རྩོམ་པ་པོ། ཧྲུའུ་ཕོ་ཕོ།
ལོ་ཙཱ་བ། ནགས་ཤོད་སད་མི།
དུས་ནམ་ཡིན་མ་ཤེས་མོད། (བོད་རིགས་མི) ་ཟེར་རྒྱུའི་མིང་བྱང་འདི་གློ་བུར་ངང་ཚོང་འགུག་བྱེད་ཀྱི་རྟགས་མ་ཞིག་ཏུ་གྱུར་ཡོད། དེས་ན་རྒྱ་མི་ལ་ལས་བོད་མིར་བརྫུས་ནས་མགོ་གཡོག་མགོ་སྐོར་གཏོང་བཞིན་ཡོད།
ལོ་མང་སྔོན་དུ། ངས་སི་ཁྲོན་རྒྱ་རིགས་སྣེ་ཤན་པ་ཞིག་ངོ་ཤེས་ཡོད། མོ་རང་ནི་ལྷ་སར་ཟླ་བ་མང་པོ་བསྡད་པ་རེད། ངས་མོ་རང་ལ་བོད་དུ་ག་འདྲ་འདུག་ཅེས་སྐད་ཆ་འདྲི་དུས། མོས་ཚིག་ཐག་ཆོད་པོས་ལན་འདེབས་བྱས་དོན། (ང་བོད་ལ་གཏན་ནས་མི་དགའ) ་ཟེར་ནས་བོད་དམའ་འབེབས་ཀྱི་སྐད་ཆ་ལུང་པ་གང་བཤད་བྱུང་།