གནས་ཚུལ་མཁོ་སྤྲོད་པ། སྦྲ་རིགས་ཐོགས་མེད།
དེ་རིང་ཞོགས་པའི(༢༠༡༡, ༡༠, ༠༩)ཆུ་ཚོད་བཅུ་བ་ཡོལ་ཙམ་གྱི་ཐོག་ཏུ་ལྡི་ལི་རོ་ཧི་ནི་ས་གནས་མཐོ་སློབ་བོད་ཀྱི་གཞོན་ནུ་ཚོགས་པའི་གོ་སྒྲིག་དང་སྣེ་ཁྲིད་འོག་ལྡི་ལིའི་མཐོ་སློབ་ཁག་འདྲ་མིན་ནང་སློབ་གཉེར་གནང་བཞིན་པའི་མཐོ་རིམ་སློབ་ཕྲུག་བཅུ་གསུམ་(བུ་མོ་བདུན་དང་བུ་དྲུག)གྱིས་བོད་ཀྱི་རྒྱ་དར་དང་། “རང་ལུས་མེ་རུ་བསྲེག་པ། རང་དབང་གི་འབོད་སྒྲ་ཡིན།” སོགས་འབོད་ཚིག་འདྲ་མིན་ཕྱར་ནས་རྒྱལ་ཁབ་ཕྱི་ནང་གི་གསར་འགོད་པ་ལྔ་བཅུ་ལྷག་གི་མདུན་སར་ལྡི་ལིར་ཡོད་པའི་རྒྱ་ནག་གཞུང་ཚབ་ཁང་ལ་ཕར་རྒོལ་དྲག་པོ་བྱས་པ་མ་ཟད།དབྱིན་བོད་ཧིན་གསུམ་གྱི་ཐོག་ནས་གསར་འགོད་པའི་དྲི་བར་ལན་འདེབས་དང་རྒྱལ་སྤྱིའི་སྤྱི་ཚོགས་ཀྱིས་རྒྱ་ནག་ལ་མགྱོགས་མྱུར་གནོན་ཤུགས་སྤྲོད་དགོས་པའི་འབོད་སྐུལ་བཅས་གནང་སོང་།
དེ་ལས་མང་བ་། “ལྡི་ལི་མཐོ་རིམ་སློབ་མ་ཚོས་རྒྱ་ནག་གི་གཞུང་ཚབ་ཁང་ལ་ཕར་རྒོལ་བྱས་པ།” »