ཁ་བརྡ།

ཁ་བརྡ།

Archive for February 10th, 2012


བོད་ནང་གི་རང་ལུས་མེར་བསྲེག་གི་གནད་དོན་ལ་གྲོས་ཆོད་ཅིག་བཞག་ཡོད།


རྨ་མགུར་སངས་རྒྱམ།

ཨ་རིའི་རྦེར་ཁེ་ལེལ་གྲོང་ཁྱེར་འཐུས་མི་ལྷན་ཚོགས་ཀྱིས་སྤྱི་མོས་ཀྱི་སྒོ་ནས་བོད་ནང་གི་རང་ལུས་མེར་བསྲེག་གི་གནད་དོན་དུ་གྱུར་བའི་སྔོན་ཆད་བྱུང་མ་མྱུང་བའི་ངོ་རྒོལ་ལས་འགུལ་དེ་ལ་གྲོས་ཆོད་གསར་བ་ཞིག་བཞག་ཡོད་པ་རེད། དེ་ཡང་ཨ་རིའི་ཁ་ལི་ཧྥོར་ནི་ཡའི་སློབ་གྲྭ་ཆེན་མོའི་སློབ་མ་རབ་འབྱམས་པ་ཞིག་དང་ས་གནས་དེའི་ཞི་བདེ་དང་དྲང་བདེན་ལྷན་ཁང་གི་དྲུང་ཆེ་ལགས་གཉིས་ཀྱིས་འབད་བརྩོན་གནང་བ་དང་མཉམ་ལས་ཀྱི་སྒོ་ནས་བོད་ནང་གི་རང་ལུས་མེར་བསྲེག་གི་ལས་འགུལ་ལ་ལན་འདེབས་ཀྱི་ཚུལ་དུ་རྦེར་ཁེ་ལེལ་གྲོང་ཁྱེར་འཐུས་མི་ལྷན་ཚོགས་ལ་ལེགས་འབུལ་གནང་བའི་འཆར་ཟིན་དེ་ལ་རྦེར་ཁེ་ལེལ་གྲོང་ཁྱེར་འཐུས་མི་ལྷན་ཚོགས་ཀྱི་ཚོགས་འདུའི་ཐོག་ཏུ་ཚོགས་མི་ཡོངས་ཀྱིས་ཁྲིམས་ཞིག་གི་ངོ་བོར་གྲོས་ཆོད་གཏན་འབེབས་གནང་བ་རེད། Read the rest of this entry »

སྐུ་སྲོག་གི་སྒྲོན་མེ་དང་མར་མེ་ཁྲོམ་སྐོར།

འབའ་སྲས།

བོད་ནང་དུ་གནས་ཚུལ་ཆེ་མ་ཆུང་གསུམ་ལྔ་བཅུ་ལོ་གྲངས་ཤིག་ནས་དེ་རིང་བར་དུ་གཅིག་འཕྲོའི་གཅིག་ལ་བྱུང་ཡོད། གཅིག་འཕྲོའི་གཅིག་ལ་བྱུང་བའི་གནས་ཚུལ་འདི་དག་གི་གསེང་ན་མི་རིགས་ཤིག་གི་བདེ་སྡུག་དང་། མི་རིགས་ཤིག་གི་རང་དབང་། མི་རིགས་ཤིག་ཐོབ་ཐང་། མདོར་ན་མཐོ་སྒང་བོད་པ་ཚང་གི་ཅི་ཡང་འདུས་ཡོད། མཐོ་སྒང་བོད་པ་ཚང་གི་ཆེད་དུ་བོད་ནང་དུ་རྒྱུན་མ་ཆད་པའི་ལས་སྒོ་སྣ་མང་དེ་རིང་བར་དུ་འདི་ལྟར་སྤེལ་སོང་། Read the rest of this entry »

