(སེམས་ཀྱི་སྨོན་ལམ་ཞེས་པའི་གླུ་འགྲོས་ལས་ཕ་ཡུལ་བསམ་པ།)
གཡུ་དྲུག་དཀར། རྡ་ས།
ད་ནི་སླར་ཡང་སྟོན་མགོ་ཞིག་ཚུགས་སོང་པས། ས་གཞི་སྐྱ་ཐག་ཐག་དང་རླུང་བུ་གྲང་ཤུར་ཤུར་དུ་གཡུག་པས་ཡིན་ནམ། ང་ཡི་མི་རིགས། ང་ཡི་ཕ་ཡུལ། ཁྱོད་ལ་ཉན་པའི་རྣ་བ། སྨུག་ལོང་འཐིབས་པའི་ལུང་བ་ཆ་གཅིག་ཏུ་འདུག་གོ། ཁྱོད་ལ་གཏད་པའི་སེམས་པ། གྲགས་མེད་འགུལ་མེད་དུ་བསྡད་དེ། ཧ་ཅང་ངུ་སྙིང་འདོད་དོ།།
མྱེ་ལྕེ་འདི་དང་འདིའི་མཇུག་འབྲས།
ཁ་བ་སྐམ་པོ།
བརྗེད་དཀའ་བའི་ཉིས་སྟོང་བཅུ་གཅིག་ལོ་འདི་ནི་ང་ཚོ་བོད་མི་སྤྱི་བོ་གནམ་བསྟན་ཡོངས་ཀྱིས་ཨམ་གཙིགས་སྡོམ་གྱིན་པའི་ལོ་ཞིག་ཡིན་སོང་ལ། ལྷག་པར་བོད་ནང་གི་རྒྱལ་གཅེས་བ་ཚོས་རང་ལུས་མཆོད་མྱེ་རུ་ཕུལ་དང་འབུལ་བཞིན་པ་དང་། ད་དུང་འབུལ་འགྱུར་ཡིན་པ་གསལ་བོ་གསལ་རྐྱང་རང་རེད། འདི་ནི་བོད་མི་ཚོ་ཧ་ཅང་སྡུག་ཐུག་སོང་བ་དང་ཐབས་མེད་སོང་བ་ཡིན་ཏེ། རྒྱ་ནག་གི་བཙན་དབང་འོག་བཟོད་བསྲན་བྲལ་བས་འཚེ་མེད་མཐར་ཐུག་པའི་ལས་འགུལ་འདི་བརྩམ་དང་རྩོམ་གྱིན་པ་རེད། འདི་ནི་བསྐལ་བ་ལྔ་བཅུ་ང་དགུ་ལོར་བོད་ས་ཡོངས་རྫོགས་རྒྱ་ནག་གིས་བཙན་བཟུང་བྱས་ནས་རིམ་པའི་སྙིང་དང་འདྲ་བའི་བླ་ཆེན་དང་སྐྱེས་ཆེན་ཚོ་དངོས་ཤུགས་བརྒྱུད་གསུམ་ནས་གསོད་གཏུབ་འཛིན་གསུམ་བྱས་ནས་ང་ཚོར་བཞག་བའི་སོས་མེད་ཀྱི་རྨ་ཁ་ཞིག་ཡིན་སོང་བ་དེ་རེད།
ཚེ་སྲོག་ཅན་གྱི་སྒྲོན་མེ་དེ་དག་བོད་ཀྱི་རིག་གནས་ཤིག་རེད།
བོན་རྒྱ་བསྟན་འཛིན་རབ་རྒྱས།
༡ བར་ཐག་དེའང་སེམས་པ་སྐྱོ་བའི་སྣོན་མ་ཞིག་རེད།
