ང་ཚོའི་སྤྱི་ཚོགས་ནང་ལ། མི་གང་ཞིག་གི་ལྟ་སྤྱོད་ལ་མོས་མཐུན་མེད་ཚེ་མི་དེ་ལ་རྒྱ་མིའི་སོ་པ་ཡིན་པའི་དོགས་པ་ཟ་བའི་སྲོལ་རྒྱུན་ཞིག་ཆགས་ཡོད། ལོ་རབས་བརྒྱད་ཅུ་དང་དགུ་བཅུའི་ནང་ལ་རྡ་རམ་ས་ལའི་གཞིས་ཆགས་པ་རྣམས་ཀྱིས་གསར་འབྱོར་པ་ཞིག་གི་ལྟ་སྤྱོད་ཁོང་ཚོའི་བློ་ལ་མ་བབས་ཚེ་རྒྱ་མིའི་སོ་པ་ཟེར་བ་དེ་ནི་ཧ་ཅང་འབོད་སླ་བོ་ཞིག་ཡིན། དེང་སང་སྔོན་མ་ནང་བཞིན་རྒྱ་མིའི་སོ་པ་འབོད་མཁན་མང་པོ་མེད་ན་ཡང་ད་དུང་མཚམས་མཚམས་ལ་གོ་ཐུབ། ཉེ་ཆར་ཁ་བརྡའི་ནང་ལ་ཡང་དེ་ལྟར་འབོད་མཁན་འགའ་རེ་བྱུང་། སྤྱིར་བཏང་རྒྱ་མིའི་སོ་པ་ཞེས་བོས་དུས་དེ་ལ་ཁོང་ཁྲོ་ཆེན་པོ་ཞིག་ལངས་དགོས་ཀྱང་། རྡ་སའི་རྒད་པོ་རྣམས་ཀྱིས་རང་གི་མིག་ལ་མི་བདེ་བའི་གསར་འབྱོར་པ་རྣམས་ལ་དེ་ལྟར་བོས་བོས་ནས་མིང་ཚིག་དེ་ལ་ཁོང་ཁྲོ་སློང་བའི་ནུས་པ་ཡང་མེད་པར་གྱུར་ཡོད། ཡིན་ན་ཡང་དེང་སང་ཁ་བརྡའི་ནང་ལ་མིང་ཚིག་འདི་ཡང་སྐྱར་གྲགས་ཡོང་དུས། དེ་ནི་གོམས་སྟོབས་ཤིག་གིས་འབོད་ཀྱི་ཡོད་པ་མ་གཏོགས་ཡིད་ཆེས་ཤིག་གིས་འབོད་ཀྱི་ཡོད་པ་ལ་ཡིད་ཆེས་བྱེད་མི་ཐུབ། ཁ་བརྡའི་ནང་ལ་ཡོང་མཁན་མང་ཆེ་བ་ནི་བོད་ནས་ཡོང་མཁན་ཡིན་པས་རྒྱ་ནག་གི་གནས་ཚུལ་ཅུང་ཙམ་ཤེས་མཁན་དང་། དྲ་རྒྱའི་ཐོག་ལ་འབུད་ཀྱི་ཡོད་པས་རྒྱལ་སྤྱིའི་ཐོག་གི་གནས་ཚུལ་ཡང་གང་མཚམས་ཤེས་ཀྱི་ཡོད་པ་རེད། ཁོང་ཚོ་དང་ལོ་རབས་བརྒྱད་ཅུའི་ནང་གི་རྒད་པོ་རྣམས་དང་བསྡུར་ས་ཡོད་པ་མ་རེད།
མགོ་རུལ་བ་སྣ་བས་མི་ཚོར།
ངས་པོ་རྒྱལ་མཚན།
རྒྱ་དམར་ཇག་ཚོགས་ཀྱིས་༸གོང་ས་སྐྱབས་མགོན་ཆེན་པོའི་གཡོ་མེད་ཀུན་ཁྱབ་སེམས་འཁུར་གྱི་མཛད་སྤྱོད་ཕུལ་བྱུང་ཉི་མ་ཤར་འདྲ་བ་དེ་གཡོ་སྒྱུའི་ཧམ་སེམས་དང་།ཕྲག་དོག་སྦར་མོས་འགེབས་མི་ཐུབ་ཀྱང་ལོག་བཤད་དེ་དག་གི་མི་དམངས་དཀྱུས་མ་འགའ་ཞིག་དབུ་སྐོར་བྱུང་བ་ཆོས་ཉིད་དུ་སོང་། གཏམ་ལ་གཏམ་ལན་མེད་ན་ ལྐུགས་པ་དང་ཟས་ལ་ཟས་ལན་མེད་ན་སྤྲང་པོ་ཡིན་ཞེས་པ་ལྟར་གནས་ལུགས་རྒྱུ་མཚན་དང། དྲང་གཏམ་རྟ་རྔ་ཙམ་ཡང་མེད་པའི་མི་བདེན་རྫུན་སྒྲིག་རི་རྒྱལ་ ལྷུན་པོ་ལྟ་བུའི་འཆལ་རྩོམ་དེ་ལ་དྲང་བདེན་ལ་རྒྱབ་རྟེན་དང་། དངོས་ཐོག་བདེན་ཐོག་གཞི་རྩར་བཞག་ནས་ལན་འདེབས་ཐུང་ངུ་ཞིག་བྱ་འདོད་བྱུང།
དཔོན་པོ་དང་འགོ་ཁྲིད་ཀྱི་ཁྱད་པར།
དུས་རྒྱུན་ང་ཚོས་དཔོན་པོ་དང་འགོ་ཁྲིད་ཟེར་བའི་ཐ་སྙད་གཉིས་པོ་འདིར་ བསམ་གཞིགས་དང་དོགས་འདྲི་གང་ཡང་མི་བྱེད་པར་ཁྱབ་མཉམ་དུ་བཀོལ་སྤྱོད་བྱེད་ཀྱིན་ཡོད། འཛམ་གླིང་སྤྱིའི་སྤྱི་ཚོགས་འཕེལ་འགྱུར་གྱི་ལོ་རྒྱུས་ཀྱི་ངོས་ཐད་ནས་བཤད་ན། ཐ་སྙད་འདི་གཉིས་པོར་ཁྱད་པར་ཆེན་པོ་ཡོད་པ་རེད།