གཡུ་དྲུག་དཀར། རྡ་ས།
འདི་དང་གན་ཞེས་གླེང་གླེང་བའི་རྔ་བ། དོན་ངོ་མར་ཁྱོད་ཀྱི་ས་ནག་པོའི་ཐོག་ན། རི་མཐོན་པོའི་རྩེ་རུ། ཆུ་གཙང་བོའི་གཞུང་དུ། ཤ་རུས་པའི་གསེང་ན་ཅི་ཞིག་གི་གཏེར་རི་མཐོན་པོ་ཞིག་གི་འགྲེང་གཟུགས་མཐོ་རུ་འཕར་ཡོད་ཨང་། དུས་ད་ལྟ་སྙིང་སྟོབས་ཀྱིས་འབར་གྱིན་རང་ལུས་སྲེག་པར་ཐོགས་པ་མི་མངའ་ཞིང་། མེ་དཔུང་ལིང་ལིང་པའི་ཁྲོད་དུ་རང་སྲོག་འདོར་བར་ཐེ་མི་ཚོམ་པའི་མི་བུ་ཆུང་ཆུང་ཚོའི་དཔའ་གདེང་གིས་ནི། གནའ་སྔ་མོའི་ངའི་སེམས་ནང་གི་རྔ་བའང་མེ་རུ་བཏབས་སོང་།
སེམས་པ་འཚིག་སོང་། སྙིང་ན་ནས་ཤི་ས་རེད།
བོད། ལྷ་ཀླུ་གཉན་གསུམ།
ཉི་མ་འདི་དག གོ་ན་མི་འདོད་པའི་གཏམ་དག་ནི་མྱ་ངན་གྱི་རོལ་དབྱངས་ཤིག་རེད། དེ་ནི་བོད་ནས་མཆེད་དེ་འོང་བའི་གཅིག་རྗེས་གཅིག་མཐུད་དུ་འོང་བའི་མི་རིགས་ཤིག་གི་གསོན་གནས་ཆེད་དུ་འབར་བཞིན་པའི་དུས་རབས་ཉེར་གཅིག་པའི་ནང་གི་བོད་མི་རིགས་ཀྱི་ལོ་རྒྱུས་ཀྱི་ཀྱོག་མཚམས་གལ་ཆེན་ཞིག་གི་མེ་ལྕེ་དག་གཞོན་སྐྱེས་ཤ་སྟག་གི་ལུས་པོ་ནས་མཆེད་དེ་འོང་བའི་འཛམ་གླིང་ཟླུམ་པོ་འདིའི་སྟེང་གི་མི་སེམས་ཡོད་སུ་ཞིག་གི་གོ་ན་ཡིད་སྐྱོ་བའི་གནས་ཤིག་ལོས་ཡིན། ལྷག་དོན་དུ་བོད་ཀྱི་རིགས་སུ་སྐྱེ་བ་བླངས་པའི་བོད་མི་སྐྱ་སེར་སུ་ཞིག་གི་རྣ་བར་ཡིད་སྐྱོའི་གནས་ཚུལ་འདི་དག་གཅིག་རྗེས་གཉིས་མཐུད་དུ་སླེབས་དུས། ང་དང་འདྲ་བར་བསམ་རྒྱུ་དྲན་རྒྱུ་མེད་པར་གྱུར་ནས། ད་ནི་དུས་ཚོད་གང་ཞིག་ལ་སླེབས་ཡོད་དམ་སྙམ་ནས་རང་གིས་རང་ལ་དྲི་བ་འདོན་པའི་དུས་ཀྱང་ཤར་ངེས་ཡིན།
ཤོག་བུའི་སེང་གེ
འདྲེ་མགོ་རྡོ།
ལོ་ན་གཞོན་པའི་སྐུ་ཞབས་བློ་བཟང་སེང་གེས་རྩ་དོན་གསུམ་གྱི་དམ་བཅའ་འབུམ་བརྩེགས་སུ་བགྲང་ནས་དེ་རིང་གི་ཉིན་མོར་བསླེབས་པ་ན། རྒྱ་ནག་གི་ཨའོ་པཱ་མར་བོད་ནང་རང་ལུས་མེར་བསྲེགས་ཀྱིས་བདེན་དོན་ཆབ་སྲིད་ཀྱི་ཚོང་རྭ་ཆེན་པོ་ཞིག་བསྐྲུན་ཞིང་། བོད་མཐའ་མཚམས་མདོ་སྨད་རྔ་བའི་ཡུལ་གྲུ་ཀུན་ཏུ་སྐྱ་སེར་རིས་མེད་ཀྱིས་རང་ལུས་ནི་བོད་བསྟན་སྲིད