གཞིས་སྒར་ཁག་ལྔ་མཉམ་འབྲེལ་གྱིས་རྔམ་སྟོན།

གསར་འགྱུར་གཏོང་མཁན་། ཨ་མདོ་གཡང་འཛོམས།

བཙན་བྱོལ་བོད་མིའི་སྒྲིག་འཛུགས་བཀའ་སྤྱི་གཉིས་ཀྱིས་གསལ་བསྒྲགས་བསྐྱངས་པ་བཞིན། ཁ་སང་ཕྱི་ཚེས་ ༨ རེས་གཟའ་ལྷག་པའི་ཉིན་རྒྱ་ གར་བྱང་ཤར་ཁུལ་གྱི་ར་ཝང་ལ་བོད་མིའི་གཞིས་སྒར་དང་། སྒང་ཏོག་བོད་མིའི་གཞིས་ སྒར། ཀ་སྦུག་བོད་མིའི་གཞིས་སྒར། རྡོར་གླིང་བོད་མི་གཞིས་སྒར། བསོད་ནམས་དར་ བོད་མི་གཞིས་སྒར་ཁག་ལྔའི་ས་གནས་གཞིས་མགོ་བདེ་དོན་རྣམས་ཀྱིས་སྣེ་ཁྲིད་འོག་ བོད་མི་ཉིས་སྟོང་ལྷག་ནུབ་བྷང་གྷལ་ཁོངས་ཀྱི་ཤི་རི་ཀོ་རིའི་རྡོར་གླིང་དཀྱོག་ནས་ གྲོང་ཁྱེར་ཁྲིམས་ཁང་བར་རྔམ་སྟོན་གྱི་ལས་འགུལ་ཞིག་སྤེལ་ཡོད་པ་དང་། ལས་འགུལ་ ཁྲོད་བོད་ནང་རང་ལུས་མེར་སྲེག་ཟིན་པའི་དཔའ་བོ་དཔའ་མོ་རྣམས་ཀྱི་གཤིན་པོའི་ དུར་སྒམ་ལ་རྒྱལ་དར་གཡོག་ཅིང་ཁ་རས་ནག་པོ་བརྒྱབ་སྟེ་ཁྲོམ་སྐོར་དང་ཆབས་ ཅིག  བོད་ནང་གི་ཛ་དྲག་གནས་བབ་དབྱིན་བལ་ཧིན་གསུམ་གྱི་སྐད་རིགས་གསུམ་ཐོག་ བསྒྱུར་ནས་ཡུལ་མིར་འགྲེམས་སྤེལ།  Read the rest of this entry »

རྒྱ་ནག་གཞུང་། ཏཱ་ལའི་བླ་མ་ཁ་བྲལ་བ་ཞིག་མ་རེད།


དེ་རིང་སྔ་དྲོ་ཆུ་ཚོད་ ༡༡།༣༠ ཐོག་ལྷོ་ཨ་ཕི་རི་ཀའི་ཡི་ཤུའི་བླ་ཆེན་སྐུ་ཞབས་དྲི་བྲལ་མཆོག་བཞུགས་སྒར་དུ་༧གོང་ས་མཆོག་ལ་འཚམས་འདྲི་བརྒྱུད་ད་ལྟའི་བོད་ནང་གི་གནས་སྟངས་ཆེད་གདུང་སེམས་མཉམ་བསྐྱེད་དུ་ཆེད་ཕེབས་གནང་བ་དང་། ༧གོང་ས་མཆོག་སྐུ་དངོས་གནམ་ཐང་དུ་ཕེབས་བསུར་བཅར་སྟེ་བསུ་བ་བྱས་ཤིང་། དགའ་ལྡན་ཕོ་བྲང་ཡིག་ཚང་གིས་ཐེག་ཆེན་ཆོས་གླིང་གཙུག་ལག་ཁང་གི་ཆོས་རྭར་མཛད་སྒོ་གཟབ་རྒྱས་ཤིག་བསྡུས་བའི་སར། ༧གོང་ས་མཆོག་དང་སྐུ་ཞབས་དྲི་བྲལ་གཏན་ཞལ་ལྷན་རྒྱས་དགྱེས་འཛོམས་ཐོག རྡ་སའི་བོད་མི་སྟོང་ཕྲག་མང་པོས་དགའ་བསུ་གཟབ་རྒྱས་ཞུས་པའི་འདུ་འཛོམས་སར་༧གོང་ས་མཆོག་གིས་སྐུ་ཞབས་དྲི་བྲལ་གྱི་མཛད་རྗེས་དང་ཁོང་དང་ཐུགས་འདྲིས་བྱུང་ཚུལ་ནན་བཤད་གནང་། དེའི་རྗེས་སྐུ་ཞབས་དྲི་བྲལ་མཆོག་གིས་ཡིད་འགུལ་ཐེབས་པའི་ངང་གསུང་བཤད་གནང་དོན། Read the rest of this entry »

