བོད། ལྷ་ཀླུ་གཉན་གསུམ་ནས།
རེ་བ་འདུག་གམ། འདི་འདྲའི་མི་རིགས་ཤིག་ལ།
ཕུགས་ན་སྲོལ་རྒྱུན་ཐག་ནག་སྲ་མོ་ཞིག།
གཞུག་ན་སྒྱིད་ལུག་ངན་པའི་གོམས་གཤིས་ཤིག།
བར་ན་ཕྲག་དོག་ཁྲག་གི་གླེན་རྟགས་ཤིག།
སྡུག་གྱོང་ཉོ་དགོས་མི་འདུག་བསམ་སོང་། ཨར་བོད་དང་བཅས་པར་སྤྲིངས།
སྡུག་གྱོང་ཉོ་དགོས་མི་འདུག་བསམ་སོང་།
____ཨར་བོད་དང་བཅས་པར་སྤྲིངས།
ཞོགས་ལྗང་།
༄༅།།ཁྱོད་རང་ཚོས་དུས་རྒྱུན་ན་གཞོན་གསར་བ་ཞེས་མིག་དབང་གཞན་ཞིག་གིས་བལྟས་པར་སྙིང་ནས་དགའ་བསུ་ཞུ་གི་ཡིན། ཐེངས་འདིར་ང་ཚོར་མིང་དེ་འདྲའི༼རླབས་ཆེན༽ཞིག་བཏགས་པར་ཡང་དགའ་བསུ་ཆེན་པོ་ཞུ་གི་ཡིན། སྐད་ཆ་དེ་ལྟ་བུ་ཞིག་གིས་རང་གི་འཕོང་ཚོས་རང་གིས་བསྟན་པ་ལས་ང་རང་ཚོར་གནོད་ཅི་ཡང་སྐྱེལ་མི་ཐུབ་པར་མ་ཟད། འདི་ལྟ་བུ་ཞིག་གིས་བོད་ལ་ཡང་ཕན་ཅི་ཡང་ཐོགས་ཀྱིན་མེད་པས། བྱིས་པས་རྩེད་ཁང་ཕུབ་པ་ལྟ་བུ་ཞིག་ཡིན་ན་ང་རང་ཚོས་ཁྱོད་ཀྱི་རྨི་ལམ་ལ་ཐེ་གཏོགས་གང་ཡང་གནང་གི་མ་རེད། རེད་མོད་ཀྱང་། དེ་རིང་གསལ་བཤད་དགོས་རྒྱུ་ཞིག་ལ་ཁྱོད་དང་བཅས་པའི་གཞིས་བྱེས་བོད་ མི་མང་དག་ཅིག་གིས་ན་གཞོན་གསར་བ་ཞེས་པ་འདིའི་ཟུར་ཙམ་ཡང་མཐོང་ཐུབ་ཀྱིན་མི་འདུག་པས། ན་གཞོན་གསར་བའི་གསར་གྱི་ངོས་ཅུང་ཙམ་ཞིག་བཤད་ཐུབ་ན་ཁྱོད་རང་ཚོར་ཕན་ཐོགས་ཆེན་པོ་འབྱུང་གི་རེད་བསམ་ནས་བཀོད་ན་དགོངས་འགལ་མེད་པར་ཞུ།
དེ་ལས་མང་བ་། “སྡུག་གྱོང་ཉོ་དགོས་མི་འདུག་བསམ་སོང་། ཨར་བོད་དང་བཅས་པར་སྤྲིངས།” »
བཅུ་བའི་ལྔ་མཆོད
གཞོན་ནུ་ཟླ་མེད། དེ་རིང་བཅུ་བའི་ཉེར་ལྔ།། མདུན་ལ་མཆོད་མེ་སྦར་ནས།། གྲྭ་ས་རྒྱ་མཚོའི་ནང་ན།། ཡོད་པའི་མོས་པ་བྱེད་ཀྱི།། ལག་ལ་སྤོས་རྐང་སྦར་ནས།། དྲི་བསུང་ལྷ་ལ་ཕུལ་བཞིན།། དགའ་ལྡན་ཡིད་དགའ་ཆོས་འཛིན།། མདུན་ལ་མཇའ་ཚོན་ཤར་འདྲ།། རྗེ་བཙུན་བློ་བཟང་གྲགས་པ།། དགྱེས་འཛུམ་དགའ་བའི་འཛུམ་ཞལ།། བདག་གི་མིག་ཟུང་བཙུམས་ཡང་།། མདུན་ལ་ལམ་གྱིས་ཤར་གི། ཟིང་ཟིང་ཨ་རིའི་གྲོང་ན།། ཁྱོད་ཀྱི་འཕྲིན་ལས་དཀར་པོ།།…
ཨ་མའི་སྙན་ངག
ཀླུ་སྨྱོན།
ཨ་མ་ལགས།
ངས་ཆེས་ཐོག་མའི་མིག་ཟུང་ཕྱེས་པའི་ཉིན་དེར་ཁྱེད་རང་གི་བྱམས་བརྩེས་ཁེངས་པའི་ཞལ་རས་མཐོང་བྱུང་ལ།
ཆེས་ཐོག་མར་མི་སྐད་ཐོས་པའི་ཉིན་དེར་ཁྱེད་རང་གི་སྙན་འཇེབས་ཀྱི་འབོད་སྒྲ་ཐོས་བྱུང་།
དེ་བཞིན་ཆེས་ཐོག་མར་ངས་ཁྱེད་ཀྱི་འཇམ་མཉེན་གྱི་ལག་པའི་རེག་བྱ་དང་།
ཆེས་ཐོག་མའི་མགོ་ནག་མི་ཡི་ཁ་ཟས་ཏེ་ཞིམ་མངར་གྱི་ནུ་ཞོ་དྲོན་མོའི་བྲོ་བ་ཡང་མྱངས་པ་ཡིན།
བོད་ཀྱི་འཚོ་བ་མཚོན་པའི་ལེགས་སྐྱེས་ཆུང་ཆུང་།
བོད་ཀྱི་འཚོ་བ་མཚོན་པའི་ལེགས་སྐྱེས་ཆུང་ཆུང་། www.tibetantsampa.com
ཡབ་རྗེ་ལགས། ངས་ས་མཐའ་ནས་ཁྱོད་ལ་སྤྲ་ཚིལ་སྒྲོན་མེ་འབུལ།
གཅན་བཟོད་རྒྱམ།
_______ལྕགས་ཤོག་ཁང་ཆུང་ནང་ནས་རྗེའི་གདུང་མཆོད་འབུལ།
སྤྲ་ཚིལ་སྒྲོན་མེ་ཞིག་ཡིད་ཀྱིས་བཏེགས་ཏེ། གཙུག་ལག་ཁང་དུ་རྗེའི་གདུང་མཆོད་འབུལ་དུ་སོང་ཡང་། ཡབ་རྗེ་བླ་མ་དྲན་བཞིན་མིག་ནས་མཆུ་མ་འདོན་མཁན། ང་དང་ཕྱི་གླིང་མགོ་སེར་འགའ་ལས་མི་འདུག ངས་ཕྱི་གླིང་བ་ཚོ་དང་ལྷན་དུ་རྟེན་འབྲེལ་བསྟོད་པ་ཚར་གཅིག་འདོན་བསམ་ཡང་། མགོ་སེར་ཚོས་དབྱིན་སྐད་ཀྱིས་བཏོན་སོང་བས། ངས་རང་གི་བློ་ན་རྟེན་འབྲེལ་བསྟོད་པ་མེད་པ་གཞི་ནས་ཤེས།
