དམ་ཆོས་བསམ་འཕེལ།
ཉེ་ཆར་ནས་བཟུང་བོད་སྐད་ཡིག་རྨོངས་སེལ་གྱི་སློབ་གསོའི་བྱ་འགུལ་ཞིག་མདོ་སྟོད་སྨད་ཀྱི་ས་ཆ་གང་སར་བསྐུལ་བ་མེད་པར་མཆེད་བཞིན་འདུག ཁོ་ཚོར་ཚོགས་པ། རྩ་འཛུགས། འགོ་བ་སོགས་ཅི་ཡང་མེད་མོད་རང་འགུལ་གྱིས་ཕོ་མོ་རྒན་གཞོན་མེད་པར་རིགས་ཞེན་དང་ལ་རྒྱའི་ཐག་པ་མཁྲེག་པོ་ཞིག་གིས་དམ་དུ་བཅིང་ནས་ཕྱོགས་གཅིག་ཏུ་སྒྲིལ་ནས་འགྲོ་བཞིན་འདུག དེ་ལས་ཀྱང་དགའ་འོས་པ་ཞིག་ནི་བུད་མེད་ཁྱིམ་བདག་མ་རྣམས་ནི་སྐད་ཡིག་རྨོངས་སེལ་གྱི་བྱ་བར་ཤིན་ཏུ་དགའ་ཞིང་ཕ་སྐད་ཀྱི་རྐང་འཛིན་པ་ལྟ་བུར་འགྱུར་བཞིན་འདུག