་ཀྱི་ཆེད་དུ་བསྲེགས་ཆོག་ཆོག་ཡིན་པའི་རྒྱལ་སྲས་སེམས་དཔའི་སྙིང་སྟོབས་ལག་ཏུ་བླངས་པ་ན། འུ་ཅག་གི་ཤོག་བུའི་སེང་གེ་མཆོག་གིས་ལན་གཉིས་ལ་ཨིན་ཡིག་འཕྲིན་ཐུང་གཉིས་གྱ་ཚོམ་གྱིས་རྒྱལ་སྤྱིར་བསྒྲགས་ཤིང་། རང་གི་ཆབ་སྲིད་ཀྱི་ནང་ཁོག་རྣམས་ལས་སླ་བོའི་ངང་བློ་མཐུན་ཧུའུ་ཅིན་ཐའོ་འཁོར་དང་བཅས་པའི་མདུན་དུ་རིན་མེད་དུ་བཤམས།
མ་ཅིག་ལབ་ཀྱི་སྒྲོལ་མ
ཕུན་ཚོགས
༆།།མ་ཅིག་ལབ་ཀྱི་སྒྲོན་མ་ནི་སྤྱི་ལོའི་དུས་རབས་བཅུ་གཅིག་པའི་དུས་དཀྱིལ་ནས་དུས་རབས་བཅུ་གཉིས་པའི་དུས་དཀྱིལ་བར་ཙམ་དུ་འཚོ་ཞིང་བཞེས་པའི་བོད་རིགས་བུད་མེད་རིག་པའི་གནས་ཆེན་སྤྱི་དང་བྱེ་བྲག་ནང་དོན་རིག་པར་མཐར་ཕྱིན་པའི་ཤེས་རབ་ཅན་ཁྱད་དུ་འཕགས་པ་ཞིག་ཡིན།གང་དེ་སྐུ་བལྟམས་པའི་ལོ་ཚིགས་དང་སྐུ་བར་གཤེགས་པའི་པའི་ལོ་ཚིགས་ཐད་སྔོན་བྱོན་ལོ་རྒྱུས་སྨྲ་བ་དག་གི་བར་བཞེད་ཚུལ་མིན་བྱུང་ཡང་འདིར་གཙོ་མ་ཆེ།མ་གཅིག་ལབ་སྒྲོན་འདི་ཉིད་དགུང་ལོ་བཅུ་གསུམ་གྱི་དུས་སུ་ཡུམ་འདས་པ་དང་།དགུང་ལོ་བཅུ་དྲུག་གི་དུས་སུ་ཡབ་འདས་པ། དགུང་ལོ་ཉི་ཤུའི་དུས་སུ་ཨ་ལྕེ་སྟོན་མཚོ་རིན་ཆེན་འབུམ་ཡང་སྐུ་ཚེ་མ་ཟིན་པ་སོགས་གོད་ཆག་ཆེན་པོ་གཅིག་ཐོག་ཉིས་བརྩེགས་ཀྱིས་སྐུ་ངལ་ཧ་ཅང་ཆེན་པོ་བྱུང་ན་ཡང་།མ་གཅིག་གིས་ཡི་གེ་འབྲི་ཀློག་སོགས་རིག་གནས་ལ་སྦྱང་བརྩོན་མཛད་རྒྱུར་ཕྱིར་བཤོལ་ནེབ་ནུར་མཛད་མེད་ལ།ཐུགས་རྣོ་བ་དང་ཀློག་ལ་མཁས་པས་གཞོན་ནུ་མའི་དུས་སུ་གྲྭ་པ་མངོན་ཤེས་ཅན་ཞེས་བྱ་བའི་དྲུང་དུ་ཤེས་རབ་ཀྱི་ཕ་རོལ་དུ་ཕྱིན་པ་བརྒྱད་སྟོང་པ་ཀློག་མཁན་ཡུན་རིང་མཛད་ཅིང་།
དེ་རིང་ཨ་མདོ་རྔ་པ་ནས་བཙུན་མ་ཞིག་གིས་རང་ལུས་མེར་སྲེག་གིས་རྒྱ་གཞུང་ལ་ངོ་རྒོལ་བྱས་པའི་གནས་ཚུལ།
