(དགེ་རྒན་དམ་པ་ལྷ་ལུང་རྒྱལ་ལ།)
རྩོམ་པ་པོ། མིག་གསུམ་པ།
བདག་གིས་མཐོ་སློབ་ཀྱི་སྒོ་ཐེམ་བཅར་སྐབས་ཞིག་ལ་ཞི་དལ་ཉམས་ཆུང་གི་དགེ་རྒན་བཀའ་དྲིན་ཅན་དེར་ཐ་སྙད་དང་ལོ་རྒྱུས་རིག་གནས་ཀྱི་འབྲེལ་ཞིག་འཇོག་པར་བགྱིས། དགེ་རྒན་དེ་ལ་གཞན་དང་བསྒྲུན་དུ་མེད་པའི་སྨྲ་ལྕེ་ཡི་རྣོ་དབལ་ལྡན་པར་མ་ཟད། བསམ་གཞིགས་ཀྱི་སྒོ་འཕར་ཡངས་པོར་མངའ་བའི་བཀའ་དྲིན་བསྐྱར་དྲན་གྱི་ཤེས་རིག་གི་སྒྲོན་མེ་ཞིག་ཡིན། དུས་དེ་ནས་བཟུང་ལོ་ངོ་ཁ་ཤས་རིང་སེམས་པ་དང་སེམས་པ་གཅིག་ཏུ་འདྲེས་ནས་ཤེས་བྱའི་”ནང་ནོམ”ལ་རོལ་བའི་སྐལ་བ་བླ་ལྷག་ཏུ་ཐོབ་མོད། རང་ཉིད་ལེ་ལོ་དང་ཟང་ཟིང་གི་འདུ་འཛིའི་བྲན་དུ་གྱུར་ཏེ་ཆེས་གཏིང་ཟབ་ཀྱི་བསམ་བློའི་ཁ་ཕྱོགས་དེ་འཚོལ་སྒྲུབ་བྱེད་ཐུབ་མ་སོང་།