དེ་ལས་མང་བ་། “ཡབ་རྗེ་ལགས། ངས་ས་མཐའ་ནས་ཁྱོད་ལ་སྤྲ་ཚིལ་སྒྲོན་མེ་འབུལ།” »
༄༅། །འབྲོག་རི་བོ་ཆེ་དགའ་ལྡན་རྣམ་པར་རྒྱལ་པའི་གླིང༌ཕྱག་བཏབ་ནས་མི་ལོ་ཧྲིལ་བོ་༦༠༠འཁོར་བ།
གཅན་བཟོད་རྒྱམ་པས།
————
དེ་རིང་ནི་འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་ཞེས་ཡོངས་སུ་གྲགས་པའི་དགེ་ལུགས་པའི་མ་དགོན་ཆེན་པོ་འདི་ཉིད་ཕྱག་བཏབ་(༡༤༠༩)སྟེ་ལོ་མི་ཧྲིལ་བོ་༦༠༠་འཁོར་བ་དང་། ཡབ་རྗེ་བླ་མ་ཙོང་ཁ་པ་ཆེན་པོ་སྐུ་འཁྲུངས་(༡༣༥༧)ནས་མི་ལོ་ཧྲིལ་བོ་༦༥༣་ཙམ་དང་། ཁོང་སྐུ་འདས་(༡༤༡༩)ནས་མི་ལོ་ཧྲིལ་བོ་༥༨༩་སོང་བའི་དགོངས་རྫོགས་དུས་ཆེན་དང་སྟབས་བསྟུན། གུས་པས་འདིར་དགའ་ལྡན་དགོན་པའི་ལོ་རྒྱུས་སྙིང་བསྡུས་ཙམ་རྩོམ་སྒྲིག་གིས་བཀོད་པ་འདིས་ཀྱང་། རྒྱལ་བསྟན་དར་ཞིང་རྒྱས་ལ་ཡུན་དུ་གནས་པའི་རྒྱུ་ཕྲ་མོར་གྱུར་ཅིག་གུ།
དེ་ཡང་ཇི་སྐད་དུ། འཇམ་དཔལ་རྩ་རྒྱུད་ལས། དེ་ཚེ་དགོན་ཆེན་རབ་དགའ་བ། །ཁ་བ་ཅན་ན་ཡོད་པ་ཡིན། །ཞེས་དང༌། མདོ་སྡེ་གདམས་ངག་འབོགས་པའི་རྒྱལ་པོ་ལས། མ་འོངས་སྙིགས་མའི་དུས་སུ་ནི། །འབྲི་དང་ལྡན་པའི་ས་མཚམས་སུ། །དགེ་ཞེས་བྱ་པའི་དགོན་པ་འདེབས། །བློ་བཟང་ཞེས་པའི་མིང་ཅན་འབྱུང༌། །ཞེས་དང༌། ཡང༌། སློབ་དཔོན་པདྨའི་བཀའ་ཡིག་ལས། དགའ་ལྡན་ཞེས་བྱའི་དགོན་གནས་དམ་པ་རུ། །ཞེས་སོགས་མདོ་རྒྱུད་བསྟན་བཅོས་དུ་མ་ནས་ལན་གཅིག་མིན་པར་ཡང་ཡང་ལུང་གིས་བསྔགས་པའི་རི་བོ་དགེ་ལྡན་པའི་མ་དགོན་འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་ཞེས་ཡོངས་སུ་གྲགས་པའི་ཆོས་ཀྱི་སྡེ་ཆེན་པོ་འདི་ཉིད་ནི། འཇམ་དབྱངས་མིའི་རྣམ་སྤྲུལ་གངས་ཅན་མཁས་པ་ཀུན་གྱི་གཙུག་རྒྱན་འཇམ་མགོན་རྒྱལ་བ་གཉིས་པ་ཤར་ཙོང་ཁ་པ་ཆེན་པོ་བློ་བཟང་གྲགས་པའི་དཔལ་༡༣༥༧ནས་༡༤༡༩ཞེས་མཚན་སྙན་གྱི་བ་དན་ཕྱོགས་བཅུར་གཡོ་བ་དེ་ཉིད་ཀྱིས་བོད་རབ་བྱུང་བདུན་པའི་ས་གླང་ཕྱི་ལོ་༡༤༠༩ལོར་ལྷ་ས་གྲོང་ཁྱེར་ནས་ཤར་ཕྱོགས་སུ་ལམ་ཐག་སྤྱི་ལེ༤༠ལྷག་གི་སར་དེང་གི་སྟག་རྩེ་རྫོང་ཁོངས་དབང་སྐུར་རིའི་ལྡེབ ས་བཙུན་མོ་སྡིངས་ཀྱི་མདུན་ངོས་འགོག་པ་རིའི་སྟེང་དུ་སྐྱེ་རྒུའི་བསོད་ནམས་ཀྱི་ཞང་ས་དམ་པར་ཕྱག་བཏབ། འཕགས་པ་མོ་འགལ་གྱི་བུས་གཏེར་དུ་སྦས་པའི་ཆོས་དུང་དཀར་པོ་དང་ཆོས་རྒྱལ་ཞལ་འབག་གཉིས་མི་མངོན་པའི་ཚུལ་གྱིས་གཏེར་ནས་བཞེས།
ཀླུ་སྨྱོན་འཆི་བའི་དུས་ཚོད་བསླེབས་སོང་།
ཉིན་གང་བོར།
ནམ་མཁའ་འདིར་ནག་ལ་ལྗིད་པའི་སྤྲིན་པ་འཁོར་འདུག
མུན་པ་དེའི་འོག་ཏུ།
བྱ་བྱེའུ་དག་ཀྱང་དབུགས་གཏོང་ལེན་བྱེད་རྒྱུར་དཀའ་ངལ་ཕྲད་འདུག
ལས་ཀ་ཤོར་བའི་ཨ་རི་བ་ཚོ།
རིན་གོང་དམའ་བའི་ཆང་ཁང་དག་ཏུ་འཛོམས་ནས།
འོད་མདངས་ཉམས་པའི་མིག་འོད་བརྡར་ཞོར།
སེམས་ངལ་ཡོད་ཚད་ཨ་རག་གི་བཟི་ཁ་དང་མཉམ་དུ་སྒོག་སྒོག་ཏུ་མིད་བཞིན་འདུག
ཡིག་རྙིང་མཚམས་སྦྱོར་གྱི་གཏམ།
སྐྱེས་སར་ཀླུ་སྒྲུབ།
