གནས་ཚུལ་མཁོ་གཏོང་བ། ཀླུ་མཁར་བྱམས།

(༢༠༡༣ ལོའི་གསུམ་བཅུའི་དུས་དྲན་ཐེངས་ང་བཞི་པའི་ཐོག་ཚོགས་པ་ལྔའི་ཐུན་མོང་བསྒྲགས་གཏམ།)
གསུམ་བཅུའི་དུས་དྲན་གྱི་ཉིན་མོ་འདི་ནི་བོད་མིའི་སེམས་ལ་ན་ཟུག་བཏང་བའི་སྐྱོ་གར་གྱི་ཉིན་མོ་ཞིག་ཡིན་ལ། བོད་མི་ཡོངས་ཀྱིས་མ་བགྲོས་བསམ་པ་གཅིག་མཐུན་གྱིས་རྒྱལ་ཁབ་བསྐྱར་འཛུགས་ཀྱི་འཐབ་རྩོད་ཆེད་སྤོབས་སེམས་སྐྱེ་དགོས་པའི་ཉིན་མོ་ཞིག་ཀྱང་ཡིན། དེ་རིང་འཛམ་གླིང་ས་གནས་གང་སར་བོད་མི་དང་བོད་དོན་རྒྱབ་སྐྱོར་བ་ཡོངས་ཀྱིས་རྣམ་པ་འདྲ་མིན་གྱི་ཐོག་ནས་དུས་དྲན་འདི་སྲུང་བརྩི་ཞུ་བཞིན་ཡོད་ལ། འདས་ཟིན་པའི་རྒྱལ་གཅེས་དཔའ་བོ་དཔའ་མོ་རྣམས་དང་། ཁོང་ཚོའི་ནང་མི་གཉེན་ཉེ་བཅས་པར་བླ་ན་མེད་པའི་གུས་འདུད་འབུལ་བཞིན་ཡོད།

དེ་ལས་མང་བ་། “མཉམ་འབྲེལ་བསྒྲགས་གཏམ།” »

གནས་ཚུལ་མཁོ་སྤྲོད་པ། བློ་བཟང་ཆོས་གྲགས།

བོད་རྒྱལ་ལོ་ ༢༡༤༠ ཕྱི་ལོ་ ༢༠༡༣ ཟླ་ ༣ ཚེས་ ༡༠ ཉིན་གངས་ཅན་བོད་ཀྱི་རྒྱལ་ས་ལྷ་སར་ཆོལ་གསུམ་བོད་མི་སེར་སྐྱ་ཡོངས་ནས་མ་བགྲོས་བསམ་པ་གཅིག་མཐུན་གྱིས་རྒྱ༌དམར་བཙན་འཛུལ་བར་ངོ་རྒོལ་ཆེད་རང་དབང་སྒེར་ལངས་བྱས་པའི་དུས་དྲན་ཐེངས་ ༥༤ པ་དང་། རྒྱལ་གཅེས་དཔའ་བོ་དཔའ་མོའི་ཉིན་མོའི་མཛད་རིམ།

༡། སྔ་དྲོ་ཕྱག་ཚོད་༩ པའི་ཐོག་སྲིད་སྐྱོང་གིས་གཙོས་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་

དེ་ལས་མང་བ་། “རང་དབང་སྒེར་ལངས་དུས་དྲན་ཐེངས་ ༥༤ པ་དང་། རྒྱལ་གཅེས་དཔའ་བོ་དཔའ་མོའི་ཉིན་མོའི་མཛད་རིམ།” »

རྒྱུན་སྲོལ་ལྟར་ངེད་གཞུང་འབྲེལ་མ་ཡིན་པའི་ཚོགས་པ་ཁག་ལྔས་འདི་ལོར་ཡང་གསུམ་བཅུའི་དུས་དྲན་གྱི་ལས་འགུལ་གོ་སྒྲིག་ཞུ་བཞིན་ཡོད་ལ། གསུམ་བཅུའི་དུས་དྲན་ཉིན་བཞུགས་སྒར་རྡ་སར་ཞོགས་པའི་གཞུང་འབྲེལ་མཛད་སྒོ་གྲུབ་མཚམས། ཐེག་ཆེན་ཆོས་གླིང་གཙུག་ལག་ཁང་ནས་ཨའི་ཇིའི་པིའི་(AGP)ཉེ་འགྲམ་ཉེན་རྟོག་པའི་ཐང་ཆེན་(NEAR POLICE GROUND)བར་རྔམ་སྟོན་ཁྲོམ་སྐོར་བྱ་གཏན་འཁེལ་བ་དང་། དེ་འབྲེལ་གྱི་ས་གནས་སྐོར་སྲུང་བའི་ཆོག་མཆན་སོགས་ཀྱི་ལས་དོན་རྣམས་ཡོངས་སུ་གྲུབ་ཡོད།

