རྩོམ་པ་པོ། ན་ཟླུམ་བསྟན་འཛིན་ཚེ་རིང་།(ཨ་མའི་བུ།)
ཆ་མ་སྙོམས་པའི་ཁ་སང་དེ་རིང་ཡ་མཚན་གྱིས་ཧལ་སོང་། ལ་ལ་ནི་སངས་རྒྱས་དབུ་ལ། བྱིས་པའི་ལག་རྩེད། ལ་ལ་ནི་ཕྲག་དོག་ཁྲག་གིས་སྨྱོ་སྟེ་སངས་རྒྱས་ལའང་ཀ་ཁ་སློབ་ཁྲིད། ཆུ་མགོ་ནས་རྙོག་ན་དྭངས་མེད་རེད། འགྲིགས་མགོ་ནས་འཆོལ་ན་བཅའ་མེད་རེད། སྤུན་ཟླའི་མདུན་དུ་མིག་ཧྲིག་ཧྲིག དགྲ་བོའི་མདུན་དུ་འདར་སིག་སིག ། ཁྱིམ་ཚང་ནང་དུ་མཁས་མདོག་མདོག དགྲ་བོའི་ཕྱོགས་སུ་དཔའ་ཞུམ་ཞུམ། ནང་ཁུལ་དུ་མགོ་བོ་འཕྲེད་དུ་གཡུག་གཡུག ། དགྲ་ཕྱོགས་སུ་མགོ་བོ་ས་ལ་སྒུར་སྒུར་སོགས་ནི་མཁས་པའི་བཞད་གད་ཀྱི་རྒྱུ་ཁོ་ན་ལས་རྩ་དོན་འཐབ་རྩོད་ཅིག་ག་ལ་ཡིན་སྲིད། ཡོད་པ་དེ་མེད་པར་བཟོས། ད་ར་དེ་ཆུ་ཁུ་རུ་བཏང་ན། གོ་ལྡོག་པའི་སྐྱབས་བཅོལ་བ་ཚོ་རང་ཡུལ་དུ་ཕྱིར་ལོག་ཨེ་ཐུབ། ནང་ལ་སྟག་དང་། ཕྱི་ལ་ཞི་མི་བྱེད་མི་ཉན། མཁྲེགས་འཛིན་གྱི་ལྟ་བ་དང་ཁེངས་དྲེགས་ཀྱི་རྨོངས་ཞེན་མྱུར་དུ་དོར། སེར་ཁ་གས་པའི་ཕ་ས་དེ་སླར་གསོའི་ཆེད་དུ། འཐབ་རོགས་ནང་ཁུལ་དུ་རང་ཤེད་དང་འཁོན་འཛིན་བྱེད་པ་ནི་ཞི་འཇམ་གྱི་འགེགས་རྐྱེན་གཙོ་བོ་ཞིག་ཡིན་པར་ངེས་ཤེས་དགོས། ལྟ་བ་རྟེན་འབྱུང་གི་འདུ་ཤེས་ཡོད་ཚེ། མང་གཙོའི་ཀ་བ་གསུམ་ཡང་
