ཨ་རིག་འགྱུར་མེད་།
ཉེ་ཆར་ངས་དྲ་འབུ་ཞིག་རྙེད། དྲ་འབུ་འདི་ང་དང་ཐག་ཉེ་ས་ཉེ་ས་ཞིག་ན་འདུག ཁ་གསལ་ནས་བཤད་ན་ངའི་བློས་ཐུབ་ཀྱི་གྲོགས་པོ་ཞིག་རེད།
ཟླ་སྔོན་མའི་ཕྱི་ཚེས་ ༡༩ ཉིན་ངས་ཁ་བྱང་ལ་ “ཨ་རིའི་རླུང་འཕྲིན་ཁང་དང་ཟུར་ཟའི་འདྲ་པར་གཉིས།” ཞེས་པའི་རྩོམ་ཡིག་ཅིག་ཁ་བརྡ་དང་དུས་བབ་ཟིན་བྲིས་སུ་སྤེལ། རྩོམ་ཡིག་དེ་ནི་ཨ་རིའི་རླུང་འཕྲིན་ཁང་གི་ལས་བྱེད་ལ་གཞི་མེད་སྐྱོན་བརྗོད་དང་དགའ་མིན་དགའ་མདོག་གང་ཡང་མིན་པར་ཁོང་རྣམས་ཀྱིས་ཀུན་གླེང་ལེ་ཚན་གཙོ་སྐྱོང་སྐབས་བོད་ལྭ་གྱོན་རྒྱུ་མིན་པའི་སྐོར་གྱི་གསལ་བརྡ་དང་། དེ་བཞིན་སུ་ཡིན་མ་ངེས་མོད། སྔ་ཕྱིར་སྒྲིག་བཟོ་བྱས་པའི་ཟུར་ཟའི་འདྲ་པར་གཉིས་བྱུང་བ་བརྗོད་སྙིང་དུ་བཟུང་སྟེ། བོད་ལྭ་གྱོན་རྒྱུར་སྐུལ་འདེད་ཐེངས་ཤིག་བྱས་པ་ཡིན་ལ། དེ་ནི་ངས་སེམས་བསམ་པའི་སྟེང་གི་རེ་འདུན་ཞིག་ནན་བརྗོད་བྱས་པའང་ཡིན།