ཁ་སང་རྔ་བ་ཀིརྟི་དགོན་པའི་གྲྭ་བློ་བཟང་སྐལ་བཟང་དང་བློ་བཟང་དཀོན་མཆོག་གཉིས་ཀྱིས་ཚེ་སྲོག་མཆོད་མེར་སྒྲོན་པའི་གནས་ཚུལ་དེ་ཐོན་རྗེས་སེམས་ལ་རང་བཞིན་གྱིས་བྲེལ་ཤ་ལངས་ཤིང་བཀྲ་བྷེ་དང་། བློ་བཟང་ཕུན་ཚོགས། ཚེ་དབང་ནོར་བུ་བཅས་པ་དུས་གཅིག་ཏུ་མིག་མདུན་ལ་བཅར་ཡོང་བའི་སྣང་བ་ཞིག་ཤར་ཞིང་། གནས་གཅིག་ཏུའང་སྡོད་མི་ཚུགས་པར་ལས་ཁུངས་ནང་ནས་ཡར་འགྲོ་མར་འགྲོ་བྱེད་དགོས་པའི་ཚོད་ལ་གྱུར། དགོང་མོར་མེག་ལོར་ན་མར་མེ་ཁྲོམ་སྐོར་བྱེད་ཀྱིན་ཡོད་པ་གོ་བས་དེ་ལ་ཆེད་སྐྱོད་བྱས། སྐབས་དེར་གསར་འགོད་པ་ཞིག་གིས་བདག་ལ་དེའི་ཐད་བཅར་འདྲི་བྱས་ཤིང་། གནས་ཚུལ་དང་གནས་ལུགས་ལ་བསམ་ཞིང་བསམ་ཞིང་སྐད་ཆ་བཤད་དུས་གློ་སྙིང་མཆིན་གསུམ་དུས་གཅིག་ཏུ་ཡར་ལངས་ཏེ་ངག་གིས་ཀྱང་ཇི་བཞིན་མི་འཁྲོལ་བའི་གནས་སུ་གྱུར།
དེ་ལས་མང་བ་། “ཚེ་སྲོག་ཅན་གྱི་སྒྲོན་མེ་དེ་དག་བོད་ཀྱི་རིག་གནས་ཤིག་རེད།” »
རང་གིས་རང་ཉིད་བསད་པ།
ལོ་ལོན་བསམ་ཤེས།
འདིར་མང་པོ་ཞིག་འབྲི་འདོད་མེད། འབྲི་དགོས་དོན་ཡང་མི་འདུག ཡིན་ན་ཡང་ཚིག་ཉུང་ལ་དོན་བསྡུས་པ་ཞིག་བཤད་ན། བློ་བཟང་སེང་གེ་དང་ཤར་ཕྱོགས་ཁུག་རྟའི་གནད་དོན་དེ་ཨ་མདོ་བ་ཚོས་གཅིག་རྒྱབ་གཅིག་ལངས་བྱས་ནས་དོན་ངོ་མ་ལ་རྫུན་མས་རྒྱས་འདེབས་པ་དང་། དོན་ཆུང་ཆུང་ནས་ཤིན་ཏུ་ཆེན་པོ་ཞིག་བཟོ་བཞིན་འདུག་ཟེར་བ་འདི་ཙམ་ཡིན། ཆབ་བྲག་ལྷ་མ ོ་སྐྱབས་དང་དགེ་འདུན་རབ་གསལ་སོགས་རིག་པ་གྲུང་ལ་ཤེས་ཡོན་ལྡན་པ།
བཀུར་འོས་སྐུ་ཤོ་དཔལ་ལྡན་རྒྱ་མཚོ་མཆོག་ས་གནས་སྦོས྄་ཊོན་དུ་ཕེབས་པ༎
བྱང་ཨ་རིའི་ས་གནས་སྦོས྄་ཊོན་དུ་རྒྱལ་གཅེས་ལྷག་བསམ་ལྡན་པའི་གཞོན་སྐྱེས་ཁ་ཤས་ཤིག་གིས་ཕྱི་ལོ་ ༢༠༠༨ ཟླ་བ་ ༣ ཚེས་པ་ ༡༠ ནས་བཟུང་ད་བར་༧སྐུའི་བླ་གཟའ་རེ་གཟའ་ལྷག་པ་གང་ཡིན་ལ་ཆར་རླུང་ཚྭ་གྲང་གངས་ཚུབ་གང་ཅིར་འཛེམས་མེད་དང་ཆབ་སྲིད་ཀྱི་ལངས་ཕྱོགས་རིགས་མེད་ཐོག་འདི་ག་ས་གནས་སྦོས྄་ཊོན་དུ་ཧར་ཝཊ་(Harvard