སངས་རྒྱས་ཆོས་ལུགས་ཀྱི་ངོས་ནས་བཤད་ན། རྡོ་རྗེ་གདན་ནམ། དེང་སང་ཡོངས་གྲགས་སུ་བྷོ་དྷི་གཱ་ཡ་ཞེས་པའི་གནས་འདི་སངས་རྒྱས་ཤཱཀྱ་མུ་ནེས་སེམས་ཅན་ཐམས་ཅད་ཀྱི་ཆེད་དུ་གཞན་དོན་སྤངས་པ་ཕུན་ཚོགས་དང། རང་དོན་རྟོགས་པ་ཕུན་ཚོགས་མངོན་དུ་བྱས་ནས་ཐར་པ་དང་ཐམས་ཅད་མཁྱེན་པའི་གོ་འཕང་ཐོབ་སའི་གནས་ཆེན་དེ་ཡིན། མིའི་རིགས་ཀྱི་ལོ་རྒྱུས་ངོས་ནས་བལྟས་ན། གནས་འདི་ཤཱཀྱའི་རིགས་རྒྱུད་ཀྱི་རྒྱལ་བུ་གཞོན་ནུ་དོན་གྲུབ་ཀྱིས་སྔར་ཡོད་བྲམ་ཟེའི་ཆོས་ལུགས་དང་གཅེར་བུ་པའི་ཆོས་ལུགས་ཀྱི་ལེགས་ཆ་བསྡུ་ལེན་བྱས་ཏེ་སངས་རྒྱས་ཆོས་ལུགས་ཟེར་བ་འདི་གསར་བཏོད་བྱེད་ས་དེ་ཡིན་པ་རེད། དེང་སྐབས་ང་ཚོས་ངོས་འཛིན་གསལ་ཤོས་ཐོབ་པ་ཞིག་ནི། སྐྱེ་བ་སྔ་ཕྱི་ཡོད་མེད་དང། རང་རེ་འཛམ་གླིང་འདིའི་སྐྱེས་བུ་ཞིག་གིས་ཐར་བའི་གོ་འཕང་མངོན་དུ་བྱེད་ཐུབ་མིན་སོགས་ཐུན་མོང་མ་ཡིན་པའི་ཆོས་ལུགས་ཀྱི་འདོད་ཚུལ་དེ་ཚོར་དོས་སློང་བྱེད་མི་དགོས་པར། སངས་རྒྱས་ཆོས་ལུགས་ཀྱི་རྣམ་ཤེས་ལྟ་བུའི་བྱམས་སྙིང་རྗེའི་བསམ་སྤྱོད་དང། དེ་མཚུངས་བསམ་སྤྱོད་དེའི་རྒྱབ་ལྗོངས་ཀྱི་གཞི་བཅོལ་སའི་ལྟ་བ་རྟེན་ཅིང་འབྲེལ་བར་འབྱུང་བའི་ཚུལ་འདི་གཉིས་ཀར་བསམ་ཞིབ་ནན་ཏན་བྱས་ན། རྒྱལ་སྲས་གཞོན་ནུ་དོན་གྲུབ་ཁོང་ནི། འཛམ་གླིང་འདིའི་སྙིང་རྗེའི་སྟོན་པ་དང། རྟེན་འབྲེལ་གྱི་མཚན་ཉིད་རིག་པ་སྨྲ་པའི་སྐྱེས་བུ་རླབས་པོ་ཆེ་ཞིག་ཡིན་པ་རང་བཞིན་གྱིས་གསལ་རྟོགས་ཡོང་ངེས་ཡིན་ལ། དེ་ལྟ་བུའི་སྐྱེས་བུ་ཁྱད་པར་ཅན་དེ་སྤྱིར་ཡུལ་གང་དུ་སྐུ་འཁྲུངས་མིན་དང། ལྷག་པར་རིན་ཐང་གཞལ་དུ་མེད་པའི་ཁོང་གི་ལྟ་སྤྱོད་དེ་ཡུལ་དུས་གནས་སྐབས་གང་འདྲ་ཞིག་ལ། ཚུལ་ཇི་ལྟར་གསལ་བར་མཛད་ཚུལ་ཤེས་དགོས་པ་དེའང། ཆོས་དད་པ་དང། ཁོང་གི་རྗེས་འཇུག་ཡིན་མིན་ཙམ་གྱིས་དབྱེ་བ་འབྱེད་དུ་མེད་པར། ཆུང་ས་གང་ཟག་སྒེར་གཅིག་ནས། ཆེ་ས་སེམས་ཅན་སྤྱིའི་ཆེད་མེད་མི་རུང་བའི་ལྟ་སྤྱོད་རླབས་པོ་ཆེ་འདི་ཉིད་ཅི་ཙམ་གལ་ཆེ་མིན་ཚད་གཞིར་བཟུང་སྟེ་ཁོང་གི་སྐོར་ཤེས་རྟོགས་བྱེད་གོས་པཞིག་རེད། སངས་རྒྱས་ཤཱཀྱ་མུ་ནེས་རང་གི་རྗེས་འཇུག་དགེ་སློང་ཚོར་ཐུགས་རེ་གནང་དོན། དགེ་སློང་དག་གམ་མཁས་རྣམས་ཀྱིས། ། སྲེག་བཅད་བརྡར་པའི་གསེར་བཞིན་དུ། ། ལེགས་པར་བརྟག་ལ་ང་ཡི་བཀའ། ། བླངས་པར་བྱ་ཡི་གུས་ཕྱིར་མིན། ། ཞེས་གསུངས་ཡོད། ཁོང་གི་གསུང་འདིའི་བབ་ནས་ཤེས་ཐུབ་པ་ཞིག་ནི། སྐབས་དེའི་བྲམ་ཟེའི་ཆོས་ལུགས་པའི་བྱ་སྤྱོད་སྤྱི་དང། ཕྱོགས་མཚུངས་སངས་རྒྱས་ཤཱཀྱ་མུ་ནེ་རང་གི་རྗེས་འཇུག་ཁག་ཅིག་གིས་རང་གི་སྟོན་པ་དང། བླ་མའི་གསུང་དེ་ཉིད་ལས་ལྷག་པའི་ཚད་མ་ཞིག་མེད་ཤག་གིས་བརྟག་པ་གཙོ་བོར་མི་འཛིན་པའི་གནས་ཚུལ་ཡོད་པ་བསྟན་འདུག་པ་མ་ཟད། དེ་ལྟའི་གནས་ཚུལ་འོག་སངས་རྒྱས་ཤཱཀྱ་མུ་ནེ་རང་གི་རྗེས་འཇུག་ཚོས་རང་ཉིད་ཀྱི་དགོངས་པ་གསལ་རྟོགས་ཐུབ་ཀྱི་མེད་པ་དང། ཐུགས་རེ་བཞིན་སློབ་གཉེར་མ་བྱུང་བ་བསྟན་འདུག་སྙམ། གང་ལྟར་དེང་སང་དུས་རབས་ཉེར་གཅིག་པར་གྲགས་པ་འདིའི་ནང་སྐྱེས་བུ་ཕལ་མོ་ཆེ་དང། ལྷག་པར་གང་ཡང་ཞིབ་འཇུག་དང་དཔྱད་གསུམ་དག་པའི་སྒོ་ནས་མཐར་སྐྱེལ་བྱེད་དགོས་ཟེར་མཁན་ཚོས། སངས་རྒྱས་ཤཱཀྱ་མུ་ནེས་གསུང་ཚད་ཁས་ལེན་དགོས་པ་དང། གསུང་ཚད་འདོར་དགོས་པའི་མཐའ་གཉིས་ཀ་སྤངས་ནས། སྙིག་དོར་བཅུད་ལེན་གྱི་ལམ་དུ་འཇུག་འོས་པ་ཡིན་ལ། དེ་ནི་སངས་རྒྱས་ཤཱཀྱ་མུ་ནེ་ཁོང་རང་གི་ཐུགས་རེ་ངོ་མ་ཡང་ཡིན་པ་རེད། དོན་དངོས་སུ་ང་ཚོས་སངས་རྒྱས་ལས་ལྷག་པ་ཞིག་ཤེས་ཐུབ་པའམ། ཁོང་གི་དགོངས་ཚུལ་ཁག་གཅིག་ཡང་མ་དག་པ་མཐར་སྐྱེལ་ཐུབ་ན། དེ་ནི་སངས་རྒྱས་ཆོས་ལུགས་ལ་ཞབས་འདེགས་ཚད་མཐོན་པོ་ཞིག་ཞུས་པར་ངོས་འཛིན་བྱེད་ཆོག་ལ། མིའི་རིགས་ཀྱི་རྣམ་དཔྱོད་ལ་འཕེལ་རྒྱས་གསར་པ་ཞིག་བྱུང་བར་ཡང་ངོས་འཛིན་བྱེད་ཆོག་པ་ཡིན། གང་ལྟར་ཟླ་བྲལ་གྱི་ལྟ་སྤྱོད་འདི་ཡུལ་གང་ལས་བྱུང་བའི་གནས་གཞི་གཙོ་བོ། གནས་མཆོག་རྡོ་རྗེ་གདན་དང། དེ་ལས་སངས་རྒྱས་ཤཱཀྱ་མུ་ནེས་མཛད་པ་ཅི་བསྟན། རྗེས་འཇུག་བུ་སློབ་རྣམས་ཀྱིས་རྟེན་བཞེངས་ཇི་ལྟར་བྱས་ཚུལ། ལྷག་པར་མིའི་རིགས་ཀྱི་ལོ་རྒྱུས་ནང་འགྲན་ཟླ་བྲལ་བའི་སངས་རྒྱས་ཆོས་ལུགས་རྒྱ་བསྐྱེད་གནང་མཁན་རྒྱལ་པོ་ཨ་ཤོ་ཀས་སངས་རྒྱས་ཀྱི་གནས་གཞི་སྤྱིདང། ལྷག་པར་རྡོ་རྗེ་གདན་དུ་རྟེན་དང་རྟེན་པ་ཆ་ཚང་བ་ཡར་རྒྱས་ཇི་ལྟར་བཏང་ཚུལ་སོགས་ཞིབ་ཅིང་ཁུངས་དག་པར་མཁྱེན་འདོད་ཚེ། ངེས་པར་ཡིག་ཆ་ཁུངས་དག་ཅིག་ལ་གཞི་བཅོལ་ནས་ཤེས་དགོས་པ་ལས། ངག་རྒྱུན་ཐར་ཐོར་དང་རང་བཟོའི་ཚོད་དཔག་ཙམ་གྱིས་ཡོང་ཐབས་མེད། ཡིན་ན་ཡང། སྔར་རྒྱ་གར་སྤྱི་དང། ལྷག་པར་ཡུལ་དབུས་སུ་བསྟན་པ་སྐྱོན་མེད་པར་གནས་སྐབས་སུ་རྒྱ་བོད་ཀྱི་ལོ་པཎ་ཇི་སྙེད་ཅིག་གནས་འདིར་ཕེབས་པ་ལས། རྡོར་གདན་གཅིག་པུའི་སྐོར་ཞིབ་གསལ་གྱིས་བྲིས་པ་དཀོན་པར་སྣང་ལ། ཡང་རེ་གཉིས་ཡོད་པའི་ནང་ནས། རྡོ་རྗེ་གདན་གྱི་དཀར་ཆག་དང་ལམ་ཡིག་ཅེས་པའི་ཡིག་རྙིང་འདི་ལྟ་བུར་མཚོན་ན། བར་ལམ་བོར་བརླགས་ཤོར་ནས་རྙེད་དཀའ་བའི་ཚད་དུ་སླེབས་འདུག
ཤེས་རབ་ཀྱི་ནམ་མཁར་ཕྱོགས་པ།
བེ་རི་འཇིགས་མེད། ཐུགས་བསྐྱེད་རླུང་གིས་བསྐུལ་བའི་འུར་གྱིས་མི་མངོན་གནམ་གྱི་མཐོངས་ན་ལྡིང།། གནམ་གྱི་དགུ་ཚིགས་ཚལ་བར་གཤགས་ཏེ་ཟླ་བའི་གོ་ལའི་འཇིངས་ན་རྩེན།། བྱམས་བརྩེ་དཀྱིལ་འཁོར་ཟླུམ་པོའི་གུར་དུ་དཀར་གསལ་འོད་རིས་འཁྱིལ་བའི་ཀློང་།། གཞན་ཕན་སྤྱན་གྱི་དོན་ཡོད་ཞགས་པས་གོ་ལའི་ཁྱོན་འདི་འཆིངས་བཞིན་འགྱིང་།། འཚེ་མེད་ཐབས་འཕྲུལ་འཐོར་རླུང་འཚུབ་མས་སྤྲིན་དང་སྨུག་པ་དབྱིངས་ནས་དབྲལ།། ཞི་བདེའི་འོད་ཀྱི་ཞུན་ཐིགས་བསིལ་མས་གོ་ལ་ཟླུམ་པོའི་མེ་དྲོད་བཅིལ།། འདྲ་མཉམ་གཉིས་ཕན་རླབས་ཆེན་མཛད་པས་རེ་དོགས་མུན་པའི་གྲོང་ཁྱེར་འཇོམས།། ལེགས་ཉེས་འབྱེད་པའི་ཤེས་རབ་རླབས་ལྡན་མུ་མེད་རྒྱ་མཚོ་མཁའ་ལ་འཕྱུར།། སུ་དང་གང་གི་བསམ་པའི་ར་བར་བཙན་གྱིས་བརྫངས་ཀྱང་མི་ཤོངས་པའི།། བྱམས་བརྩེ་མཁྱེན་རབ་འཇུག་པའི་ཁོ་ལག་གསེར་གྱི་ལྷུན་པོའི་གཏོས་ལྟར་མཐོ།། གཞན་ཕན་མཛད་བཟང་འཕྲིན་ལས་བཟང་པོ་མི་མངོན་གནམ་གྱི་མཐོངས་ལྟར་ཡངས།། བླ་ན་མེད་པའི་ཡ་མཚན་འབུམ་ལྡན་སྐྱེས་ཆེན་ཁྱོད་ཉིད་ནམ་ཡང་དྲན།། དེ་རིང་བཀྲ་ཤིས་ལྷ་ཉིན་དཀར་མོ་གོ་ལའི་ཁྱོན་ལ་འཆར་བའི་དུས། སྨྲ་བ་ངག་ལ་སྒོ་ལྕགས་ཐེབས་པའི་གཞིས་བཞུགས་བོད་རིགས་འབུམ་ཕྲག་བརྒྱའི།།…
དམ་དྲག་འོག་གི་བལ་ཡུལ་བོད་མིའི་དུས་ཆེན།