དེ་ལས་མང་བ་། “གསུམ་བཅུའི་དུས་དྲན་ཐེངས་ང་བཞི་པའི་གྲ་སྒྲིག་དང་འབྲེལ་བའི་གསལ་བསྒྲགས།” »

གླིང་ཚ་ཚེ་བརྟན་རྡོ་རྗེ།

ཕྱི་ལོ་༢༠༡༣ ཕྱི་ཟླ་༣ ཚེས་༣ གཟའ་ཉི་མའི་ཉིན་གྱི་ཞོགས་པའི་དུས་ཚོད་༡༠ དང་སྐར་མ་༣༠ སྟེང་དུ་རྡ་ས་ས་གནས་མེག་གྷན་ཉིན་མོའི་སློབ་གྲྭའི་ནང་བོད་དོན་འཐབ་རྩོད་པ་གླིང་ཚ་ཚེ་བརྟན་རྡོ་རྗེ་ནས་མི་མང་ཁྲོད་བོད་དོན་ཞི་བའི་འཐབ་རྩོད་དང་འབྲེལ་བའི་བགྲོ་གླེང་ཞིག་ཚོགས་རྒྱུ་ཡིན། བདག་གིས་བོད་མི་རིགས་ཀྱི་རང་དབང་དང་།

དེ་ལས་མང་བ་། “ཞི་བའི་འཐབ་རྩོད་ཀྱི་བརྒྱུད་རིམ་སྐོར་ལ་བགྲོ་གླེང་།” »

ཨ་རིག་འགྱུར་མེད།

དེ་རིང་ནི་རྒྱལ་སྤྱིའི་སྐད་ཡིག་གི་ཉིན་མོ་ཡིན་ལ་ལོ་སྔོན་མ་སྔོན་མ་དག་དང་བསྡུར་ན་བོད་ཕྱི་ནང་གཉིས་ན་རང་རེའི་ཤ་ཁྲག་གཅིག་པའི་བོད་རིགས་སྤུན་ཟླ་རྣམས་ཀྱིས་ཀྱང་། རྒྱལ་སྤྱིའི་སྐད་ཡིག་གི་ཉིན་མོ་འདིར་བོད་མི་རིགས་ཀྱི་འདས་པའི་བྱུང་རབས་དང་ད་ལྟའི་གནས་བབ། མ་འོངས་པའི་འཇིག་ཉེན་བཅས་ལ་གླེང་སློང་དང་སྐུལ་འདེད། བགྲོ་གླེང་བྱེད་པ། རྩོམ་ཡིག་སྤེལ་བ་ལ་སོགས་བྱེད་ཀྱིན་འདུག དེ་ནི་དགའ་འོས་པའི་དོན་དག་ཅིག་ཀྱང་རེད་སྙམ།

དེ་ལས་མང་བ་། “མི་རིང་བར་ངེད་ཆང་ས་ལོ་དེབ་ཁྲོམ་རར་དགྲམ་རྒྱུ་ཡིན།” »

ཞི་བའི་འཐབ་རྩོད་ཁྲོད་ཀྱི་ཞི་བའི་གོམ་བགྲོད་ཐེངས་གཉིས་པ་༢༠༡༣།༣།༡༠ཉིན་སླར་ཡང་རྡ་ས་མེག་གྷན་ནས་མགོ་འཛུགས་བྱེད་རྒྱུ་ཡིན་ན། ཞི་བའི་གོམ་བགྲོད་ཐེངས་གཉིས་པར་དང་བླང་མཉམ་ཞུགས་བྱེད་བློ་ཡོད་པའི་རིགས་ཞེན་དང་ལ་རྒྱ་ཅན་གྱི་བོད་མི་སྐྱ་སེར་རྒན་གཞོན་སུ་ཞིག་ཡོད་ན་བདག་གིས་དགའ་གུས་དང་བཅས་སྣེ་ལེན་བྱེད་རྒྱུ་ཡིན་ལ། འགྲོ་སོང་ཡང་ཞི་བའི་གོམ་བགྲོད་ཐེངས་སྔོན་མར་བོད་མི་ལྷག་བསམ་གཏོང་ཕོད་ཅན་དག་གི་གཙོ་བའི་ཞལ་འདེབས་གང་ཙམ་འབྱོར་མྱོང་བ་དེ་ལས་གཏོང་རྒྱུ་ཡིན།