Square) འཛོམ་ར་ཆེན་མོར་དགོང་དྲོའེ་ཆུ་ཚོད་ ༦ ནས་ ༨ བར་བོད་ཀྱི་རྩ་དོན་དང་བོད་ནང་གི་གནས་སྟངས་རྒྱ་དམར་གཞུང་ནས་བོད་ཐོག་འཛིན་བཞིན་པའི་སྲིད་བྱུས་སོགས་ཡུལ་བསྐོར་སྤྲོ་འཆམས་པ་རྣམས་དང་ལྷག་པར་དུ་ཧར་ཝཊ་གཙུག་ལག་སློབ་གྲྭའི་སློབ་ཕྲུག་རྣམས་ལ་གོ་རྟོགས་སྤེལ་རྒྱུའི་ཡིག་ཆ་སྒྲེམས་སྤེལ་དང་ཆབས་གཅིག་༧རྒྱལ་བའི་ཞབས་བརྟེན་མཎི་ཡིག་དྲུག་སྒྲོལ་མའི་གཟུང་སྔགས་སོགས་འུར་འདོན་གྱི་ལས་འགུལ་བརྩམ་དང་རྩོམ་བཞིན་པར་ཁེ་སང་རེ་གཟའ་ལྷག་པ་ཕྱི་ཚེས་ ༢༦ ལྷག་དཀར་གྱི་དགོངས་དྲོ་ཆུ་ཚོད་ ༧ ཐོག་རྒྱ་དམར་གྱི་བཙོན་འོག་ཏུ་མི་ལོ་ ༣༣ ཧྲིལ་པོ་བཞུགས་པའི་རྒྱས་གཅེས་དཔའ་སྐུ་ཤོ་དཔལ་ལྡན་རྒྱ་མཚོ་མཆོག་ཕྱིབས་འགྱུར་སྐྱངས་ཏེ་མང་ཚོགས་ལ་དེང་སྐབས་བོད་ནང་གི་གནས་སྟངས་ཛ་དྲག་ཅན་གྱི་སྐོར་དང་དེའི་ཐོག་རང་དབང་ལུང་པར་ཡོད་པའི་བོད་མི་རྣམས་ནས་བྱེད་སྒོ་རྣམ་གསུམ་གྱི་ལྨ་སྟོན་བཀའ་སློབ་ཟབ་ཞིང་རྒྱས་གནང་བར་སེ་ཡོད་བོད་མི་གཞོན་སྐྱེས་རྣམས་དང་ལྷག་པར་ཕྱི་རྒྱལ་རྒྱབ་སྐྱོར་བ་ཚོར་སེམས་ཤུགས་འཕར་མ་སྐྱེད་རྒྱུར་ཕན་ཐོགས་ཆེན་པོ་བྱུང་སོང་། ལས་འགུལ་གྱི་མཐའ་མར་མི་དམངས་ལལྔ་གླུ་བདེན་ཚིག་སྨོན་ལམ་བོད་རྒྱལ་ཁབ་ཆེན་མོའི་རྒྱལ་གླུ་འབུལ་གནང་མཛད་རྗེས་སྐུ་ཤོ་དཔལ་ལྡན་རྒྱ་མཚོ་མཆོག་ལ་ལས་འགུལ་གོ་སྒྲིགས་ཚོགས་ཆུང་ནས་མགུལ་དར་དང་ལག་བྲིས་རི་མོ་ཞིག་ཀྱང་འབུལ་གནང་མཛད་སོང་། དེ་རྗེས་སྦོས྄་ཊོན་བོད་རིགས་སྤྱི་མཐུན་ཚོགས་པའི་རིག་གཞུང་འགན་འཛིན་བྱང་ཆུབ་སྦྱིན་པ་ལགས་ནས་ཚོགས་པའི་ཚབ་ཞུས་ཏེ་མགུལ་དར་ཞིག་ཀྱང་ཕུལ་སོང་བས་གནས་བསྡུས་ཤིག་ཕུལ། །
སྙིང་སྟོབས།
ནམ་མཁའ་ནས།
མཚོན་གྱིས་བསྣུན་ལ་མི་འཇིགས་སྙིང་སྟོབས་ཀྱིས།།
གཞན་སྡུག་རང་གིས་ལེན་པའི་སེམས་བསྐྱེད་སྟེ།།