༸གོང་ས་མཆོག་གིས་ཞི་བདེ་གཟེངས་རྟགས་བཞེས་བའི་དུས་ཆེན་ཉིན་བལ་ཡུལ་གཞུང་གིས་སྔ་ས་ནས་བོད་མི་འདུས་སྡོད་ས་གནས་ཁག་དང་། སློབ་གྲ། དགོན་པ། སྣེ་ལེན་ཁང་བཅས་སུ་ཉེན་རྟོག་པ་དང་དམག་མི་མང་པོ་དཀྲམས་ནས་བོད་མི་ཚོའི་འགྲོ་བསྐྱོད་ལ་བཀག་བསྡོམས་བྱས་ནས་ཉིན་གང་ལ་སྲུང་ནས་དམ་དྲག་བྱས་མིན་ལ་མ་བལྟོས་བར་བོད་མི་སྟོང་ཕྲག་བརྒལ་བ་མཉམ་དུ་འཛོམས་ནས་གཞུང་འབྲེལ་དུས་ཆེན་སྲུང་བརྩི་བྱས་ཐོག་བོད་མི་དང་ཧི་མ་ལའི་མི་རིགས་མཉམ་འབྲེལ་ཐོག་བལ་ཡུལ་གྱི་ཚགས་པར་ཐོག་༸གོང་ས་མཆོག་ལ་འདི་ལྟར་མཚམས་འཕྲིན་འབུལ་བའི་ལམ་ནས་དུས་ཆེན་སྲུང་བརྩི་བྱས་ཡོད།
༄༅།། ཞི་བདེའི་བསྟོད་སྨོན་རང་བྱུང་རྒྱ་མཚོའི་གདངས་སྙན།
བེ་རི་རིག་རྡོར
———-
འཇམ་དཔལ་ངག་ལ་དབང་འབྱོར་མཁྱེན་པའི་བློ།།
བཟང་བོའི་འོད་དཀར་ཡེ་ཤེས་དྲ་བ་ཅན།།
བསྟན་འཛིན་རྒྱུ་སར་བྱེ་བའི་འདུན་ས་ཆེར།།
བསྟོད་སྨོན་རྒྱ་མཚོའི་རླབས་ཕྲེང་གདངས་སུ་འགུག།
མ་རྨད་ཚོགས་གཉིས་འོ་མཚོ་འཕྱུར་བའི་རྩེར།།
སྤངས་རྟོགས་བཅུ་དྲུག་ལང་ཚོའི་འཇོ་སྒེག་གིས།།
ནག་ཕྱོགས་མུན་པའི་གཡུལ་ལས་རྒྱལ་བྱེད་པའི།།
དགེ་མཚན་སྣང་བའི་རྩེ་དགའ་ཅི་ཡང་ངོམ།།
དེ་ལས་མང་བ་། “༄༅།། ཞི་བདེའི་བསྟོད་སྨོན་རང་བྱུང་རྒྱ་མཚོའི་གདངས་སྙན།” »
བཙན་བོད་མིའི་སྲིད་གཞུང་ནང་དམངས་གཙོ་ལག་བསྟར་གྱི་དཀའ་ངལ།
དགེ་མཐར།
______________
པྱི་ལོ་ ༡༩༦༠ ནང་རྒྱ་གར་ནང་བོད་མི་མང་སྤྱི་འཐུས་ལྷན་ཚོགས་བཟོས་པ་དང་། ཕྱི་ལོ་ ༡༩༦༡ ལོར་༧གོང་ས་མཆོག་ནས་མ་འོངས་བོད་ཀྱི་རྩ་་ཁྲིམས་ཟིན་བྲིས་དང་། ཕྱི་ལོ་ ༡༩༦༣ ལོར་མ་འོངས་བོད་ཀྱི་རྩ་ཁྲིམས་རྒྱ་གར་རྡ་རམ་ས་ལར་ངོ་སྤྲོད་གནང་བ་ནས་རིམ་པས་བཙན་བྱོལ་བོད་མི་མང་གི་དམངས་གཙོའི་ལམ་ལུགས་འགོ་ཚུགས། པྱི་ལོ་ ༡༩༩༡ ལོར་བཙན་བྱོལ་བོད་མིའི་བཅའ་འཁྲིམས་བཟོས་པ་དང་། ཕྱི་ལོ་ ༢༠༠༡ ལོར་མི་མང་ནས་ཐད་ཀར་བཀའ་བློན་ཁྲི་པ་གདམ། འདིའི་བར་བཀའ་བློན་རྣམས་༧གོང་ས་མཆོག་གི་མཚན་ཐོག་ནས་ཐད་བཀོད་གནང་གི་ཡོད་པ་དང་དུས་འདི་ནས་བཀའ་བློན་ཁྲི་པས་གདམས་གནང་གི་ཡོད།
དམངས་གཙོའམ་མང་གཙོ་ལག་བསྟར་གྱི་དཀའ་ངལ་ཆེ་ཤོས་དེ་བོད་གཞུང་དམངས་ནས་ནུབ་ཕྱོགས་ཀྱི་ཌེ་མོ་ཁེར་ཊིཀ དང་ ཌེ་མོ་ཁེ་རེ་སི་ ཟེར་བའི་ཚིག་གི་གོ་དོན་གསལ་རྟོགས་ཐུབ་པར་ཐུག་ཡོད་པ་ཡིན། ཌེ་མོ་ཁེར་ཊིཀ་གི་གོ་དོན་ནི་མི་དམངས་ཀྱི་སྲིད་གཞུང་ཟེར་བ་དང་དེ་ཡང་མི་དམངས་ཀྱིས་འཛིན་པའི་སྲིད་གཞུང་ལ་ཟེར། དེ་ཡང་ང་ཚོས་བེད་སྤྱོད་བྱེད་བཞིན་པའི་ཌེ་མོ་ཁེར་ཊིཀ་ཀྱི་བོད་བསྒྱུར་དམངས་གཙོ་དང་མང་གཙོ་ཟེར་བ་གཉིས་ཀའི་འགྲེལ་བཤད་ལྟར་མི་མང་བས་གང་བཤད་ཐོག་མི་ཉུང་བ་རྣམས་ཀྱང་འགྲོ་དགོས་ངེས་དེ་འདྲ་མ་ཡིན་པར་ཡུལ་མི་རེ་རེ་ནས་གཞུང་གི་ཆབ་སྲིད་ནང་ནུས་པ་སླེབས་ཐུབ་པ་དང་རང་རང་སོ་སོའི་མི་སྒེར་གྱི་རང་དབང་ཡང་ལོངས་སུ་སྤྱོད་ཐུབ་པ་ལ་ཟེར། དེང་དུས་ཀྱི་ཌེ་མོ་ཁེར་ཊིག་སྲིད་གཞུང་ཚོའི་ནང་གྲངས་ཉུང་མི་རིགས་དང་རྗེས་ལུས་མི་རིགས་རྣམས་ལ་དམིགས་བསལ་གྱི་ཐོབ་ཐང་ཁག་མང་པོ་ཞིག་ཡོད་པའི་རྒྱུ་མཚན་གཙོ་བོ་ཡང་གནད་དོན་དེར་ཐུག་བསྡད་ཡོད་བཟོ་མཐོང་།
སྤྱི་ཚོགས་ནང་མི་དམངས་སྲིད་གཞུང་དོན་ལྡན་ཞིག་ལག་བསྟར་ཐུབ་པའི་ཆ་སྐྱེན་གཙོ་བོ་ནི་མི་དམངས་ཀྱི་ཤེས་ཡོན་དང་དཔལ་འབྱོར་ཚད་ལྡན་ཞིག་དགོས་པར་ཐུག་གི་ཡོད་སྟབས་བོད་མིའི་སྤྱི་ཚོགས་ནང་སློབ་གྲའི་ཤེས་ཡོན་དང་ཆབ་སྲིད་དྲིལ་བསྒྲགས་ཙམ་མ་ཡིན་པར་མང་ཚོགས་ཀྱི་སྤྱིར་བཏང་ཤེས་ཡོང་གོང་མཐོར་གཏོང་ཐབས་དང་ཕུགས་རྒྱང་རིང་པོའི་འཚོ་གནས་དཔལ་འབྱོར་གྱི་གནས་སྟངས་སྲ་བརྟན་ཡོང་ཐབས་ཀྱི་སྲིད་བྱུས་ལ་ཤུགས་སྣོན་དགོས་གལ་ཆེ།