དེ་ལས་མང་བ་། “ཞི་བའི་གོམ་བགྲོད་ཐེངས་གཉིས་པའི་གསལ་བསྒྲགས།” »

            དཔྱོད་ལྡན་རྩོམ་པ་པོ་ཡོངས་ལ་ཞུ་རྒྱུ།  སུམ་བཅུའི་དུས་དྲན་ཐེངས་༥༤་དང་སྟབས་བསྟུན་<<འོད་ཐིག>>ཚགས་ཤོག་འདོན་ཐེངས་བཅུ་གཉིས་པ་སྤེལ་འཆར་ཡོད་ན།  རྒྱ་ཆེའི་རྩོམ་པ་པོ་རྣམས་ཀྱིས་བོད་དབྱིན་རྒྱ་གསུམ་གྱི་སྐད་ཡིག་ནང་བྲིས་པའི་རྩོམ་ལུས་སྣ་ཚོགས་ཀྱི་བརྩམས་ཆོས་གང་མང་འདི་ག་རྩོམ་སྒྲིག་ཁང་ལ་གནང་བསྐུར་ཡོང་བའི་རེ་བསྐུལ་དང་།   ཕྱི་ཟླ་ ༠༣ པའི་ཚེས་  ༡   ལ་རྩོམ་ཡིག་བསྡུ་མཚམས་འཇོག་རྒྱུ་ཡིན་ན་དེ་དོན་ཐུགས་འཇགས་གནང་རོགས།

                                                ཕྱི་ལོ་ ༢༠༡༣/ ༠༢/༢༡ ལ། འོད་ཐིག་རྩོམ་སྒྲིག་པས། 

དེ་ལས་མང་བ་། “འོད་ཐིག་གསར་ཤོག་གི་རྩོམ་བསྡུའི་གསལ་བརྡ།” »

མཁོ་འདོན་པ། བློ་བཟང་ཆོས་གྲགས།

༄༅།། ཚང་མས་མཁྱེན་གསལ་ལྟར་བོད་ནང་དུ་གཞིས་བཞུགས་སྤུན་ཟླ་སེར་སྐྱ་ཕོ་མོ་རྒན་གཞོན་བར་གསུམ་གྱིས་བོད་བསྟན་སྲིད་དང་། མི་རིགས། རང་དབང་སོགས་ཀྱི་དོན་དུ་རྒྱ་ནག་དམར་པོའི་དྲག་གནོན་གདུག་རྩུབ་ཕུགས་ངན་སྲིད་བྱུས་ལ་ཞི་རྒོལ་གྱིས་རང་ལུས་མེར་བསྲེགས་བཏང་བ་བོད་ནང་ནས་གནས་ཚུལ་ཤེས་རྟོགས་ལྟར་ན་ཞལ་གྲངས་ ༡༠༡ བྱུང་ཡོད། དེ་དག་དང་། ད་དུང་རྒྱའི་བཙོན་ཁང་ནང་བརྗོད་དུ་མེད་པའི་དཀའ་སྡུག་ཚད་མེད་མྱངས་དང་མྱོང་བཞིན་པ་རྣམས་ལ་བོད་མིའི་སྒྲིག་འཛུགས་དང་རྒྱ་ཆེ་མང་ཚོགས་ནས་གདུང་སེམས་མཉམ་བསྐྱེད་དང་སྐྱིད་སྡུག་མཉམ་མྱོང་ཞུ་ཆེད།

དེ་ལས་མང་བ་། “ཛ་དྲག་མཆོད་འབུལ་གསལ་བསྒྲགས།” »

མཁྱེན་ཆུབ་བཞིན། ཕྱི་ལོ་༢༠༡༢།༣།༡༠ ཉིན་ནས་ངེད་ཀྱིས་བོད་བསྟན་སྲིད་མི་རིགས་ཆེད་ཞི་བའི་འཐབ་རྩོད་དང་པོ་གནང་སྐབས་སུ་དངོས་ཤུགས་བརྒྱུད་གསུམ་ནས་རོགས་འདེགས་དང་། རྒྱབ་སྐྱོར་བྱེད་མཁན་ཚང་མར་གནམ་ལོ་གསར་བའི་ནང་ངེད་ཀྱིས་གུས་བརྩི་དང་ཐུགས་རྗེ་ཆེ་ཞུ་རྒྱུ་ཡིན།

