འཇམ་དཔལ་རྣམ་རྒྱལ། བོད་འབྱོར།
སྔོན་གྱི་དུས་སུ་བོད་འདིར་གྲུབ་དབང་པདྨ་འབྱུང་གནས་ལྟ་བུ་མི་དང་ལྷ་འདྲེའི་བར་ལ་སྐད་ཆ་ཤོད་མཁན་དག་གིས་བོད་མི་དང༌། བོད་ཀྱི་ཡུལ་ལྷ་གཞི་བདག་ཚོའི་བར་ལ་ཆང་ཡིག་རེ་བཞག་ཡོད་སྐད། ཆང་ཡིག་དེར་ཕྱོགས་གཉིས་ཀ་གྲོས་འཆམས་བྱུང་ནས་མིང་རྟགས་ཡང་བཀོད་ཡོད་ཟེར། ཆིང་ཡིག་དེའི་ནང་དོན་གཙོ་བོ། ཡུལ་ལྷ་གཞི་བདག་རྣམས་ཀྱིས། སངས་རྒྱས་ཀྱི་བསྟན་བ་སྲུང་རྒྱུ་དང༌། རྣལ་འབྱོར་བའི་སྐུ་ཚེ་བསྲིང་རྒྱུ། བོད་ཡུལ་དང་བོད་མིའི་རྐྱེན་ངན་བར་ཆད་བཟློག་རྒྱུ་སོགས་མདོར་ན་གང་བཅོལ་འཕྲིན་ལས་སྒྲུབ་པའི་དམ་བཅའ་བྱས་ཡོད་པ་དང༌། བོད་མི་ཚོས་གཞི་བདག་སྡེ་བརྒྱད་རྣམས་ལ་བསང་གསོལ་གཏོར་བསྔོ་རྒྱུན་དུ་བྱ་རྒྱུ་དང༌། གནས་ཀྱི་རི་ཆུ་ནགས་གསུམ་བསྲུང་སྐྱོབ་དང་གཙང་སྦྲ་བྱེད་རྒྱུ་བཅས་བྱས་ཡོད་རབས།