འཛུམ་གྲོལ།
—-ལྷོ་བསྟན་འཛིན་ཉི་མས་བྲིས་པའི་《དེབ་ཐེར་ལྕི་ཟླའི་ཟེགས་མ》ལ་བལྟས་རྗེས།
ལྷ་སྒྲུང་དང་ཆོས་འབྱུང་གི་ཧྲག་བར་ནས་མགོ་ནག་མི་བུའི་སྐྱིད་སྡུག་དར་འཕེལ་གྱི་བྱུང་བ་བརྗོད་པའི་ལོ་རྒྱུས་ཉག་ཕྲ་བར་གྱུར་པའི་སྒང་པ་བོད་མའི་ངོས་ནས་བཤད་ན། འཆད་རྩོད་རྩོམ་པས་ལོ་རྒྱུས་རིག་པའི་རྨང་གཞི་འདིང་བ་ནི་དྲིན་ཆེ་ལ་ཡི་རང་དང་གུས་བཀུར་ཞུ་འོས་པའི་གནས་སུ་སྣང་མོད། འོལ་ཚོད་དང་ཤེས་རློམ་གྱིས་ཟེར་སྒྲོས་བསགས་ཏེ་ལོ་རྒྱུས་འཁྱོག་བརྗོད་རྫུན་སྒྲིག་བྱེད་པ་དང་། ལྷ་སྒྲུང་དང་སྒྲོ་བཏགས་ཅི་རིགས་བཏུས་ཏེ་རང་ཕྱོགས་ཆེ་སར་འདོན་ཅིང་རང་ཉིད་མཐོ་སར་བཀྱག་པ་ནི་མཚང་ཆེ་ལ། འགྲོ་བ་མིའི་ལོ་རྒྱུས་རྩ་བརླག་བྱེད་པའི་ངན་སྤྱོད་མ་རུང་བ་ཞིག་རེད་ཅེས་ཁོ་བོའི་སྨྲ།