གསར་འགོད་གསལ་བསྒྲགས།
ཕྱི་ལོ་ ༢༠༡༡ ཟླ་ ༡༢ ཚེས་ ༡༤ རེས་གཟའ་ལྷག་པའི་དགོང་མོ་ཟི་ཁྲོན་ཞིང་ཆེན་གྱི་རྒྱལ་ས་ཁྲིན་ཏུའི་ནང་རྟེན་ གཞི་བྱས་པའི་ལྕགས་ལམ་བཟོ་སྐྲུན་ཆེད་ལས་འབྲིང་རིམ་སློབ་གྲྭའི་ནང་། བོད་རིགས་སློབ་མ་དང་རྒྱ་རིགས་སློབ་མའི་བར་འཁྲུག་འཛིང་ཤོར་བའི་གནས་ཚུལ་ལྷག་ པར་བཙན་བྱོལ་བོད་མིའི་སྒྲིག་འཛུགས་ལ་ཧ་ཅང་སེམས་འཚབ་དང་བློ་ཕམ་ཆེན་པོ་བྱུང། སྐབས་དེར་རྒྱ་རིགས་སློབ་མ་གྲངས་ ༣༠༠༠ ཙམ་གྱིས་བོད་རིགས་སློབ་མ་ ༡༠༠ ཙམ་ལ་རྒོལ་འཛིང་བྱས་རྐྱེན་བོད་རིགས་སློབ་མ་འགའ་ཤས་ལ་རྨས་སྐྱོན་ཚབས་ཆེ་ཕོག་ སྟེ་སྨན་ཁང་དུ་ལུས་པའི་གནས་ཚུལ་ཐོན་འདུག སྟབས་མ་ལེགས་པ་ཞིག་ལ་ཐེངས་འདིའི་ཁྲིན་ཏུའི་ས་ཁུལ་ནང་བོད་རྒྱ་མི་རིགས་གཉིས་ ཀྱི་སློབ་མའི་དབར་འཁོན་རྩོད་ཀྱི་དཀའ་ངལ་བྱུང་བ་དེ་ཐོག་མ་ཆགས་མེད། ཨེ་ཤི་ཡ་རང་དབང་རླུང་འཕྲིན་གྱི་རྒྱ་སྐད་ཚན་པས་གནས་ཚུལ་སྤེལ་བར་གཞིགས་ན་གནས་ ཚུལ་དེ་མཚུངས་ཕྱི་ལོ་ ༢༠༡༠ ནང་ཐེངས་གཉིས་ཙམ་བཟོ་སྐྲུན་མཐོ་སློབ་གཞན་ཞིག་གི་ནང་དུ་བྱུང་ཡོད།
དེ་ལས་མང་བ་། “བཀའ་ཤག་གི་བོད་མིའི་འཐབ་རྩོད་དེ་རྒྱ་ནག་ལ་ངོ་རྒོལ་བྱ་རྒྱུ་ཞིག་མིན་ཟེར།” »