ལུས་སེམས་འབྲེལ་ཐག་ཆད་ལ་མི་སྐྲག་པའི།།
རྒྱལ་གཅེས་དཔའ་བོ་རྣམས་ལ་སྙིང་ནས་འདུད།།
རྩོམ་སྐུལ་གསལ་བསྒྲགས།
༄༅། །མཁྱེན་དཔྱོད་ཡངས་པའི་རྒྱ་ཆེའི་སྨྱུག་ཐོགས་པ་རྣམ་པའི་སྙན་ལམ་དུ་ཆེད་གསོལ།
འདི་གར༼གསེར་གྱི་གཟེངས་རྟགས༽དུས་དེབ་རྩོམ་སྒྲིག་ཁང་ནས། ༸གོང་ས་༸སྐྱབས་མགོན་ཕྱག་ན་པདྨོ་༸རྒྱལ་དབང་ཐམས་ཅད་མཁྱེན་པའི་ཞལ་སྔ་ནས་ཀྱིས། ཉེ་ཆར་བོད་ཀྱི་ཆབ་སྲིད་ཀྱི་དབུ་ཁྲིད་ལས་བགྲེས་ཡོལ་ཕེབས་གནང་མཛད་པ་དང་། དེ་བཞིན་གནམ་བསྐོས་དགའ་བ་བརྒྱ་ལྡན་ཕོ་བྲང་བ་ཆེན་པོའི་མཚན་གནས་ཕྱིར་བསྡུ་དང་། ཆོས་སྡེ་དང་སློབ་གྲྭ་ཁག་སོགས་སུ་རིགས་གཅིག་རྐང་འཛིན་གྱི་ཆེད་ལས་པ་ཐོན་ཐབས། ཚན་ཆོས་ཟུང་འབྲེལ་གྱིས་རྒྱལ་བསྟན་འཛིན་ཐབས། ༸གོང་ས་མཆོག་གི་བྱམས་བརྩེ་དང་། རྒྱ་གཞུང་གིས་འཁྱོག་བཤད། ༸གོང་ས་མཆོག་གིས་ཞི་བདེའི་ལམ་སྟོན་དང་། རྒྱལ་སྤྱིའི་དགོས་མཁོ། ༸གོང་ས་མཆོག་དང་།གཞིས་ལུས་རྒྱ་ཆེའི་མི་མང་དབར་གྱི་དམ་ཚིག་སོགས་སོ་སྐྱེས་བློ་ཡུལ་ལས་འགོངས་པའི་མཛད་བཞེད་ཁག་གཞིར་བཟུང་ནས་དཔྱད་རྩོམ་དང་། བརྗོད་དོན་དེ་མཚུངས་རྒྱལ་ཕྱི་ནང་གི་རྩོམ་ཡིག་གྲགས་ཅན་བསྒྱུར་རྩོམ། བསྟོད་རྩོམ། དེ་བཞིན་༸རྒྱལ་དབང་སྐུ་ཕྲེང་རིམ་བྱོན་དང་འབྲེལ་བའི་ཆེད་རྩོམ་རྒྱལ་བ་དགྱེས་པའི་མཆོད་སྤྲིན་དུ་འགྱུར་ངེས་དག་མྱུར་མགྱོགས་ངང་ཕྱིཟླ་༡༢ པའི་ཚེས་ཤར་ཚུན་འགྱངས་མེད་གནང་སྐྱོང་ཡོང་བའི་སྐྱབས་འཇུག་ཞུ་རྒྱུ་དང་། དེ་ཡང་རྩོམ་ཡིག་དང་འབྲེལ་ནས་རྩོམ་པ་པོ་སོ་སོའི་ལོ་རྒྱུས་ཉུང་ངུ་རེ་དང་། སྐུ་པར། ཁ་པར་གྱི་ཨང་གྲངས་བཅས་བསྐུར་རོགས།
རྩོམ་ཡིག་གི་མ་ཕྱི་རང་གིས་ཉར་ཚགས་གནང་དགོས་པ་ལས་རྩོམ་སྒྲིག་ཁང་ནས་ཕྱིར་འབུལ་རྒྱུ་མིན་པས་ཐུགས་ལ་འཛིན་པར་ཞུ།