ཁ་བརྡ།

ཁ་བརྡ།

Archive for March 3rd, 2012


ཨ་མདོའི་དུས་དབང་ཞུ་མཁན་ལ་ཞིབ་བཤེར་ཚོགས་ཆུང་བཙུགས་པ།

རང་གཞུང་དྲ་བས་་ ༢༠༡༢ ཟླ་ ༣ ཚེས་ ༣ ཉིན་ཁུངས་ལྡན་གནས་ཚུལ་སྤེལ་བ་ལྟར་ན། རྒྱ་གར་དུ་གནས་མཇལ་དང་དུས་འཁོར་དབང་ཆེན་ཞུས་ཏེ་རང་ཡུལ་བོད་དུ་ཕྱིར་ལོག་བྱེད་མཁན་རྣམས་ལ་རྒྱ་ནག་གཞུང་གི་འབྲེལ་ཡོད་ཚན་པས་མགྲོན་ཁང་དང༌། སློབ་གྲྭ་སོགས་ས་གནས་འདྲ་མིན་དུ་བཀག་ཉར་གྱིས་ཆབ་སྲིད་ཀྱི་སློབ་སྦྱོང་སྤྲོད་མུས་ཡིན་པ་ལྟར། ཉེ་དུས་ཨ་མདོ་བསང་ཆུ་རྫོང་ཁོངས་དང༌མཚོ་བྱང་ཚ་འདམ་ཆེ་བ་ས་ཁུལ་གཞུང་འབྲེལ་ཐོག་ཞིབ་བཤེར་ནན་པོ་བྱ་རྒྱུའི་ཚོགས་ཆུང་བཙུགས་ཡོད་པའི་གནས་ཚུལ་ཐོན་འདུག དེ་ཡང་ཕྱི་ལོ་ ༢༠༡༢ ཟླ་ ༣ ཚེས་ ༣ ཉིན་བསང་ཆུ་རྫོང་གཞུང་འབྲེལ་དྲ་ཚིགས་ཐོག་གནས་ཚུལ་སྤེལ་བར་གཞིག་ན། ཟླ་ ༣ ཚེས་ ༢ ཉིན་སྲིད་ཁྲིམས་ཨུ་ཡོན་ལྷན་ཁང་གི་ཚོགས་འདུ་ཚོགས་ཏེ་བསང་ཆུ་རྫོང་ནས་དུས་འཁོར་དབང་ཆེན་ལ་ཞུགས་ཏེ་ཕྱིར་ལོག་བྱེད་མཁན་རྣམས་ལ་ཆེད་དམིགས་བརྟག་དཔྱད་དོ་དམ་གྱི་ལས་དོན་སྤེལ་རྒྱུའི་གཏན་འབེབས་བྱས་ཡོད་འདུག Read the rest of this entry »

བྲག་མགོར་འབྱུང་བཞིན་པའི་ཛ་དྲག་གི་གནས་སྟངས།

འདི་གར་དཔལ་ལྡན་ལགས་ཀྱིས་བཏང་གནས་ནང་འཁོད་དོན། ཕྱི་ལོ་ ༢༠༡༢ ཟླ་ ༣ ཚེས་ ༢ ཉིན་གསར་ཏུ་ཤེས་རྟོགས་བྱུང་དོན་ལ་ད་སྐབས་བྲག་མགོ་རུ་རྒྱ་དམག་འབོར་ཆེན་འབྱོར་ནས་མང་ཚོགས་ལ་དམ་བསྒྲགས་ཤུགས་ཆེ་བྱས་དང་བྱེད་མུས་ཡིན་པ་མ་ཟད། ཁ་སྔོན་ཞི་རྒོལ་ནང་དུ་ཡོད་པ་རྣམས་འཛིན་བཟུང་བྱེད་མུས་ཡིན་འདུག དེང་སང་བོད་མི་རྣམས་གང་བྱུང་འགྲོ་འོང་མི་ཆོག་པ་དང་།
བྲག་མགོའི་རྫོང་གི་གཡས་གཡོན་དང་གཞུང་ལམ་གང་ས་ནས་དམག་གིས་བོད་མི་ལ་རྡུང་རྡེག་དང་། གང་བྱུང་འཛིན་བཟུང་བྱེད་པའི་བྱ་སྤྱོད་ངན་པ་སྤེལ་མུས་སུ་གནས་ཡོད་འདུག
ས་ཆ་མང་པོར་དམག་སྒར་བརྒྱབ་ཡོད་པ་མ་ཟད། བྲག་མགོ་དགོན་པའི་ནང་དུ་རྒྱལ་གཅེས་ཆོས་གཅེས་ཟེར་བའི་ཚོགས་འདུ་ཚོགས་ཏེ་དགོན་པའི་ལས་སྣེ་དང་མང་ཚོགས་ལ་དཀའ་ངལ་འཕྲད་བཞིན་ཡོད་འདུག དེ་ཡང་རྒྱ་དམག་གིས་བོད་མི་རྣམས་ལ་དྲི་བ་འདྲ་མིན་དྲིས་པ་སོགས་ལས་འགུལ་སྣ་ཚོགས་སྤེལ་ཡོད་ནའང། བོད་མི་དེ་དག་གིས་རྒྱ་གཞུང་ལ་མི་འདོད་པའི་རྣམ་འགྱུར་འདྲ་མིན་བསྟན་ནས་ཕན་ཚུན་གཉིས་དོགས་ཀྱིས་དཀའ་ཁག་ཆེ་རུ་གྱུར་ཡོད་འདུག Read the rest of this entry »

མཉམ་འབྲེལ་རྒྱལ་ཚོགས་ཀྱི་ལྷན་ཚོགས་ཐོག་བོད་དོན་གླེང་བ།

ཨ་རིའི་བོད་དོན་དམིགས་བསལ་འབྲེལ་འཐུད་སྐུ་ཚབས་ལྕམ་མ་རི་ཡ་ཨོ་ཊེ་རོ་ཡིས་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐོག བོད་ནང་གི་ད་ལྟའི་གནས་སྟངས་ཐོག་ཨ་རི་གཞུང་གིས་ཐུགས་ཚབས་ཆེན་པོ་གནང་གི་ཡོད་པའི་སྐོར་གསལ་སྟོན་གནང་ཡོད་འདུག
འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཁང་གི་ཚོགས་ཆེན་ཐེངས་བཅུ་དགུ་པ་དེ་བཞིན། ཕྱི་ཟླ་གཉིས་པའི་ཚེས་༢༧ནས་ཕྱི་ཟླ་གསུམ་པའི་ཚེས་༢༣བར་སུད་སི་གྲོང་ཁྱེར་ཇི་ནི་བའི་ནང་ཚོགས་བཞིན་ཡོད་པ་དང་། དེ་རིང་སྔ་དྲོ་ལྷན་ཚོགས་ཐོག་ཨ་རིའི་ཕྱི་སྲིད་ལས་ཁང་གི་དྲུང་ཆེ་ཕྱག་རོགས་དང་། བོད་དོན་དམིགས་བསལ་འབྲེལ་འཐུད་འགན་འཛིན་ལྕམ་མཱ་རི་ཡ་ཨོ་ཊེ་རོ་ཡིས་ལྷན་ཚོགས་ཐོག ཨ་རི་གཞུང་གིས་ཉེ་བའི་ཆར་བོད་ཀྱི་ཛ་དྲག་གནས་སྟངས་ཐོག་ཐུགས་ཚབས་ཆེན་པོ་ཡོད་པ་གསལ་སྟོན་གནང་སྟེ། འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཁང་གི་རྒྱ་ནག་ཚུད་པའི་ཚོགས་བཞུགས་ཡུལ་གྲུ་ཚང་མས་གཞི་རྩའི་འགྲོ་བ་མིའི་ཆོས་དད་རང་མོས་དང་། གྲངས་ཉུང་མི་རིགས་ཚུད་པའི་སྤྱི་འབངས་ཀྱིས་རང་ཉིད་ཀྱི་བསམ་ཚུལ་བཏོན་རྒྱུའི་ཐོབ་ཐང་ལ་བརྩི་ཀུར་ཞུ་དགོས་པ་དང་། རྒྱལ་ཁབ་གང་དྲ་ཞིག་ཡིན་ཡང་མི་སྒེར་གྱི་འགྲོ་བ་མིའི་ཐོབ་ཐང་དང་། ཁོང་ཚོས་རང་ཉིད་ཀྱི་ཐོབ་ཐང་རྩོད་ལེན་ལ་སྲུང་བརྩི་ཞུ་དགོས་པ་གསལ་སྟོན་གནང་ཡོད་འདུག
ཇི་ནི་ལྦའི་ནང་ཚུགས་བཞིན་པའི་འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཐོག སུད་སི་ནང་ཡོད་པའི་སྐུ་ཚབ་དོན་གཅོད་དང་དེ་བཞིན་དོན་གཅོད་ལས་ཁང་ནང་འགྲོ་བ་མིའི་ཐོབ་ཐང་སྐོར་ལ་ཕྱག་ལས་གནང་མཁན་གྱི་ལས་བྱེད་ཡང་ལྷན་ཚོགས་ཐོག་ཚོགས་བཞུགས་གནང་ཡོད་འདུག། Read the rest of this entry »

