༼རང་རེའི་བོད་ཀྱི་རྒྱལ་གཅེས་དཔའ་བོ་དཔའ་མོ་ཚོ་ལ་རྗེས་དྲན་ཆེད་དུ་བྲིས་པ།༽
ཚྭ་རུ་མ་ཐབས་མཁས་ཀྱིས་བྲིས།
༡༽ ཁ་སང་།
སྐྱེས་པ་རླབས་ཆེ་ཞིང་འཆི་བ་ལ་གཟི་བརྗིད་ལྡན་ཞེས་པ་ལྟར་ང་ཚོའི་ཕ་ས་ཕ་ཡུལ་ན། མཚམས་འཇོག་མེད་པར་རྒྱུན་མཐུད་དུ་འབར་བཞིན་པའི་མེ་ལྕེ་འདི་དག་བུད་ཤིང་དང་། འབར་སྣུམ་སོགས་ལས་བྱུང་བ་མིན་པར་འདི་དག་ནི། ཕུང་ལྔའི་ཚོགས་ཙམ་ཉིད་དུ་གྲུབ་པའི་རང་རེའི་བོད་མི་ཚོའི་ཤ་ཁྲག་རུས་གསུམ་ཚག་སེར་བསྒྲོན་པ་དང་། ལྷམ་སེར་འབར་བའི་མེ་ལྕེ་ཏག་ཏག་ཡིན་པ་ང་ཚོས་ངེས་པར་དུ་ཤེས་དགོས། ཐེ་ཚོམ་དང་མཚམས་འཇོག་མེད་པར་ལོ་ཟླ་ཉིན་སྦྲེལ་ངང་ང་ཚོའི་ཕ་ཡུལ་གྱི་རྒྱལ་གཅེས་དཔའ་བོ་དཔའ་མོ་ཚོས་འདི་ལྟར་རང་རང་གི་གཅེས་སྲོག་དམར་པོ་ང་ཚོའི་རྒྱལ་ཁབ་དང་མི་རིགས་ཀྱི་ཆེད་དུ་ཕུལ་དང་འབུལ་བཞིན་པ་ནི། ང་ཚོ་བཙན་བྱོལ་ཕྱི་ཡུལ་ན་ཡོད་པའི་སྒེར་དོན་དང་། རང་གཅེས་ལ་འཇོན་པའི་བོད་པ་ཚོར་ཁ་བཤད་དོན་ཐོག་ཏུ་ལག་བསྟར་དགོས་པའི་ལམ་སྟོན་དང་སྣེ་ཁྲིད་གནངས་པ་ཞིག་ཡིན་ཞིང་། རང་དོན་ལས་གཞན་དོན་དང་སྒེར་ལས་སྤྱི་གཙོ་བོར་འཛིན་པའི་ཀུན་སྤྱོད་རྣམ་དག་དགོས་པའི་མིག་དཔེ་གསོན་པོ་ཞིག་ཀྱང་གསར་བཏོད་གནང་བཞིན་པ་རེད།
དེ་ལས་མང་བ་། ““སྐྱེས་པ་རླབས་ཆེ་ཞིང་འཆི་བ་ལ་གཟི་བརྗིད་ལྡན།”” »