དེ་ལས་མང་བ་། “གསར་འགོད་གསལ་བསྒྲགས།” »

གནས་ཚུལ་མཁོ་གཏོང་བ། བློ་བཟང་ཆོས་གྲགས།

༄༅། །ཕྱི་ལོ་ ༢༠༡༣ ཟླ་ ༢ ཚེས་ ༡༤ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་གིས་གསར་འགོད་གསལ་བསྒྲགས་ཤིག་སྤེལ་བའི་ནང་འཁོད་དོན། ཆེ་མཐོང་ནི་མི་རིགས་ཀྱི་སྙིང་སྟོབས་ཡིན། ཞེས་ཕྱི་ལོ་༢༠༡༢ ཟླ་༡ ཚེས་༨ ཉིན་རང་ལུས་མེར་སྲེག་གཏོང་གནང་མཁན་རང་ལོ་ ༤༢ ཡིན་པ་སྤྲུལ་སྐུ་བསོད་བྷེ་རིན་པོ་ཆེ་མཆོག་གིས་རང་ལུས་མེར་སྲེག་མ་གཏང་གོང་བྲིས་ཡོད། ཕྱི་ལོ་༢༠༠༩ ཟླ་༢ ཚེས་༨ ཉིན་གྲྭ་བཀྲ་བྷེ་ལགས་ཀྱིས་རང་ལུས་མེར་སྲེག་བཏང་སྟེ་ལས་འགུལ་ཐོག་མ་དེ་སྤེལ་བ་ནས་བཟུང་ད་བར་བོད་མི་བརྒྱ་ཡིས་རང་ལུས་མེར་སྲེག་བཏང་ཡོད།

དེ་ལས་མང་བ་། “གསར་འགོད་གསལ་བསྒྲགས།” »

གནས་ཚུལ་མཁོ་འདོན་པ། དོལ་སྨྱོན།

བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ཚོགས་ནས་ངོས་བཞེས་ཐོབ་པའི་ལྕགས་པོ་རིའི་དྲན་རྟེན་བོད་ཀྱི་གསོ་རིག་མཐོ་སློབ་ཁང་དུ་འདི་ལོ་ ༢༠༡༣ ནང་སྨན་སློབ་སྐབས་བདུན་པའི་ཁོངས་སློབ་མ་ཕོ་མོ་གྲྭ་བཙུན་ཁྱད་མེད་གྲངས་༢༠ བསྡུ་བཞེས་བྱ་རྒྱུ་ཡིན་ན། བོད་ཀྱི་གསོ་བ་རིག་པའི་གཞུང་ལུགས་ལ་སློབ་སྦྱོང་གནང་བློ་ཡོད་པ་དང༌། གཤམ་གསལ་ཆ་རྐྱེན་ཚང་བ་རྣམས་ནས་སོ་སོའི་འབྲེལ་བ་ཞུ་ཡུལ་ཞལ་བྱང་དང༌། གློག་འཕྲིན་ཁ་བྱང༌།

དེ་ལས་མང་བ་། “རྡོར་གླིང་ལྕཊ་པོ་རིའི་བོད་ཀྱི་གསོ་རིག་མཐོ་སློབ་ནང་སྨན་སློབ་གསར་བསྡུའི་གསལ་བསྒྲཊ།” »

མཁོ་གཏོང་བ། བློ་བཟང་ཆོས་གྲགས།

༄༅།། བོད་རྒྱལ་ལོ་ ༢༡༤༠ ཕྱི་ལོ་ ༢༠༡༣ ཟླ ༢ ཚེས ༡༡ རབ་གནས་ཆུ་སྦྲུལ་གནམ་ལོའི་རང་ཞལ་གསར་དུ་བཞད་པའི་རྟེན་འབྱུང་ཉིན་ཐམས་ཅད་མཁྱེན་པ་དགེ་འདུན་རྒྱ་མཚོས་ཆོས་འཁོར་རྒྱལ་དུ་ལྷ་མོའི་ཚེས་གཏོར་གཟབ་རྒྱས་མཛད་སྲོལ་༸རྒྱལ་དབང་རིམ་བྱོན་ནས་བསྐྱངས་དང་སྐྱོང་མུས་ལྟར།

