ནམ་མཁའ།
ཕྱི་དྲོ་དུས་ཚོད་དྲུག་པ་ལ་ལས་ཀ་གྲོལ་རྗེས་འགྲོ་ཞོར་ཟས་རིགས་འགའ་ཉོ་འདོད་ཀྱིས་ཚོང་ཁང་དུ་ཕྱིན། ཚོང་ཁང་ནང་ནམ་རྒྱུན་ལྟར་ལས་ཀ་གྲོལ་བའི་དུས་ལ་མི་མང་པོ་འཚང་ཁ་ཤིག་ཤིག་གིས་སོ་སོ་ལ་གང་དགོས་བཙལ་གྱི་འདུག ཕྲན་གྱིས་ཀྱང་གང་ཞིག་དགོས་བ་དེ་བཙལ་ནས་འགྱིག་སླེ་ནང་བཞག་སྟེ་ཚོང་པའི་མདུན་གྱི་བང་རིམ་ལ་སྒུགས། ང་རང་བང་རིམ་སྒྲིགས་ས་དེར་ཕལ་ཆེར་མི་བཅོ་ལྔ་ལྷག་ངའི་མདུན་ལ་འདུག ཁོང་ཚོ་དུས་ཚོད་སྐར་མ་ག་ཚོད་སྒུགས་པ་མ་ཤེས་མོད།འོན་ཀྱང་ཁོང་ཚོས་སོ་སོའི་གཡས་གཡོན་གྱི་མི་ལ་སྐད་གདངས་དལ་བུས་ཚོང་པའི་མདུན་གྱི་མི་དེ་སྡིག་དམོད་བྱེད་བཞིན་པ་ལ་ལྟས་ན་ཅུང་ཟད་འགོར་ཡོད་པ་ཤེས་ཐུབ།