ཁ་བརྡ།

ཁ་བརྡ།

Archive for October 21st, 2011


ལི་རྦུ་ཡའི་མི་དམངས་དུས་རབས་གསར་བ་ལ་སྐྱོད་པ།

demonstration-solidarity-libyan-people-tunis_599842
རྨ་མགུར་སངས་རྒྱམ།

ཉེས་ཅན་ཀྱི་གཏེ་བོ་རྒ་སྒྲ་ཧྤེ་བསད་པའི་རྗེས་སུ་ལི་རྦུ་ཡའི་གཞུང་གསར་བས་མ་འོངས་བར་ཁྲིམས་ཀྱི་དབང་བསྒྱུར་བྱེད་པའི་ལམ་ལུགས་ཤིག་གསར་དུ་གཏོད་ངེས་རེད། ལི་རྦུ་ཡའི་ཐོག་ཏུ་རྒ་སྒྲ་ཧྤེའི་ལོ་ངོ་༤༢་རིང་གི་དབང་བསྒྱུར་ནི་དེ་རིང་མཇུག་རྫོགས་པ་འདིས་འགྲོ་བ་མིའི་ཐོབ་ཐང་གི་ལོག་སྤྱོད་ཀྱི་དམིགས་བསལ་ལྡན་པའི་ཡུན་རིང་གི་དུས་རབས་མཇུག་རྫོགས་ནས་རྒྱལ་ཁབ་འདིར་ཐུན་མོང་གི་གོ་སྐབས་གསར་བ་ཞིག་འཆར་བ་རེད། རྒ་སྒྲ་ཧྥེའི་གདུག་རྩུབ་ཀྱི་དབང་བསྒྱུར་མཇུག་རྫོགས་པ་དང་མཉམ་དུ་ལི་རྦུ་ཡའི་མི་དམངས་ཀྱིས་ད་ལྟ་ཁོའི་དབང་བསྒྱུར་ཀྱི་ཐོག་ཏུ་ནག་ཉེས་བསགས་པའི་མི་ངན་དེ་ཚོ་ལ་འོས་ཤིང་འཚམས་པ་དང་དྲང་བདེན་གྱི་ཁྲིམས་གཅོད་ནན་མོ་ཞིག་ཡོང་བར་རེ་སྒུག་བྱེད་བཞིན་པ་དང། Read the rest of this entry »

བོད་རིགས་སྤུན་ཟླའི་རང་ལུས་མེར་བསྲེག་འདི་ཡང་རྒྱ་གུང་ཁྲན་གྱི་སྡིག་ཉེས་རེད།

རྩོམ་པ་པོ་ཧྥེས་ལན་ཡུང་།
སྒྱུར་མཁན་ནགས་ཤོད་སད་མི།

ང་ཚོ་ཧང་སང་བཞིན་གོ་ཡོང་བ་ནི། ཕྱི་ལོ ༢༠༡༡ ལོའི་ཟླ་བ ༡༠ པའི་ཚེས ༡༧ ཉིན། རང་ལོ་ཉི་ཤུ་ལས་མེད་པའི་སི་ཁྲོན་རྔ་པ་ཁུལ་མ་མོས་བཙུན་དགོན་གྱི་ཨ་ནེ་བསྟན་འཛིན་དབང་མོ་ལགས་ཀྱིས་རྒྱ་གུང་ཁྲན་པའི་གདུག་རྩུབ་སྲིད་དབང་ལ་རྒོལ་ལན་བསློག་ཆེད། རང་ལུས་མཆོད་མེར་བསྒྲོན་ནས་བུད་སོང་། འདི་ནི་ཕྱི་ལོ ༢༠༠༩ ལོའི་མེར་བསྲེག་དོན་རྐྱེན་ནས་བརྩིས་པའི་བོད་རིགས་སེར་མོ་བའི་ཚེ་སྲོག་གིས་རྒྱ་ནག་གུང་ཁྲན་ལ་ངོ་རྒོལ་བགྱིས་པའི་དོན་རྐྱེན་ཐེངས་བཅུ་པ་དེ་རེད། ཡིད་སྐྱོ་ཞིང་རྔམ་བརྗིད་ལྡན་པ་དང་དཀའ་སྡུག་གིས་བརྩེགས་པའི་བོད་རིགས་སྤུན་ཟླའི་བློ་སེམས་འདིས། གནམ་འོག་གི་མི་ཡོད་དོ་ཅོག་ལ་སྐྱོ་བ་དང་གདུང་སེམས་ཞིག་སྐྱེ་རུ་བཅུག་ལ། མི་ཚོར་དེ་དང་མཉམ་དུ་རྒྱ་ནག་གི་གཅིག་སྡུད་ཚོགས་པར་ཁོང་ཁྲོ་ཡང་ལངས་སུ་བཅུག Read the rest of this entry »

ཕེབསརོགས་ཞུ། (བོད་འབྱོར་)

ཞོགས་སྤྲིན།

ས་མཐའ་རབ་འབྱམས་སུ་གསལ་བའི་ཁྲི་གདུགས་ཁྱེད།།
དྲོལ་ཁོལ་བོད་ཡུལ་ལ་བཞག་པའི་སྤྲོ་སྣང་འདི།།
དངོས་སུ་ནམ་འཆར་གྱི་རེ་བའི་སྐྱོ་གདུང་འདི།།
དྲི་མེད་མཁའ་དབྱིངས་སུ་འཆར་ཏེ་གདུང་བ་སོལ།།

ངེས་མེད་ཕྱག་སྤལ་ན་གནས་བའི་ཆུ་ཤེལ་ཁྱེད།།
དྲི་མེད་ནག་ནོག་གིས་བྲལ་ཏེ་ཡར་ངོའི་ལམ།།
ཉེར་གཅིག་དུས་རབས་ལ་བསྟུན་ན་གསལ་བ་ལ།།
སྔོན་གྱི་དབྱངས་རྟ་དང་འགྲོགས་ནས་ཤར་བར་ཤོག།། Read the rest of this entry »

སློབ་དཔོན་འཇིགས་མེད་བློ་གྲོས་ལ་བཀའ་འདྲི་ཞིག

སྤོབས་པ་མཐའ་ཡས།
ཁ་སང་དྲ་དེབ་འདིའི་སྟེང་དུ་སློབ་དཔོན་འཇིགས་མེད་བློ་གྲོས་ཀྱིས་སྤེལ་བའི་དུས་རབས་ཉེར་གཅིག་པའི་ཐེག་ཆེན་པ་ཞིག་གི་གཏམ་ཞེས་པའི་རྩོམ་ཡིག་དེ་ཞིབ་པར་ཐེང་གཅིག་བཀླགས། ནང་དོན་ཕལ་མོ་ཆེ་དུས་བབ་གནད་སྨིན་དང་སེམས་ལ་ཕན་པའི་ལེགས་བཤད་ཤ་སྟག་ཏུ་འཁུམས། ཡིན་ན་ཡང་གནད་དོན་གཅིག་ལ་དོག་པ་ཆེ་ཙམ་བྱུང་། དེ་ནི་སློབ་དཔོན་ཁོང་གིས་རྫོགས་ཆེན་དང་ཕྱག་ཆེན་ལས་ཀྱང་སྙིང་རྗེ་བྱང་ཆུབ་ཀྱི་སེམས་གལ་ཆེ་ཚུལ་རྩལ་དུ་བཏོན་ནས་གསུངས་སྟངས་འདི་རེད། Read the rest of this entry »