སྐྱོ་བྲག་དགའ་དབང་།
ཁོ་བོའི་ཆོས་མཆེད་དམ་པ། ཕྱི་གཙང་ནང་གཙང་པདྨའི་སྦུབ་ལྟ་བུའི་ཆོས་པ་ཡང་དག །འབའ་རོམ་བཀའ་བརྒྱུད་ཀྱི་ཆོས་སྡེ་སྐྱོ་བྲག་དགོན་པའི་མཁན་ཆེན་བཤད་སྒྲུབ་འགྱུར་མེད་མཆོག་ནས།
བདེ་མཆོག་གི་སྒོ་མ་ཁྭ་གདོང་མ་དང་འུག་གདོང་ཟེར་བ་འདི་དག་ལ། སེང་གདོང་མ་ཟེར་བ་བཞིན། མགོ་ཁྭ་མགོ་དང་འུག་མགོ་འདྲ་ཡིན་ནམ།བྱ་རོག་གདོང་ཟེར་བ་ལྟར་ཁ་སྣ་འདི་དག་གི་མཆུ་འདྲ་ཡོད་པ་ཡིན། རྒྱུ་མཚན་ནི། ཁྲིད་ཡིག་འགའ་རེར་འདི་རྣམས་སྐྲ་ཅན་ལྟར་བཤད་སྣང་ལ། སྤོམ་བཤད་མ་གཏོགས་གསལ་ཁ་མི་འདུག །སྲོག་ཆགས་འདི་ཚོའི་མགོ་ལ་སྐྲ་ཡོད་ཚོད་མི་འདུག་སྙམ་པའི་ཐེ་ཚོམ་བྱུང་ནས་ཞུས་པ་ལགས། ག་འདྲ་ཡིན་གསུང་བར་ཞུ། ཞེས་པ་ལ།
སྤྱིར་རྒྱུད་ལས་མགོ་བརྙན་བསྟན་པ་ནི། དཔེར་ན། མངོན་བརྗོད་བླ་མ་ལས། ཤར་གྱི་མདབ་མར་མཁའ་འགྲོ་མ། །སེང་གེའི་གདོང་སྟེ་རྣམ་པར་འཇིགས། །