ངོ་དེབ་ནང་གི་བོད་དོན་གླེང་མོལ།

གཅན་བཟོད་རྒྱམ།

ངོ་དེབ་ནང་གི་བོད་དོན་གླེང་མོལ། ཁ་སང་དེ་རིང་བོད་ནང་གི་རང་སྲོག་བློས་བཏང་གིས་རང་ལུས་མེར་བསྲེགས་ཀྱི་ཌྷས་འགུལ་དང་འབྲེལ་ནས་བོད་ཕྱི་ནས་ཀྱང་ཆེ་ཆུང་ལ་མ་བལྟས་པར་གང་ཐུབ་ཅི་ནུས་ཀྱིས་ལས་འགུལ་འདྲ་མིན་སྤེལ་དང་སྤེལ་བཞིན་འདུག་མོད། དཔྱད་བརྗོད་པ་ཡིན་པར་རློམ་མཁན་གང་མང་ཞིག་གིས་དྲ་ཐོག་དང་གསར་ལམ་འདྲ་མིན་ལས་བོད་ནང་གི་ལས་འགུལ་གྱི་ཁ་ཕྱོགས་དང་དགོས་འདུན། ཁེ་ཕན་དང་མཇུག་འབྲས་སོགས་ལ་དཔྱད་གཏམ་སྤེལ་བཞིན་པར་མ་ཟད། བོད་ཕྱི་ནས་བོད་ཀྱི་གཞོན་ནུ་ལྷན་ཚོགས་ཀྱིས་གཙོས་བོད་གཞུང་དམངས་གང་ཐད་ནས་ལས་འགུལ་སྤེལ་བ་དང་རྒྱལ་ཚོགས་སོགས་ཕྱི་རྒྱལ་ཚོགས་སྡེ་ཀག་ལ་སྙན་ཞུ་རབས་རིམ་འབུལ་བ་སོགས་ཀྱི་སྐོར་དགོས་དམིགས་དང་ཕན་འབྲས་གང་ཅི་ཡོད་སོགས་ལ་རང་རང་གི་བསམ་ཚུལ་མང་དུ་གསུངས་དང་གསུང་བཞིན་འདུག སྐབས་འདི་འདྲ་ཞིག་དྲ་ཐོག་གང་ས་ནས་མི་ཆེ་ཆུང་དང་མཐོ་དམའ་སུ་ཞིག་གིས་སྐད་ཆ་བསད་ཀྱང་ཡན་པོར་མི་གཏོང་བའི་ཁར། མཐོ་ལ་དམའ་འབེབས་དང་དམའ་ལ་ཁྱད་གསོད་བྱེད་ཅིང་། དཔྱད་གཏམ་ལ་དཔྱད་གཏམ་སྤེལ་མཁན་ཇེ་མང་ནས་ཇེ་མང་དུ་འགྲོ་བཞིན་འདུག་ལ། དྲ་ཐོག་གང་ས་ནས་སྐད་ཆ་དང་ཡི་གེ་གང་དང་ཅི་བྲིས་པ་དགག་རྒྱག་ཚ་ཐག་ཆོད་རེ་དང་ཚིག་ངན་གཉིད་མི་ཡོང་བ་རེ་བཤད་གང་ཐུབ་ཅི་ཐུབ་བྱེད་བཞིན་འདུག Read the rest of this entry »