དེ་ལས་མང་བ་། “བཙན་བོད་མིའི་སྲིད་གཞུང་ནང་དམངས་གཙོ་ལག་བསྟར་གྱི་དཀའ་ངལ།” »
སུས་༧རྒྱལ་བ་རིན་པོ་ཆེ་བོད་དུ་གདན་འདྲེན་བྱེད་ཐུབ་ངེས།
བོད། ལྷ་ཀླུ་གཉན་གསུམ་ནས།
__________________________
ངས་ནམ་རྒྱུན་འདི་ལྟར་ དྲན་གི ༧རྒྱལ་བ་རིན་པོ་ཆེ་མེད་དུ་མི་རུང་བ་དེ་ཡང་བོད་མི་རིགས་ཡིན་ལ། ༧རྒྱལ་བ་རིན་པོ་ཆེ་ལ་དད་པ་དག་སྣང་ཡོད་མཁན་དེ་ཡང་བོད་མི་རིགས་ཡིན་ཟེར་ནས་ དུས་ཀུན་དུ་བོད་མི་དག་གིས་གླེང་བཞིན་ཡོད་པ་རེད། དེ་ཡིན་དུས། ༧རྒྱལ་བ་རིན་པོ་བོད་དུ་གདན་འདྲེན་བྱེད་ཐུབ་མཁན་དེ་ཡང་བོད་མི་ཡིན་ཟེར་ན་ འགྲིག
ང་ཚོས་དེ་རིང་གི་ཉིན་ མོ་འདི་ནི་༧རྒྱལ་བ་ཡིད་བཞིན་ནོར་བུ་མཆོག་གི་་འཛམ་གླིང་ན་མིང་དུ་གྲགས་པའི་ ནོ་སྦེལ་ཞི་བདེའི་གཟེངས་རྟགས་བཞེས་དེ་མི་ལོ་ཉི་ཤུ་ཏག་ཏག་འཁོར་བར་རྟེན་ འབྲེལ་དང་ཤིས་ཚིག་འབྲི་བའི་ཉིན་མོ་དང་། ཆེས་དགའ་སྟོན་རྟེན་འབྲེལ་དུ་རློམ་བཞིན་པའི་ཉིན་མོ་ཞིག་ཀྱང་ཆགས་ཡོད་དུས། འུ་ཅག་བོད་པ་དག་གིས་དེ་ཉིད་ལ་གཙུག་ཆེན་བྱེད་པ་ནི་༧རྒྱལ་བ་རིན་པོ་ཆེ་མཆོག་ གི་སྐུ་ཚེ་ནང་དུ་རླབས་ཆེན་གྱི་མཛད་པ་འཕྲིན་ལས་ལ་མོས་པ་དང་དག་སྣང་། ཡིད་ཆེས་ཡོད་པར་གླེང་བཞིན་པ་དེ་ཡིན།
དེ་ལས་མང་བ་། “སུས་༧རྒྱལ་བ་རིན་པོ་ཆེ་བོད་དུ་གདན་འདྲེན་བྱེད་ཐུབ་ངེས།” »
ང་ཡི་རྩ་བའི་བླ་མ།
གཅན་བཟོད་རྒྱམ་པས་གུས་པས་ཕུལ།
—————————-
༡༽སྐུ་འཁྲུངས་པ།
འཛམ་གླིང་ཤར་ནུབ་དམག་འཁྲུག་བཙན་པོས་སེམས་ལྡན་དུཿ་ཁའི་ཀློང་དུ་ལྷུང་།།
བོད་དང་ཙི་ནའི་ལས་དབང་བཙན་པོས་གཅིག་ཁ་གཅིག་གིས་གནོན་པའི་དུས།།
ཨ་ཀ་མ་ཡི་ཡུལ་ཆེན་དེ་ནས་ཨ་མ་ཆེན་མོའི་སྲས་སུ་འཁྲུངས།།
ངོ་མཚར་རྟགས་དང་རྟེན་འབྲེལ་ཞིག་གིས་སྒང་བ་བོད་ཀྱི་མིག་ཏུ་གྱུར།།
༢༽ཁྲི་འདོན་གནང་བ།
པོ་ཏཱ་ལ་ཡི་སྒེའུ་ཁུང་རེ་ལ་ཁྱོད་ཀྱི་བྱིས་དུས་རྐང་རྗེས་རེ།།
བྱིས་པའི་མིག་ཟུང་ཕྱི་རོལ་ཡུལ་ན་རྩེད་འཇོར་གཡེང་བའི་བྱིས་པར་ཤོར།།
བྱིས་དུས་རྩེད་འཇོ་བྱིས་པར་མ་དབང་ཆེན་པོ་རྣམས་ཀྱིས་སྒམ་ཚིག་བསླབས།།
ཡབ་རྗེའི་གསེར་གྱི་ཁྲི་འཕང་མཐོན་པོར་བྱིས་ཁྱོད་མེས་པོ་སྲོང་བཙན་ཡིན།།
ཞི་བདེའི་བཟང་སྟོན།
རྔ་བ་རྒྱལ་ཁམས་པ། ཨ་རི།
———-
རིས་མེད་འགྲོ་བའི་སྐྱབས་མགོན།། གངས་ཅན་བོད་ཀྱི་ལྷ་སྐལ།།
འཕགས་མཆོག་སྙིང་རྗེའི་དབང་ཕྱུག། རྒྱལ་བ་བསྟན་འཛིན་རྒྱ་མཚོ།།
ཁྱེད་སྐུ་ཉི་མ་གཞོན་ནུ།། གངས་ལྗོངས་སྨད་ནས་ཤར་ཀྱང་།།
མཛད་འཕྲིན་འོད་ཀྱི་སྣང་བ།། འཛམ་གླིང་སྤྱི་ལ་ཤར་སོང་།།
ང་རང་ལོ་ན་ཆུང་དུས།། ཁྱེད་ཉིད་དག་ཞིང་ཞིག་ལས།།
འཛམ་གླིང་ས་ཐོག་འདི་ན།། ཡོད་སྣང་ཡིད་ལ་མ་ཤར།།
ཨ་ཁུའི་མཆོད་ཁྲིའི་སྒང་གི། སྣང་བརྙན་མཐོང་བ་དོན་ལྡན།།
མིག་གིས་མཇལ་ཐེངས་རེ་རེར།། རེ་སྨོན་སྐྱབས་འཇུག་ཞུས་ཡོད།།
ངའི་སྙན་ངག་གི་ཀློག་པ་པོ་རེ་ཟུང་ལ།
