རྔ་བ་རྒྱལ་ཁམས་པ།
གནའ་སྔ་མོར། མི་རྣམས་ཀྱིས་རང་འོད་ལ་བརྟེན་ནས་འཁོར་ཡུག་གི་འཇིག་རྟེན་མཐོང་ཞིང་།
རང་སེམས་ལ་བརྟེན་ནས་དྭངས་གསལ་གྱི་ལུས་པོ་གསོས།
དུས་དང་སེང་། མི་རྣམས་ཀྱིས་ཉི་འོད་ལ་བརྟེན་ནས་ཉིན་མཚན་གྱི་དབྱེ་བ་ཕྱེ་ཞིང་།
ཁ་ཟས་ལ་བརྟེན་ནས་རང་རང་གི་ལུས་པོ་གསོ།
གནའ་སྔ་མོར། མི་རྣམས་ཀྱིས་རྩ་རླུང་ལ་བརྟེན་ནས་མཁའ་དབྱིངས་སུ་འགྲུལ་བཞུད་བྱས་ཤིང་།
གྲུབ་རྟགས་ལ་བརྟེན་ནས་ས་གཏེར་དང་མཚོ་གཏེར་བཏོན།
དུས་དེང་སང་། མི་རྣམས་ཀྱིས་མཁའ་གྲུ་ལ་བརྟེན་ནས་མཁའ་དབྱིངས་ཀྱི་འཇུག་ངོགས་བརྟོལ་ཅིང་།
འཕྲུལ་རིགས་བརྟེན་ནས་ས་བཅུད་དང་མཚོ་བཅུད་བྲུས།
གནའ་སྔ་མོར། མི་རྣམས་ཀྱིས་སྒོམ་སྟོབས་ལ་བརྟེན་ནས་དུས་གསུམ་གྱི་གསང་བ་རྟོགས་ཤིང་།
རང་སྣང་ལ་བརྟེན་ནས་ངོ་མཚར་བའི་ཞིང་ཁམས་འགྲིམས།
དུས་དེང་སང་། མི་རྣམས་ཀྱིས་མྱོང་སྟོབས་ལ་བརྟེན་ནས་བདེན་རྫུན་གྱི་ཕུ་ཐག་གཅོད་ཅིང་།
ཚོད་སྒམ་ལ་བརྟེན་ནས་མཐའ་མེད་ཀྱི་འཇིག་རྟེན་འཇོག