དེ་ལས་མང་བ་། “བོད་རྒྱལ་ལོ་༢༡༤༠རབ་བྱུང་༡༧ཆུ་སྦྲུལ་ལོའི་དགུང་གསར་མཛད་རིམ།” »

གནས་ཚུལ་མཁོ་གཏོང་བ།  ལྡི་ལི་བོད་རང་བཙན་སློབ་ཕྲུག་ཚོགས་པ།

ཟླ་འདིའི་ཚེས་༡༣་ནས་བརྩིས་པའི་ལོ་བརྒྱའི་ཡར་སྔོན་དུ། མན་ཇུའི་གནོན་ཤུགས་འོག་བཙན་བྱོལ་དུ་ཕེབས་པའི་༧རྒྱལ་དབང་སྐུ་ཕྲེང་༡༣་པ་མཆོག་རྒྱ་གར་ནས་ཕྱིར་རང་ཡུལ་དུ་ཕེབས་ཏེ་ལོ་རྒྱུས་ཐོག་བོད་རང་བཙན་གཙང་མ་ཡིན་པའི་བསྒྲགས་གཏམ་སྤེལ། ལོ་རྒན་བརྒྱ་ཏག་ཏག་འཁོར་བའི་ལོ་རྒྱུས་རང་བཞིན་གྱི་ཉིན་མོ་གལ་ཆེན་དེ་སྲུང་བརྩི་བྱེད་པའི་ཆེད་དུ། བོད་རང་བཙན་སློབ་ཕྲུག་ཚོགས་པའི་ངོས་ནས་སྔ་ལོ་ནས་བཟུང་ལས་འགུལ་རབ་དང་རིམ་པ་ཞིག་སྤེལ་བ་རེད་ལ།

དེ་ལས་མང་བ་། “བོད་རང་བཙན་གསལ་བསྒྲགས་བསྐྱངས་ནས་ལོ་༡༠༠་འཁོར་བའི་དུས་དྲན་སྲུང་བརྩི་བྱ་འཆར།” »

ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་ལྷོ་རྒྱ་བོད་གསུམ་གྱི་བགྲོ་གླེང་ཚོགས་འདུ་དེ་སྤྱི་ཟླ་གསུམ་པའི་ཚེས་སུམ་ཅུ་དང་སོ་གཅིག་སྟེ་ཉིན་གཉིས་ཀྱི་རིང་ཐའེ་ཝན་དུ་འཚོགས་རྒྱུ།

སྤྱིར་ད་ལྟའི་དུས་འདིར་ཕྱོགས་གཅིག་ནས་བོད་བརྒྱུད་ནང་བསྟན་འདི་དར་རྒྱས་ལེགས་པོ་ཡོད་པའི་དུས་རབས་ཤིག་ཏུ་ཡོད་ན་ཡང་།

དེང་སྐབས་རྒྱ་བལ་འབྲུག་གསུམ་ཁུལ་དུ་ཡོད་པའི་བོད་ཀྱི་རིས་མེད་དགོན་སྡེ་ཁག་དང་། དེ་བཞིན་གཞུང་སྒེར་ཚོགས་པ་དང། རྩོམ་སྒྲིག་ཁང་མང་པོར་ཡིག་གཟུགས་རྙིང་པ་ཁག་གི་ནང་ཡོད་པའི་སྔར་ཡོད་ཡིག་ཆ་ཁག་ཡིག་གཟུགས་གསར་པར་བསྒྱུར་སྟངས་མི་ཤེས་པ་དང། ཡིག་གཟུགས་རྙིང་པའི་ནང་ཡོད་པ་དེ་དག་རྒྱལ་སྤྱིའི་གཅིག་གྱུར་བོད་ཡིག་གི་གོ་སར་སླེབས་ཐུབ་མེད་སྟབས་གློག་ཀླད་འདྲ་མིན་ནང་བེད་སྤྱོད་མེད་པ་དང་གཅིག་གྱུར་མེད་པའི་དཀའ་ངལ་འཕྲད་བཞིན་ཡོད་པ་སེལ་ཐབས་དང་།

དེ་ལས་མང་བ་། “སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་ཟབ་སྦྱོང་གསལ་བསྒྲགས།” »