ཕྱི་ལོ་ ༢༠༡༡ ཟླ་ ༡༠ ཚེས་ ༡༧ ཉིན་གྱི་བོད་ནང་གི་ཉིན་གུང་རྒྱབ་ཀྱི་དུས་ཚོད་དང་པོ་ཡོལ་ཙམ་ལ་བོད་ཨ་མདོ་རྔ་པ་རྫོང་བྱ་སྐོར་མའི་ཉི་ཚེ་ཚང་གི་མ་མའི་བཙུན་དགོན་གྱི་བཙུན་མ་བསྟན་འཛིན་དབང་མོ། རང་ལོ་༢༠ ཡས་མས་ཤིག་དང་། ཕ་མིང་ལ་ཉི་ཚེ་ཡིན་པ་ཁོང་མོས་རྔ་པ་རྫོང་མཁར་དང་བར་ཐག་སྤྱི་ལེ་གསུམ་ཙམ་ཡོད་པའི་བཙུན་དགོན་གྱི་ཞོལ་གྱི་བསུ་མདོའི་ཟམ་ཁ་ནས་༸གོང་ས་མཆོག་བོད་ལ་གདན་འདྲེན་ཞུ་དགོས། བོད་ལ་ཆོས་དད་རང་དབང་དགོས་ཞེས་སྐད་འབོད་བྱེད་བཞིན་རང་ལུས་མེར་སྲེག་བཏང་ནས་རྒྱ་ནག་གཞུང་ལ་ངོ་རྒོལ་གནང་ཡོད་འདུག་ལ། ཁོང་མོ་དུས་ཡུན་སྐར་མ་བདུན་བརྒྱད་ཅིག་གི་རིང་གོམ་བགྲོད་བྱས་ནས་སོང་ཡོད་པ་དང་། ས་གནས་སུ་ཉེན་རྟོག་པ་སོགས་དུས་ལྟར་འབྱོར་མེད་སྟབས་ཁོང་མོའི་ཕུང་པོ་མ་མའི་བཙུན་དགོན་གྱི་བཙུན་མ་རྣམས་ཀྱིས་ཡར་ཁྱེར་ཡོད་འདུག གནས་ཚུལ་ཡོང་ཁུངས་ནས་བརྗོད་པ་ལྟར་ན། ཁོང་མོ་དུས་ཐོག་དེ་རང་ལ་གྲོངས་ཡོད་ཀྱང་། ཕུང་པོ་རྒྱ་གཞུང་ལ་སྤྲོད་ཀྱི་མིན་ཟེར་ནས་བཙུན་མ་ཚོས་སྲུང་བྱ་བྱས་ཡོད་ཀྱང་རྒྱ་གཞུང་ལ་བརྩིས་སྤྲོད་དགོས་པ་ལས་གལ་སྲིད་མ་སྤྲད་ན། དོ་དགོང་མཚན་རང་ལ་ས་འོག་ཏུ་སྦས་དགོས་ཚུལ་བརྗོད་ཀྱིན་ཡོད་འདུག་པས་རྗེས་ཀྱི་གནས་ཚུལ་ཤེས་རྟོགས་མ་ཐུབ། གནས་ཚུལ་དེ་བྱུང་ནས་ཅུང་མ་འགོར་བར་དམག་མི་དང་ཉེན་རྟོག་པ་སོགས་འབྱོར་ནས་མ་མའི་བཙུན་དགོན་དང་ས་གནས་ཀྱི་གྲོང་སྡེ་ཁག་ཡོངས་རྫོགས་བཀག་སྡོམ་ནན་མོ་བྱས་ཡོད་འདུག
ཨོ་སི་ཀྲི་ལེ་ཡར་གྲོང་ཁྱེར་མལ་སྦོན་དུ་བོད་དོན་ལས་འགུལ།
གནས་ཚུལ་མཁོ་གཏོང་བ་རིག་འཛིན། ཨོ་སི་ཀྲི་ལེ་ཡའི་གྲོང་ཁྱེར་མལ་སྦོན་ནང་གི་བོད་རིགས་ཚོགས་པའི་གོ་སྒྲིག་འོག་སྤྱི་ཚེས་༡༤དང་༡༥ཉིན་གྱི་དགོང་མོ་ཆུ་ཚོད་དྲུག་པ་ནས་ཆུ་ཚོད་བརྒྱད་པ་བར་གྲོང་ཁྱེར་མལ་སྦོན་གྱི་མི་མང་འདུས་འཛོམས་སྟེ་གནས་ཡོད་སར་མར་མེའི་ཁྲོམ་སྐོར་ཞིག་གནང་ཡོད། ས་གནས་བོད་རིགས་མི་མང་དང་བོད་དོན་རྒྱབ་སྐྱོར་བ་ཁྱོན་མི་གྲངས་བཞི་བཅུ་ལྷག་ཙམ་ཞིག་གིས་ལག་ཏུ་བོད་ཀྱི་རྒྱལ་དར་དང་འཕྲེད་འདྲ་མིན་བཟུང་སྟེ།དེ་བཞིན་ད་ལྟའི་བོད་ནང་གི་ཛ་དྲག་གི་གནས་སྟངས་ག་འདྲ་ཆགས་ཡོད་མེད་ཀྱི་ཡིག་ཆ་འགྲེམས་སྤེལ་གནང་ཡོད། འདི་ག་བོད་རིགས་ཚོགས་པའི་ལས་འགུལ་དེའི་དགོས་དམིགས་གཙོ་བོ་ནི་ཉེ་བའི་ཆར་བོད ་མི་རིགས་དང་བོད་རྒྱལ་ཁབ་ཆེད་དུ་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་མདོ་ཁམས་རྟའུ་ཉ་མཚོ་དགོན་གྱི་གྲྭ་ཚེ་དབང་ནོར་བུ་ལགས་དང་མདོ་སྨད་ཀི་རྟི་དགོན་གྱི་གྲྭ་ཕུན་ཚོགས་ལགས་སོགས་པའི་རྒྱལ་གཅེས་དཔའ་བོ་རྣམས་པ་དང་ཤུལ་ལུས་ཕ་མ་ཉི་དུ་བཅས་པར་གདུང་སེམས་མཉམ་བསྐྱེད་མཚོན་ཆེད་ཡིན་འདུག་ལགས། འཇུག་མཐར་ལས་འགུལ་བ་རྣམས་པས་མགྲིན་དབྱངས་གཅིག་ཏུ་ཚད་མེད་ཡོན་ཏན་དང་རྒྱལ་གཅེས་དཔའ་བོ་ཁོང་རྣམས་པའི་ཆེད་དུ་བསྔོ་སྨོན་གསོལ་འདེབས་བཅས་གནང་ཡོད།
བོད་མིའི་འབོད་སྒྲ་དང་། ངོ་གདོང་དྲ་ངོས་ཀྱི་མཆོད་མེ།
ལྡོང་གསེར་མིག རྒྱ་ནག་དམར་པོའི་ཁྲིམས་ཤེད་འོག་ཨ་མདོ་རྔ་བ་དང་ཁམས་རྟ་བོ་ཁུལ་གྱི་བོད་མིའི་གནས་སྟངས་ཉིན་རེ་བཞིན་སྔར་བས་ཇེ་སྡུག་ཏུ་འགྲོ་བཞིན་ཡོད་པས་ཁ་འཐོར་དུ་གནས་པའི་གཞིས་བྱེས་བོད་མི་རྣམས་ཀྱིས་གཙོས་བོད་རྒྱའི་ཐད་ཆབ་སྲིད་ལ་གོ་རྟོགས་ཡོད་པ་མང་པོ་ཞིག་གིས་རྒྱ་ནག་ལ་སྐྱོན་བརྗོད་དང་དམོད་མོ་བགྲང་བཞིན་ཡོད།ལྷག་པར་ཏུ་བསྟན་རྡོར་དང་། བཀྲས་མཐོང་ལྷ་སྒྲོན་སོགས་གཞོན་སྐྱེས་ཁག་ཅིག་གིས་རྒྱ་ནག་གི་མནར་གཅོད་དྲག་པོ་འཛམ་གླིང་མི་མང་གི་མདུན་སྟེགས་སུ་བཤམས་ཏེ་རྒྱ་ནག་གི་ནང་རོ་དམར་པོ་ཕྱི་ལ་སྟོན་ཇི་ཐུབ་བྱས་པ་དང་བྱེད་བཞིན་པ་རེད། ཁོང་ཚོས་བཤད་ན་སྤྱི་ཟླ་༡༡ ཚེས་ ༢ ཉིན་འཛམ་གླིང་གང་སར་གནས་པའི་བོད་མི་ཚོས་བོད་དོན་ཆེད་ཡར་ལངས་བྱེད་རོགས་ཞེས་འབོད་བསྐུལ་བྱས་སོང་།ད་ལྟའི་སྐད་འབོད་ནི་ཆེས་འུ་ཐུག་པའི་སྐབས་ཀྱི་གནས་སྟངས་སམ་ཛ་དྲག་གི་གནས་བབ་དེ་ཁྲོམ་དང་མི་མང་འདུ་སར་དཔའ་བོ་རྣམས་ལ་གདུང་སེམས་བསྐྱེད་མཚོན་པའི་ཐབས་ལམ་ཞིག་རེད།དེ་བཞིན་ད་ལྟའི་ཆར་ངོ་གདོང་དྲ་བ་(Facebook)ནི་དེ་བས་ཀྱང་མི་མང་ལ་ཁྱབ་བསྒྲགས་བྱེད་ཐབས་ཡག་ཤོས་དེ་ཡིན་པས་ངོ་གདོང་དྲ་ངོས་ཀྱི་བོད་མི་ཡོངས་རྫོགས་ཀྱིས་བོད་ཀྱི་རྒྱལ་གཅེས་དཔའ་བོ་དང་དཔའ་མོ་རྣམས་ལ་གདུང་སེམས་བསྐྱེད་ཆེད་མ་མཐའ་ཟླ་གཅིག་ཙམ་ལ་གོང་གསལ་མཆོད་མེའི་པར་དེ་བཞག་ན་ག་འདྲ་འདུག