ཡོང་ཁུངས། བོད་མིའི་སྒྲིག་འཛུགས་དྲ་རྒྱ
ཏེ་ལོ་རིན་པོ་ཆེ་མཆོག་ལ་ཆེ་བསྟོད་མཚན་གནས་ཀྱི་རུ་སོག་སྐུ་ཚབ་དོན་གཅོད་དུ་བསྐོ་གཞག་གནང་བ།
བཀའ་དྲུང་ཡིག་ཚང་ནས་ཕྱི་ལོ་༢༠༡༤ ཟླ་༡༠ ཚེས་༢༣ འཁོད་པའི་ལས་བྱེད་གནས་སྤོས་དང་ལས་འགན་བཀོད་སྒྲིག་གི་གསལ་བསྒྲགས་ནང་ཨུ་རུ་སུ་རྒྱལ་ཁོངས་ཀྱི་ཁལ་མུཀ་སྤྱི་མཐུན་རྒྱལ་ཁབ་ཀྱི་ནང་པའི་གཙོ་འཛིན་ཏེ་ལོ་རིན་པོ་ཆེ་མཆོག་ལ་ཆེ་བསྟོད་མཚན་གནས་ཐོག་རུ་སོག་སྐུ་ཚབ་དོན་གཅོད་དུ་བསྐོ་གཞག་གནང་འདུག
དེ་ཡང་རུ་སོག་སྐུ་ཚབ་དོན་གཅོད་ཞིང་ནོར་ངག་དབང་རབ་རྒྱས་ལགས་ཤེས་རིག་ལས་ཁུངས་ཀྱི་དྲུང་ཡིག་ཆེན་མོར་བསྐོ་གཞག་གནང་འདུག་པ་དང་། རྒྱ་གར་དུ་ལས་བཅར་ཞུ་རྒྱུའི་མཐོང་མཆན་ཡིག་ཆ་འགྲིགས་མཚམས་ནས་ལས་བཅར་ཞུ་རྒྱུ་ཡིན་འདུག
དེ་ལས་མང་བ་། “ཏེ་ལོ་རིན་པོ་ཆེ་རུ་སོག་སྐུ་ཚབ་དོན་གཅོད་དུ་བསྐོ་གཞག་གནང་བ།” »