ཀླུ་སྨྱོན། ངས་མི་ལོ་ཉི་ཤུར་སྙིང་དབུས་སུ་སྦྲུམ་པའི་སྙན་ངག་གི་ཁྱེའུ་དཀར་པོ་འདི། ཁྱེད་ཚོའི་འབག་བཙོག་གི་ལག་པར་ངས་གཏན་ནས་འཇོག་ན་མི་འདོད་ཀི ཆེས་དྭངས་གཙང་གི་ནམ་མཁའི་ཀློང་ན་ཕྱོགས་མེད་དུ་རྒྱུ་བའི་སྙན་ངག་གི་གླག་རྒོད་དར་མ་འདི། ཁྱེད་ཚོས་རྒྱ་ཡན་དུ་དབྱུགས་པའི་ཕྲག་དོག་གི་ཞགས་སྣེར་འཁོན་དུ་འཇུག་ན་མི་འདོད་ཀི ངས་རང་གི་ཟུངས་ཁྲག་ཐིགས་པ་རེ་རེས་སྐྱེད་སྲིང་བྱས་པའི་སྙན་ངག་གི་རྒྱ་སེ་མེ་ཏོག་འདི། ཁྱེད་ཅག་གི་གདུག་རྩུབ་ཅན་གྱི་སད་དང་སེར་བར་འཁྱེར་དུ་འཇུག་ན་མི་འདོད་ཀི རྩྭ་ལྗང་གི་རྦ་རླབས་གཅིག་རྗེས་གཉིས་མཐུད་དུ་འོངས་པའི་སྙན་ངག་གི་སྤང་ལྗོངས་ཡངས་པོ་འདིར། ཁྱེད་ཅག་གི་ཁྱད་གསོད་ཀྱི་སྟོན་རླུང་དྲག་པོ་གཡུག་གི་འཇུག་ན་མི་འདོད་ཀི ངས་རང་གི་ཆེས་བླ་མེད་ཀྱི་བརྩེ་དུང་གིས་བླུས་པའི་སྙན་ངག་གི་མཛེས་སྡུག་དགའ་མ་འདིར། ཁྱེད་ཅག་གི་ཆགས་སེམས་དྲག་པོས་མྱོས་པའི་མིག་ཟུང་གིས་བལྟ་རུ་འཇུག་ན་མི་འདོད་ཀི སྒྱུ་རྩལ་དང་བྱིན་རླབས་ཀྱི་དྲོད་ཁོལ་ཉམས་པ་མེད་པའི་སྙན་ངག་གི་ཁྱིམ་གཞིས་ཆུང་ཆུང་འདིར། ཕྱོགས་ངེས་མེད་ནས་འོངས་པའི་འཁྱམ་པོ་ཁྱོད་ཚོ་འདུག་གི་འཇུག་ན་མི་འདོད་ཀི ངས་མིག་ཆུ་དང་མིག་ཆུ་བསྲེས་ནས་བྲིས་པའི་སྙན་ངག་གི་ལྡེབས་རིས་རིང་མོ་འདིར། ཁྱེད་ཅག་གི་མཐོང་ཆུང་གི་སྣག་ཚ་ནག་པོས་འདྲུད་དུ་འཇུག་ན་མི་འདོད་ཀི…
ཞིབ་འཇུག་གི་རོགས་རམ་གསལ་བསྒྲགས།
ཞིབ་འཇུག་གི་རོགས་རམ་གསལ་བསྒྲགས།
ཀུན་ཕན་ཐེབས་རྩེ་ཚོགས་པས་དགའ་བོས་ངང་༢༠༡༠་ནས་༢༠༡༡ལོའི་བར་གྱི་ཞིབ་འཇུག་གི་རོགས་ རམ་བྱ་དགའ་གསལ་བསྒྲ་གས་བྱེད་རྒྱུ་ཡིན། བྱ་དགའ་འདིའི་དམིགས་ཡུལ་ནི་ཆེད་ལས་བ་དང་།མཁས་པ་དང་སྒྱུ་རྩལ་པ་རྣམས་ལ་རྒྱབ་ སྐྱོར་བྱེད་ནས་སྤྱི་ཚོགས་ཚན་རིན་དང་། སྒྱུ་རྩལ་རིག་གནས་དང་ཚན་རིན་བཅས་རིག་གནས་ཁག་ནས་མུ་མཐུད་ད་ུཤེས་བྱ་ཐོབ་པའི་ ཆེད་དུ་ཡིན། ལས་གཞི་འདིས་ཀྲོང་གོའི་བོད་ཁུལ་དུ་སྤེལ་བཞིན་པའི་དེང་རབས་ཅན་དུ་འགྱུར་བའི་ རྒྱུད་རིམ་ནང་གི་རྙོག་འཛིངས་སོགས་རྒྱུས་ཡོད་བྱེད་པར་ཕན་པའི་ཞིབ་འཇུག་གི་ བྱེད་སྒོ་ལ་རྒྱབ་སྐྱོར་བྱེད་ནས་མཐའ་མིའི་གྲུབ་འབྲས་སུ་རྒྱུན་གནས་ཐུབ་པ་དང་ ས་གནས་ཀྱི་རིག་གནས་དང་འབྲེལ་ཡོད་ཀྱི་འཕེལ་རྒྱས་ཀྱི་མ་དཔེ་རྣམས་ངོས་འཛིན་ བྱེད་པར་ཡིན།
ང་ཚོས་ལོ་རེར་རིང་ན་ཟླ་བ་༡༢་ལ་རྒྱ་ནག་ནང་དང་རྒྱལ་སྤྱི་ཡང་ན་ གཉིས་འཛོམ་གྱི་ཞིབ་འཇུག་རོགས་རམ་གྱི་བྱ་དགའ་འབུལ་གྱི་ཡོད། ཞིབ་འཇུག་བྱ་དགའ་འདིས་ཞིབ་འཇུག་སྐབས་ཀྱི་འགྲིམ་འགྲུལ་དང་། སྨན་བཅོས་གྱོང་སྐྱིན་དང་ཉེན་བྱོལ་གྱོང་སྐྱིན། ཞིབ་འཇུག་གིྱ་བྱེད་སྒོ་དང་འབྲེལ་ཡོད་ཀྱི་འགྲོ་སོང་། གཞན་ཡང་འཚོ་བའི་ཕོགས་སྣོན་སོགས་ཀྱི་འགྲོ་སོང་གཏོང་ཆེད་ཡིན།༼ཆེད་ལས་འཕེལ་ རྒྱས་ཀྱི་གོ་སྐབས་ལ་ཞུགས་རྒྱུ་དེ་ཀུན་ཕན་ཐེབས་རྩ་ཚོགས་པའི་ཆོག་འཆན་ཐོབ་ རྗེས་ད་གཟོད་རྒྱབ་སྐྱོར་བྱེད་རྒྱུ་རེད༽
ཨ་རེ་སི་ཁྲོ་ཁྲལ། (Aristotle)
རྔ་བ་རྒྱལ་ཁམས་པ། ཨ་རི།
༼འདིར་རྔ་བ་རྒྱལ་ཁམས་པས་བསྐུར་གནང་བའི་རྩོམ་རིང་བཀོད་པ་ཡིན་ལ། ཡིག་གཟུགས་བརྗེ་བསྒྱུར་གྱི་སྐབས་སུ་ མིང་གཞི་ པ་དང་བ་ཅན་གྱི་འདོགས་ཅན་དང་མགོ་ཅན་རིགས་ གློག་ཀླད་ཀྱི་འགྱུར་རིམ་ནང་། ཐལ་ཆ་ཤོར་རིགས་ཡོད་སྲིད་པས། དེ་དོན་དགོངས་འཇགས་ཡོང་བ་ཞུ། དགེ་རབ་ཀྱིས་༽
