ཀླུ་སྨྱོན།
ཡབ་ལ་རེ་བ་རུམ་གང་ཡོད། །
ཡུམ་ལ་རྨི་ལམ་པང་གང་ཡོད། །
གཉིས་ཀར་བརྩེ་བ་ཁྱིམ་གང་ཡོད། །
འབྲོག་ཁྱིམ་སྟོང་གི་བསྡུས་གཟུགས་རེད། །
ལྷ་ལ་ལུང་བསྟན་རྫོགས་མེད་ཡོད། །
མི་ལ་འདོད་པ་ངོམས་མེད་ཡོད། །
ལྷ་མིའི་རེ་བ་དེ་རིང་འགྲུབ། །
རྟེན་འབྲེལ་སྟོང་གི་བསྡུས་གཟུགས་རེད། །
ཁོག་ལ་ཉར་ན་བདེ་སྣང་སྐྱེས། །
ལྟེ་ཁྲག་འཐོར་ན་སྡོང་བོ་སྐྱེས། །
བྱིས་པ་ཕལ་ལས་ལྷག་པ་འདི། །
བོད་ཕྲུག་སྟོང་གི་བསྡུས་གཟུགས་རེད། །
བྱ་ཁྱུང་བྲག་ན་བླ་མ་བཞུགས། །
དེ་ལ་འབྲེལ་བའི་ལས་ཤིག་བདོག །
དགེ་རྒན་དགེ་ཕྲུག་ཆགས་པ་དེ། །
བན་ཆུང་སྟོང་གི་བསྡུས་གཟུགས་རེད། །
ཤར་ཕྱོགས་ཁུག་རྟའི་གླེང་རྙོག་དེ་ཚོ་བཀླགས་པ།
སྲོང་བཙན་བུ།
“ཕར་རྒྱུགས། གཞུང་གི་སྒྲིག་འཛུགས་ཀྱི་ལས་དོན་ཚང་མ་ང་རང་གིས་ཐག་གཅོད་བྱེད་ཀྱི་རེད།”འདི་ཤར་ཕྱོགས་ཁུག་རྟས་བཀའ་བློན་ཁྲི་པ་མཆོག་གི་སྒེར་དྲུང་བརྒྱུད་གསལ་བཤད་གོ་སྐབས་ཐེངས་ ༡༤ བྱས་པར་གྲུབ་འབྲས་མ་སོན་པའི་རྗེས་ལ། སྟབས་འཁེལ་གྱིས་འཁྱུག་ཙམ་ངོ་འཕྲད་སྐབས་བཀའ་ཁྲིརགསལ་བཤད་བྱས་པའི་ལན་ལ་ཕྱིར་རག་པའི་བཀའ་ལན་རེད། ཤར་ཕྱོགས་ཁུག་རྟས་རྩོམ་ཡིག་དངོས་གཞི་དབྱིན་ཡིག་ནང་བསྒྱུར་ནས་ཕུལ་ཞིང་། ངག་ཐོག་གི་འགྲེལ་བཤད་བོད་སྐད་ཀྱིས་ཞུས་པའི་ལན་ནི། བཀའ་ཁྲི་མཆོག་གིས་”ཕར་རྒྱུགས། གཞུང་གི་སྒྲིག་འཛུགས་ཀྱི་ལས་དོན་ཚང་མ་ང་རང་གིས་ཐག་གཅོད་བྱེད་ཀྱི་རེད།”ཅེས་བོད་སྐད་ཀྱིས་བཀའ་ཕེབས་པ་འདི་རེད། འདི་ལ་བོད་པ་གཞོན་སྐྱེས་གཉིས་ཀྱི་མཇལ་མོལ་རྣམ་པ་ཞིག་འདུག་ཀྱང་། “ཞུ་ན་ཞུ་ས་ཡོད་པའི་བཀའ་ཤག་ཡིན”ཞེས་བཀའ་ཁྲིས་གསུང་མྱོང་བ་དེར་ཕྱིར་དྲན་རེ་བྱས་ན། མཇལ་མོལ་དེར་བྲོ་བ་དེ་ཙམ་མེད་པའི་ཚོར་སྣང་སྟེར་བ་ཞིག་རེད།
དུས་དབང་ལ་ཕེབས་མཁན་ཚོས་རྒྱ་བལ་ས་མཚམས་ནས་དཀའ་སྡུག་མྱོང་བཞིན་པ།
རྐྱང་ཕྲུག
གནས་ཚུལ་ལ་རྒྱུས་ལོན་བྱས་ན། ད་རེས་འདི་ལོའི་དུས་དབང་ལ་ཕེབས་མཁན་རྣམས་གཅིག་རྗེས་གཉིས་མཐུད་དུ་བོད་ནས་དོན་གཉེར་ཆེན་པོས་༧གོང་ས་༧སྐྱབས་མགོན་རིན་པོ་ཆེ་མཇལ་ཆེད་དང་། དུས་འཁོར་དབང་ཆེན་ཞུ་བར་འབྱོར་བཞིན་པ་རེད། ཁོང་རྣམ་པའི་དཀའ་ངལ་ཆེ་ཤོས་ནི་བལ་ཡུལ་ནས་བལ་རྒོལ་རྒྱ་གར་ལ་བརྗེས་རྒྱུ་མ་རགས་པར་དཀའ་ངལ་མྱོང་བཞིན་འདུག གལ་དེ་བརྗེས་རྒྱུ་རགས་ཀྱང་བརྗེས་གླ་སྤྲད་དགོས་ཤིང་།
དེ་ལས་མང་བ་། “དུས་དབང་ལ་ཕེབས་མཁན་ཚོས་རྒྱ་བལ་ས་མཚམས་ནས་དཀའ་སྡུག་མྱོང་བཞིན་པ།” »