མི་དམངས་ཁྲིམས་ཁང་གི་ཁང་རྒྱབ་ཏུ་འབར་རྫས་བཞག་པ།


རྫ་ཚེ་རིང་བཀྲ་ཤིས།
དེ་རིང་ངས་དྲ་གྲོགས་ཚོར་དགོད་གཏམ་ལྟ་བུའི་དོན་དངོས་ཀྱི་གཏམ་རྒྱུད་ཅིག་བཤད། ཁར་རྩང་ངས་བོད་ནང་ལ་གླེང་མོལ་བྱེད་སྐབས་ཤིག་ལ་གྲོགས་པོས་ང་ལ་གསུམ་བཅུའི་དུས་དྲན་གྱི་མིང་གི་ཐོགས་སྟངས་ལས་འཕྲོས་པའི་དྲི་བ་སྐོར་ཞིག་དྲིས་སོང་། སྐབས་དེར་གྲོགས་པོ་གཉིས་པས་ཁོ་ལ། ཁྱེད་རང་གིས་གསུམ་བཅུའི་དུས་དྲན་སྐོར་དྲིས་ནས་ཡར་ལངས་བྱེད་རྩིས་མེད་པཱ། ཞེས་ཁ་མཚར་རྩེས་བྱུང་། མཚམས་དེར་ངས་ཀྱང་ཁ་སྣོན་གྱི་ཚུར་དུ། འགྲིག་གི་རེད། ཁྱེད་རང་ཉིན་དེར་ཁང་པའི་ནང་དུ་ཡར་འཛུལ་ནས་སྒོ་བརྟན་པོ་ཞིག་བརྒྱབ་རྗེས་ཁ་སྦུགས་ལ་འཁོར་ནས་བོད་རང་བཙན་ཞེས་སྐད་ཅིག་བརྒྱབ་ན་སྐབས་འབོད་མ་བྱས་ཟེར་ཡ་མེད་པ་ཞིག་ཆགས་ཀྱི་རེད་པཱ། ཞེས་ལབ་པ་ཡིན། སྐབས་དེར་ཁོང་གིས་གཤམ་གྱི་ཁ་བརྡ་འདི་བཤད་བྱུང་། Read the rest of this entry »

ཉི་འོད།

(དེ་སྔ་ནོ་པེལ་ཨར་རྩོམ་རིག་བྱ་དགའ་ཐོབ་མྱོང་བའི་སྙན་ཚིག་ཅིག)
རྩོམ་མཁན་མི་གསལ། ན་བུན་གྱིས་བསྒྱུར།

ཉི་ཤར་གྱི་དུས་དེ་ནས། བདག་གིས།
ལམ་ཕྲན་གྱི་གོས་དཀར་རྡོག་པས་བརྫིས་བཞིན། ཁྱེད་རང་བཙལ།
ཁྱེད། གྲིབ་གཟུགས་ཀྱི་གཡབ་མོའང་མེད་པར།
ལྷོ་རྒྱུད་ཀྱི་སྤྲིན་གསེབ་བརྒྱུད། ཤར་ལྷོ་ནས་ཁད་ཀྱིས་འཚེར།

གསོལ་ཚིགས་ཀྱི་དུས་སུ།
བདག གཏན་ནས་སད་མ་མྱོང་བའི་སྔ་རོལ་གྱི།
ཁྱེད་ཀྱི་གསེར་མདོག་གི་ཀུ་ཤུ་ལྟ་བུའི་བཞིན་མདངས་དེ་དཔྱངས་ནས།
མུན་པའི་མཁའ་དབྱིངས་འོད་ཀྱིས་སྦར་བའི་སྙིང་རུས་བསྐྱེད་པ།
བདག་གིས། འཕྲུལ་སྣང་དེ་སློང་མོ་བྱས་ཚུལ་ལགས། Read the rest of this entry »