ཨ་རེ་སི་ཁྲོ་ཁྲལ་དང་ཚན་རིག་གི་བསམ་བློ།
ཆེད་བརྗོད།
མཚན་ཉིད་རིག་པའི་གཞུང་ལུགས་མེད་ན། ཚན་རིག་གི་གྲུབ་དོན་འབྱུང་མི་སྲིད་ལ། ཚན་རིག་གི་གྲུབ་དོན་མེད་ན། ཡར་ཐོན་གྱི་རྣམ་པ་ཞེས་པ་ནི་དེ་ལས་ཀྱང་ཡོང་མ་ཤེས་པ་ཞིག་ཡིན། རིག་གསར་དང་རིག་རྙིང་གང་ཞིག་ཡིན་རུང་དང་བོའི་སྲོལ་རྒྱུན་གྱི་རིག་པའི་རྐུད་པ་ཕྲ་མོ་ཞིག་ལ། སྤྱི་ཚོགས་གསར་རྙིང་དང་དུས་རབས་གསར་རྙིང་མང་བོ་ཞིག་གི་ཚེ་སྲོག་བརྒྱུད། རྙིགས་འདོར་བཅུད་ལེན་གྱིས་ད་གཟོད་ཡར་བསྐྱེད་ཀྱི་ངོ་བོར་སོང་བ་ཞིག་ལས། ཐོག་མ་ཉིད་ནས་འབད་མེད་ལྷུན་གྲུབ་ཀྱི་ངོ་བོར་གནས་པའི་རིག་གཞུང་ཞིག་ག་ལ་ཡོད། གནའ་བོའི་རྒྱ་གར་གྱི་སྲོལ་རྒྱུན་ལས་རླབས་ཆེན་གྱི་སངས་རྒྱས་ཆོས་ལུགས་དང༌། ཡ་ཧི་ད་བའི་གནའ་རིག་ལས་ཡུ་ཤི་དང༌། ཁ་ཆེ་སོགས་ཀྱི་ལྟ་གྲུབ་རིགས་བྱུང་བ་ཡིན། དེ་བཞིན་རིག་གསར་ཐད་ལའང༌། གནའ་བོའི་འཇིག་རྟེན་ལྟ་ཚུལ་གསར་རྙིང་ལས། དགའ་ལི་ལེའོའི་འཇིག་རྟེན་ལྟ་ཚུལ་དང༌། དེ་ལས་ནོས་ཁྲོན་གྱི་འཐེན་ཤུགས། དེ་ལས་ཨ་ཡེན་སི་གྲན་གྱི་ལྟོས་བཏགས་རིག་པ་སོགས་བྱུང་བ་ཡིན། དེང་སང་མི་མང་བོ་ཞིག་གིས་རིག་པའི་གཞུང་ལུགས་ཀྱི་སྐྱེ་འཕེལ་དང༌། རིམ་འབྱུང་རང་བཞིན་ལ་ཐུགས་མཉམ་མ་བཞག་པའམ། བཞག་རུང་དོན་གནད་བློས་མ་འཆུན་པ་ལྟ་བུས། རིག་གསར་ཡན་གར་བ་ཞིག་ཡོད་པར་འདོད་པ་ནི། རིག་པ་གསར་རྙིང་བར་གྱི་རྟེན་འབྲེལ་མ་རྟོགས་པས་ལན་པ་ཡིན། ལར་ནས་སྤྱི་ལོ་སྔོན་གྱི་དུས་རབས་བཞི་བ་ཡས་མས་ཤིག་གི་ནང་ཕེབས་པའི་གནའ་བོའི་དགུ་རིག་གི་མཚན་ཉིད་པ་ཆེན་པོ། ༼ཚན་རིག་གི་མེས་པོར༽གྲགས་པ། ཨ་རེ་སི་ཁྲོ་ཁྲལ་མཆོག་གིས་སྲོལ་རྒྱུན་གོ་ཁྲབ་ལ་རང་གི་ལྟ་བའི་ཕིབ་ཐོགས་ཏེ། ཕྱི་དོན་འཇིག་རྟེན་གྱི་ཆོས་ཉིད་སྙེག་པའི་གཡུལ་སར་ཞུགས་ནས། ཚན་རིག་གི་མཚན་ཉིད་རིག་པའི་རྒྱལ་ཁམས་ལ་དབང་བསྒྱུར་སྟབས། ཚན་རིག་གམ་རིག་གསར་ཞེས་པ་ཁོང་གི་ལྟ་ཚུལ་གྱི་རྒྱུན་ལས་བྱུང་བ་ཞིག་ཡིན་ཞེས་ཀྱང་བཤད་ཆོག་གོ།
ཨ་རིའི་བོད་པར་སྤྲིངས་པ།
བོད་ནས་ལྷམ་ཀོག་གིས
གུས་པར་འོས་པའི་སྐུ་ཞབས་ལགས།
རྒྱང་རིང་བོ་ནས་སེམས་ཀྱི་གནད་ས་ཕ་ཡུལ་ལ་གཏད་ཅིང་། རིག་པའི་རྣོ་ཁ་དུས་རབས་ལ་བཙུགས་ཡོད་པ་མཐོང་འཕྲལ་དགའ་བོ་བྱུང་། དེང་གི་ཆར་ཤར་གྱི་དངོས་པོ་ནུབ་ལ་བསྐྱལ་བར་ཚེགས་མེད་ཅིང་། ལྷོ་ཡི་བརྡ་འཕྲིན་བྱང་དུ་སྤེལ་བར་ཆེས་ཤིན་ཏུ་མྱུར་བའི་དུས་འདིར། འཛམ་གླིང་ནི་ཆེ་ནས་ཆུང་དུ་འགྲོ་བར་བཤད་ཅིང་། རིག་གནས་ཀྱང་སྣ་གཅིག་ནས་སྣ་མང་དུ་འགྲོ་བར་མངོན་སུམ་གྱི་ཡུལ་དུ་གྱུར་བ་འདི་ལྟ་ན། འུ་ཅག་གིས་ཀྱང་ལག་པ་དམ་པོ་ལྷོད་དུ་གཏོང་མཚམས་ཤེས་པའི་སྒོ་ནས། ཕྱི་ཡི་རིག་གནས་ལ་བསེད་གྲོལ་གྱི་གོ་སྐབས་ཡོད་པའི་སྒོ་ནས་དུས་རབས་ཤིག་གི ཆབ་དཔལ་རིག་གསུམ་ནང་དུ་བསུ་དགོས་པ་ཡིན་དུས། ཕན་ཚུན་འཆམ་མཐུན་གྱི་རྩ་བ་ནི་རྨང་དུ་བྱས་ཤིང་། དེ་ཡི་ཁར་རྒྱང་རིང་བོ་ཞིག་གི་ལས་དོན་དེ་ལ་གཞོལ་དགོས་པ་ནི་ཉིད་ལ་ཞུ་མ་དགོས་པ་ཞིག་རེད།
བོད་ཕྱི་ནང་གང་ན་ཡང་འཚོ་ཞིང་གཞེས་པའི་གསར་བུ་སྟག་འདྲ་གཟིག་འདྲ་དག་གི་སེམས་ཀྱི་རུས་པའི་སྣེ་ཁེན་ས་མི་རིགས་འདི་ཡིན་ཞིང་། ལག་གི་སྨྱུ་གུའི་ཁྲག་བཞུར་ས་ཡང་མི་རིགས་འདི་ཡིན་པ་ཧ་གོ་བ་བྱུང་ན།