གསེར་རྟའི་མི ༣ གྱི་མེར་བསྲེགས་རྫུན་བསྒྲགས་ཀྱི་ཇུས་འགོད་པ་རྒྱ་ནག་གཞུང་རེད།

མདོ་སྨད་སྤྱི་ཟུར་གསེར་རྟ་ཚུལ་ཁྲིམས་འོད་ཟེར།

ཟླ་འདིའི་ཚེས ༣ ཉིན་མདོ་སྨད་གསེར་རྟར་མི་གསུམ་གྱིས་རང་ལུས་མེར་བསྲེགས་བཏང་བའི་གནས་ཚུལ་དེ་བཞིན་དངོས་གནས་ཡིན་མིན་ཐད། ཟླ་སྔོན་མའི་ཚེས ༢༤ ཉིན་གྱི་ཞི་བའི་ངོ་རྒོལ་ལ་རྒྱ་ནག་གཞུང་གིས་ཁྲག་དྲི་བྲོ་བའི་དྲག་གནོན་དང་བརྒྱུད་ལམ་སོགས་གཏན་འགོག་གིས་ཞིབ་རྩད་བྱ་ཐབས་བྲལ་ཡང་། ཕྱི་ཚེས ༨ ཉིན་ས་གནས་གསེར་རྟའི་མི་རེ་ཟུང་ལ་འབྲེལ་གཏུག་སྐབས་དོགས་གཞིར་གྱུར་སྟེ་གསལ་བསྒྲགས་སྔོན་སོང་ལྟར། ཁ་སང་ཕྱི་ཚེས ༩ ཉིན་མེར་བསྲེགས་གཏོང་མཁན་དུ་མིང་འཁོད་གཉིས་ལ་དངོས་སུ་འབྲེལ་གཏུག་ཐུབ་སོང་ན། རྒྱ་ནག་གཞུང་གིས་ཆེད་བཟོས་རྒྱུད་ལམ་གང་རུང་ཞིག་སྤྱད་ནས་མེར་བསྲེགས་ལས་འགུལ་ཐད་ཀྱི་ཕྱི་ཕྱོགས་ཀྱི་ཁྱབ་བསྒྲགས་ནུས་མེད་དུ་གཏོང་ཐུབ་ཁོ་ན་རེད་འདུག་པས། མེར་བསྲེགས་རྫུན་བཟོའི་སྐོར་གྱི་ཞྭ་མོ་དེ་བཞིན་རྒྱ་ནག་གཞུང་རང་གིས་བཞེས་དགོས་པ་ཆགས་ཀྱི་འདུག་པས་ཐ་ཚིག་ནན་བསྒྲགས་སུ།

མཐར་ཐུག་གི་ཏཱ་ལའི་བླ་མ། དགེ་སྦྱོང་སེར་མོ་བ་ཞིག་གིས་གུང་ཁྲན་དབང་ཤུགས་ལ་གདོང་ལེན་བྱེད་པའི་རྟོག་སྒྲུང་དང་བསམ་བློ

