2010-06-09
ཨ་རིའི་ནིའུ་ཡོརྐ་གྲོང་ཁྱེར་ནང་གནས་ཚུལ་མཁོ་གཏོང་གནང་མཁན་གསར་འགོད་པ་ཞིག་དགོས་པའི་ས་མིག་གསལ་བསྒྲགས།
དགོས་ངེས་ཆ་རྐྱེན།
༡ དབུས་སྐད་ལ་བྱང་ཆ་ཡོད་པའི་ཐོག་མ་མཐར་བོད་ཡིག་གི་ཤེས་ཚད་མཐོ་སློབ་ཐོན་པའམ། ཡང་ན་མཐོ་སློབ་གྱི་ཤེས་ཚད་ཡོད་པ་ཁུངས་ལྡན་ར་སྤྲོད་ཐུབ་པ།
༢ དབྱིན་ཡིག་དང༌། རྒྱ་ཡིག ཧིན་རྡི་གང་རུང་གི་ཤེས་ཚད་རང་སྐྱ་འཕེར་ངེས་ཡོད་པ།
༣ བོད་ཕྱི་ནང་དང༌། རྒྱ་ནག རྒྱ་གར། རྒྱལ་སྤྱིའི་གནས་སྟངས་སོགས་ལ་ཤེས་ཚད་གང་ལེགས་ཡོད་པ།
༤ དྲང་བདེན་དང་ཕྱོགས་ལྷུང་མེད་པར་ཁྱོན་ཡོངས་ཀྱི་གནས་ཚུལ་མཁོ་སྒྲུབ་བྱེད་ཐུབ་པ།
༥ སྲིད་གཞུང་དང༌། ཆབ་སྲིད་ཀྱི་ཚོགས་པ། ཆོས་ལུགས་སྡེ་ཁག་གང་རུང་དང་མ་འབྲེལ་བར་གསར་འགོད་པའི་ངོ་བོར་གནས་ཐུབ་པ།
ལས་འགན།
ཉིག་ཡོག་གྲོང་ཁྱེར་དང་། དེའི་ཉེ་འཁྲིས་ས་གནས་སུ་བྱུང་བའི་བོད་དང་འབྲེལ་བའི་གནས་ཚུལ་ཁག་དུས་ཐོག་གཏོང་ཐུབ་དགོས།
གོང་གསལ་ས་མིག་ཐོག་ལས་ཀ་བྱེད་འདོད་ཡོད་ཚེ་གཤམ་གསལ་ཁ་བྱང་ཐོག་སློབ་ཐོན་ལག་འཁྱེར་དང་དོ་དག་གི་ལོ་རྒྱུས། གསར་འགོད་པའི་ལས་ཀ་བྱེད་འདོད་པའི་རྒྱུ་མཚན་དང་དམིགས་ཡུལ་མདོར་བསྡུས་ཤིག་བཅས་ཕྱི་ལོ་༢༠༡༠ ཕྱི་ཟླ ༧ཚེས ༡༠ འགྱངས་མེད་གློག་འཕྲིན་ཁ་བྱང་ Email: chhonzomd@rfa.org བརྒྱུད་ནས་ངེས་འབུལ་ཡོང་བ་དགོངས་འཇགས་ཞུ།
