པ་ཡིན། ཕྱི་ལོ་༢༠༠༦ལོར་ཡང་ཕྱིན་པ་ཡིན།
ན་ནིང་། ཕྱི་ལོ༢༠༠༩ལོར་བོད་དུ་ཕྱིན་ནས་ཟླ་ངོ་བཞི་དང་ཕྱེད་ཀ་ཙམ་བསྡད་པ་ཡིན། ཁྱོན་བསྡོམས་བོད་དུ་ཐེངས་ལྔ་ཙམ་བསྐྱོད་པ་ཡིན།

༢ བོད་ལ་འགྲོ་རྒྱུའི་ཐོག་མའི་བསམ་བློ་དེ་ཇི་ལྟར་འཁོར་བ་ཡིན་ནམ།
ལན། ཕྱི་ལོ་༡༩༩༤ལོར་ངའི་ཨ་མ་ལགས་སྐུ་གྲོངས་བ་རེད། དེ་དུས། ང་མོ་ལོ་ཉེར་ལྔ་ལ་སོན་ཙམ་རེད། ཨ་མའི་གཉེན་ཉེ་དང་སྤུན་མཆེད་ཚང་མ་བོད་ལ་ཡོད་རེད།
ཁོང་ཚོར་ལྟ་བར་ཕྱིན་པ་ཡིན། དེའི་རྗེས་ཀྱི་ལོ་དེ་ཚོར་ཡང་གཉེན་འཕྲད་ལ་ཕྱིན་པ་ཡིན། ན་ནིང་། ངའི་ཨ་ཞང་བླ་མ་ཞིག་ཡོད་པ་དེ་ཅུང་ཙམ་སྐུ་སྙུང་གི་འདུག་ཟེར་པས།
ཁོང་ལ་བལྟ་བར་བསྐྱོད་པ་ཡིན། ཁོང་རྒྱ་ནག་གི་བཙོན་དུ་ལོ་ངོ་༢༠ལྷག་ཚུད་པ་རེད། རྩོམ་ཡིག་འདིའི་འཕྲོ་ཀློག »