སྐར་ཁུང་རྩོམ་སྒྱུར་ཚོགས་ཆུང་གིས།
མ་ཡིག་ལ་འདི་ནས་གཟིགས།
རྩོམ་པ་པོ། ཨེན་ཆིས།

འཛམ་གླིང་འདིའི་སྒང་ལ། ཕྱག་གསུམ་འཚལ་ཏེ་དཀོན་མཆོག་གསུམ་པོར་སྐྱབས་བཅོལ་དང་གསོལ་བ་འདེབས་པའི་མི་རིགས་ནི་བོད་རིགས་ཁོ་ན་ལས་མེད། འདི་ལྟར་ཆོས་ལུགས་ལ་དད་གུས་ལྡན་པའི་མི་རིགས་ཤིག་ལ། དེང་རབས་ཀྱི་རང་བཞིན་དང་ཁྱད་ཆོས་ལྡན་པའི་ཏཱ་ལའི་བླ་མ་དེ་ཉིད་བྱུང་པ་རེད། འདི་ནི་ཏཱ་ལའི་བླ་མའི་ངོ་མཚར་གྱི་མཛད་རྗེས་ཁོ་ན་ཞིག་ག་ལ་ཡིན། སྤྱི་ལོ༢༠༡༡ཟླ༨པའི་ནང་། ཏཱ་ལིའི་བླ་མས་ཆབ་སྲིད་ཀྱི་ཐུགས་འགན་མི་བཞེས་རྒྱུ་གསལ་བསྒྲགས་བྱས་པ་དང་། དུས་དེ་ནསཆོས་སྲིད་གཉིས་ཐ་དད་དུ་གྱུར་པ་རེད་ལ། འདིས་ཀྱང་ལོ་ངོ་བརྒྱ་ཕྲག་མང་པོར་ཆོས་སྲིད་ཟུང་འབྲེལ་གྱི་ཏཱ་ལའི་བླ་མའི་ལམ་ལུགས་དེ་ཉིད་དེ་ནས་མཇུག་སྒྲིལ་པར་མཚོན་ཐུབ་ཀྱི་ཡོད་པ་ དང་། བཙན་བྱོལ་བོད་གཞུང་གི་མང་གཙོ་སྒྲོམ་གཞི་དེ་ཉིད་ཆ་ཚང་ཞིག་འགྲུབ་ཡོད་པ་རེད། Read the rest of this entry »

མེ་ལྕེ།

མེ་སཱོར་ཁྲིམས་ལུགས་སློབ་མ་བློ་བཟང་གྲགས་པ།

< གཅིག>
ཁ་བ་ཆེས་མཐུག་ས་ནས
གནམ་གཤིས་ཆེས་གྲང་ས་ནས
ལོ་རྒྱུས་ཀྱི་དྲག་རླུང་འཚུབ་ཞིང་།
ཐལ་རྡུལ་གྱིས་རི་ལུང་བཀང།
ད་དུང་ས་གཞི་ཡོངས་སུ་དམར་མདོག་ཏུ་བསྒྱུར་དུས།
ཁྲག་རྣག་གི་བང་རིམ་བརྟུལ་ཏེ།
བཟོད་སྒོམ་གྱི་སྒང་བུ་འཐོར་ནས།
མེ་ལྕེ་ཞིག་ཆེས་གྲང་ས་ནས་འབུད་དུ་ཐོན།
མེ་ལྕེ་དེ་ཆེས་ཚ་ས་རུ་འབར་རུ་སོང་། Read the rest of this entry »

ཨ་རིའི་བྷོས་ཊོན་ (Boston) ཧར་ཝཊ་བཞི་འཛོམས་ (Harvard Square Pit) དུ་ཟས་བཅད་ངོ་རྒོལ་དང་མར་མེ་ཁྲོམ་འཁོར་གྱི་ལས་འགུལ་བརྩམས་སོང་།

ཁ་སང་ཕྱི་ཚེས་ ༨ ཉིན་འདི་ག་བྱང་ཨ་རིའི་ས་གནས་བྷོས་ཊོན་ (Boston) ཧར་ཝཊ་བཞི་འཛོམ་ (Harvard Square Pit) དུ་ཟས་བཅད་ངོ་རྒོལ་དང་མར་མེ་ཁྲོམ་འཁོར་གྱི་ལས་འགུལ་བརྩམས་སོང་།
དེ་ཉིན་མི་གྲངས་བཅུས་ཆུ་ཚོད་ ༡༢ རིང་སྔ་གྲོ་ཆུ་ཚོད་ ༨ ནས་དགོང་གྲོའི་ ༨ བར་ཟས་བཅད་ངོ་རྒོལ་དང་རིམ་བཞིན་ཟས་བཅད་ནང་འཛུལ་བཞུགས་གནང་མཁན་གཅིག་འཇུག་གཉིས་འཐུད་ཀྱིས་མི་གྲངས་ཉི་ཤུ་འགལ་བས་ལས་འགུལ་ནང་འཛུལ་བཞུགས་གནང་སོང་། དེ་ནས་དགོང་གྲོའི་ཆུ་ཚོད་ ༣ པ་དང་ ༤ པ་ཙམ་ནས་ས་གནས་མི་མང་རྣམས་འཛོམ་སྒོ་ཚུགས་ཏེ་འཁྱོན་སྡོམ་མི་གྲངས་ཉི་བརྒྱ་འགལ་བས་མར་མེ་འཁྲོམ་བསྐོར་རིང་༧རྒྱལ་བའི་ཞབས་བརྟེན་བདེན་ཚིག་སྨོན་ལམ་སྒྲོལ་མ་མཎི་སོགས་གསོགས་སྒྲུབ་གནང་། གཞན་ཡང་གཞོན་སྐྱེས་ཁ་ཤས་ཤིག་གིས་གཏམ་བརྗོད་ཀྱི་ལམ་ནས་བོད་ནང་ཞི་བའི་ངོ་རྒོལ་བ་ཚོར་འཛིན་བཟུང་བརྡུང་རྡེག་
གཏོང་བཞིན་པའི་འཁྲབ་སྟོན་དང་། འཁྲབ་སྟོན་གྱི་འབྲེལ་བཤད་སོགས་སྐད་གསང་གོ་བདེའི་ངང་འབྲེལ་བརྗོད་གནང་རྗེས་བདེན་ཚིག་སྨོན་ལམ། Read the rest of this entry »

ཧྥ་རན་སི་དང་བོད་རིགས་ཚོགས་པའི་འབོད་སྒྲ།

ནམ་མཁའ་།

དེ་རིང་༨/༢/༢༠༡༢རེད། བཀའ་ཤག་གིས་ཡོངས་ཁྱབ་གསལ་བསྒྲགས་སུ་དེ་རིང་གི་ཉིན་འདིར་ཕྱི་སྡོད་བོད་མི་ཡོངས་ཀྱིས་གཅིག་གྱུར་གྱིས་ཞི་རྒོལ་བྱེད་དགོས་བའི་བཀའ་ཁྱབ་བདུན་ཕྲག་འགའི་སྔོན་བཏང་། དེ་བཞིན་ཧྥུ་རན་སི་གནས་སྡོད་བོད་མི་ཚོས་ཀྱང་ཉིན་གུང་རྒྱབ་ཀྱི་ཆུ་ཚོད་གསུམ་པ་ནས་ལུང་པ་འདིའི་གྲོས་ཚོགས་ཀྱི་མདུན་ནས་འགོ་འཛུགས་བྱས། སྐད་འབོད་འདི་ནི་དམིགས་བསལ་ཞིག་ཁྱད་པར་ཅན་ཞིག་མིན་ན་ཡང་། དེ་རིང་བོད་ནང་གི་གནས་སྟངས་ལ་གཞིགས་ན་ཁྱད་པར་ཅན་ཞིག་རེད་ལབ་ན་མ་འགྲིགས་པ་མི་འདུག་སྙམ། གང་ལྟར་ཡང་། ལུང་པ་འདིར་ཡོད་པའི་བོད་པའི་གྲངས་ཀ་གསལ་བོ་མི་ཤེས་ཀྱང་བཤད་ཚུལ་ལ་ཆིག་སྟོང་ལྔ་བརྒྱ་ཙམ་ཡོད་པར་བརྗོད་ཀྱི་འདུག ཡིན་ཡང་དེ་རིང་འདིར་སླེབས་པའི་བོད་རིགས་༡༥༠ཡས་མས་ཞིག་ལས་མི་འདུག་མོད།འོན་ཀྱང་ཕྱི་རྒྱལ་ལུང་པ་མང་ཤོས་ལ་རང་དབང་ཆེན་པོ་ཡོད་ཀྱང་ཆུ་ཚོད་ཀྱི་རང་དབང་ནི་དཀོན་པོ་རེད། དེའི་རྐྱེན་བོད་མི་མང་པོ་ཞིག་ལས་བྲེལ་གྱིས་ཡོང་མ་ཐུབ་པ་འདྲ། ཡིན་ཡང་ཕྱོགས་གཞན་ཞིག་ནས་བསམ་བློ་བཏང་ན་གཞི་སྡོད་བོད་མི་ཚོས་རང་སྲོག་འབེན་དུ་བཞག་ནས་ཞི་རྒོལ་བྱེད་བཞིན་པ་འདིར་ལྟོས་ན་རང་དབང་ལུང་པའི་ཞི་རྒོལ་ལ་ཆུ་ཚོད་ཁ་ཤས་དང་ཉིན་གཅིག་གི་གླ་ཕོག་བློས་གཏོང་ཐུབ་དགོས་བ་བསམ་བློ་གཏོང་མི་དགོས་བར་བཤད་ཐུབ། Read the rest of this entry »

མང་རའི་ཐར་ཤུལ་དགོན་དམག་མིས་བསྐོར་འདུག་ཟེར།

རྒྱ་མཚོས།
ཁ་སང་བོད་ནས་འབྱོར་གནས་ཚུལ་ལྟར་ན། མདོ་སྨད་ཆབ་ཆའི་ཁོངས་གཏོགས་མང་ར་རྫོང་དུ་རྒྱ་རྩིས་ཀྱི་ཚེས་༡༣ནས་༡༧བར་རྒྱ་སྐོར་ཁྲི་ཉི་ཤུ་ལྷག་གི་འགྲོ་སོང་བཏང་སྟེ་ས་གནས་མང་ཚོགས་རྣམས་བསྡུ་བསྐོང་གིས་ལོ་གསར་དང་འབྲེལ་བའི་སྤྲོ་ཚོགས་ཆེན་པོ་ཞིག་འཚོག་དགོས་ཞེས་ས་གནས་རྫོང་གིས་བཀོད་ཁྱབ་བཏང་བའི་སྐབས་སུ། ཐར་ཤུལ་དགོན་པའི་སྲང་བར་དུ་དེང་སྐབས་བོད་ཀྱི་གནས་གནས་ཡ་ང་བའི་ཛ་དྲག་གི་དུས་སྐབས་ཤིག་ལ་བསླེབས་ཡོད་པས། ས་གནས་བོད་རིགས་སུ་གཅིག་རྫོང་ཐོག་ཏུ་སོང་ནས་སྤྲོ་སྟོན་ལ་རོལ་ན་མི་འགྲིག་པའི་སྐོར་གྱི་སྦྱར་ཡིག་ཅིག་ཐོན་པས། ཕྱི་ཉིན་ནས་བཟུང་རྫོང་གི་དྲག་ཆས་ཉེན་རྟོག་པའི་རླངས་འཁོར་དྲུག་དགོན་པར་བསླེབས་ཏེ་དགོན་པ་བསྐོར་བ་དང་། གྲྭ་པ་རེ་རེ་བཞིན་མེས་རྒྱལ་གཅིག་གྱུར་དང་ཁ་བྲལ་ལ་ངོ་རྒོལ་སོགས་འཁོད་པའི་ཡིག་ཆ་ཞིག་ལ་མཛུབ་རྟགས་རྒྱག་ཏུ་འཇུག་གི་ཡོད་འདུག་ལ། གྲྭ་པ་སུ་ཡང་དགོན་པའི་ཕྱི་རོལ་ཏུ་སོང་ན་མི་ཆོག་པའི་ཉེན་བརྡ་ཡང་བཏང་ཡོད་འདུག ད་དུང་དགོན་པའི་གོས་སྐུ་བཤམས་མི་ཆོག་ཟེར་ནས་བཙན་བཀའ་བཏང་འདུག་ཀྱང་། དགེ་བསྐོས་ཀྱིས་འདི་ང་ཚོས་རྒྱུན་སྲོལ་ཡིན་པས་བཤམ་གྱི་ཡིན་ཟེར་ནས་བཤམས་འདུག་ཟེར།